ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐊᒪᒥᓂᕐᓂᒃ ᑕᐅᖅᓰᖃᑎᖃᕐᓂᖅ ᐊᒻᒪᓗ ᐃᒋᑦᓯᓂᖅ ᐅᖓᕝᕙᕆᐊᖅᑕᐅᒻᒪᑦ ᓈᑦᓯᐅᖑᔭᓛᕐᓂᐊᒧᑦ, ᐅᒃᑑᐱᕆ 31, 2015.
ᐋᒃᑑᐸ 28, 2015 (ᐃᖃᓗᐃᑦ, ᓄᓇᕗᑦ) ᐊᒥᐊᒥᓂᕐᓂᒃ ᑕᐅᖅᓰᖃᑎᖃᕐᓂᖅ ᐊᒻᒪᓗ ᐃᒋᑦᓯᓂᖅ ᓄᓇᓕᐸᐅᔭᒃᑯᑦ ᓄᓇᓯᐅᑎᒃᑯᕕᖓᓂ ᑐᖑᔪᕐᑐᒥ, ᐊᑐᕆᐊᓄᑦ ᑎᓴᒪᓄᑦ ᓴᖑᒋᐊᕐᕕᐅᕙᑦᑑᑉ ᓴᓂᐊᓂ ᐅᖓᕝᕙᕆᐊᖅᑕᐅᒻᒪᑦ ᓈᑦᓯᐅᖑᔭᓛᕐᓂᐊᒧᑦ, ᐅᒃᑑᐱᕆ 31, 2015 11-ᒥ ᐅᓪᓛᑯᑦ 2-ᒧᓄᑦ ᐅᓐᓄᓴᒃᑯᑦ. ᖁᕕᐊᓲᑎᒋᓗᒍ ᑕᒪᓐᓇ ᐊᑭᖃᙱᑦᑐᒥᒃ ᓴᕌᖅᓯᒪᔪᓂᒃ ᐅᓯᒪᔪᓂᒃ ᐊᑐᐃᓐᓇᖅᑕᖃᓛᕐᑐᖅ, ᐊᒻᒪᓗ ᐅᖁᒻᒥᐊᒐᕐᓂᒃ ᑐᓂᐅᕐᑲᕐᑕᐅᓗᑎᑦ ᐅᐸᑦᑐᑦ ᐊᓐᓄᕌᓗᖅᓯᒪᔪᑦ.
ᓄᓇᓕᐸᐅᔭᒃᑯᑦ ᑕᒪᑐᒥᖓ ᑐᙵᓴᐃᔨᐅᓪᓗᑎᒃ ᓄᐊᑦᓯᓯᓐᓈᒃ ᐊᖏᕐᕋᒥ ᐅᓗᕆᐊᓇᖅᑐᑦ ᓴᓂᕐᓂᒃ (ᐱᖃᓯᐅᑎᓪᓗᒋᑦ ᐊᒥᐊᒥᓃᑦ, ᕚᑕᓖᒥᓃᑦ, ᐊᖏᕐᕋᒥ ᐅᐊᔭᒨᕐᑐᑦ, ᐊᒻᒪᓗᑦ ᐊᖏᕐᕋᒥ ᓴᓗᒻᒪᕐᓴᐃᑎᒥᓃᑦ), ᐱᓇᓱᐊᕐᓂᕐᒧᑦ ᓴᖑᑎᓪᓪᓗᒋᑦ ᓱᓇᒃᑯᑖᑦ ᐊᒋᑕᐅᔪᓂᒃ ᐊᖏᕐᕋᒥᒃ.
ᐊᒥᐊᒥᓂᕐᓂᒃ ᑕᐅᖅᓰᖃᑎᖃᕐᓂᖅ ᐊᒻᒪᓗ ᐃᒋᑦᓯᓂᖅ ᐱᕕᖃᕐᑎᑦᓯᒻᒪᑦ ᓄᓇᓕᒻᒥᐅᑕᓂᒃ ᐊᑐᑲᓐᓂᕐᓗᒋᑦ ᐊᑭᖃᙱᑐᒥᒃ ᑕᐅᓰᖃᑎᒌᓂᒃᑯᑦ. ᓄᓇᓕᒻᒥᐅᑕᐃᑦ ᐊᒥᐊᒥᓂᓖᑦ ᐋᑦᓯᒍᓐᓇᖅᑐᑦ; ᐊᒥᐊᕐᒻᒥ ᐱᒍᒪᔪᑦ ᐊᖏᕐᕋᐅᔾᔨᒍᓐᓇᕐᑐᑦ. ᐊᒥᐊᒃᑯᒥᓃᑦ ᐊᒥᐊᒥᓃᑦ ᐊᑦᓯᕕᒻᒨᕈᔾᔭᐅᓛᕐᑐᑦ ᐱᔭᕇᕐᑲᑕ, ᐅᓗᕆᐊᓇᖅᑕᐃᓕᒍᑕᐅᓗᓂ.
ᑕᐃᒪᐃᓕᐅᕐᑎᑦᓯᔪᑦ ᑐᕌᖓᔪᖅ ᐊᖏᕐᕋᒥ ᐅᓗᕆᐊᓇᖅᑐᓄᑦ ᓴᓂᕐᓂᒃ. ᓇᒻᒥᓂᖁᑎᓖᑦ ᐊᐱᕆᔭᐅᒐᓗᐊᕐᐳᑦ ᓇᒻᒥᓂᕆᔭᖏᑕ ᓴᓂᖏᑦ ᐊᑦᓯᕕᒻᒧᕈᑎᓗᒋᑦ ᐃᒻᒥᓂᒃ ᐊᑲᕐᕆᔮᖁᓪᓗᒍ ᐊᒻᒪᓗ ᐅᓗᕆᐊᓇᖅᑐᒦᑎᑦᓯᑦᑕᐃᓕᓂᕐᒧᑦ.
ᐊᕐᕌᒍᓕᒫᖅ, ᐊᑦᓯᕕᒻᒨᕈᔾᔭᐅᒍᓇᖅᑐᑦ ᐅᓗᕆᐊᓇᖅᑐᑦ ᓴᓃᑦ ᓄᓇᓕᒻᒥᐅᑕᕐᓂᒃ ᐊᒻᒪᓪᓗᑦ ᓇᒻᒥᓂᓕᓐᓂᒃ ᒪᑐᐃᖓᑎᓪᓗᒍ, ᐊᑭᖃᒐᓛᓪᓗᓂ. ᓱᓇᒃᑯᑖᑦ ᑕᐃᒪᐃᑦᑐᑦ ᐊᐅᓚᑕᐅᕙᑦᑐᑦ ᐊᑐᓂ ᐊᑦᓯᕕᒻᒥ ᐊᒻᒪᓗ ᐊᐅᓪᓚᕐᑎᑕᐅᓗᑎᒃ ᖃᓪᓗᓈᑦ ᓄᓇᖓᓐᓄᑦ ᐊᑦᑕᓇᖅᑐᒦᑕᐃᓕᑎᑦᓯᓂᕐᒧᑦ ᐃᒋᑕᐅᒍᑎᒃ.
ᓇᑯᕐᒦᕐᓗᒋᑦ ᐱᓕᕆᖃᑎᒌᑦᑐᑦ ᐱᖃᑕᐅᔪᑦ ᑕᒪᑐᒥᖓ ᓴᕐᑮᒍᓇᕐᓗᑎᒃ, ᐅᑭᐅᕐᑕᕐᑐᒥᒃ ᑯᐊᐸᒃᑯᑦ ᓕᒥᑎᑦ, ᐊᒻᒪᓗ ᑲᑐᔾᔨᔪᑦ ᓄᓇᓕᐸᐅᔭᒃᑯᑦ ᓴᓇᔪᓕᕆᔨᖏᑦ ᐃᕐᑲᓇᐃᔭᕐᓂᒃᑯᑦ ᐊᒻᒪᓗ ᖃᐅᔨᔭᑎᑕᖏᑦ ᓴᓇᓂᒃᑯᑦ, ᓄᓇᓕᒻᒥ ᒪᓕᒐᕋᓛᓂᒃ ᐊᑐᓕᕐᑎᑦᓯᓇᓱᐊᕐᑏᑦ ᐊᒻᒪᓗ ᒪᑭᒪᔾᔪᑎᓕᕆᔨᖏᑦ.
ᖃᐅᔨᒋᐊᒃᑲᓐᓂᕕᑦᓴᖅ, ᐅᖄᓚᕕᒋᓗᒍ:
ᕌᐱᓐ ᑳᒻᐱᐅᓪ
ᒪᑭᒪᔾᔪᑎᓕᕆᓂᕐᒥᒃ ᑐᑭᒧᐊᕐᑎᑦᓯᔨ
r.campbell@city.iqaluit.nu.ca
(867) 979-6363 ᓇᕿᓪᓗᒋᑦ 232