
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒥᐊᓗᔅᓯᒪᖏᓂᕐᒧᑦ ᐊᒻᒪ ᐊᑐᕆᐊᒥ ᐊᑦᑕᓇᖏᑎᑦᑎᓂᕐᒧᑦ ᓄᖅᑲᑎᑦᑎᖃᑦᑕᖅᑐᑦ ᖃᐅᔨᓴᖅᑐᑎ ᖃᓄᐃᓐᓂᕆᔭᖏᑦ
ᑎᓯᐱᕆ 11, 2024 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᐃᑦ ᒪᓕᒐᕋᓛᓕᕆᔨᒃᑯᑦ ᑭᒃᑯᑐᐃᓐᓇᕐᓂᑦ ᐃᒥᐊᓗᔅᓯᒪᖏᓂᕐᒧᑦ ᐊᒻᒪ ᐊᑐᕆᐊᒥ ᐊᑦᑕᓇᖏᑎᑦᑎᓂᕐᒧᑦ ᓄᖅᑲᑎᑦᑎᖃᑦᑕᓚᐅᖅᑐᑦ ᖃᐅᔨᓴᖅᑐᑎ, ᐃᓚᒋᓪᓗᒋᑦ ᐃᖏᕋᔪᑦ ᖃᐅᔨᓴᖅᑐᑦ, ᓄᓇᓕᐸᐅᔭᓕᒫᒥᑦ ᐱᓇᓱᐊᕈᓯᐅᑉ ᓄᙳᐊᓂ ᑎᓯᐱᕆ 6 ᐊᒻᒪ 7, 2024. ᐊᒥᓲᓂᖅᓴᐃᑦ ᓄᓇᓯᐅᑏᑦ ᖃᐅᔨᒋᐊᖅᑕᐅᔪᑦ ᒪᓕᓐᓂᖃᓚᐅᖅᑐᑦ, ᐊᖁᑏᑦ ᐱᓯᒪᑦᑎᓪᓗᑎ ᐱᑕᖃᕆᐊᖃᖅᑐᓕᒫᓂᑦ ᑎᑎᕋᖅᓯᒪᔪᓂᑦ ᐊᒻᒪ ᐊᐅᓚᑦᑎᓪᓗᑎ ᓄᓇᓯᐅᑎᖏᓐᓂ ᐃᒥᐊᓗᔅᓯᒪᓐᓇᑎ. ᑭᓯᐊᓂᓕ, ᒪᓕᒐᕋᓛᓕᕆᔩᑦ ᖃᐅᔨᓚᐅᖅᑐᑦ ᑕᒪᒃᑭ ᐊᖁᑏᑦ ᐊᒻᒪ ᐃᑭᒪᔪᑦ ᐊᑐᖃᑦᑕᓚᐅᖏᑦᑐᑦ ᐃᔅᓯᕙᐅᑕᖏᓐᓄ ᕿᓗᐊᖏᓐᓂ, ᐱᑕᖃᕆᐊᖃᖅᑎᑕᐅᔪᖅ ᐊᑖᓂ ᓄᓇᕗᒻᒥ ᐊᒻᒪ ᓄᓇᓕᒻᒥ ᒪᓕᒐᕐᓂᑦ. ᒪᓕᓐᓂᖃᖏᓐᓂᐅᔪᑦ ᐃᔅᓯᕙᐅᑕᖏᓐᓄ ᕿᓗᐊᖏᓐᓂ ᒪᓕᑦᑕᐅᔭᕆᐊᓕᓐᓂᑦ ᓴᖅᑭᑎᑦᑎᔪᓐᓇᖅᑐᑦ $125 ᐊᑭᓖᑎᑕᐅᓗᑎ.
ᐊᐅᓚᓂᖃᖅᑎᓪᓗᒋᑦ, ᐊᑕᐅᓯᖅ ᐊᖁᑎ ᑐᓂᓯᔭᐅᓚᐅᖅᑐᖅ 90 ᐅᓪᓗᓂᑦ ᓄᖅᑲᑎᑕᐅᑲᐃᓐᓇᓚᐅᖅᑐᖅ ᐋᖓᔮᓇᑐᖅᑐᖅᓯᒪᓪᓗᓂ ᐊᖁᑦᑐᓂ. ᐃᓚᒋᐊᕐᓗᒍ, ᒪᕐᕉᒃ ᐊᖁᑏᒃ ᑐᓂᓯᔭᐅᓚᐅᖅᑐᑦ 24 ᐃᑲᕋᓂ ᓄᖅᑲᖓᑎᑕᐅᑲᐃᓐᓇᖅᑐᑎ ᐃᒥᐊᓗᔅᓯᒪᓪᓗᑎ ᐊᖁᑦᑐᑎ, ᐱᖓᓱᑦ ᐊᖁᑏᑦ ᑐᓂᓯᔭᐅᓚᐅᖅᑐᑦ 30 ᐅᓪᓗᓂᑦ ᓄᖅᑲᖓᑎᑕᐅᑲᐃᓐᓇᖅᑐᑎ ᐃᒥᐊᓗᔅᓯᒪᓪᓗᑎ ᐊᖁᑦᑐᑎ, ᐊᒻᒪ ᒪᕐᕉᒃ ᐊᖁᑏᒃ ᑐᓂᓯᔭᐅᓚᐅᖅᑐᑦ 90 ᐅᓪᓗᓂ ᓄᖅᑲᖓᑎᑕᐅᑲᐃᓐᓇᖅᑐᑎ ᐃᒥᐊᓗᔅᓯᒪᓪᓗᑎ ᐊᖁᑦᑐᑎ. ᐊᑯᓂᐅᓂᖏᑦ ᑖᒃᑯᐊ ᓄᖅᑲᖓᑎᑕᐅᔪᑦ ᐊᔾᔨᒌᓚᐅᖏᑦᑐᑦ ᑐᙵᓂᖃᖅᑐᑎ ᐱᔾᔪᑎᖃᖅᑎᑦᑎᔪᓂᑦ ᓯᕗᓂᐊᒍᑦ ᓲᕐᓗ ᓯᖁᒥᑦᑎᓯᒪᓂᖃᕐᓂᖏᓐᓄᑦ, ᖃᓄᐃᑦᑑᓂᖓ ᓄᓇᓯᐅᑦ, ᐊᒻᒪ ᐊᖁᑎᐅᔪᑦ ᓇᓗᓇᐃᖅᑕᐅᓯᒪᒻᒪᖔᑕ ᒪᒃᑯᑦᑑᓪᓗᑎ ᐅᕝᕙᓘᓐᓃᑦ ᐊᖁᒋᐅᓕᕋᑖᖅᑐᑎ.
ᐊᔾᔨᒌᖏᑦᑐᓂᑦ ᐊᓯᖏᓐᓂ ᓯᖁᒥᑦᑎᐅᔪᑦ ᐱᓕᕆᐊᖑᓚᐅᕐᒥᔪᑦ. ᐱᖓᓱᑦ ᐊᖁᑏᑦ ᖃᐅᔨᔭᐅᓚᐅᖅᑐᑦ ᒪᓕᓐᓂᖃᕐᓇᑎ ᐃᖏᕋᖃᑦᑕᑕᖅᑐᓄᑦ ᐊᐅᓚᔾᔪᑎᖏᓐᓄᑦ, ᒪᕐᕉᒃ ᐊᖁᑏᒃ ᖃᐅᔨᔭᐅᓚᐅᖅᑐᑦ ᐃᖏᕋᔮᓗᐊᖅᑐᑎ, ᐱᖃᓯᐅᑎᓪᓗᓂ ᐊᑕᐅᓯᖅ 17-29 km/h ᐊᒻᒪ ᐊᓯᖓ 30-40 km/h ᐅᖓᑕᐅᔾᔨᔪᓂᑦ ᓱᑲᓐᓂᕆᓛᕆᒋᐊᖃᖅᑕᖏᓐᓂ ᑭᓪᓕᖏᓐᓂ. ᐊᑕᐅᓯ ᐊᖁᑎ ᓅᒋᐊᓚᐅᖏᑦᑐᖅ ᑐᐊᕕᕐᓇᖅᑐᓄᑦ ᓄᓇᓯᐅᒧᑦ, ᒪᕐᕉᒃ ᐊᐅᓚᑦᑎᓂᖃᓚᐅᖅᑑᒃ ᖃᐅᒪᖏᑦ ᖃᐅᒪᔪᓐᓇᕐᓇᑎ ᐅᕝᕙᓘᓐᓃᑦ ᓴᖑᓂᐊᓂᕐᒧᑦ ᖃᐅᒪᖏᓐᓂ, ᐊᒻᒪ ᐊᑕᐅᓯᖅ ᐊᖁᑎ ᖃᐅᔨᔭᐅᓚᐅᖅᑐᖅ ᐊᐅᓚᑦᑎᓪᓗᓂ ᓄᓇᓯᐅᒻᒥᑦ ᓈᒻᒪᖏᑦᑐᒥ ᐊᑎᓕᐅᖅᓯᒪᓂᕐᒧᑦ, ᓇᓪᓕᐅᒃᑯᒫᓄᑦ, ᐊᒻᒪ ᐊᑐᑲᒻᒪᑦᑐᓂ ᓄᓇᓯᐅᒦᑦᑐᒥ ᓚᐃᓴᓐᓯᖓᓂ. ᐃᓚᒋᐊᕐᓗᒍ, ᖁᓕᑦ ᐱᖓᓱᓪᓗ ᑖᒃᓰᑦ ᖃᐅᔨᓴᖅᑕᐅᓚᐅᖅᑐᑦ ᑖᔅᓱᒥᖓ ᐱᓕᕆᓂᖃᖅᑎᓪᓗᒋᑦ.
ᓄᓇᓕᐸᐅᔭᒃᑯᑦ ᐃᖃᓗᐃᑦ ᒪᓕᒐᕋᓛᓕᕆᔨᒃᑯᑦ ᖁᔭᓐᓇᒦᖅᑕᖏᑦ ᐃᓄᐃᑦ ᐱᓕᕆᖃᑕᐅᑦᑎᐊᕐᓂᖏᓐᓄᑦ ᐊᒻᒪ ᒪᓕᓐᓂᖃᕐᓂᖏᓐᓄᑦ. ᓄᓇᓕᒻᒥᐅᑕᐃᑦ ᐃᖅᑲᐃᑎᑕᐅᔪᑦ ᐊᑐᐃᓐᓇᖃᑦᑕᕐᓗᑎ ᐃᔅᓯᕙᐅᑕᖏᓐᓄᑦ ᕿᓗᐊᖏᓐᓂ ᐊᒻᒪ ᒪᓕᓐᓂᖃᕐᓗᑎ ᐃᖏᕋᖃᑦᑕᖅᑐᓄᑦ ᒪᓕᒐᕐᓂᑦ. ᑲᖐᒋᔭᖃᕈᕕᑦ ᐃᒥᐊᓗᔅᓯᒪᔪᒥᑦ ᐊᖁᑎᒥᑦ, ᖃᐅᔨᒋᐊᕐᕕᒋᓗᒋᑦ ᑲᓇᑕᒥ ᐸᓖᓯᒃᑯᑦ (RCMP) ᐅᕙᓂ 867-979-1111 ᖃᐅᔨᒋᐊᕐᕕᒋᑦᑕᐅᑎᒋᓗᒋᑦ.
ᖁᔭᓐᓇᒦᒃ ᐃᑲᔪᕈᓐᓇᕋᕕᑦ ᐊᑐᕆᐊᕗᑦ ᐊᑦᑕᓇᖏᑎᑦᑐᒋᑦ.
##
ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:
ᔩᐅᑉ ᕙᕐᓂ
ᑐᓴᐅᒪᖃᑎᒋᓐᓂᕐᒧᑦ ᐊᒻᒪᓗ ᐱᔨᔅᓯᖅᑕᐅᕙᒃᑐᓄᑦ ᐱᔨᔅᓯᕈᑎᒥ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca