ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᒥᑦᑎᓐᓄᑦ ᖃᓄᐃᓕᖓᓕᕐᒪᖔᑦᑕ - ᐊᓯᔾᔨᕐᑕᐅᓂᖓ ᐃᒥᖅᓱᐃᕖᑦ − ᓱᓪᓗᓕᒃᑯᑦ ᐃᒥᖅᓱᐃᓂᖅ ᐊᐅᓚᐅᑎᓕᒃᑯᑦ
ᐃᖃᓗᐃᑦ ᓄᓇᓕᐸᐅᔭᖓᑦ ᖃᐅᔨᒃᑲᐃᒍᒪᕗᑦ ᐃᖃᓗᒻᒥᐅᓂᑦ ᐃᒻᒥᖅᓱᐃᕕᐅᕙᑦᑐᑦ ᐃᒥᖅᑕᐅᑎᓄᑦ ᑰᒻᒥᑦ ᓄᖅᑲᖅᑎᑕᐅᓂᐊᓕᕐᖓᑕ, ᐱᒋᐊᕐᓗᒍ ᐊᐃᑉᐱᖅ, ᓄᕕᒻᒪ 9, 2021. ᓂᓪᓚᓱᓐᓂᖅᓴᐅᓕᕐᓂᖓᓄᑦ ᐱᔭᕆᐊᑐᓕᕐᖓᑦ ᒥᓪᓗᐊᕐᑎᑦᓯᓂᒃᑯᑦ ᑰᒻᒥᑦ ᐃᒻᒥᖅᓱᐃᓂᖅ ᐃᒥᖅᑕᐅᑎᓂᑦ. ᐃᒥᖅᑕᐅᑏᑦ ᐃᒻᒥᖅᓱᐃᕙᑦᑐᑦ ᑰᒻᒥᑦ ᖁᐊᖅᐸᑕ ᓱᕋᐃᑐᐃᓐᓇᕆᐊᖃᕐᖓᑕ ᒥᓪᓗᐊᕈᑎᖏᓐᓂᑦ, ᑭᖑᕙᓯᑉᐸᓪᓕᐊᓗᑎᖕ ᐃᒻᒥᖅᓱᐃᒋᐊᓖᑦ ᐃᒥᖅᑕᖅᑕᐅᒋᐊᓖᓪᓗ, ᐃᓱᒫᓗᓇᕐᑐᓂᓗ ᐅᓗᕿᐊᓇᖅᑐᒦᑐᐃᓐᓇᕆᐊᖃᕐᓂᖏᑦ.
ᑲᓇᑕᒥ ᐅᓇᓕᑦᓴᔭᒃᑯᑦ (CAF) ᐊᐅᓚᑦᑎᔨᖏᑦ LENTUS ᐱᒋᐊᕐᐸᓪᓕᐊᓕᕐᑐᑦ ᑰᒻᒥ. ᑲᓇᑕᒥ ᐅᓇᓕᑦᓴᔭᒃᑯᑦ ᐊᐅᓚᐅᑎᓕᓐᓂᑦ ᐃᒥᕐᒥᑦ ᒥᓪᓗᐊᕈᑎᖃᕐᓂᐊᕐᑐᑦ ᑰᒻᒦᓐᖔᕐᑐᒥᑦ ᒥᓪᓗᐊᕐᑎᑕᐅᓚᐅᕐᓗᓂ ᐃᒻᒥᖅᓱᐃᖃᑦᑕᓂᐊᕐᑐᑦ ᓄᓇᓯᐅᑎᓂᑦ (RO). ᐃᒪᖅ ᒥᓪᓗᐊᕐᑕᐅᔪᖅ ᐃᒥᖅᑕᐅᑎᓄᑦ ᑯᕕᑎᑕᐅᖃᑦᑕᓂᐊᕐᑐᑦ ᐃᒥᖅᓲᑎᒃᑯᑦ, ᐃᒥᖅ ᐊᑐᐃᓐᓇᐅᓂᐊᕐᑐᖅ ᐃᒥᖅᑕᕐᕕᓕᐊᖑᓯᒪᔪᓂ ᓄᓇᑦᑎᓂ. ᑰᒻᒦᓐᖔᕐᑐᖅ ᑎᖅᑎᑎᒋᐊᑐᓐᖏᑦᑐᖅ, ᐊᑐᖅᑕᐅᔪᓐᓇᕐᑐᑦ ᑭᓱᑐᐃᓐᓇᕐᒧᑦ ᓂᐅᕋᑦᓴᐅᓪᓗᓂᓗ, ᓂᖅᑎᐅᕈᑕᐅᓗᓂ ᑭᒍᑎᓯᐅᕈᑕᐅᔪᓐᓇᕐᑐᓂᓗ.
ᓂᐅᕋᑦᓴᖅ ᐃᒥᖅ (RO) ᐊᑐᐃᓐᓇᐅᓂᐊᕐᑐᑦ ᐅᑯᓇᓂ, 11:00ᒥᖕ ᐅᓪᓛᒃᑯᑦ 6:00ᒧᑦ ᐅᓐᓄᓴᒃᑯᑦ ᖃᐅᑕᒫᑦ
• ᒪᒃᑯᑦᑐᓄᑦ ᐱᓐᖑᐊᕐᕕᐅᑉ ᓄᓇᓯᐅᑎᓄᑦ ᓄᖅᑲᖓᕕᖓᓂ
• ᐅᓂᒃᑳᕐᕕᐅᑉ ᓄᓇᓯᐅᑎᓄᑦ ᓄᖅᑲᖓᕕᖓᓂ
ᐃᒥᖅᑕᕐᕖᑦ ᒪᑐᐃᖓᓛᕐᑐᑦ ᐅᓇᑕᖅᑐᒥᓂᕐᓂᑦ ᐃᖅᑲᐅᒪᓇᐅᓂᖓᓂ, ᓄᕕᒻᒪ 11.
ᐃᒥᖅᑕᖃᑦᑕᕐᑐᑦ ᐃᖅᑲᐃᑎᑕᐅᔪᒪᕗᑦ ᓴᓗᒪᔪᒥᑦ, ᓂᕿᑦᓴᒧᑦ ᖃᑦᑕᐅᓲᓂᑦ ᐃᒥᖅᑕᐅᑎᖃᖁᓪᓗᒋᑦ ᐊᒻᒪ ᐊᑐᒃᑲᓐᓂᕈᓐᓇᕐᑐᓂᑦ ᐃᒥᖅᑕᐅᑎᓂᑦ. ᐃᓚᖏᑦ ᓂᕿᒧᑦ ᖃᑦᑕᑦ ᐊᒻᒪ ᖃᑦᑕᑦᓴᑦ ᐊᑐᐃᓐᓇᐅᑐᐃᓐᓇᕆᐊᓖᑦ ᐃᒥᖅᑕᕐᕕᓂ ᖃᐃᖅᑳᖅᑐᑐᐃᓐᓇᐃᑦ ᐱᑎᑕᐅᕙᑦᑐᑦ ᓄᖑᕈᑎᓚᐅᖏᓂᖏᓂ.
ᐃᒥᕐᒧᑦ ᑐᐊᕕᕐᓇᕐᑐᒃᑰᓂᑦᑎᓂ ᐊᐱᖅᑯᑎᑦᓴᖃᕈᕕᑦ, ᐅᖄᓚᔪᓐᓇᕐᑐᑎᑦ ᐅᕗᖓ 979.5603 ᑐᑭᓯᒋᐊᕈᒪᒍᕕᑦ.
###
ᑐᑭᓯᒋᐊᒃᑲᓂᕈᒪᒍᕕᑦ ᐃᖅᑲᓇᐃᔭᕐᓇᐅᑉ ᐃᑲᕐᕋᖏᓐᓂᑦ, ᖃᐅᔨᒋᐊᕈᓐᓇᕐᑐᑎᑦ ᐆᒧᖓ:
ᔨᐊᐳᕆ ᐴᓐ
ᑐᓴᐅᒪᖃᑦᑕᐅᑎᓕᕆᔨᐅᑲᐃᓐᓇᕐᑐᖅ ᐊᒻᒪ ᐱᔨᑦᓯᕐᑏᑦ ᐊᐅᓚᑦᑎᔨᖓᑦ
867-979-5619 | g.byrne@iqaluit.ca
