ᐃᖅᑲᓇᐃᔭᖅᑎᓄᑦ ᐅᓪᓘᑎᓪᓗᒍ ᐊᓪᓚᕝᕕᐅᑉ ᐃᑲᕐᕋᕆᓛᖅᑕᖏᑦ ᐊᒻᒪ ᓄᓇᒃᑰᔫᒃᑯᑦ ᐱᔨᑦᓯᕋᖅᑎᓄᑦ ᐅᓪᓗᕐᓯᐅᑎᑦᓴᖅ

ᐃᖅᑲᓇᐃᔭᖅᑎᓄᑦ ᐅᓪᓘᑎᓪᓗᒍ ᐊᓪᓚᕝᕕᐅᑉ ᐃᑲᕐᕋᕆᓛᖅᑕᖏᑦ ᐊᒻᒪ ᓄᓇᒃᑰᔫᒃᑯᑦ ᐱᔨᑦᓯᕋᖅᑎᓄᑦ ᐅᓪᓗᕐᓯᐅᑎᑦᓴᖅ
ᐋᒐᓯ 30, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᓯᑎᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᕐᒪᑕ ᐃᖅᑲᓇᐃᔭᖅᑎᓄᑦ ᐅᓪᓘᓕᖅᐸᑦ, ᓇᒡᒋᔾᔭᐅᒥ, ᓰᑏᐱᕆ 3, 2018. ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ ᐃᖅᑲᓇᐃᔭᖅᐸᑦᑕᖏᑦ ᐃᑲᕐᕋᖏᒍᑦ ᐃᓚᖕᖓᕐᓯᒪᓛᕐᒥᔪᑦ ᑕᕝᕙᓂ ᐅᓪᓗᕐᒥ.
ᓄᓇᓕᕐᓂᒥᐅᑕᐃᑦ ᐃᒥᖅᑕᐅᔪᒪᓛᖅᑐᑦ ᓇᒡᒋᔾᔭᐅᒥ ᐅᖄᓚᒍᓐᓇᓛᖅᑐᑦ ᓯᑎᒃᑯᑦ ᑭᐅᔨᖏᓐᓄᑦ 979-5650-ᒧᑦ, ᐱᒋᐊᕐᓗᑎᒃ ᐅᓪᓛᒃᑯᑦ 8-ᒥ ᐅᓐᓄᓴᒧᓄᑦ 4-ᒧᓄᑦ. $250-ᓂᑦ ᐊᑭᓖᒋᐊᖃᕋᔭᖅᑐᑦ ᐃᒥᖅᑕᐅᔪᒪᓂᐊᖅᑐᑦ ᑕᕝᕙᓂ ᐅᓪᓗᕐᒥ.
ᐱᖕᖑᐊᖅᑐᓕᕆᔨᒃᑯᑦ ᕿᑲᕐᓇᐅᑎᓪᓗᒍ ᐅᓪᓗᕐᓯᐅᑎᖏᓐᓂᑦ ᑕᑯᔪᒪᓂᐊᖅᑐᑦ ᓯᑎᒃᑯᑦ ᐃᑭᐊᖅᑭᕕᖏᓐᓅᕈᓐᓇᖅᑐᑦ https://www.city.iqaluit.nu.ca/residents/recreation ᐅᕝᕙᓘᓐᓃᑦ ᐅᖄᓚᓗᑎᒃ ᐱᔨᑦᓯᕋᖅᑎᖏᓐᓄᑦ ᐅᕗᖓ 975-8544.
ᓇᒡᒋᔾᔭᐅᓕᖅᑭᐅᓕᖅᐸᑦ, ᓰᑏᐱᕆ 4, 2018 ᐊᓪᓚᕝᕕᖏᑦ ᐊᒻᒪ ᓄᓇᒃᑰᔫᒃᑯᑦ ᐱᔨᑦᓯᕋᖅᑎᖏᑦ ᐅᑎᑦᓯᐊᓛᕐᒥᔪᑦ ᐃᑲᕐᕋᓄᑦ ᐱᐅᓯᕆᕙᑦᑕᖏᓐᓄᑦ.