ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᓄᖕᓄᑦ ᑐᓴᕋᑦᓴᖅ
ᐃᓪᓗᒥᐅᑕᐃᑦ ᐊᑦᑕᓇᖅᑐᑦ ᐊᑦᑕᑯᐃᑦ ᐊᒡᔭᖅᑕᐅᔪᑦ – ᓄᓇᓕᐸᐅᔭᒃᑯᑦ ᓄᓇᓯᐅᑎᒃᑯᕕᖓᓄᑦ ᑮᓇᐅᔭᒃᑯᕕᐅᑉ RBC ᓴᓂᐊᓃᑦᑐᒧᑦ – ᓯᕙᑖᕐᕕᒃ ᓰᑏᐱᕆ 28, 2024-ᒥ
ᓰᑏᐱᕆ 23, 2024 – ᐃᖃᓗᐃᑦ, ᓄᓇᕗᑦ
ᐃᖃᓗᐃᑦ ᓄᓇᓕᐸᐅᔭᖅ ᐃᖅᑲᐃᓯᔪᒪᔪᑦ ᐃᖃᓗᒻᒥᐅᑕᓂᒃ ᐃᓪᓗᒥᐅᑕᐃᑦ ᐊᑦᑕᓇᖅᑐᑦ ᐊᑦᑕᑯᐃᑦ ᐊᒡᔭᖅᑕᐅᔪᑦ ᓇᔪᕐᕕᖓ ᒪᑐᐃᕐᓂᐊᖅᑐᖅ ᓯᕙᑖᕐᕕᒃ ᓰᑏᐱᕆ 28, 2024, 9 ᐅᓪᓛᒃᑯᑦ 3−ᒧᑦ ᐅᓪᓗᒃᑯᑦᓄᓇᓕᐸᐅᔭᒃᑯᑦ ᓄᓇᓯᐅᑎᒃᑯᕕᖓᓐᓄᑦ ᑮᓇᐅᔭᒃᑯᕕᐅᑉ RBC ᓴᓂᐊᓃᑦᑐᒧᑦ, ᐃᓪᓗ 621. ᑕᕝᕘᓇᓕ ᓄᓇᓕᕐᒥᐅᑕᐃᑦ ᐊᑦᑕᓇᖏᑐᒃᑯᑦ ᐃᒋᐅᒃᑲᐃᒍᓐᓇᖅᑎᑕᐅᕙᑦᑐᑦ ᐃᓪᓗᒥ ᐊᑐᒐᕐᓂᒃ ᐅᓗᕆᐊᓇᖅᑐᓂᒃ ᓴᓂᕐᓂᒃ, ᐊᒻᒪᑦᑕᐅᖅ ᐊᒥᐊᕈᑎᒥᓂᕐᓂᒃ ᑕᐅᕐᓰᖃᑎᒌᒍᓐᓇᖅᑎᑕᐅᕙᑦᑐᑎᒃ ᐊᓯᐊᑕ ᐊᒥᐊᕈᑎᒥᓂᖏᓐᓄᑦ.
ᐃᓪᓗᒥ ᐊᑐᒐᐃᑦ ᐅᓗᕆᐊᓇᖅᑐᑦ ᓴᓂᕐᓄᒃ ᐱᖃᑕᐅᔪᓐᓇᖅᑐᑦ ᐊᒥᓱᐊᓗᐃᑦ ᓱᓇᑐᐃᓐᓇᐃᑦ ᑭᒃᑯᑐᐃᓐᓇᕐᓄᑦ ᓴᓂᕐᕙᑦᑕᐅᓯᒪᑐᐃᓐᓇᐸᑦᑐᑦ ᓄᓇᓯᐅᑎᒃᑯᕕᖏᓐᓂ, ᓂᖅᑎᐅᕐᕕᖏᓐᓂ, ᐅᕝᕙᓘᓐᓃᑦ ᐅᐊᓴᕐᕕᖏᓐᓂ/ᐊᓇᕐᕕᖏᓐᓂ ᐊᒻᒪ ᐊᑐᖅᑕᐅᔾᔮᔪᓐᓃᖅᑐᑎᒃ. ᐅᓗᕆᐊᓇᖅᑐᑦ ᓱᓇᑐᐃᓐᓇᐃᑦ ᐱᐅᕙᖏᒻᒪᑕ ᐃᓚᖏᑦ ᑐᖁᓐᓇᖅᑐᑎᒃ ᐅᕝᕙᓘᓐᓃᑦ ᐃᑯᐊᓪᓚᒍᓐᓇᖅᑐᑎᒃ ᐊᒻᒪ ᐅᔾᔨᕆᑦᓯᐊᖅᑐᒋᑦ ᑭᓯᐊᓂ ᑲᒪᒋᔭᑦᓴᐅᓗᑎᒃ ᐃᒋᑕᐅᓂᐊᖅᑎᓪᓗᒋᑦ.
ᑭᒃᑯᑐᐃᓐᓇᐃᑦ ᐊᑲᐅᓈᖁᑎᖃᖁᔭᐅᔫᒐᓗᐊᑦ ᑕᒪᑦᓱᒥᖓ ᐅᓪᓗᕆᐊᓇᖅᑐᓂᒃ ᓴᓂᓕᕆᓂᐊᖅᑐᓂᒃ ᐅᓪᓗᖓᓂ ᖃᐃᓗᑎᒃ ᐊᒻᒪ ᐊᑦᑕᓇᖏᑐᒃᑯᑦ ᐃᒋᑦᓯᒋᐊᖅᑐᖃᑕᐅᓗᑎᒃ ᐱᔭᐅᔪᒪᔪᓐᓃᖅᑐᓂᒃ ᐅᕝᕙᓘᓐᓃᑦ ᐊᑐᕋᑦᓴᐅᔪᓐᓃᖅᑐᓂᒃ ᓱᓇᑐᐃᓐᓇᕐᓂᒃ.
ᐃᓪᓗᒥᐅᑕᒥᓃᑦ ᐃᒋᑕᐅᔪᓐᓇᖅᑐᑦ (ᑭᓯᐊᓂ ᐊᓯᖃᕈᓐᓇᓯᐊᕐᒥᔪᑦ):
ᖁᐊᕈᓐᓇᖏᑦᑐᑦ, ᓂᐱᑦᑕᔫᑦ, ᑎᒻᒥᑳᔫᑦ, ᓄᓇᒃᑰᔫᓄᑦ ᐊᒻᒪ ᐃᓪᓗᒥᐅᑕᕐᓄᑦ ᕚᑕᓖᒥᓃᑦ, ᓴᓗᒻᒪᕐᓴᐃᑎᒥᓃᑦ, ᒪᕐᖏᑐᕐᓂᕈᓲᑦ ᓱᕋᓲᑦ, ᐅᕐᓱᐊᓗᒥᓃᑦ, ᓄᖑᑦᓱᐃᑦᑐᑦ ᒨᕐᑯᕆ (Mercury), ᖄᓲᑦ ᓱᓇᑐᐃᓐᓇᐃᑦ, ᑐᖁᓐᓇᖅᑐᑦ, ᐊᒥᐊᕈᑎᖃᐅᑎᒥᓃᑦ ᐊᒻᒪ ᑎᒻᒥᑳᓲᑦ ᐊᒥᐊᕈᑎᒥᒃ, ᐄᔭᒐᐃᑦ, ᓂᐱᑦᑕᔫᑦ
ᓱᓇᑐᐃᓐᓇᐃᑦ ᓈᒻᒪᒋᔭᐅᖏᑦᑐᑦ:
ᐅᐊᔭᒨᖅᑐᒥᓃᑦ, ᐊᑐᕐᓯᒪᔪᑦ ᕿᓂᖅᑐᑦ, ᕿᓂᖅᑐᓄᑦ ᑲᖕᖔᑎᑦᓯᔾᔪᑏᑦ, ᕿᓂᖅᑐᖃᐅᑎᒥᓃᑦ, ᐊᑦᓴᓗᐊᒥᓃᑦ, ᐳᓪᓚᖃᕐᕕᒥᓃᑦ, ᐆᒪᔪᒥᓃᑦ, ᓯᐊᒻᒪᐃᔪᓐᓇᖅᑐᑦ ᓴᓃᑦ, ᓄᖑᐃᓴᐃᔪᓐᓇᖅᑐᑦ ᑎᒥᒥᒃ ᓴᓃᑦ, ᖄᑦᑕᔫᑦ, ᓴᒃᑯᐃᑦ ᐊᒻᒪ ᓴᓇᕕᖃᕐᕕᓐᓂᒃ ᓴᓃᑦ.
ᓄᓇᓕᕐᒥᐅᑕᐃᑦ ᓇᓗᓇᐃᒃᑯᑎᖏᓐᓂᒃ ᐃᒋᑕᐅᓂᐊᖅᑐᑦ ᐊᑕᑎᑦᓰᓐᓇᖁᔭᐅᔫᒐᓗᐊᑦ. ᐃᒋᑕᐅᓂᐊᖅᑐᑦ ᓇᓗᓇᐃᖅᑕᐅᔪᓐᓇᖁᓪᓗᒋᑦ ᑕᐃᒫᑦᓯᐊᖅ ᐊᒻᒪ ᖃᐅᔨᓴᖅᑕᐅᒋᐊᑐᖃᑦᑕᖏᓪᓗᑎᒃ ᐃᒋᑕᐅᔪᑦ ᓱᓇᐅᒻᒪᖔᑕ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᕖᑕᓂ ᐄᓯᒪᐃᓕ
ᐊᑦᓯᕕᒻᒥ ᐃᖅᑲᓇᐃᔭᖅᑎᓄᑦ ᐊᖏᔪᖅᑳᖅ ᓄᓇᓕᐸᐅᔭᐃᑦ ᐃᖃᓗᐃᑦ
867-222-2972 | b.eeseemailee@iqaluit.ca
