ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᐊᑭᓕᖅᓱᖅᑕᐅᓇᑎᒃ ᖃᑦᑎᕆᔨᑦ ᖃᑎᕆᔨᒃᓴᓂᒃ ᐃᓕᓐᓂᐊᕐᑎᑦᑎᔪᑦ ᑲᑎᒪᓪᓗᑎᒃ
• ᑲᑦᑎᕆᔨᖑᕈᒪᕕᑦ ᐃᑲᔪᕐᓂᐊᕐᓗᒋᑦ ᓄᓇᖅᑲᑎᑎᑦ?
• ᕿᓂᖅᐱᑦ ᓄᑖᓂᒃ ᓴᓇᔪᓐᓇᖅᓯᔪᒪᓪᓗᑎᑦ ᐊᒻᒪᓗ ᓄᑖᓂᒃ ᐱᖃᓐᓇᕆᔭᖅᑖᕐᓗᑎᑦ ᑕᐃᑲᓂᑦᑕᐃᓐᓇᖅ?
• ᐱᓕᕆᖃᑕᐅᔪᒪᕕᑦ ᐱᒋᐊᕈᑎᑎᒋᓗᒍ ᐊᒻᒪᓗ ᐱᔭᕆᐅᖅᓴᑎᑕᐅᓗᑎᑦ ᖃᑦᑎᕆᔨᒃᑯᓂ ᐱᔨᑦᑎᕋᐅᑎᖏᓐᓂᒃ ᖃᑦᑎᕆᔨᐅᓗᑎᑦ?
ᐃᖃᓗᖕᓂ ᖃᑦᑎᕆᔨᒃᑯᑦ ᖃᑦᑎᕆᔨᑖᕈᒪᔪᑦ ᐱᓕᕆᔪᒪᑦᑎᐊᖅᑐᓂᒃ ᐃᓚᐅᓂᐊᖅᑐᑦ ᖃᑦᑎᕆᔨᒃᑯᓂ ᑕᐃᒪᓗ ᐊᑭᓕᖅᓱᖅᑕᐅᓇᑎᒃ ᖃᑦᑎᕆᔨᐅᖃᑕᐅᓗᑎᒃ!
ᖃᓄᖅ ᑕᒪᓐᓇ ᐱᓕᕆᔭᐅᓲᖑᖕᒪᑦ?
ᐊᑭᓕᖅᓱᖅᑕᐅᓇᑎᒃ ᖃᑦᑎᕆᔩᑦ ᐊᑑᑎᖃᖅᑐᑦ ᐊᑕᐃᓐᓇᖅᑐᓄᑦ ᐃᖅᑲᓇᐃᔭᖅᑎᓄᑦ ᑕᐃᑲᓂ ᖃᑦᑎᕆᕕᖕᒥ ᐃᑯᐊᓪᓚᒃᑐᖃᕐᓂᖅᐸᑦ ᐅᒡᕙᓘᓐᓃᑦ ᐊᖏᔪᒥᒃ ᖃᓄᐃᓕᔪᖃᖅᐸᑦ.
ᐊᑭᓕᖅᓱᖅᑕᐅᓇᑎᒃ ᖃᑦᑎᕆᔩᑦ ᐅᖃᓘᑎᕋᓛᕋᖅᑎᑕᐅᓂᐊᖅᑐᑦ ᐊᒻᒪᓗ ᐅᖃᓗᒡᕕᐅᔪᓐᓇᕐᓗᑎᒃ ᖃᖓᑐᐃᓐᓇᒃᑯᑦ 24 ᐃᑲᕐᕋ ᐃᓗᐊᓂ, 365 ᐅᓪᓗᑦ ᐊᕐᕌᒍᒥ. ᐅᑯᐊ ᐅᖃᓗᒍᑕᐅᓇᔭᖅᑐᑦ:
• ᐃᒡᓗ ᓇᐸᔪᓪᓗ ᐃᑭᓕᖅᐸᑦ
• ᓄᓇᓯᐅᑎᑦ ᑐᓗᖅᑐᑦ
• ᓄᓇᒥ ᐅᓗᕆᐊᓇᖅᑐᖃᖅᑎᓪᓗᒍ
ᐅᒡᕙᓘᓐᓃᑦ ᖃᓄᑐᐃᓐᓇᖅ ᐊᔾᔨᒌᓐᖏᑦᑐᓂᒃ ᑐᐊᕕᕐᓇᖅᑐᖃᖅᑎᓪᓗᒍ ᓄᓇᓕᖅᐸᐅᔭᓂ ᐅᑯᐊᓗ ᑭᐅᔭᐅᔭᕆᐊᓕᑦ ᖃᑦᑎᕆᔨᒃᑯᓂᑦ.
ᐊᑭᓕᖅᓱᖅᑕᐅᓇᑎᒃ ᖃᑦᑎᕆᔩᑦ ᐊᑯᓂ ᐊᖏᔪᒥᒃ ᐱᔭᕆᐅᖅᓴᑎᑕᐅᓂᐊᖅᑐᑦ (ᐱᓇᓱᐊᕈᓯᑕᒫᑦ ᐱᔭᕆᐅᖅᓴᓗᑎᒃ ᐅᓐᓄᒃᑯᑦ) ᑕᐃᒪᓗ ᐱᑐᐃᓐᓇᕆᐊᖃᓕᖅᓯᒪᓂᐊᕐᒪᑕ ᑭᐅᓯᔭᕆᐊᖃᕐᓗᑎᒃ ᐊᒻᒪᓗ ᓴᓇᔭᕆᐊᖃᓕᕐᓗᑎᒃ ᑐᐊᕕᕐᓇᖅᑐᓂ. ᐅᓇ ᐱᔭᕆᐅᖅᓴᑎᑦᑎᓂᖅ ᑲᔪᓯᓂᐊᖅᑐᖅ ᐃᖅᑲᓇᐃᔭᖅᑎᒃᓴᖅᓯᐅᓚᐅᕐᓗᑎᒃ ᐊᔪᖏᑦᑎᐊᕐᓂᐊᕐᒪᑕ ᓴᓇᓕᕆᔪᓐᓇᕆᐊᖅᑕᖏᓐᓂᒃ ᐊᒻᒪᓗ ᐃᓕᑦᑎᖃᑦᑕᐃᓐᓇᕐᓂᐊᖅᑐᑦ ᓄᑖᓂᒃ ᓴᓇᓕᕆᔾᔪᓯᕐᓂᒃ.
ᐃᓚᐅᔪᒪᒍᕕᑦ ᐅᐸᒍᑎᓗᑎᑦ ᐃᖃᓗᖕᓂ ᖃᑦᑎᕆᔨᒃᑯᓐᓄᑦ ᑐᓴᐅᒪᔭᐅᔭᕆᐊᖃᖅᑐᓂᒃ ᑲᑎᒪᑎᑦᑎᓗᑎᒃ ᒪᐃ 3 ᑕᐃᑲᓂ 7:00 ᐅᓐᓄᒃᑯᑦ.
ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ: firechief@iqaluit.ca
