ᐃᖃᓗᐃᑦ ᓵᓚᑦᓴᖅᑐᑦ ᐱᖃᑕᐅᕙᓐᓂᖅ ᓄᓇᓕᐅᔪᑦ ᐱᓇᓱᐊᒐᖓᓐᓂᑦ

01/08/2023

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᖃᓗᐃᑦ ᓵᓚᑦᓴᖅᑐᑦ ᐱᖃᑕᐅᕙᓐᓂᖅ ᓄᓇᓕᐅᔪᑦ ᐱᓇᓱᐊᒐᖓᓐᓂᑦ
ᐋᒐᓯ 1, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖁᕕᐊᒋᓪᓗᒍ ᐅᖃᐅᓯᖃᕈᒪᓕᕆᕗᑦ ᐱᖃᑕᐅᕙᓐᓂᖅ ᖃᓄᐃᓕᐅᖅᑐᓄᑦ ᐱᑎᑦᓯᓚᐅᕐᒪᑕ ᓄᓇᓕᐸᐅᔭᐃᑦ ᐃᖃᓗᓐᓂᑦ ᑕᐃᒎᓯᕐᒥᑦ “ᓄᓇᕗᑦᒥ ᕿᑲᖏᓛᖑᕙᑦᑐᑦ ᓄᓇᓕᐅᔪᑦ” 2023-ᒥ ᐱᖃᑕᐅᕙᓐᓂᖅ ᓄᓇᓕᐅᔪᑦ ᐱᓇᓱᐊᒐᖓᓐᓂᑦ.

ᐃᓚᒋᔭᐅᓗᓂ ᑖᑦᓱᒧᖓ ᑕᐃᒎᓯᑦᓯᐊᕚᓗᒻᒧᑦ, ᐃᖃᓗᐃᑦ ᐱᖕᖑᐊᖅᑐᓕᕆᔨᒃᑯᖏᑦ ᐱᑎᑕᐅᓂᐊᕐᒥᔪᑦ ᑮᓇᐅᔭᓂᑦ $15,000 ᑐᕌᖓᒋᐊᓕᓐᓂᑦ ᑎᒥᒥᑦ ᕿᑲᔾᔭᐃᒃᑯᑎᑦᓴᓄᑦ ᓄᓇᓕᓐᓂ.

ᐊᕐᕌᒍᓂ ᑎᓴᒪᐅᓕᖅᑐᓂᑦ (4), ᐱᖃᑕᐅᕙᓐᓂᖅ ᐱᑎᑦᓯᓯᒪᓕᖅᑐᑦ ᐅᖓᑖᓃᑦᑐᓂᑦ $4 ᒥᓕᐊᓐ ᑮᓇᐅᔭᐃᑦ ᐱᔾᔪᓯᐊᖅᐸᑦᑐᓄᑦ ᓄᓇᓕᓐᓄᑦ ᐃᑲᔪᕐᓱᐃᔾᔪᑎᑦᓴᓂᑦ ᓄᓇᓕᓐᓂ ᑎᒥᒥᑦ ᕿᑲᑐᐃᓐᓇᔾᔭᐃᒃᑯᑎᑦᓴᓄᑦ ᐊᒻᒪ ᐱᖕᖑᐊᕈᑎᓄᑦ, ᐊᒻᒪ $5.7 ᒥᓕᐊᓂᑦ ᐱᔾᔪᓯᐊᖅᑎᑦᓯᓯᒪᓕᖅᑐᑎᒃ ᓄᓇᓕᓐᓂ ᑲᑐᔾᔨᖃᑎᒌᓄᑦ ᑲᓇᑕᒥ ᓇᒥᑐᐃᓐᓇᖅ ᑎᒥᒥᑦ ᕿᑲᑐᐃᓐᓇᔾᔭᐃᒃᑯᑎᑦᓴᓅᖓᔪᑦᓴᓂᑦ.

ᐱᓪᓗᒍ ᐱᖃᑕᐅᕙᓐᓂᖅ ᓄᓇᓕᐅᔪᑦ ᐱᓇᓱᐊᒐᖓᓐᓂᑦ:

ᐱᖃᑕᐅᕙᓐᓂᖅ ᓄᓇᓕᐅᔪᑦ ᐱᓇᓱᐊᒐᖓᓐᓂᑦ ᑲᓇᑕᒥ ᑎᒥᒥᑦ ᕿᑲᑐᐃᓐᓇᔾᔭᐃᒃᑯᑎᓄᑦ ᐊᒻᒪ ᐱᖕᖑᐊᕈᑎᓄᑦ ᐊᑐᖅᑐᑦᓴᓕᐊᖑᓯᒪᔪᖅ ᑲᓇᑕᒥᐅᑕᓂᑦ ᐊᔭᐅᕐᓱᐃᔾᔪᑎᐅᕙᑦᑐᓂ ᕿᑲᑐᐃᓐᓇᔾᔭᐃᒃᑯᑎᐅᓗᓂ ᔪᓂᐅᓕᕋᐃᒻᒪᑦ ᕿᓂᖅᑐᓄᑦ ᑲᓇᑕᐅᑉ ᕿᑲᑐᐃᓐᓇᖏᓛᖏᓐᓂᑦ ᓄᓇᓕᕐᒥᐅᑕᓂᑦ. ᐱᓇᓱᐊᕈᓐᓇᖅᑎᑕᐅᕙᑦᑐᑦ ᐃᓘᓐᓇᑎᒃ ᓄᓇᓕᓕᒫᑦ ᐊᒻᒪ ᑭᒃᑯᑐᐃᓐᓇᐃᑦ, ᐃᓕᑕᕐᓯᔾᔪᑎᐅᓕᖅᐸᑦᑐᓂ ᑲᓇᑕᒥ ᕿᑲᑐᐃᓐᓇᖏᓛᖏᓐᓂᑦ ᓄᓇᓕᕐᒥᐅᑕᓂᑦ ᐊᒻᒪ ᐃᑎᑕᐅᕙᑦᑐᑎᒃ ᑮᓇᐅᔭᓂᑦ $100,000-ᓂᑦ ᐃᑲᔪᕐᓱᐃᔾᔪᑎᑦᓴᐅᖁᓪᓗᒋᑦ ᓄᓇᓕᓐᓂ ᕿᑲᑐᐃᓐᓇᔾᔭᐃᒃᑯᑎᓂᑦ ᖃᓄᐃᓕᐅᕈᑎᓂᑦ ᐊᒻᒪ ᐱᖕᖑᐊᕈᑎᕈᓘᔭᕐᓂᒃ.

ᐃᓚᒋᔭᐅᓗᑎᒃ ᑲᓇᑕᒥ ᓵᓚᑦᓴᖅᑐᓄᑦ, ᐱᔾᔪᓯᐊᖅᑎᑕᐅᕙᒻᒥᔪᑦ ᕿᑲᑐᐃᓐᓇᖏᓛᓄᑦ ᓄᓇᓕᓐᓄᑦ ᐊᒻᒪ ᓄᓇᓕᖃᕐᕕᓐᓄᑦ. ᑭᒃᑯᑐᐃᓐᓇᐃᑦ ᐱᖃᑕᐅᒍᓐᓇᐸᑦᑐᑦ ᖃᐅᔨᓴᖅᐸᑦᑐᑎᒃ ᐊᒻᒪ ᓇᓗᓇᐃᔭᐃᕙᑦᑐᑎᒃ ᕿᑲᑐᐃᓐᓇᕈᓐᓃᕋᐃᒐᒥᒃ ᓂᐱᑎᑕᐅᓗᓂ ᐊᑭᖃᖏᑦᑐᖅ ᖃᕋᑕᐅᔭᒃᑯᑦ ᖃᐅᔨᓴᐅᑎ ᐱᓇᓱᐊᒐᖓᓐᓂᑦ ᔪᓂᐅᓂᖓᓂ, ᐅᕝᕙᓘᓐᓃᑦ ᐃᓚᒋᔭᐅᓕᖅᑐᑎᒃ ᓄᓇᓕᓐᓂ ᐱᓇᓱᐊᒐᖓᑎᒍᑦ ᖃᓄᐃᓕᐅᕈᑎᓄᑦ.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᑭᐊᓐᑦ ᑐᕆᔅᑯᓪ
ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᑎᔨ
867-979-5607 k.driscoll@iqaluit.ca

**ᑕᑯᓗᒍ ᐊᑦᑕᑕᖅᓯᒪᔪᖅ PDF−ᒧᑦ ᑐᖅᑯᖅᓯᒪᕝᕕᒃ ᐊᔾᔨᙳᐊᒧᑦ**

Notice: