ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᖅᑲᓇᐃᔮᑦᓴᒥᑦ ᓇᓗᓇᐃᕐᓯᔾᔪᑎ - ᐃᖅᑲᓇᐃᔭᖅᑎᓕᕆᓂᕐᒥᑦ ᖃᐅᔨᒪᔭᓕᒃ
ᓄᓇᓕᐸᐅᔭᐃᑦ ᐃᖃᓗᐃᑦ ᑕᑯᒋᐊᖁᔨᓕᕆᕗᑦ ᐃᓕᑦᓯᓐᓂᒃ ᖁᕕᐊᓇᖅᑐᒻᒪᕆᒻᒥᑦ ᖃᐅᔨᒪᑦᓯᐊᖅᑐᒧᑦ ᐃᖅᑲᓇᐃᔮᑦᓴᒥᑦ ᐱᓇᓱᐊᕈᒪᔪᒧᑦ. ᐃᖅᑲᓇᐃᔭᖅᑎᑖᕋᓱᐊᕋᑦᑕ ᐃᖅᑲᓇᐃᔭᖅᑎᓕᕆᓂᕐᒥᑦ ᖃᐅᔨᒪᔪᓕᒻᒥᑦ.
ᓄᓇᓕᐸᐅᔭᐃᑦ ᐃᖃᓗᐃᑦ ᑐᖕᖓᓱᑦᑎᑦᓯᕙᑦᑐᑦ ᐊᑑᑎᐅᓇᓱᐊᖅᑐᓂᑦ ᐊᒻᒪ ᐃᓱᒪᒋᔭᐅᔪᓂᑦ ᓄᓇᕗᑦ ᓄᓇᑖᕈᑎᐅᓯᒪᔪᒥᑦ ᐊᖏᕈᑎᒥᑦ. ᓯᕗᓪᓕᐅᔾᔭᐅᒐᔭᖅᑐᑦ ᓄᓇᕘᒥᐅᑕᐃᑦ ᐃᓄᐃᑦ; ᐱᓇᓱᐊᖅᑐᑦ ᓇᓗᓇᐃᕐᓯᒪᑦᓯᐊᕆᐊᓖᑦ ᐱᓇᓱᐊᕈᓐᓇᓂᕐᒥᓂᒃ ᐃᓱᒪᑦᓴᕐᓯᐅᕈᑎᐅᓂᒃᑯᑦ ᐊᖏᕈᑎ ᒪᓕᑦᑐᒍ.
ᐃᖅᑲᓇᐃᔮᑦᓴᒃᑯᑦ ᐱᓪᓗᐊᑕᖃᕐᓂᐊᕐᒪᑕ ᐃᓄᖕᓂᒃ ᐃᖅᑲᓇᐃᔭᖅᑎᑖᕋᓱᓐᓂᕐᒥᑦ, ᓄᓇᓕᐸᐅᔭᒃᑯᑦ ᓴᖏᑎᑦᓯᔪ ᐱᓇᓱᐊᕈᒪᓪᓚᕆᓐᓂᕐᒥᑦ ᓄᓇᕘᒥᐅᑕᒥᑦ ᐃᓄᖕᒥᒃ ᐃᖅᑲᓇᐃᔮᑦᓴᒧᑦ.
ᐃᖅᑲᓇᐃᔮᖅᑖᖅᑐᖅ ᐱᓕᕆᔨᖓᒐᔭᖅᑐᖅ ᐊᔾᔨᒌᖏᕈᓘᔭᖅᑐᓂᑦ ᐃᖅᑲᓇᐃᔭᖅᑎᓕᕆᔪᓂᑦ ᐃᑲᔪᕐᓱᐃᕙᓪᓗᓂ ᓄᓇᓕᐸᐅᔭᐃᑦ ᐃᖅᑲᓇᐃᔭᖅᑎᖏᓐᓂᑦ ᐊᒻᒪ ᖃᐅᑕᒫᖅᑐᖅᓯᐅᑎᖏᓐᓂᑦ ᐃᖅᑲᓇᐃᔭᖅᑎᓕᕆᔨᒃᑯᑦ. ᐊᐅᓚᓗᐊᕋᔭᖅᑕᖏᑦ ᐃᖅᑲᓇᐃᔭᖅᑎᑖᕋᓱᑉᐸᓐᓂᖅ ᐊᒻᒪ ᑐᖕᖓᓱᐊᑎᑦᓯᓂᖅ ᐃᖅᑲᓇᐃᔭᖅᑎᕈᖅᑐᒥᑦ; ᐊᑐᐊᒐᓕᕆᓗᑎᒃ ᐊᒻᒪ ᐱᓕᕆᔾᔪᑎᓂᑦ; ᐃᖅᑲᓇᐃᔮᑦᓴᓂᑦ ᐊᒻᒪ ᐃᖅᑲᓇᐃᔭᖅᑎᓄᑦ ᐱᓕᕆᔾᔪᑎᓂᑦ; ᒪᓕᒐᕐᓂᑦ ᒪᓕᒋᐊᖃᕐᓂᕐᒥᑦ; ᐃᖅᑲᓇᐃᔭᖅᑎᓕᕆᔪᓂᑦ ᐸᐃᑉᐹᓕᕆᔾᔪᑎᓂᑦ; ᐊᒻᒪ ᐱᒋᐊᖅᑎᑦᓯᕙᓪᓗᓂ ᐊᔾᔨᒌᖏᑦᑐᓂᑦ ᐃᖅᑲᓇᐃᔭᖅᑎᓕᕆᓂᕐᒥᑦ ᐱᓕᕆᐊᑦᓴᓂᑦ ᐊᒻᒪ ᐱᔨᑦᓯᕋᐅᑎᓂᑦ.
ᐃᖅᑲᓇᐃᔭᖅᑎᓕᕆᓂᕐᒥᑦ ᖃᐅᔨᒪᔪᓕᒃ ᐊᑐᐃᓐᓇᕈᐃᒋᐊᖃᖃᑦᑕᕋᔭᖅᑐᖅ ᐋᖅᑭᒍᑎᑦᓴᓂᑦ ᐊᑲᐅᖏᓕᐅᕈᑎᓄᑦ ᐊᒻᒪ ᑐᑭᓯᒋᐊᖅᐸᓪᓗᓂ ᐊᒻᒪ ᐅᖃᐅᓯᐅᓯᒪᔪᓂᑦ ᐱᓕᕆᐊᖃᖅᐸᓪᓗᓂ ᐱᕙᓪᓕᐅᑎᔪᑦᓴᑦ ᐊᖏᔫᖁᓪᓗᒋᑦ ᐊᒻᒪ ᐱᓕᕆᐊᖃᕐᓂᕆᕙᑦᑕᖏᑦ ᓄᓇᓕᐸᐅᔭᐃᑦ ᐃᖅᑲᓇᐃᔭᖅᑎᖏᑕ ᐃᑲᔪᕐᓱᐃᓯᓐᓈᐸᓪᓗᓂ ᓄᓇᓕᐸᐅᔭᐃᑦ ᐱᔨᑦᓯᕋᐅᑎᖏᓐᓂᑦ ᐃᖃᓗᒻᒥᐅᑕᓂᑦ.
ᐱᓕᕆᓯᒪᒋᐊᓕᒃ ᐱᖃᓯᐅᔾᔨᔪᓂᑦ ᓯᓚᑦᑐᓴᕐᕕᔾᔪᐊᕐᕕᒻᒥᑦ ᓯᓚᑦᑐᓴᕐᕕᒻᒥᓘᓐᓃᑦ ᐱᔭᕇᕈᑎᒥᑦ ᐃᓕᓐᓂᐊᓂᖃᕐᓗᓂ ᐃᖅᑲᓇᐃᔭᖅᑎᓕᕆᓂᕐᒨᖓᔪᓂᑦ ᐅᕝᕙᓘᓐᓃᑦ ᐃᖅᑲᓇᐃᔭᖅᑎᓕᕆᓂᕐᒧᑦ ᓇᖕᒥᓂᓕᕆᔪᓐᓇᓂᕐᒥᑦ ᐱᔭᕇᕈᑎᖃᕐᓗᓂ ᐊᑕᐅᑦᓯᒃᑯᑦ ᐅᑯᓂᖓ ᐃᓕᓐᓂᐊᕈᑎᓂᑦ ᓇᓗᓇᐃᔭᐃᑎᖃᕐᓗᓂ (CHRP, CHRL ᐊᒻᒪ/ᐅᕝᕙᓘᓐᓃᑦ CHRE) ᐅᕝᕙᓘᓐᓃᑦ ᐱᓕᕆᔨᒻᒪᕆᐅᓂᕐᒥᑦ ᐱᔭᕇᕈᑎᑖᖅᐸᓪᓕᐊᓗᓂ.
ᐊᕐᕌᒍᓂᑦ ᐱᖓᓱᓂᑦ (3) ᐱᓕᕆᔨᐅᓯᒪᓗᓂ ᐃᖅᑲᓇᐃᔭᖅᑎᓕᕆᓂᕐᒥᑦ ᐱᐅᒋᔭᐅᔪᑦ. ᐱᓕᕆᔨᒻᒪᕆᐅᓂᕐᒥᑦ ᒐᕙᒪᓕᕆᓂᕐᒥᑦ ᐅᕝᕙᓘᓐᓃᑦ ᓄᓇᓕᓐᓂ ᐊᐅᓚᑦᓯᔨᐅᓂᕐᒥᑦ ᐊᒻᒪ/ᐅᕝᕙᓘᓐᓃᑦ ᐱᓕᕆᓯᒪᓂᖅ ᔫᓐᓂᐊᓐᓕᕆᓂᕐᒥᑦ. ᖃᐅᔨᒪᑦᓯᐊᕆᐊᓕᒃ ᖃᕋᑕᐅᔭᓕᕆᔾᔪᑎᓂᑦ ᒪᑯᓂᖓ MS Word, Excel, PowerPoint ᐊᒻᒪ e-mail ᐱᒻᒪᕆᐅᔪᑦ ᐱᓕᒻᒪᓴᖅᑕᐅᓯᒪᒍᑎᒃ.
ᐱᖁᑏᑦ ᐱᖃᓯᐅᔾᔨᔪᑦ ᐅᖃᕈᓐᓇᕐᓂᖅ ᐃᓄᑦᑎᑐᑦ, ᑐᑭᓯᐅᒪᓗᓂ ᓄᓇᓕᓐᓂ ᐱᖅᑯᓯᕐᓂᑦ ᐊᒻᒪ ᐅᑭᐅᖅᑕᖅᑐᒥᐅᑕᐅᓯᒪᓗᓂ ᐊᒻᒪ ᐃᖅᑲᓇᐃᔭᖅᑎᐅᓯᒪᓗᓂ ᐅᑭᐅᖅᑕᖅᑐᒥ, ᐊᒻᒪ ᐊᑐᕈᓐᓇᓯᐊᖅᑐᒥᑦ ᐊᖁᑦᑐᖅᓯᐅᑎᖃᕐᓗᓂ.
ᑕᑯᒋᐊᕈᓐᓇᖅᑕᐃᑦ ᐃᖅᑲᓇᐃᔮᑦᓴᓕᕆᔪᖅ ᓈᒪᔪᖅ ᐅᕙᓂ:
ᑕᐃᒃᑯᐊ ᑭᓯᐊᓂ ᐊᐱᕐᓱᖅᑕᐅᔪᒪᔪᖅ ᖃᐅᔨᒃᑲᖅᑕᐅᒐᔭᖅᑐᑦ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᑭᐊᓐᑦ ᑐᕆᔅᑯᓪ ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᑎᔨ 867-979-5607 k.driscoll@iqaluit.ca
