ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᓄᓐᓄᑦ ᑐᓴᕋᔅᓴᖅ
2024 ᓇᒻᒥᓂᖁᑎᓄᑦ ᐱᓕᕆᒍᓇᐅᑎᓂᒃ ᓄᑕᔾᔨᖅᓯᓂᑦ
ᓄᓇᓕᐸᐅᔭᒃᑯᑦ ᐃᖃᐃᑎᑦᑎᒍᒪᒻᒪᑕ ᓇᒻᒥᓂᖁᑎᓂᒃ ᓇᒻᒥᓂᓕᓐᓂᒃ ᑕᒪᓐᓇ ᖃᕋᑕᐅᔭᒃᑯᑦ ᐃᓯᖅᑕᕝᕕᒃ ᓇᒻᒥᓂᖁᑎᓂᒃ ᐱᓕᕆᒍᓐᓇᐅᑎᑦ ᓄᑕᔾᔨᖅᑕᐅᓂᖏᑦ ᑕᒪᑐᒧᖓ 2024 ᐅᓪᓗᖅᓯᐅᑎᑦ ᐊᕐᕋᒍᖓᓄᑦ ᒫᓐᓇ ᒪᑐᐃᖓᓕᒻᒪᑦ!
ᓇᒻᒥᓂᖁᑎᓂᒃ ᓇᒻᒥᓂᓕᑦ ᑲᔪᖏᖅᓱᖅᑕᐅᕗᑦ ᑐᓂᓯᖁᔭᐅᓪᓗᑎᒃ ᓄᑕᔾᔨᖅᓯᓂᒻᒧᑦ ᑐᒃᓯᕋᐅᑎᓂᒃ ᖃᕋᑕᐅᔭᒃᑯᑦ ᐃᖃᓗᐃᑦ ᓇᒻᒥᓂᖁᑎᓄᑦ ᐱᓕᕆᒍᓐᓇᐅᑎᑦ ᐱᓕᕆᔾᔪᑎᑐᖓᒍᑦ ᓯᕗᓂᖓᓂ ᔭᓄᐊᕆ 31−ᖓ, 2024 ᐱᒍᓐᓇᖁᓪᓗᒋᑦ ᐊᑭᑭᓪᓕᒋᐊᖅᓯᒪᔪᒥᒃ ᓄᑕᔾᔨᖅᓯᓂᒻᒧᑦ ᐊᑭᖓᓂᒃ. ᓄᑕᔾᔨᖅᓯᓂᒻᒧᑦ ᑐᒃᓯᕋᐅᑎᑦ ᐱᔭᐅᔪᑦ ᕕᕗᐊᕆ 1−ᖓᓂ, 2024 ᐊᒻᒪᓗ ᑭᖑᓂᖓᒍᑦ, ᐊᑭᓖᑎᑕᖃᑦᑕᓂᐊᒻᒪᑕ ᐃᓘᓐᓇᓕᒫᖓᓂᒃ ᓄᑕᔾᔨᖅᓯᓂᒻᒧᑦ ᐊᑭᖓᓂᒃ.
ᐅᖃᒃᓯᒪᓂᖓᓄᑦ ᓄᓇᓕᐸᐅᔭᖓᑕ ᐃᖃᓗᐃᑦ ᓇᒻᒥᓂᖁᑎᒧᑦ ᐱᓕᕆᒍᓇᐅᑎ ᒪᓕᒐᕋᓛᖅ ᓈᓴᐅᑖ 859, ᐃᓘᓇᑎᒃ ᓇᒻᒥᓂᖁᑎᑦ ᐱᓯᒪᒋᐊᖃᓂᐊᓕᒻᒪᑕ 2024 ᐱᓕᕆᒍᓐᓇᐅᑎᒥᒃ ᑎᑭᓪᓗᒍ ᕕᕗᐊᕆ 15−ᖓ, 2024 ᐅᕝᕙᓘᓐᓃᑦ ᐊᑭᓖᒋᐊᖃᓕᖅᑎᑕᐅᓗᑎᒃ ᐅᑯᑎᒎᓇ ᒪᓕᒐᕋᓛᖅ ᓈᓴᐅᑖ 859. ᐃᓘᓐᓇᑎᒃ ᓄᑕᔾᔨᖅᓯᓂᒻᒧᑦ ᑐᒃᓯᕋᐅᑎᑦ ᐱᔭᐅᔪᑦ ᑭᖑᓂᖓᒍᑦ ᕕᕗᐊᕆ 15−ᖓᑕ, 2024 ᐃᓱᓕᕝᕕᓴᖓᓂ ᐊᑭᓖᑎᑕᐅᓂᐊᖅᑐᑦ $50.00−ᓂᒃ ᐊᐅᓚᑦᑎᓂᒻᒧ ᐊᑭᖓᓂᒃ ᐃᓚᓕᐅᑎᓯᒪᓗᓂ ᐊᑭᓖᑎᑦᑎᒍᑕᐅᒍᓐᓇᖅᑐᓄᑦ ᓄᑕᔾᔨᖅᓯᓂᒻᒧᑦ ᐊᑭᖓᓄᑦ.
ᓇᒻᒥᓂᖁᑎᓂᒃ ᓇᒻᒥᓂᓖᑦ ᐱᒍᓐᓇᖅᐳᑦ ᖃᕋᑕᐅᔭᒃᑯᑦ ᐃᓯᖅᑕᕝᕕᒃᑯᑦ ᓴᕿᑎᑕᐅᓗᓂ https://business.city.iqaluit.nu.ca/ ᐊᒻᒪᓗ ᑎᑎᕋᒃᑕᐅᔪᐃᓐᓇᐅᓗᑎᒃ ᖃᕋᑕᐅᔭᒃᑯᑦ ᓄᑕᔾᔨᖅᓯᓂᒻᒧᑦ ᑐᒃᓯᕋᐅᑎ.
ᓄᑖᙳᖅᑎᑕᐅᔪᑦ ᐆᑦᑐᕋᓱᐊᖅᑐᑦ ᑐᓂᓯᒋᐊᖃᖅᑐᑦ ᓄᑖᙳᖅᑎᑕᐅᓯᒪᔪᓂᒃ ᐊᔾᔨᐊᓂᒃ 2024 ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑕᐃᓕᒪᓂᕐᒧᑦ ᐊᒻᒪ ᓇᓪᓕᐅᒃᑯᒫᓄᑦ ᖃᐅᔨᓴᖅᑏᑦ ᐸᐃᑉᐹᑦ ᐃᓕᑕᕆᔭᐅᔾᔪᑎᑦ ᒪᓕᑦᑎᐊᕐᓂᖅ ᐊᒻᒪ ᑕᑕᑎᒐᒃᓴᖏᑦ ᐆᑦᑐᕋᓱᐊᕐᓂᕐᒧᑦ ᐊᖏᖅᑕᐅᓂᐊᕐᓗᑎᒃ.
ᐃᓘᓐᓇᑎᒃ ᑐᓴᐅᒪᔾᔪᑎᒃᓴᐃᑦ ᑐᕌᖓᔪᑦ ᖃᕋᑕᐅᔭᒃᑯᑦ ᓇᒻᒥᓂᖁᑎᒧᑦ ᐱᓕᕆᒍᓐᓇᐅᑎᑦ ᐱᓕᕆᔾᔪᑎᖓᓄᑦ ᓄᓇᓕᐸᐅᔭᒃᑯᑦ ᐃᑭᐊᕿᕕᖓᓃᒻᒪᑕ ᐅᑯᓇᓂᓪᓗᑎᒃ ᓇᒻᒥᓂᖁᑎ ᒪᑉᐱᒐᖓᓂ.
###
ᑐᑭᓯᐊᒃᑲᓐᓂᕈᒪᒍᕕᑦ, ᐊᑏᑐᖅ ᖃᐅᔨᒋᐊᕆᑦ ᐅᕗᖓ:
ᔨᐅᑉᐳᕇ ᕙᕐᓂ ᐱᕙᓪᓕᐊᔪᓕᕆᓂᒻᒥ ᐃᖃᓇᐃᔭᖅᑎ (867) 979-5619 | g.byrne@iqaluit.ca
