ᐃᒥᖅᑕᐅᑎᒃᑯᑦ ᐃᒥᖅᑕᖅᑕᐅᕙᑦᑐᑦ ᖃᓄᐃᓕᖓᓕᕐᒪᖔᑕ − ᐊᓯᔾᔨᕐᑕᐅᓂᖓ ᐃᒥᖅᑕᕐᓂᖅ

ᐃᒥᖅᑕᐅᑎᒃᑯᑦ ᐃᒥᖅᑕᖅᑕᐅᕙᑦᑐᑦ ᖃᓄᐃᓕᖓᓕᕐᒪᖔᑕ − ᐊᓯᔾᔨᕐᑕᐅᓂᖓ ᐃᒥᖅᑕᕐᓂᖅ

ᑖᓐᓇ ᑐᓴᕋᑦᓴᖅ ᑐᕌᖓᔪᖅ ᓇᖕᒥᓂᖃᕐᑎᓕᒫᓄᑦ ᐃᓪᓗᖃᖅᑎᓄᓪᓗ ᐃᒥᖅᑕᐅᑎᒃᑯᑦ ᐃᒥᖅᑕᖅᑕᐅᕙᑦᑐᓄᑦ.

ᐃᖃᓗᐃᑦ ᓄᓇᓕᐸᐅᔭᖓᑦ ᖃᐅᔨᒃᑲᐃᔪᒪᕗᑦ ᐃᓪᓗᖃᖅᑐᓕᒫᓂᑦ ᓇᖕᒥᓂᖃᕐᑐᓂᓪᓗ ᐃᒥᖅᑕᐅᑎᒃᑯᑦ ᐃᒥᖅᑕᖅᑕᐅᕙᑦᑐᓄᑦ ᑕᐃᒫᖕ ᓇᑭᑦ ᐃᒥᖃᖅᑎᑕᐅᕙᓐᓂᖏᑦ ᐊᓯᔾᔨᕐᑕᐅᓂᐊᕐᖓᑦ, ᐱᒋᐊᕐᓗᒍ ᐊᐃᑉᐱᕐᒥ, ᓄᕕᒻᒪ 9, 2021.

ᓂᓪᓚᓱᓐᓂᖅᓴᐅᓕᕐᓂᖓᓄᑦ ᐱᔭᕆᐊᑐᓕᕐᖓᑦ ᒥᓪᓗᐊᕐᑎᑦᓯᓂᒃᑯᑦ ᑰᒻᒥᑦ ᐃᒻᒥᖅᓱᐃᓂᖅ ᐃᒥᖅᑕᐅᑎᓂᑦ. ᓂᓪᓚᓱᓕᕐᑎᓪᓗᒍ ᐊᑦᑕᓇᕐᓯᓯᒻᒪᑦ ᓄᓇᓯᐅᑏᑦ ᒥᓪᓗᐊᕈᑎᖏᓐᓄᑦ ᐊᓯᖏᓄᓪᓗ ᓱᓇᒃᑯᑎᖏᓐᓄᑦ ᐊᒻᒪ ᐃᓱᒫᓗᓇᕐᓯᓪᓗᓂ ᐅᓗᕆᐊᓇᖅᑐᒦᖁᓇᒋᑦ. ᐃᒥᖅᑕᐅᑏᑦ ᐃᒻᒥᖅᓱᖅᑕᐅᕙᑦᑐᑦ ᑰᒻᒥᑦ ᑭᖑᕙᓯᑉᐸᓪᓕᐊᑐᐃᓐᓇᕐᖓᑕ ᐃᒥᖅᑕᖅᑕᐅᕙᑦᑐᑦ ᒫᓐᓇᒧᑦ ᐊᑯᓂᐅᔪᒧᓪᓗ. ᓄᖅᑲᑲᑕᖁᓇᒍ ᐃᒥᖅᑕᖅᑕᐅᓂᕆᕙᑦᑕᓯ, ᓄᓇᓕᐸᐅᔭᒃᑯᑦ ᓄᖅᑲᑎᑦᓯᓂᐊᕐᖓᑕ ᐃᒥᖅᑕᐅᑎᓂᑦ ᐃᒥᖅᓱᐃᖃᑦᑕᕐᓂᖏᓐᓂᑦ ᑰᒻᒥᑦ ᐱᒋᐊᕐᓗᒍ ᐊᐃᑉᐱᖅ, ᓄᕕᒻᒪ, 2021.

ᐃᒥᖅᑕᐅᑎᒃᑯᑦ ᐃᒥᖅᓱᖅᑕᐅᕙᑦᑐᓕᒫᑦ ᓄᓇᓯᐅᑎᒃᑯᑦ ᑲᔪᓰᓐᓇᓂᐊᕐᑐᑦ, ᑭᓯᐊᓂᓕ ᓄᓇᓯᐅᑎᖏᑦ ᐃᒥᖅᑕᐅᑏᑦ ᑯᕝᕕᕐᓴᐃᕕᓂᑦ ᐃᒻᒥᓱᖅᑕᐅᖃᑦᑕᓂᐊᕐᑐᑦ, ᓱᓪᓗᓕᑯᑖᒃᑯᑦ ᐃᒥᖃᖅᑎᑕᐅᔪᓂᑦ.

ᑐᑭᑖᖅᑐᖅ ᐃᓘᓐᓇᑦᓯᐊᑎᑦ ᐃᓪᓗᖃᖅᑏᑦ ᓇᖕᒥᓂᖃᖅᑏᓪᓗ ᐃᒥᖅᑕᖅᑕᐅᕙᑦᑐᑦ ᐃᓪᓗᖏᓐᓂ ᑯᕕᔫᖏᓐᓂᑦ ᐃᒥᖃᑦᑕᕆᐊᖃᕈᓐᓃᕐᑐᑦ ᖃᐅᔨᒃᑲᕐᑕᐅᒐᓱᐊᕐᓂᖏᓂ ᖃᓄᐃᓕᖓᓂᐊᕐᒪᖔᑕ.

ᐃᒥᖅᑕᖅᑕᐅᔪᑦ ᐃᓪᓗᓖᑦ ᓇᖕᒥᓂᖃᖅᑏᓪᓗ ᐃᒻᒥᖅᓱᑲᐅᑎᒋᕙᒻᒪᑕ ᖃᑦᑕᖏᓐᓄᑦ ᒪᑯᓄᖓ ᐊᑐᕈᓐᓇᕐᑐᑦ ᑭᓯᐊᓂ:

• ᐊᓐᓄᕌᓄᑦ ᐅᐊᓴᕐᕕᒻᒧᑦ
• ᑎᒻᒥᑳᕐᑐᒃᑯᑦ ᐅᕕᓂᓐᓂᐊᕐᕕᒥᓗ ᐅᐊᓴᕈᓐᓇᕐᑐᑦ, ᐱᖃᑕᐅᓗᑎᖕ ᓇᔾᔨᔪᑦ ᐱᐊᕋᐃᓪᓗ
• ᐊᒡᒐᒧᑦ ᐅᐊᓴᐅᑕᐅᔪᓐᓇᕐᑐᖅ
• ᓂᕐᕆᑎᓄᑦ ᐅᐊᓴᐅᑕᐅᔪᓐᓇᕐᑐᖅ

ᕿᒥᕐᕈᔪᓐᓇᕐᑕᓯ ᑖᒃᑯᓄᖓ ᐃᓚᓕᐅᔾᔭᐅᓯᒪᔪᑦ ᑐᓴᕋᑦᓴᑦ ᐅᓪᓗᒥ ᓴᖅᑕᐅᓂᐊᕐᑐᑦ (ᓄᕕᒻᒪ 8) ᖃᓄᐃᓕᖓᓕᕐᒪᖔᑕ ᐃᒦᑦ ᓂᐅᕋᑦᓴᑦ ᐊᑐᐃᓐᓇᐅᑎᑕᐅᔪᑦ.

ᐃᒥᕐᒧᑦ ᑐᐊᕕᕐᓇᕐᑐᒃᑰᓂᑦᑎᓂ ᐊᐱᖅᑯᑎᑦᓴᖃᕈᕕᑦ, ᐅᖄᓚᔪᓐᓇᕐᑐᑎᑦ ᐅᕗᖓ 979.5603 ᑐᑭᓯᒋᐊᕈᒪᒍᕕᑦ.

###

ᑐᑭᓯᒋᐊᒃᑲᓂᕈᒪᒍᕕᑦ ᐃᖅᑲᓇᐃᔭᕐᓇᐅᑉ ᐃᑲᕐᕋᖏᓐᓂᑦ, ᖃᐅᔨᒋᐊᕈᓐᓇᕐᑐᑎᑦ ᐆᒧᖓ:
ᔨᐊᐳᕆ ᐴᓐ
ᑐᓴᐅᒪᖃᑦᑕᐅᑎᓕᕆᔨᐅᑲᐃᓐᓇᕐᑐᖅ ᐊᒻᒪ ᐱᔨᑦᓯᕐᑏᑦ ᐊᐅᓚᑦᑎᔨᖓᑦ
867-979-5619 | g.byrne@iqaluit.ca