ᐅᐱᕐᖓᑦᓵᖑᓕᕐᒥᑎᓪᓗᒍ ᐆᒪᔪᓕᕆᓂᕐᒥᑦ ᐃᖅᑲᐃᑎᑦᓯᔾᔪᑎ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐅᐱᕐᖓᑦᓵᖑᓕᕐᒥᑎᓪᓗᒍ ᐆᒪᔪᓕᕆᓂᕐᒥᑦ ᐃᖅᑲᐃᑎᑦᓯᔾᔪᑎ
ᐃᐳᕈ 22, 2024 – ᐃᖃᓗᐃᑦ, ᓄᓇᕗᑦ

ᐅᐱᕐᖓᑦᓵᖑᓕᕐᒥᑎᓪᓗᒍ ᐊᐳᑦ ᐊᐅᑉᐸᓪᓕᐊᔪᒻᒪᕆᐅᓕᕐᒥᑎᓪᓗᒍ, ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᓯᒍᒪᓕᕐᒥᔪᑦ ᓄᓇᓕᕐᒥᐅᑕᓕᑦ ᐃᑉᐱᒋᔭᒐᖏᓐᓂᑦ ᒪᓕᑦᑐᒍ ᒪᓕᒐᕋᓛᖅ 924, ᐊᖏᕐᕋᒥ ᐆᒪᔪᖁᑎᓄᑦ ᒪᓕᒐᕋᓛᖅ.

ᓄᓇᓕᕐᒥᐅᑕᐃᑦ ᒪᓕᒐᕋᓛᑎᒍᑦ ᓴᓗᒻᒪᓴᖅᐸᒋᐊᓖᑦ ᕿᒻᒥᖏᑕ ᐊᓇᖅᑕᖏᓐᓂᑦ, ᐱᖁᑎᖃᕐᕕᖏᓐᓃᑦᑐᓂᑦ ᐅᕝᕙᓘᓐᓃᑦ ᐊᓯᐊᑕ ᐱᖁᑎᖃᕐᕕᖏᓐᓂ. ᕿᒻᒥᖁᑎᓐᓂᒃ ᐱᓱᖃᑎᖃᖅᑎᓪᓗᑎᑦ, ᐱᓯᒪᑦᑎᒋᐊᖃᖅᐸᑦᑐᑎᑦ ᐴᑦᓴᒥᑦ ᕿᒻᒦᑦ ᓇᒧᑐᐃᓐᓇᖅ ᐊᓇᕐᓂᖅᐸᑦ (ᓲᕐᓗ ᐆᒪᔪᖁᑎᒍᑦ ᓴᓂᒃᑯᕖᑦ).

ᕿᒻᒥᓄᑦ ᐋᓐᓂᐊᒃ (ᐹᕐᕘ) ᐋᓐᓂᐊᖑᔪᖅ ᕿᒻᒥᓄᑦ ᓯᐊᒻᒪᑦᑕᐅᒍᓐᓇᖅᑐᖅ ᐊᑦᑐᐃᔪᖃᕐᓂᖅᐸᑦ ᕿᒻᒥᒧᑦ ᑕᐃᒪᐃᑦᑐᓕᒻᒧᑦ ᐊᓇᖏᓐᓂᑦ, ᐊᑉᐸᐃᔪᓐᓇᑐᒻᒪᕆᐅᔪᖅ, ᓯᓚᒦᑦᑐᓂ ᐊᓇᕐᓂ ᐆᒪᒍᓐᓇᖅᑐᑦ ᐊᒥᓱᓄᑦ ᑕᖅᑭᓄᑦ ᐊᒻᒪ ᐅᓗᕆᐊᓇᕈᓐᓇᑐᒻᒪᕆᐅᓗᑎᒃ ᕿᒻᒥᓄᑦ.

ᕿᒻᒦᑦ ᐃᓕᓐᓂᐊᕐᕖᑦ ᐊᕙᑎᖏᓐᓃᒋᐊᖃᖏᑦᑐᑦ, ᓯᓚᒥ ᐱᖕᖑᐊᕐᕕᓐᓂ, ᐱᖕᖑᐊᕐᕕᓐᓂ ᐊᒻᒪ ᐃᓗᕕᖃᕐᕕᓐᓂ.

ᕿᒻᒥᓂᒃ ᓄᓇᓯᐅᑎᒥᑦ ᐸᖓᓛᖃᕆᐊᖃᖏᑦᑐᑦ ᐱᑐᑦᓯᒪᓗᑎᒃ ᒪᓕᒐᕐᒥᑦ ᓱᕋᐃᔾᔪᑎᐅᒻᒪᑦ, ᐊᒻᒪ ᓄᓇᒃᑰᔫᒥᑦ ᐊᖁᑦᑐᖅ ᐊᑭᓖᑎᑕᐅᒍᓐᓇᖅᑐᓂ ᒪᓕᒐᕋᓛᑎᒍᑦ.

ᑭᖑᓪᓕᖅᐹᖅ, ᐃᓘᓐᓇᑎᒃ ᕿᒻᒦᑦ ᐊᒻᒪ ᐳᓯᑳᑦ ᐱᖃᕆᐊᓖᑦ ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᓐᓂᑦ ᐱᓯᒪᔪᒥᑦ ᓚᐃᓴᒥᑦ. ᑕᒪᒃᑯᐊ ᐊᑭᖃᖏᑦᑐᑦ ᐊᒻᒪ ᐊᐃᔭᐅᔪᓐᓇᖅᑐᑎᒃ ᓄᓇᓕᓐᓂ ᒪᓕᒐᕋᓛᓕᕆᔨᒃᑯᓐᓂᑦ ᐃᓪᓗᒥᑦ 901. ᖁᔭᓐᓇᒦᒃ ᒪᓕᒍᓐᓇᕋᑦᓯᐅᒃ ᐅᑯᐊ ᒪᓕᒐᐃᑦ, ᐊᒻᒪ ᐃᑲᔪᕈᓐᓇᕋᑦᓯ ᐃᖃᓗᐃᑦ ᐃᓗᐊ ᐊᑦᑕᓇᔾᔭᐃᕐᓯᒪᓇᓱᐊᖅᑐᒍᑦ ᑭᒃᑯᑐᐃᓐᓇᕐᓄᑦ ᐊᒻᒪ ᐆᒪᔪᖁᑎᐅᔪᓄᑦ.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᐊᓕᒃᓯ ᑳᒧᕋᓐ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓂᑦ ᑭᒃᑯᑐᐃᓐᓇᕐᓂᑦ ᐊᐅᓚᑦᑎᔨ
867.979.5607 a.cameron@iqaluit.ca