ᐃᓄᖕᓄᑦ ᑐᓴᕋᑦᓴᖅ ᒪᐃᔭ ᐊᒻᒪ ᑲᑎᒪᔨᐅᓂᐊᓕᖅᑐᑦ ᐊᖏᖅᑎᑕᐅᓯᒪᓕᖅᑐᑦ

06/11/2023

ᐃᓄᖕᓄᑦ ᑐᓴᕋᑦᓴᖅ

ᒪᐃᔭ ᐊᒻᒪ ᑲᑎᒪᔨᐅᓂᐊᓕᖅᑐᑦ ᐊᖏᖅᑎᑕᐅᓯᒪᓕᖅᑐᑦ

ᐃᖃᓗᒻᒥᐅᑦ ᓂᕈᐊᓚᐅᖅᑐᑦ ᐃᖃᓗᓐᓄᑦ ᓄᓇᓕᐸᐅᔭᒃᑯᑦ ᑲᑎᒪᔨᑦᓴᖏᓐᓂᑦ ᐊᕐᕌᒍᓄᑦ ᑎᓴᒪᓄᑦ ᑲᑎᒪᔨᐅᓂᐊᓕᖅᑐᓂᑦ. ᐊᖏᖅᑎᑕᐅᓚᐅᖅᑐᑦ ᑎᓴᒻᒥᐅᑎᓪᓗᒍ, ᓅᕖᐱᕆ 2, ᓄᓇᕗᑦ ᐃᖅᑲᖅᑐᐃᕕᖏᓐᓂ.

ᒪᐃᔭ ᓵᓗᒨᓂ ᐊᕙ ᐃᓚᒋᔭᐅᓚᐅᖅᑐᖅ ᓄᓇᓕᐸᐅᔭᐃᑦ ᑲᑎᒪᔨᖏᓐᓄᑦ ᑲᐃᐅᓪ ᓴᐳᕐᑦ, ᓵᓯᐅᓪ ᑎᓕ, ᓴᐃᒪᓐ ᓇᑖᖅ, ᕼᐅᕈ ᐱᒪᐅᑎ, ᒥᑐᓴᓕ ᑯᓄᒃ, ᐊᒻᒪ ᔮᒃ ᐊᓇᕈᐊᖅ. ᑲᑎᒪᔩᒃ ᕉᒪᐃᓐ ᓯᑏᕙᓐᓴᓐ ᐊᒻᒪ ᑭᒻ ᓯᒥᖦ ᐅᐸᒍᓐᓇᓚᐅᖏᒻᒪᑎᒃ, ᐊᒻᒪ ᐊᖏᖅᑎᑕᐅᓛᑐᐃᓐᓇᖅᑑᒃ ᓯᕗᓂᐊᒍᑦ ᓅᕖᐱᕆ 14-ᒥ ᓄᓇᓕᐸᐅᔭᐃᑦ ᑲᑎᒪᔨᖏᑕ ᑲᑎᒪᕕᑦᓴᖓᑕ.

ᓄᓇᓕᐸᐅᔭᒃᑯᑦ ᖁᔭᓐᓇᒦᕈᒪᔪᑦ ᓄᓇᕗᑦ ᐃᖅᑲᖅᑐᐃᕕᓕᕆᔨᒃᑯᖏᑕ ᐃᖅᑲᓇᐃᔭᖅᑎᖏᓐᓂᑦ - ᐱᓗᐊᖅᑐᒥ ᐃᖅᑲᖅᑐᐃᔨᕋᓛᖅ ᓘᓯ ᐅᐃᐅᓪᓴᓐ - ᐃᑲᔪᓚᐅᕐᓂᖓᓂᑦ ᐅᕙᑦᑎᓐᓂᒃ ᑐᖕᖓᓱᑦᑎᑦᓯᓪᓗᓂ ᐊᒻᒪ ᐊᖏᖅᑎᑦᓯᓪᓗᓂ ᓄᑖᓂᑦ ᑲᑎᒪᔨᒋᓂᐊᓕᖅᑕᑎᓐᓂᒃ.

ᓄᓇᓕᐸᐅᔭᒃᑯᑦ ᐅᑕᖅᑭᓚᐅᖅᑐᑦ ᑭᖑᓂᐊᓂ ᓂᕈᐊᕐᓂᐅᓚᐅᖅᑑᑉ ᐊᖏᖅᑎᑦᓯᓚᐅᖏᓂᕐᒥᓂᒃ. ᑎᓴᒪᐅᔪᖅᑐᓂᑦ (8) ᐅᓪᓗᓂᑦ ᐅᑕᖅᑭᒋᐊᖃᓲᖑᒻᒪᑕ ᓂᕈᐊᕋᑦᓴᐅᓚᐅᖅᑐᑦ ᓂᕈᐊᖅᑐᖃᓚᐅᖅᑎᓪᓗᒍ ᓄᓇᕘᒥ ᓄᓇᓕᓐᓂᑦ ᓂᕈᐊᕈᑎᒥᓂᕐᓂᒃ ᓈᓴᖅᑕᐅᖁᔨᒃᑲᓐᓂᕐᓂᕈᑎᒃ.

ᓯᕗᓪᓕᖅᐹᒥ ᐃᖃᓗᓐᓂ ᑲᑎᒪᔨᑦᓴᓂᑦ ᓂᕈᐊᖅᑐᖃᓚᐅᕐᓯᒪᔪᖅ 1964-ᖑᑎᓪᓗᒍ, ᐊᒻᒪ ᐃᖃᓗᒻᒥᐅᑦ ᓯᕗᓪᓕᖅᐹᒥᑦ ᒪᐃᔭᑦᓴᒥᓂᒃ ᓂᕈᐊᒐᖃᓚᐅᕐᓯᒪᓪᓗᑎᒃ 1979-ᖑᑎᓪᓗᒍ.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ: ᑭᐊᓐᑦ ᑐᕆᔅᑯᓪ ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᔨᓂᑦ ᐊᐅᓚᑦᓯᔨ 867-979-5607 k.driscoll@iqaluit.ca

Notice: