ᐅᔾᔨᕈᓱᒋᐊᖁᔭᐅᔪᑦ ᐊᐳᑦ ᐊᐅᑉᐸᓪᓕᐊᓕᖅᑎᓪᓗᒍ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐅᔾᔨᕈᓱᒋᐊᖁᔭᐅᔪᑦ ᐊᐳᑦ ᐊᐅᑉᐸᓪᓕᐊᓕᖅᑎᓪᓗᒍ
ᐃᐳᕈ 22, 2024 – ᐃᖃᓗᐃᑦ, ᓄᓇᕗᑦ

ᐅᐱᕐᖓᑦᓴᓕᕐᒥᑎᓪᓗᒍ ᐊᐳᑦ ᐊᐅᑉᐸᓪᓕᐊᓕᕐᒥᑎᓪᓗᒍ, ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᑦ ᐃᓚᖏᓐᓂᑦ ᐅᓗᕆᐊᓇᖅᐸᑦᑐᓂᑦ ᐊᐅᑉᐸᓪᓕᐊᓕᖅᑎᓪᓗᒍ ᓴᖅᑭᕈᓐᓇᖅᑐᓂᑦ, ᐱᓗᐊᖅᑐᒥ ᓄᖅᑲᖅᑎᑉᐹᖁᑎᑦᑎᓐᓄᑦ ᓄᓇᑦᑎᓐᓂ.

ᐃᓯᕐᑕᐃᑦ ᑰᕝᕕᐅᕙᑦᑐᑦ ᓴᐅᓯᒪᒻᒪᑕ ᐊᐳᒻᒧᑦ - ᐊᒻᒪ ᐅᓗᕆᐊᓇᓚᐅᕋᑎᒃ ᒫᓐᓇᑦᑎᐊᖑᓚᐅᖅᑐᖅ ᐅᓗᕆᐊᓇᑐᐃᓐᓇᕆᐊᖃᓕᕐᒪᑕ ᑕᑯᑦᓴᐅᖏᓐᓂᖓ ᐃᓯᕐᓴᐅᓕᕐᓂᕈᓂ ᑰᓐᓂᖓᓄᑦ. ᐃᓐᓇᒧᑦ, ᒪᐅᓗᓂ ᐃᓯᕐᓴᒧᑦ ᐃᑎᔪᒧᑦ ᐊᑲᐅᖏᑦᑐᐊᓗᒃ. ᓱᕈᓯᓛᓄᓪᓕ, ᐅᓗᕆᐊᓇᕈᓐᓇᑐᒻᒪᕆᐅᔪᑦ.

ᓴᓇᔪᓕᕆᔨᒃᑯᑦ ᐊᐳᑕᐃᔭᐃᕙᓪᓕᐊᓕᖅᑐᑦ ᑕᒪᒃᑯᓂᖓ ᑰᕝᕕᐅᕙᑦᑐᓂᑦ ᐊᐅᑉᐸᓪᓕᐊᓂᖓ ᐊᑲᐅᓂᕐᓴᐅᖁᓪᓗᒍ ᑰᓐᓂᖓ.

ᑰᕝᕕᓐᓄᑦ ᑰᑉᐸᓪᓕᐊᔪᑦ ᐊᐅᑉᐸᓪᓕᐊᓕᖅᑎᓪᓗᒍ ᐅᓗᕆᐊᓇᕈᓐᓇᕐᒥᔪᑦ ᓱᕈᓯᕐᓄᑦ, ᐊᒻᒪ ᖃᐅᔨᒐᑦᓴᐅᖏᑦᑐᓂᑦ ᐱᕐᕈᓗᐊᕿᔪᖃᕈᓐᓇᖅᑐᓂ. ᐃᑉᐱᒍᓱᑦᓯᐊᖅᐸᒋᑦᓯ ᑕᒪᒃᑯᓂᖓ ᓴᖅᑭᐸᑦᑐᓂᑦ ᓯᓚ ᐊᓯᔾᔨᐸᓕᐊᓕᕋᐃᒻᒪᑦ.

ᓱᕈᓯᕐᓂᑦ ᖃᐅᔨᓴᕐᔫᒥᕙᒋᑦᓯ ᖁᕕᐊᓱᐊᑎᓪᓗᒋᑦ ᐅᐱᕐᖓᑦᓵᑯᓘᓕᕋᐃᒻᒪᑦ, ᐊᒻᒪ ᐱᔭᖅᑯᖅᑐᓵᖅᑐᓂᑦ ᑕᑯᑐᐃᓐᓇᐸᖏᓪᓗᓯ, ᐃᑲᔪᕆᐊᖅᐸᓪᓗᒋᑦ.

##

ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:
ᐊᓕᒃᓯ ᑳᒧᕋᓐ
ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᓂᕐᒥᑦ ᐊᐅᓚᑦᑎᔨ
867-979-5607 | a.cameron@iqaluit.ca