ᐃᖅᑲᐃᑎᑦᓯᔾᔪᑎ: ᓄᓇᓯᐅᑎᒥᒃ ᓄᖅᑲᖓᑎᑦᑎᒋᐊᖃᖕᖏᑦᑐᖅ ᐊᑐᕆᐊᕐᒥ

27/12/2019

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᑦ

ᐃᖅᑲᐃᑎᑦᓯᔾᔪᑎ: ᓄᓇᓯᐅᑎᒥᒃ ᓄᖅᑲᖓᑎᑦᑎᒋᐊᖃᖕᖏᑦᑐᖅ ᐊᑐᕆᐊᕐᒥ

ᑏᓰᐱᕆ 27, 2019 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᑦ ᐃᖅᑲᐃᑎᑦᓯᒍᒪᓕᕐᒥᔪᑦ ᓄᓇᓕᕐᒥᐅᑕᓂᒃ ᒪᓕᑦᑐᒋᑦ ᑎᑎᕋᕐᓯᒪᔪᑦ ᓄᓇᕗᑦ ᐊᐅᓚᐅᑎᓕᓐᓄᑦ ᐃᖏᕐᕋᕙᑦᑐᓄᑦ ᐊᑦᑕᓇᑦᑕᐃᓕᒪᓂᕐᒧᑦ ᐱᖁᔭᖅ, ᐊᒻᒪᑦᑕᐅᖅ ᓄᓇᓕᐸᐅᔭᐃᑦ ᐃᖃᓗᐃᑦ ᒪᓕᒐᕋᓛᖁᑎᖓᑦ 625 ᐊᑐᕆᐊᒃᑯᑦ ᐃᖏᕐᕋᔪᓄᑦ, ᓄᖅᑲᖓᔪᓄᑦ ᐊᒻᒪ ᐱᓱᕝᕕᓐᓄᑦ ᒪᓕᒐᕋᓛᖅ, ᓄᓇᓯᐅᑎᒥᒃ ᓄᖅᑲᖓᑎᑦᑎᒋᐊᖃᖕᖏᓯᐊᖅᑐᑦ ᐊᑐᕆᐊᕐᒥ ᐱᑕᖃᖏᑐᐊᖅᐸᑦ ᑎᑎᕋᕐᓯᒪᔪᒥᒃ ᓄᖅᑲᖓᒍᓐᓇᖁᔭᐅᓗᑎᒃ ᐊᑐᕆᐊᕐᒥ.

ᓄᓇᒃᑰᔫᖅᑐᑦ ᓱᕋᐃᔪᑦ ᒪᓕᒐᕐᓂᒃ ᐊᑭᓖᒋᐊᖃᖅᑎᑕᐅᔪᓐᓇᖅᑐᑦ ᑎᑭᒍᓐᓇᖅᑐᓂᒃ $50-ᓄᑦ ᐊᒻᒪ ᓄᓇᓯᐅᑎᖓ ᓅᑕᐅᓗᓂ ᓄᓇᓯᐅᑎᖁᑎᓕᒃ ᐊᑭᓖᒋᐊᖃᖅᑎᑕᐅᓕᕐᓗᓂ.

ᐊᑐᕆᐊᕐᒥ ᓄᖅᑲᖓᑎᑦᑎᓪᓗᓂ ᐊᑦᑕᓇᖅᑐᒻᒪᕆᐅᒻᒪᑦ ᓄᓇᒃᑰᔫᓄᑦ ᐊᖅᑯᓵᖅᑐᓄᑦ ᐊᓯᖏᓐᓂᒃ ᐊᑐᕆᐊᕐᓂᒃ, ᐅᕝᕙᓘᓐᓃᑦ ᓄᓇᓯᐅᑎᓄᑦ ᑕᕐᕆᓯᒪᑎᑕᐅᔪᓐᓇᕐᒪᑕ ᓯᕗᓂᐊᓃᑦᑐᑦ ᓴᖑᒋᐊᕐᕕᓐᓂ, ᐊᒻᒪᑦᑕᐅᖅ ᓄᓇᓯᐅᑏᑦ ᐊᑐᕆᐊᕐᓂ ᓄᖅᑲᖓᑎᑕᐅᔪᑦ ᐊᕝᕕᐊᕈᓐᓇᕐᒪᑕ ᐊᐳᑕᐃᔭᐃᓇᓱᐊᖅᑐᓂᒃ ᐊᒻᒪ ᐊᑐᕆᐊᓕᕆᔪᓂᒃ.

ᓯᑎᒃᑯᑦ ᖁᔭᓐᓇᒦᕈᒪᕗᑦ ᓄᓇᓕᕐᒥᐅᑕᓂᒃ ᐃᑲᔪᕐᓱᐃᓯᐊᕐᓂᖏᓐᓂᒃ ᐊᒻᒪ ᑐᑭᓯᐊᑦᑎᐊᕐᓂᖏᓐᓂᒃ.

 

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᕌᑦ ᒪᒡᕗᐊᕐᑦ

ᓯᑎᒃᑯᑦ ᐊᓪᓚᑦᑎᖓᑦ

ᓄᓇᓕᐸᐅᔭᐃᑦ ᐃᖃᓗᐃᑦ

r.mugford@iqaluit.ca

979-5600