ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᓕᑕᕐᓯᒍᒪᓂᖅ ᓄᓇᓕᓐᓂ ᐱᓯᑎᐅᔪᒥᒃ: ᐃᑲᔪᖅᑎᓂᒃ ᐊᑭᓕᕐᓱᖅᑕᐅᕙᒐᑎᒃ ᖁᔭᓕᔾᔪᑎᒍᑦ ᐱᔾᔪᓯᐊᖅᑎᑦᓯᓂᖅ
ᓰᑏᐱᕆ 22, 2025 – ᐃᖃᓗᐃᑦ, ᓄᓇᕗᑦ
ᓇᓪᓕᐅᓂᕐᓯᐅᕈᑎᖃᕐᓂᖅ ᐆᒪᑎᐊᓂᒃ ᓄᓇᓕᑦᑕ. ᓂᕈᐊᒐᑦᓴᓕᐅᕆᑦ ᐅᓪᓗᒥ ᐃᑲᔪᖅᐸᑦᑐᒥᒃ ᐊᑭᓕᕐᓱᖅᑕᐅᒐᓂ.
ᓄᓇᓕᐸᐅᔭᒃᑯᑦ ᐃᖃᓗᓐᓂ ᐅᐱᒍᓱᑦᓯᐊᖅᑐᑎᒃ ᐅᖃᐅᓯᖃᕈᒪᓕᕐᒥᔪᑦ ᓂᕈᐊᒐᑦᓴᓕᐅᕈᓐᓇᓕᕐᒥᒐᑦᓯ ᐃᑲᔪᖅᑎᓂᒃ ᐊᑭᓕᕐᓱᖅᑕᐅᕙᒐᑎᒃ ᖁᔭᓕᔾᔪᑎᓂᒃ.
ᖃᐅᔨᒪᕕᓰ ᑭᓇᑐᐃᓐᓇᕐᒥᒃ ᐱᓕᕆᔪᒻᒪᕆᐅᕙᑦᑐᒥᒃ ᖁᓛᓄᑦ ᐊᒻᒪ ᐅᖓᑖᓄᑦ ᐱᓕᕆᐊᑦᓴᐃᑦ ᓄᓇᑦᑎᓐᓂ ᐱᕙᓪᓕᐅᑎᔪᒻᒪᕆᐅᕙᑦᑐᒥᒃ? ᐊᑏ ᐃᓕᑕᕆᔭᐅᖁᓚᐅᒃᑭᑦ ᖃᓄᖅᑑᕈᑎᒋᕙᑦᑕᖏᑦ ᓂᕈᐊᒐᑦᓴᓕᐊᕆᓗᒋᑦ ᖁᔭᓕᔾᔪᑎᒥᒃ ᐱᑎᑕᐅᓛᖁᓗᒋᑦ.
ᓄᓇᓕᕐᒥᐅᑕᓕᒫᑦᓯᐊᑦ ᐊᔭᐅᖅᑕᐅᔪᑦ ᓂᕈᐊᒐᑦᓴᓕᐅᖁᔭᐅᓗᑎᒃ. ᑭᓇᑐᐃᓐᓇᑦᓯᐊᒥᒃ, ᐃᓚᒌᓂᒃ, ᑲᑐᔾᔨᖃᑎᒌᓂᒃ, ᐊᒻᒪ ᓄᓇᓕᓐᓂ ᑲᑎᖕᖓᕙᑦᑐᓂᒃ ᑐᖕᖓᓱᑦᑐᐃᓐᓇᑦᓯᐊᖑᔪᑦ ᐱᖃᑕᐅᖁᓪᓗᒋᑦ.
ᐱᔾᔪᓯᐊᖅᑐᑦᓴᑦ ᐅᑯᓂᖓ ᐱᖃᓯᐅᔾᔨᔪᑦ:
ᒪᒃᑯᑦᑐᒧᑦ ᐱᔾᔪᓯᐊᑦᓴᖅ
ᐱᖕᖑᐊᖅᑐᓕᕆᓂᕐᒧᑦ ᐊᒻᒪ ᑭᐱᖕᖑᐃᔭᐃᓂᕐᒧᑦ
ᓴᓇᖕᖑᐊᒐᓕᕆᓂᕐᒧᑦ ᐊᒻᒪ ᐃᓕᖅᑯᓯᓕᕆᓂᕐᒧᑦ
ᐱᔨᑦᓯᕋᐅᑎᓕᕆᓂᒃᑯᑦ ᑲᑐᔾᔨᖃᑎᒌᒥᒃ
ᐃᑲᔪᖅᑎᒻᒪᕆᐅᔪᒥᒃ
ᓄᓇᓕᓐᓂᒃ ᐱᕙᓪᓕᐊᑎᑦᓯᓂᒃᑯᑦ
ᓂᕈᐊᒐᑦᓴᓕᐅᕈᓐᓇᖅᑐᓯ ᐅᑯᐊ ᐅᓪᓗᖏᓐᓂ: ᓰᑏᐱᕆ 22-ᒥᒃ ᐋᒃᑑᐸ 13-ᒧᑦ, 2025
ᑎᑎᖅᑲᐃᑦ ᐊᔾᔨᖏᓐᓂᒃ ᑎᑎᕋᕐᓯᒪᔪᑦ ᐱᔭᐅᔪᓐᓇᕐᒥᔪᑦ ᓄᓇᓕᐸᐅᔭᒃᑯᑦ ᐊᓪᓚᕝᕕᖏᓐᓂ.
ᐱᔾᔪᓯᐊᖅᑐᑦᓴᑦ ᐃᓕᑕᕆᔭᐅᓛᖅᑐᑦ ᓄᓇᓕᕐᒥᐅᑕᐃᑦ ᑲᑎᑦᑎᑕᐅᓗᑎᒃ ᓇᓪᓕᐅᓂᕐᓯᐅᓂᕐᒧᑦ ᓅᕖᐱᕆ 2025.
ᓇᓪᓕᐅᓂᕐᓯᐅᕈᑎᒋᓛᖅᑲᕗᑦ ᐃᑲᔪᖅᐸᑦᑐᑦ ᐊᑭᓕᕐᓱᖅᑕᐅᒐᑎᒃ ᐊᑐᐃᓐᓇᐅᑎᑉᐸᑦᑐᑦ ᖃᖓᒃᑯᑦ, ᐆᒻᒪᑦᓯᐊᕆᔾᔪᑎᒥᓂᒃ, ᐊᒻᒪ ᐱᔪᒪᓂᕐᒥᓂᒃ ᐆᒻᒪᑎᒃᑯᑦ ᐃᖃᓗᓐᓄᑦ. ᓂᕈᐊᒐᑦᓴᓕᐅᕆᑦ ᑭᓇᑐᐃᓐᓇᕐᒥᒃ ᐅᓪᓗᒥ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᒪᑎᐅᓪᑕ ᐱᓐᒃᓴᓐ
ᐊᔾᔨᐅᖏᑦᑐᓂᒃ ᖃᓄᐃᓕᐅᕈᑎᓂᒃ ᐱᓕᕆᐊᑦᓴᓕᕆᔨ
ᓄᓇᓕᐸᐅᔭᐃᑦ ᐃᖃᓗᐃᑦ m.pinksen@iqaluit.ca
