ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᓚᒋᔭᐅᒋᑦ ᐅᕙᑦᑎᓐᓄᑦ ᑲᓇᑕᐅᑉ ᐅᓪᓗᖓᓂ ᐊᑐᕆᐊᒃᑯᑦ ᒪᓕᑦᑎᒌᑦᑎᓪᓗᑕ!
ᔪᓂ 28, 2023 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᖃᐃᓛᖁᔨᓕᕆᕗᑦ ᓄᓇᓕᕐᒥᐅᑕᓂᑦ, ᐃᓄᖕᓂᒃ, ᐊᒻᒪ ᑮᓇᐅᔭᓕᐅᖅᑎᐅᖏᑦᑐᓂᑦ ᑲᑐᔾᔨᖃᑎᒌᓂᑦ: ᕿᓂᖅᑐᒍᑦ ᓄᓇᓕᕐᒥᐅᑕᓂᑦ ᐊᒻᒪ ᐃᓄᖕᓄᑦ ᑲᑐᔾᔨᖃᑎᒌᓂᑦ, ᑮᓇᐅᔭᓕᐅᖅᑎᐅᖏᑦᑐᓂᑦ ᐊᓯᖏᓐᓂᓘᓐᓃᑦ, ᐱᖃᑕᐅᖁᓪᓗᒋᑦ ᑲᓇᑕᐅᑉ ᐅᓪᓗᖓᓂ ᐊᑐᕆᐊᒃᑯᑦ ᒪᓕᑦᑐᒌᑦᑎᓪᓗᑕ!
ᑲᓇᑕᐅᑉ ᐅᓪᓗᖓᓂ ᑐᕌᒐᖃᕐᓂᐊᖅᑐᒍᑦ ᑕᑯᑦᓴᐅᑎᑦᓯᓂᕐᒥᑦ ᓄᓇᓕᑦᑎᓐᓂᑦ ᖃᓄᐃᑦᑐᑦ ᐱᓕᕆᔾᔪᑏᑦ ᐊᒻᒪ ᐱᔨᑦᓯᕋᐅᑏᑦ ᐊᑐᐃᓐᓇᐅᒻᒪᖔᑕ.
ᐊᑐᐊᒐᐃᑦ ᐱᖃᑕᐅᓂᐊᖅᑐᓄᑦ ᒪᓕᑦᑐᒌᑦᑐᓄᑦ ᐃᖏᕐᕋᓗᑎᒃ:
• ᐃᓘᓐᓇᑎᒃ ᒪᓕᑦᑎᒌᖃᑕᐅᓂᐊᖅᑐᑦ ᐊᒻᒪ/ᐅᕝᕙᓘᓐᓃᑦ ᐃᓄᑐᐊᑦ ᐱᖃᑕᐅᓂᐊᖅᑐᑦ ᐊᑎᓕᐅᕐᓯᒪᒋᐊᓖᑦ ᓄᓇᓕᐸᐅᔭᐃᑦ ᐃᖃᓗᐃᑦ ᐱᖕᖑᐊᖅᑐᓕᕆᔨᒃᑯᖏᓐᓄᑦ ᓯᕗᓂᐊᒍᑦ ᐃᖏᕐᕋᓯᓚᐅᖏᓐᓂᖏᓐᓂ.
• ᐃᓘᓐᓇᑎᒃ ᐱᖃᑕᐅᒐᔭᖅᑐᑦ ᐊᑐᕆᐊᓖᑦ ᑕᑯᒥᓇᓗᖅᑯᑕᓂᑦ, ᓂᔾᔭᐅᑎᓂᑦ, ᐃᖏᕐᕋᒍᑎᐅᔪᖅ ᖃᓄᑐᐃᓐᓇᖅ ᓴᓇᔭᐅᓯᒪᓗᓂ ᐊᒻᒪ/ᐅᕝᕙᓘᓐᓃᑦ ᐋᓐᓄᕌᕆᔭᐅᓂᐊᖅᑐᑦ. ᓄᓇᒃᑰᔫᑦ ᑲᓕᑦᑐᑦ ᑕᑯᒥᓇᓕᖅᑎᑕᐅᓯᒪᒋᐊᖃᕐᒥᔪᑦ.
• ᒪᓕᑦᑎᒌᒍᑎᐅᓂᐊᖅᑐᑦ ᖃᓄᐃᒋᐊᖃᖏᑦᑐᑦ ᓱᕋᓐᓂᐅᓴᖏᓪᓗᑎᒃ ᐊᒻᒪ ᐊᑦᑕᓇᔾᔭᐃᕐᓯᒪᓗᑎᒃ ᑲᓕᒍᑎᖏᑦ ᐊᐅᓚᑕᐅᔪᓐᓇᓯᐊᕐᓗᓂ. ᐊᑦᑕᓇᖅᑐᒦᔾᔭᐃᒃᑯᑏᑦ ᐊᕐᓵᖅᑐᔭᕐᓂᒃ ᐊᒻᒪ ᓴᓐᓂᕈᐊᓕᓐᓂᑦ ᑲᓕᒍᑎᓂᑦ ᐊᑐᕆᐊᓖᑦ ᑲᓕᓐᓂᐊᖅᑐᑦ. ᐃᖏᕐᕋᖃᑕᐅᔪᒥ ᓇᖏᕋᔭᓐᓂᐊᖅᑐᑦ ᑭᒃᑯᑐᐃᓐᓇᐃᑦ ᐱᑕᖃᐃᓐᓇᕆᐊᓖᑦ ᑎᒍᒥᐊᕐᕕᑦᓴᒥᑦ ᐊᑕᑦᓯᐊᖅᑐᒥᑦ ᐅᕝᕙᓘᓐᓃᑦ ᑕᐃᒪᐃᑦᑐᐸᓗᓐᓂᑦ ᑎᒍᒥᐊᕐᕕᑦᓴᓂᑦ ᐃᔪᒃᑲᔭᐃᒃᑯᑎᑦᓴᓂᑦ.
ᐃᕝᕕᓘᓐᓃᑦ ᑲᑐᔾᔨᖃᑎᒌᑦᓯᓘᓐᓃᑦ ᐱᖃᑕᐅᒍᒪᓐᓂᕈᑦᓯ ᒪᓕᑦᑐᒌᑦᑐᓄᑦ, ᖃᐅᔨᒋᐊᖁᔪᖅ ᐅᓇ ᐃᕐᖐᓇᖅᑕᐅᑎᒃᑯᑦ C.Netser@Iqaluit.ca ᐅᕝᕙᓘᓐᓃᑦ ᐅᖄᓚᐅᑎᒃᑯᑦ ᐅᕗᖓ 975-8508 ᑐᑭᓯᒃᑲᓐᓂᕈᒪᒍᕕᑦ ᐅᖓᑖᓂᐅᖏᑦᑐᖅ ᔪᓂ 29, 2023.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᑭᐊᓐᑦ ᑐᕆᔅᑯᓪ ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᑎᔨ
867-979-5607 k.driscoll@iqaluit.ca
