ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐱᕙᓪᓕᐊᔪᓂᑦ ᑐᓴᕋᑦᓴᖅ
ᐃᖃᓗᐃᑦ ᖃᑦᑎᕆᔨᖏᒃ ᐅᐸᑦᑐᑦ ᐱᓱᕐᕋᕐᒥ ᑲᑎᖕᖓᔪᒥ ᓇᔪᒐᖃᕐᕕᒻᒥ
ᔪᓂ 8, 2020 – ᐃᖃᓗᐃᑦ, ᓄᓇᕗᑦ
ᐃᖃᓗᓐᓂ ᑐᐊᕕᕐᓇᖅᑐᓕᕆᔨᒃᑯᑦ ᐅᐸᓚᐅᖅᑐᑦ ᑲᑎᖕᖓᔪᒥ ᓇᔪᒐᖃᕐᕕᒻᒥᑦ ᐅᓛᕈᓘᖅᑲᐅᔪᖅ 5100−ᓂᑦ ᓈᓴᐅᑎᓕᓐᓂᑦ ᐱᓱᕐᕋᕐᒥ ᐃᓪᓗᖃᕐᕕᒻᒥ.
11 ᖃᑦᑎᕆᔩᑦ, ᐱᖓᓱᑦ ᓄᓇᒃᑰᔫᑦ ᐊᒻᒪ ᒪᕐᕉᒃ ᓄᓇᒃᑰᔫᒃ ᑐᐊᕕᕐᓇᖅᑐᓕᕆᔾᔪᑏᒃ ᐅᐸᖅᑲᐅᔪᑦ ᐊᒻᒪ ᐃᑯᐊᓚᔪᖅ ᖃᒥᑕᐅᑦᑕᐅᑎᒋᓪᓗᓂ, ᓱᕋᓐᓂᐊᖅᑐᖅ ᐊᖏᓂᕐᓴᖅ ᓱᕋᐃᔾᔭᐃᕐᓯᒪᑎᑕᐅᓗᓂ ᓯᐊᒻᒪᑦᑎᑕᐅᒐᓂ ᐃᑭᒋᐊᖓᖅᑑᑉ ᐊᓯᐊᓄᑦ.
ᖁᔭᓐᓇᒦᒃ ᓱᕋᑦᓯᒪᓐᓂᖏᒻᒪᑦ ᐃᑭᑦᑐᖃᓕᖅᐸᑦ ᖁᖁᐊᕈᑎᖓ ᐊᒻᒪ ᐃᒥᕐᒥᒃ ᑎᒻᒥᑳᔫᖏᑦ ᓇᔪᒐᖃᕐᕕᐅᑉ, ᓇᔪᒐᓖᑦ ᐊᓂᔪᓐᓇᓯᖅᑲᐅᔪᑦ ᑐᐊᕖᓐᓈᓗᒃ ᐊᒻᒪ ᐊᑦᑕᓇᔾᔭᐃᕐᓯᒪᓪᓗᑎᒃ. ᓇᔪᒐᓖᑦ ᐅᑎᕈᓐᓇᓯᖅᑲᐅᔪᑦ ᓇᔪᒐᖏᓐᓄᑦ ᐃᑲᕐᕋᖅ ᐊᑕᐅᓯᖅ ᐊᓂᒍᑐᐃᓐᓇᑎᓪᓗᒍ.
ᐅᖃᐅᓯᖃᖅᑐᖃᖅᑲᐅᖏᑦᑐᖅ ᐋᓐᓂᖅᑐᖃᕐᓂᕐᒪᖔᖅ ᑐᐊᕕᕐᓇᖅᑐᓕᕆᔨᓂᑦ ᐅᕝᕙᓘᓐᓃᑦ ᐃᓪᓗᒥ ᓇᔪᒐᓕᓐᓂᑦ.
ᓇᖕᒥᓂᕗᑦ ᐅᐊᔭᒨᖅᑐᑦ ᓱᓇᑐᐃᓐᓇᖁᑎᕗᑦ ᐊᑐᖅᑐᒻᒪᕆᐊᓖᕙᒃᑲᓗᐊᖅᑎᓪᓗᒋᑦ ᐃᓅᓯᕆᓕᖅᑕᑎᓐᓂ ᒫᓐᓇ, ᐃᖃᓗᐃᑦ ᑐᐊᕕᕐᓇᖅᑐᓕᕆᓂᕐᒥᑦ ᐱᔨᑦᓯᕋᖅᑎᖏᑦ ᐃᖅᑲᐃᑎᑦᑎᒍᒪᓕᕆᕗᑦ ᐃᓘᓐᓇᑎᓐᓂᒃ ᐅᔾᔨᕈᓱᖃᑦᑕᖁᔭᐅᓗᑕ ᓴᖕᖏᓴᓕᕋᐃᒍᑦᑎᒍ ᓱᓇᑐᐃᓐᓇᐃᑦ. ᐅᐊᔭᒨᖅᑐᑦ ᕚᑕᓖᒨᖅᑐᑦ ᐃᓗᓪᓕᕈᓐᓇᕐᒪᑕ ᐊᖏᔪᑲᓪᓛᓗᓐᓂᑦ ᐆᒻᒪᖅᑯᑎᓂᑦ ᐊᒻᒪ ᒪᑐᐃᖓᑦᑎᐊᖅᑐᒦᒋᐊᖃᖅᐸᑦᑐᑎᒃ ᐱᒻᒪᑕ ᐆᓇᕐᓯᓂᐅᓴᒻᒪᑕ ᐅᕝᕙᓘᓐᓃᑦ ᓱᕋᖕᖏᓐᓂᖏᓐᓂ ᐆᓇᕐᓯᒍᓐᓇᕐᒪᑕ ᐊᑦᓱᐊᓗᒃ. ᑕᒪᒃᑯᓂᖓ ᐱᖁᑎᑦᓯᓐᓂᑦ ᓴᖕᖏᓴᖅᑎᑦᑎᕙᒐᓯ ᐊᑭᓰᑦ ᐊᑎᖏᓐᓂ, ᐃᑦᓯᕙᐅᑕᑯᑖᒦᑎᓪᓗᒍ ᐅᕝᕙᓘᓐᓃᑦ ᓇᒥᑐᐃᓐᓇᖅ ᓯᕿᓐᓂᖅᑕᐅᓂᐅᓴᔪᒦᑉᐸᖏᓪᓗᑎᒃ. ᓂᓪᓕᓇᖅᑐᓂ, ᑎᓯᔪᓂ ᐃᓂᖃᖅᑎᐸᓪᓗᒋᑦ ᓴᖕᖏᓴᕐᓂᐅᓴᑎᓪᓗᒋᑦ ᐅᓗᕆᐊᓇᖕᖏᓂᕐᓴᐅᒻᒪᑕ ᐃᑭᓐᓂᐅᓴᒐᑎᒃ.
ᐱᕙᓪᓕᐊᔪᓕᕆᔪᓂᑦ ᐊᐱᖅᑯᑎᖃᕈᕕᑦ, ᐅᓇ ᖃᐅᔨᒋᐊᖁᔪᖅ:
ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
L.Milosavljevic@iqaluit.ca
867-979-5607
