ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᓄᖕᓄᑦ ᑐᓴᕋᑦᓴᖅ
ᐊᕐᕌᒍᑕᒫᕐᓯᐅᑎᒥᓂᒃ ᐊᑐᕐᓗᑎᒃ ᐱᓕᕆᔾᔪᑎᖏᓐᓂᒃ ᒪᑭᒪᑎᒋᐊᕆᐊᓕᓐᓂᒃ ᐱᓕᕆᐊᖃᕐᓂᐊᖅᑐᑦ ᐃᖃᓗᓐᓂ ᐳᐃᔾᔪᕋᕐᕕᖃᕐᕕᒻᒥᒃ
ᔪᓚᐃ 17, 2024 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐃᖃᓗᓐᓂ ᐳᐃᔾᔪᕋᕐᕕᖃᕐᕕᒃ ᐊᕐᕌᒍᑕᒫᕐᓯᐅᑎᒧᑦ ᐱᓕᕆᔾᔪᑎᖏᓐᓂᒃ ᒪᑭᒪᑎᑦᓯᒋᐊᕐᓂᐊᕐᒪᑕ ᔪᓚᐃ 27-ᒥᒃ, 2024 ᐋᒐᓯ 11-ᒧᑦ, 2024. ᑕᒪᓐᓇ ᐱᔾᔪᑎᐅᓗᓂ, ᐅᑯᓇᓂ ᐅᓪᓗᕐᓂ ᒪᑐᓯᒪᑎᑕᐅᓂᐊᖅᑐᖅ ᐅᑯᐊ:
• ᐳᐃᔾᔪᕋᕐᕕᖃᕐᕕᒃ ᒪᑐᓯᒪᓗᓂ: ᔪᓚᐃ 27, 2024 – ᐋᒐᓯ 11, 2024
• ᐃᖃᐃᓕᓴᕐᕕᖓ ᒪᑐᓯᒪᓗᓂ: ᐋᒐᓯ 4, 2024 – ᐋᒐᓯ 11, 2024
• ᐱᓕᕆᕝᕕᓕᒫᖅ ᒪᑐᓯᒪᓗᓂ: ᐋᒐᓯ 4, 2024 – ᐋᒐᓯ 11, 2024
ᐱᓕᕆᕝᕕᓕᒫᖅ ᒪᑐᓯᒪᓂᖓᓂ ᐅᓪᓗᕐᓂ (ᐋᒐᓯ 4 ᐅᕗᖓ 11), ᐃᓂᑦᓴᓕᐅᕐᕕᒻᒥᒃ ᐃᒐᓛᒥᒃ ᐊᑐᐃᓐᓇᐅᑎᑦᓯᓛᕐᓂᐊᖅᑐᑦ 12-ᒥᓂᒃ 2-ᒧᓄᑦ ᐅᓪᓗᒃᑯᑦ ᑕᐃᒃᑯᓄᖓ ᐃᓂᑦᓴᓕᐅᕆᐊᓕᓐᓄᑦ / ᐊᑭᓖᒋᐊᓕᓐᓄᑦ ᐱᓕᕆᕝᕕᒻᒥᒃ ᐊᑐᖅᑐᐊᕈᑎᓂᒃ.
ᐊᕐᕌᒍᑕᒫᖅ, ᒪᑐᔭᐅᑲᐃᓐᓇᕆᐊᖃᖅᐸᒻᒪᑕ ᐳᐃᔾᔪᕋᕐᕕᒃ ᐱᓕᕆᔾᔪᑎᖏᑦ ᒪᑭᒪᑎᑕᐅᒋᐊᕆᐊᖃᖅᐸᒻᒪᑕ ᑭᒃᑯᑐᐃᓐᓇᐃᑦ ᐊᑦᑕᓇᖅᑐᒦᖁᔭᐅᒐᑎᒃ ᑕᐃᑲᓃᓕᕋᐃᒍᑎᒃ ᐊᒻᒪ ᐱᔨᑦᓯᕋᐅᑎᐅᑦᓯᐊᖁᓪᓗᒋᑦ. ᑕᒪᓐᓇ ᐊᕐᕌᒍᑕᒫᕐᓯᐅᑎ ᒪᑭᒪᑎᑦᓯᔾᔪᑎᒍᑦ ᐅᕙᑦᑎᓐᓂᒃ ᐊᑑᑎᖃᕐᓂᖏᓐᓂᒃ ᓴᓇᒋᐊᕈᑎᐅᒍᓐᓇᐸᒻᒪᑦ ᓴᓇᒋᐊᕆᐊᓕᓐᓂᒃ ᐱᔭᕇᖅᑕᐅᒍᓐᓇᐸᖏᑦᑐᓂᒃ ᐱᓕᕆᕝᕕᐅᔪᖅ ᐊᑐᖅᑕᐅᑎᓪᓗᒍ. ᑕᒪᒃᑯᐊ ᒪᑐᓯᒪᑎᑦᓯᓂᐅᕙᑦᑐᑦ ᐊᑑᑎᖃᖅᑐᒻᒪᕆᐅᕙᒻᒪᑕ ᐊᕐᕌᒍᒐᓴᓄᑦ ᐊᑐᖅᑕᐅᔪᓐᓇᖁᓪᓗᒍ ᓄᓇᓕᐸᐅᔭᒃᑯᑦ ᐱᖁᑎᖓᑦ, ᐱᓕᕆᐊᑦᓴᓕᐊᖑᕙᑦᑐᑦ ᑲᔪᓯᔭᐅᖏᓐᓇᖁᓪᓗᒋᑦ ᖃᐅᔨᓴᖅᑕᐅᕙᑦᑐᑦ ᐊᐅᓚᐅᑎᖏᑦ, ᐊᒻᒪ ᐃᖅᑲᓇᐃᔭᖅᑎᓂᒃ ᐊᒻᒪ ᑕᐃᑯᖓᐸᑦᑐᓂᒃ ᐊᑦᑕᓇᖅᑐᒦᖁᔨᒐᑎᒃ ᓇᓗᓇᐃᕐᓯᒪᒍᒪᓪᓗᑎᓪᓗ.
ᓄᓇᓕᐸᐅᔭᒃᑯᑦ ᖁᔭᓐᓇᒦᖅᑐᑦ ᑐᑭᓯᐊᑦᓯᐊᓂᕐᓯᓐᓂᒃ ᓴᓇᒋᐊᖃᖅᐸᑦᑐᓂᒃ ᐊᒻᒪ ᑲᑐᔾᔨᖃᑕᐅᑦᓯᐊᓂᕐᓯᓐᓂᒃ ᐱᓕᕆᐊᖃᕐᓂᖏᓐᓂ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867 – 979-5619 | g.byrne@iqaluit.ca
