ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑦᓯᓂᕐᓴᒥ ᐃᖃᓗᓐᓂ ᑭᓈᓗᓕᕆᔾᔪᑎᓂᒃ ᓴᓇᒋᐊᕐᓂᖅ
ᓰᑏᐱᕆ 10, 2024 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᐱᒻᒪᕆᐅᔪᓂᒃ ᑭᓈᓗᓕᕆᔾᔪᑎᓂᒃ ᓴᓇᒋᐊᓛᕐᓂᐊᕐᒪᑕ ᐊᑦᓯᓂᕐᓴᒥ ᐃᖃᓗᐃᑦ ᓄᓇᓕᖓᓂ ᐱᐅᓯᑎᒋᐊᖅᑕᐅᖁᓪᓗᒋᑦ ᒪᑭᒪᔾᔪᑎᐅᔪᑦ ᑕᑎᒋᔭᐅᔪᓐᓇᕐᓂᖏᓐᓄᑦ ᐱᓕᕆᔾᔪᑎᐅᔪᓐᓇᕐᓗᑎᒃ ᐊᒻᒪ ᐊᔾᔨᒌᒥᒃ ᐱᔨᑦᓯᕋᐅᑎᐅᖁᓪᓗᒋᑦ ᓄᓇᓕᕐᒥᐅᑕᐃᑦ. ᐃᓚᒋᔭᐅᓗᓂ ᐱᓕᕆᐊᑦᓴᒧᑦ, ᐊᑐᖅᑕᐅᕙᑦᑐᑦ ᐃᓯᕐᓴᖃᕐᕕᐅᔪᑦ ᐊᒻᒪ ᓱᓪᓗᓕᑦᑕᖏᑦ ᑭᖑᕝᕕᑎᖅᑕᐅᓛᕐᓂᐊᖅᑐᑦ.
ᐱᓕᕆᐊᖑᓂᐊᖅᑐᑦ ᐅᓪᓗᕐᓯᐅᑎᖓ:
• ᐱᒋᐊᕐᕕᖓᑦ: ᓰᑏᐱᕆ 11, 2024
• ᓇᓚᐅᑦᑖᖅᑕᐅᓯᒪᔪᖅ ᐱᔭᕇᕐᕕᖓ: ᓅᕖᐱᕆ 22, 2024
ᑕᒪᒃᑯᐊ ᓴᓇᒋᐊᖅᑕᐅᓂᐊᖅᑐᑦ ᐱᒻᒪᕆᐅᒻᒪᑕ ᐊᑯᓂᐅᔪᒧᑦ ᐱᓕᕆᔾᔪᑎᐅᑦᓯᐊᕈᓐᓇᖁᓪᓗᒋᑦ ᑭᓈᓗᓕᕆᔾᔪᑎᐅᔪᑦ. ᓄᓇᓕᐸᐅᔭᒃᑯᑦ ᒥᑭᓪᓕᒋᐊᕆᕆᔪᒪᒐᓗᐊᕐᒪᑕ ᐊᕝᕕᐊᕈᑎᐅᕙᑦᑐᓂᒃ ᓄᖅᑲᖅᑎᑕᐅᒋᐊᖃᑲᐃᓐᓇᕆᐊᖃᓕᕋᐃᒻᒪᑕ ᐱᓕᕆᔾᔪᑎᐅᔪᑦ ᐊᑐᖅᑕᐅᕙᑦᑐᑦ ᓄᓇᓕᕐᒥᐅᑕᓄᑦ ᐊᒻᒪ ᓇᖕᒥᓂᖃᖅᑎᐅᔪᓄᑦ ᓴᓇᔭᐅᓂᖏᓐᓂ.
ᐱᒻᒪᕆᐅᔪᑦ ᖃᐅᔨᒪᒋᐊᓖᑦ:
ᓄᓇᓕᕐᒥᐅᑕᐅᔪᑦ ᐃᖅᑲᐃᑎᑕᐅᕗᑦ ᐲᔭᐃᖁᔭᐅᓗᑎᒃ ᐱᖁᑎᒋᔭᖏᓐᓂᒃ ᓱᓇᑐᐃᓐᓇᕐᓂᒃ, ᓲᕐᓗ ᐅᒥᐊᑦ, ᖃᒧᑏᑦ, ᖃᒧᑕᐅᔭᐃᑦ, ᐅᒥᐊᕐᔪᐊᒃᑯᑦ ᓱᓇᒃᑯᑖᒃᑯᕕᒥᓃᑦ, ᐊᒻᒪ ᐊᓯᕈᓘᔭᖏᓐᓂᒃ ᐱᖁᑎᒋᔭᐅᔪᓂᒃ, ᓄᓇᓕᐸᐅᔭᒃᑯᑦ ᐊᖅᑯᑎᒋᕙᓐᓂᐊᖅᑕᖏᓐᓂᒃ ᐊᕝᕕᐊᓗᐊᕐᓂᐊᖏᒻᒪᑕ ᓴᓇᔪᐃᑦ ᖃᓄᐃᓕᐅᕈᑎᒋᒋᐊᓕᖏᓐᓄᑦ.
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:
ᐅᒡᕼᐃᓄᕋᒡᐸ ᐊᒡᐴᑑᒪ
ᖃᐅᔨᒪᔨᑕᐃᑦ ᓴᓇᒋᐊᓕᓐᓂᒃ ᐱᓕᕆᕝᕕᒃ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5600 | o.ugboduma@iqaluit.ca
**ᑕᑯᓗᒍ ᐊᑦᑕᑕᖅᓯᒪᔪᖅ PDF−ᒧᑦ ᑐᖅᑯᖅᓯᓯᒪᕝᕕᒃ ᓄᓇᙳᐊᖅ**
