
ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐃᖅᑲᐃᑎᑦᑎᒋᐊᕈᑎ ᐃᓄᐃᑦ ᓱᕈᓰᑦ ᓯᕗᓪᓕᐅᔾᔭᐅᔪᓄᑦ ᐃᑲᓲᓯᐊᖅᐸᑦᑐᓄᑦ: ᓂᐅᕕᕈᓐᓇᐅᑎᐅᓄᑦ ᐊᓯᔾᔨᖅᑕᐅᔾᔪᑎ ᓂᐅᕕᕐᕕᓄᑦ ᐃᓱᓕᕝᕕᔅᓴᖕᒐ
ᑏᓯᐱᕆ 09, 2024 – ᐃᖃᓗᐃᑦ, ᓄᓇᕗᑦ
ᐃᖃᓗᖕᓂ ᓄᓇᓕᐸᐅᔭᒃᑯᑦ ᐃᖅᑲᓇᐃᑎᑦᑎᔪᒪᔪᑦ ᐃᓄᐃᑦ ᓱᕈᓰᑦ ᓯᕗᓪᓕᐅᔾᔭᐅᔪᓄᑦ ᐃᑲᔫᓯᐊᖅᐸᑦᑐᓄᑦ ᓂᐅᕕᕈᓐᓇᐅᑎᓄᑦ ᐊᓯᔾᔨᖅᑕᐅᔾᔪᑎᖕᒐ ᓂᐅᕕᕐᕕᓄᑦ ᐃᓱᓕᕝᕕᔅᓴᖃᕐᒪᑕ ᓇᒡᒐᔾᔭᐅ ᑏᓯᐱᕆ 18, 2024-ᒥ, ᑕᒪᕐᒥᑦᑎᐊᖅ ᐱᔪᒪᔾᔪᑕᐅᔪᑦ ᐱᔭᕇᖅᑕᐅᓯᒪᖁᓪᓗᒋᑦ ᔮᓐᓄᐊᕆᒥ ᐊᑭᓕᐅᑕᐅᒐᔭᖅᑐᓄᑦ.
ᖃᐅᔨᒪᓂᐊᕆᕗᓯ ᐱᓇᓲᑎᑦ ᑏᓯᐱᕆᒧᑦ ᐱᔭᐅᖃᑦᑕᔾᔮᖖᒋᒻᒪᑕ ᐱᖕᒐᑦᓯᖅ, ᑏᓯᐱᕆ 20, 2024 ᐊᓂᒍᖅᐸᑦ, 12:00-ᒨᖅᐸᑦ ᐅᓐᓄᓴᒃᑯᑦ. ᐱᓇᓲᑎᑦ ᑐᓐᓂᖅᑯᑕᐅᔪᑦ 12:00 ᐅᓐᓄᓴᒃᑯᑦ ᐊᓂᒍᖅᐸᑦ ᑏᓯᐱᕆ 20-ᒥ ᐋᖅᑭᑦᑕᐅᒐᔭᖅᑐᑦ ᔮᓐᓄᐊᕆᒧᑦ. ᑖᓐᓇ ᐋᖅᑭᒋᐊᖅᑕᐅᔪᖅ ᐃᖅᑲᓇᐃᔭᖅᑎᑦ ᓄᖅᑲᖕᒐᓂᐅᓴᒻᒪᑕ ᓄᓇᓕᐸᐅᔭᒃᑯᑦ ᐊᓪᓚᕝᕕᖕᒐ ᒪᑐᓯᒪᑎᓪᓗᒍ ᕿᑲᕐᓇᒥ.
ᑐᒃᓯᕋᕈᒪᓗᓂ ᓂᐅᕕᕐᕕᐅᑉ ᐊᓯᐊᓄᑦ ᓂᐅᕕᕈᓐᓇᐅᑎᑖᕈᒪᓗᓂ, ᖃᐅᔨᒋᐊᕆᐊᖃᖅᑕᐃᑦ ᐃᑭᐊᖅᑭᕕᖕᒐ ᐅᕘᓇ www.cfi-iqaluit.ca. ᓇᓂᓇᓱᓪᓗᒍ ᐊᑎᓕᐅᕐᕕᖕᒨᕐᓗᑎᑦ ᒪᑉᐱᒐᐅᑉ ᖁᓛᓃᑦᑐᖅ ᓇᕿᓪᓗᒍ “ᓂᐅᕕᕐᕕᐅᑉ ᐊᓯᔾᔨᕈᒪᔾᔪᑎ.”
ᖁᔭᓐᓇᒦᒃ ᑐᑭᓯᐅᒪᔪᓐᓇᕋᕕᑦ ᐱᒋᐊᑦᑕᐅᑎᒋᔪᓐᓇᕋᕕᓪᓗ ᑖᒃᑯᐊ ᒪᑐᕕᔅᓴᖕᒋᑦ ᑎᑭᓚᐅᖅᑎᓐᓇᒋᑦ. ᓄᓇᖅᑲᑎᓕᒫᕗᑦ ᖃᓄᐃᖖᒋᑦᑎᐊᖁᕙᕗᑦ ᖁᕕᐊᓱᒡᕕᒃᓯᐅᑦᑎᐊᖁᕙᕗᓪᓗ!
##
ᑐᑭᓯᒋᐊᒃᑲᓐᓂᕈᒪᒍᕕᑦ ᑐᑭᓯᒋᐊᕐᕕᒋᔪᓐᓇᖅᑕᐃᑦ:
ᔨᐊᕝ ᐹᕐᓂ
ᑐᓴᐅᒪᑎᑦᑎᓂᕐᒧᑦ ᐊᑭᓕᖅᓱᐃᕙᒃᑐᓄᓪᓗ ᐱᔨᑦᑎᕋᕐᕕᖃᕐᓂᕐᒧᑦ ᐊᐅᓚᑦᑎᔨ
ᐃᖃᓗᖕᓂ ᓄᓇᓕᐸᐅᔭᖅ
867-979-5619 | G.Byrne@iqaluit.ca