ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐅᓗᕆᐊᓇᖅᑐᓕᓐᓂᑦ ᓴᓂᕐᓂᒃ ᐊᒻᒪ ᒥᑭᔫᑎᓂᑦ ᐅᐊᔭᒨᖅᑐᕋᓛᓂᑦ ᐃᒋᐅᖅᑲᐃᓂᖅ - ᓈᑦᓯᐅᖑᔭᓛᕐᓂᐊᖅ ᔪᓚᐃ 15
ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᕿᒪᐃᒋᐊᖅᑐᕈᓐᓇᓛᕐᓂᖏᓐᓂᑦ ᓄᓇᓕᕐᒥᐅᑕᐃᑦ ᐅᓗᕆᐊᓇᖅᑐᓕᓐᓂᑦ ᓴᓂᕐᓂᒃ ᓈᑦᓯᐅᖑᔭᓛᕐᓂᐊᒥ ᔪᓚᐃ 15, ᐱᒋᐊᕐᓗᑎᒃ 9-ᒥᑦ ᐅᓪᓛᒃᑯᑦ 3-ᒧᓄᑦ ᐅᓐᓄᓴᒃᑯᑦ, ᐃᓐᓇᑐᖃᐃᑦ ᖃᒻᒪᖓᑕ ᓴᓂᐊᓄᑦ (ᐃᓪᓗ 227) ᓄᓇᓯᐅᑎᓄᑦ ᓄᖅᑲᖓᕕᒻᒧᑦ.
ᓄᐊᑦᓯᓛᕐᒥᔪᒍᑦ ᓇᒧᑐᐃᓐᓇᖅ ᓇᑦᓴᒐᕐᓂᒃ ᐅᐊᔭᒨᖅᑐᕋᓛᓂᑦ ᓴᓂᕐᓂᒃ ᑕᐃᑦᓱᒪᓂᑦᓴᐃᓐᓇᖅ.
ᐃᓪᓗᒥᐅᑕᐃᑦ ᓱᓇᑐᐃᓐᓇᐃᑦ ᕿᒪᑦᑕᐅᒋᐊᖅᑐᕈᓐᓇᓛᖅᑐᑦ (ᐱᖃᓯᐅᔾᔭᐅᔪᑦ ᑭᓯᐊᓂ ᐊᓯᖃᕈᓐᓇᕐᒥᔪᑦ):
ᓂᐱᔾᔪᑎᒥᓃᑦ, ᑎᒻᒥᑳᔫᒥᓃᑦ, ᓄᓇᒃᑰᔫᓄᑦ ᐊᒻᒪ ᐃᓪᓗᒥᐅᑕᓄᑦ ᐹᑕᓖᒥᓂᕐᓂᒃ, ᓴᓗᒻᒪᕐᓴᐃᔾᔪᑎᒥᓂᕐᓂᒃ, ᓱᓇᑐᐃᓐᓇᕐᓂᒃ ᓱᕈᐃᔪᓐᓇᖅᑐᑦ, ᐅᕐᓱᐊᓗᕈᔪᐃᑦ, ᓴᕕᕋᔭᐃᑦ ᓄᖑᑦᓱᐃᑦᑐᑦ ᖃᐅᔨᓴᐅᑎᓃᒐᔪᑦᑐᑦ ᒧᕐᑯᕆ (Mercury), ᑎᒻᒥᑳᖅᑐᑦ ᐱᐅᓴᐃᑏᑦ, ᑐᖁᓐᓇᖅᑐᑦ, ᐊᒥᐊᕈᑎᖃᐅᑎᒥᓃᑦ ᐊᒻᒪ ᑎᒻᒥᑳᖅᑐᑦ ᐊᒥᐊᕆᔾᔪᑎᒥᓃᑦ, ᐄᔭᒐᒥᓃᑦ ᓗᑦᑖᓂᑦ, ᑎᒻᒥᑳᔫᒥᓃᑦ
ᒪᑯᐊ ᐃᒋᑕᐅᔪᓐᓇᖏᑦᑐᑦ:
ᖁᐊᕈᓐᓇᖏᑦᑐᑦ, ᐅᐊᔭᒥᓃᑦ, ᕿᓂᖅᑐᑦ ᐃᓚᖕᖓᕐᓯᒪᔪᑦ ᐊᑐᕐᓯᒪᔪᑦ, ᕿᓂᖅᑐᓄᑦ ᑲᖕᖔᑎᑦᓯᔾᔪᑏᑦ, ᕿᓂᖅᑐᖃᐅᑎᒥᓃᑦ, ᐊᑦᓴᓗᐊᒥᓃᑦ, ᐳᓪᓚᖃᐅᑎᒥᓃᑦ, ᓂᕿᒥᓃᑦ ᓴᓃᑦ, ᐋᓐᓂᐊᕕᓐᓂᑦ ᓴᓃᑦ ᐋᓐᓂᐊᓇᖅᑐᖅᑕᓖᑦ, ᐅᕕᓂᒻᒧᑦ ᐱᐅᖏᑦᑐᑦ ᓴᓃᑦ, ᖄᖅᑕᔫᑦ, ᓴᒃᑯᐃᑦ ᐊᒻᒪ ᓴᓇᕕᖃᕐᕕᓐᓂᑦ ᓴᓃᑦ.
ᓄᓇᓕᕐᒥᐅᑕᐃᑦ ᓇᓗᓇᐃᒃᑯᑎᖏᓐᓂᑦ ᐲᔭᐃᓯᒪᖁᔭᐅᖏᑦᑐᑦ ᐃᒋᑕᑦᓴᐅᔪᓂᑦ. ᐃᑲᔫᑎᖃᖅᐸᒻᒪᑕ ᓱᓇᐅᓂᖏᓐᓂᑦ ᐃᒋᑕᐅᒋᐊᓖᑦ ᐱᑦᓯᐊᕐᓗᑎᒃ ᐃᒋᑕᐅᕙᓐᓂᐊᕐᒪᑕ ᓈᒻᒪᑦᑐᓄᑦ ᓴᓂᖃᕐᕕᓐᓄᑦ ᐊᒻᒪ ᐃᒋᑕᐅᒋᐊᓖᑦ ᖃᐅᔨᓴᖅᑕᐅᒋᐊᑐᒐᑎᒃ ᓇᓗᓇᐃᕐᓯᒪᑦᓯᐊᑎᓪᓗᒋᑦ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ: ᑭᐊᓐᑦ ᑐᕆᔅᑯᓪ ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᑎᔨ 867-979-5607 k.driscoll@iqaluit.ca
