ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᑭᒃᑯᑐᐃᓐᓇᕐᓄᑦ ᑐᓴᕋᑦᓴᑦ
ᐊᖏᔫᑎᓂᑦ ᓴᓂᕐᓂᒃ ᓄᐊᑦᓯᓂᖅ 2016
ᔪᓂ 7, 2016 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᒃᑯᑦ ᐃᕐᑲᐃᑎᑦᓯᒍᒪᓕᕐᒥᔪᑦ ᓄᓇᓕᓐᓂᒥᐅᑕᓂᑦ ᑕᒪᓐᓇ ᐊᖏᔫᑎᓂᑦ ᓴᓂᕐᓂᒃ ᓄᐊᑦᓯᓂᖅ ᐃᓪᓗᓂ ᓈᓴᐅᑎᓖᑦ 100-ᓂᑦ, 200-ᓂᑦ ᐊᒻᒪᓗᑦ 300-ᓂᑦ ᐱᒋᐊᓛᓕᕐᖓᑦ ᑕᓪᓕᒥᕐᒥ, ᔫᓂ 10, 2016. ᐅᑯᐊ ᐱᖃᓯᐅᑎᓗᒋᑦ ᐃᓄᑐᖃᐃᑦ ᐃᓪᓗᖓᓃᑐᑦ, ᐃᖃᓗᐃᑦ ᐅᖃᓕᒫᒐᖃᕐᕕᒃ, ᓄᓇᑦᑕ ᓱᓇᒃᑯᑖᖏᑦ ᑕᑯᔭᖃᕐᕕᒃ ᐃᓪᓗᐃᑦ ᖃᓂᒌᑐᑦ ᐊᑐᕆᐊᒥ ᓯᓈᖓᓂ, ᐅᒥᐊᖅ, ᓂᐱᓴ ᐊᒻᒪᓗᑦ ᐊᑖᓂ ᐊᑐᕆᐊᒥ ᐃᓄᒋᐊᕐᓂᕐᓴᐅᓂᖓᓂ ᐃᓪᓗᖃᕐᕕᓐᓂ ᐃᖃᓗᓐᓂ.
ᐅᔾᔨᕆᒍᒃ: ᐊᑦᓯᕕ ᒪᑐᓯᒪᓛᕐᖓᑦ ᑭᒃᑯᑐᐃᓐᓇᕐᓄᑦ ᑕᐃᑲᓂ ᐅᓪᓗᖓᓂ
ᐃᖃᓗᒻᒥᐅᑕᓕᒫᑦ ᒪᓕᑦᓯᐊᖁᔭᐅᒐᓗᐊᖅᑯᑦ ᒪᓕᒋᐊᓪᓕᓐᓂᒃ ᑕᕝᕙᓂ ᐊᔪᐊᖅ:
-
ᓄᓇᓕᓐᓂᒥᐅᑕᐃᑦ ᓴᓂᕐᕙᐃᓯᒪᑦᓯᐊᕆᐊᓖᑦ ᓴᓂᐸᐅᔭᒥᓂᒃ ᓴᓇᔪᓕᕆᓂᕐᒥᑦ ᐃᖅᑲᓇᐃᔭᖅᑏᑦ ᐋᓐᓂᔾᔭᐃᕐᓯᒪᓇᓱᓐᓂᐊᕐᒪᑕ.
-
ᐱᖓᓱᓂᑦ ᐊᖏᔪᓂᑦ ᓴᓂᕐᓂᒃ ᐊᑕᐅᑦᓯᒃᑯᑦ ᐃᒋᑦᓯᒍᓐᓇᖅᑐᑦ ᑮᓇᐅᔭᐃᔭᕈᑕᐅᓗᐊᖁᓇᒍ ᓄᐊᑦᓯᓂᐅᕙᑦᑐᖅ ᓴᓂᐸᐅᔭᓂᑦ.
-
ᓄᓇᓕᓐᓂᒥᐅᑕᐃᑦ ᐊᑐᐃᓐᓇᐅᑎᑦᓯᒋᐊᓖᑦ ᓴᓂᐸᐅᔭᒥᓂᒃ ᐅᓪᓗᖓᓂ ᓄᐊᑕᐅᕕᒋᓂᐊᖅᑕᖏᓐᓂ. ᐊᕐᕌᒍᑦᑎᓐᓂ ᐅᓪᓗᕐᒥᑦ ᐊᑕᐅᓯᕐᒥᑦ ᓄᐊᑦᓯᕙᓐᓂᐊᖅᑐᑦ ᐃᓪᓗᓕᓐᓂᑦ ᖃᓂᒌᓂᑦ. ᓄᓇᓕᓐᓂᒥᐅᑕᐃᑦ ᐸᕐᓇᐃᒋᐊᓖᑦ ᖃᖓᒃᑯᑦ ᐊᖏᔫᑏᑦ ᓴᓂᖏᑦ ᐊᐃᔭᐅᖁᓛᕐᒪᖔᒋᑦ.
ᓄᐊᑕᐅᔪᓐᓇᓛᖅᑐᑦ ᓴᓂᐸᐅᔭᐅᑏᑦ (ᐱᖓᓲᕙᓪᓗᑎᒃ)
ᐊᖏᔫᑏᑦ ᐊᖏᕐᕋᒥ ᓴᓃᑦ ᐅᖁᒪᐃᓐᓂᖏᑎᒍᑦ 50 ᐸᐅᓐᔅᖃᓗᐊᖅᑐᑦ ᐅᕝᕙᓘᓐᓃᑦ ᐊᖏᓗᐊᖅᑐᑦ ᕿᓂᖅᑕᒧᑦ ᕿᓪᓕᖅᑐᒧᑦ ᓴᓂᒃᑯᕕᒻᒨᕋᓱᒋᐊᖏᓐᓂᑦ ᒪᑯᐊᓗ:
-
ᐃᓪᓗᓂ ᓱᓇᒃᑯᑖᒥᓃᑦ (ᐃᑦᓯᕙᐅᑕᑯᑖᑦ, ᐃᑦᓯᕙᐅᑕᐃᑦ, ᓵᑦ, ᐊᓪᓕᓃᑦ, ᐊᓯᖏᑦ)
-
ᓇᑎᒥᓃᑦ (ᒥᖅᑯᓖᑦ, ᓂᕈᒻᒫᒃᑯᑏᑦ, ᐊᒻᒪ ᓵᑦᑐᐃᑦ), ᑲᑎᓯᒪᑉᐸᑕ ᐊᖏᓕᖃᕐᓗᑎᒃ 15 ᕖᑦ ᓴᓂᒧᑦ x 3 ᕖᑦ ᑐᑭᒧᑦ ᑕᑭᓂᓕᓐᓂᑦ (ᐊᑕᐅᓯᖅ ᑲᑎᓯᒪᔪᑦ ᕿᓚᑦᓯᒪᓪᓗᑎᒃ ᐊᑕᐅᓯᐅᓂᕋᖅᑕᖅ)
-
ᖁᕝᕕᒥᓃᑦ ᐊᒻᒪ ᓱᓪᓗᓕᒐᓚᐃᑦ ᐃᓚᑦᓴᖏᓪᓗ
-
ᐃᒐᓛᑦ ᐊᒻᒪ ᑕᕐᕋᖅᑑᑏᑦ
ᐱᔭᐅᔾᔮᖏᑦᑐᑦ
ᐅᑯᐊ ᓄᐊᑕᐅᔾᔮᖏᑦᑐᑦ ᓄᐊᑦᓯᓕᖅᐸᑕ ᐃᓪᓗᓂᑦ ᓴᓂᐸᐅᔭᐅᑎᓂᑦ.
ᐃᒻᒥᓂᒃ ᐃᒋᒋᐊᖅᑐᕆᐊᓕᑦᑎᑦ ᐊᑦᓯᕕᒻᒧᑦ ᒪᑐᐃᖓᑎᓪᓗᒍ.
-
ᐊᔾᔨᒌᖏᑦᑐᑦ ᓴᓂᕈᓘᔭᐃᑦ ᑲᑎᖕᖓᔪᑦ
-
ᐃᓪᓗᓕᐅᕈᑎᒥᓃᑦ ᐊᒻᒪ ᓱᕋᐃᔭᖅᑕᐅᓯᒪᔪᑦ
-
ᕿᔪᐃᑦ (ᓴᓇᔨᓂᑦ/ᓱᕋᐃᔭᖅᑕᓂᑦ, ᐃᓕᔾᔨᕕᒥᓃᑦ, ᕿᔪᐃᑦ ᑲᑎᖕᖓᔪᑦ, ᓱᓇᒃᑯᕕᒥᓃᑦ ᐅᒥᐊᕐᔪᐊᒃᑯᑦ, ᒪᑐᒥᓃᑦ, ᐊᓯᖏᑦ)
-
ᐅᐊᔭᒨᖅᑐᑦ (ᑏᕖᒥᓃᑦ, ᖃᕋᑕᐅᔭᒥᓃᑦ, ᐊᓯᖏᑦ)
-
ᐃᓪᓗᓂ ᓴᓗᒻᒪᕐᓴᐃᑎᒥᓃᑦ ᐅᓗᕆᐊᓇᖅᑐᑦ
-
ᓄᓇᒃᑰᔫᓄᑦ ᐃᓚᑦᓴᐃᑦ, ᐃᑦᓯᕙᐅᑕᒥᓃᓪᓗ
- < >
ᓴᕕᕋᔭᐃᑦ ᐊᒻᒪ ᓱᓇᒃᑯᑖᑦ ᐃᓪᓗᓄᑦ
- < >
ᐃᔾᔪ ᐊᒻᒪ ᐅᔭᖅᑲᐃᑦ
-
ᐃᒥᕐᒥᑦ ᓂᓪᓕᓇᖅᑐᒃᑯᕖᑦ ᓂᓪᓕᓇᐃᓐᓇᖅᑐᓖᑦ
-
ᐆᒪᔪᖁᑎᓂᑦ ᓴᓃᑦ
-
ᐃᑦᑎᕐᕕᐅᔭᒥᓃᑦ ᐸᐃᑉᐹᑦ ᑎᒋᖓᔪᑦ. ᑕᒪᒃᑯᐊᓕ ᐃᓚᓕᐅᑎᓯᒪᒋᐊᓕᑦᓯ ᐃᓪᓗᓯᓐᓂᑦ ᓴᓂᕐᓄᑦ ᓄᐊᑕᐅᕙᑦᑐᓄᑦ ᖃᐅᑕᒫᑦ ᐅᕝᕙᓘᓐᓃᑦ ᓇᒻᒥᓂᖅ ᐊᑦᓯᕕᒻᒨᕈᑎᕙᓪᓗᒋᑦ.
ᐊᖏᔫᑎᓂᒃ ᓴᓂᕐᓂᒃ ᓄᐊᑦᓯᓂᖅ - ᐅᓪᓗᕐᓯᐅᑦ
ᐅᓪᓗᕐᓯᐅᑎᖓ 2016-ᒥ ᓴᓂᐸᐅᔭᓂᑦ ᓄᐊᑦᓯᕕᐅᓂᐊᖅᑐᑦ ᐅᑯᐊ. ᖃᐅᔨᒪᓂᐊᖅᑯᓯ ᐊᑦᓯᕕᒃ ᑖᒃᑯᓇᓂ ᐅᓪᓗᕐᓂ ᒪᑐᓯᒪᖃᑦᑕᓛᕐᒪᑦ ᑭᒃᑯᑐᐃᓐᓇᕐᓄᑦ.
ᑕᓪᓕᕐᒥᖅ, ᔪᓂ 10 - ᐃᖃᓗᐃᑦ ᓄᓇᑐᖃᖓ, ᐃᓪᓗᓃᑦᑐᑦ ᓈᓴᐅᑎᓖᑦ 100-ᓂᑦ, 200-ᓂᑦ ᐊᒻᒪ 300-ᓂᑦ
ᑕᓪᓕᕐᒥᖅ, ᔪᓂ 17 - ᐃᖃᓗᐃᑦ ᓄᓇᑐᖃᖓ ᐊᒻᒪ ᐃᓄᒋᐊᕝᕕᖓ; ᐃᓪᓗᓃᑦᑐᑦ ᓈᓴᐅᑎᓖᑦ 600-ᓂᑦ, 700-ᓂᑦ, 800-ᓂᑦ, 1000-ᓂᑦ, ᐊᒻᒪ 1400-ᓂᑦ
ᑕᓪᓕᕐᒥᖅ, ᔪᓂ 24 - ᕼᐋᐱ ᕚᓕ, ᐃᓪᓗᓃᑦᑐᑦ ᓈᓴᐅᑎᓖᑦ 400-ᓂᑦ, 500-ᓂᑦ ᐊᒻᒪ 1600-ᓂᑦ
ᑎᓴᒻᒥᖅ, ᔪᓂ 30 - ᑕᓐᑐᕋ ᕚᓕ; ᐃᓪᓗᓃᑦᑐᑦ ᓈᓴᐅᑎᓖᑦ 2400-ᓂᑦ ᐊᒻᒪ 2500-ᓂᑦ
ᑕᓪᓕᕐᒥᖅ, ᔪᓚᐃ 8 - ᓂᐊᖁᖕᖒᓯᐊᕆᐊᖅ ᖁᑦᓯᓂᕐᓴᖅ; ᐃᓪᓗᓃᑦᑐᑦ ᓈᓴᐅᑎᓖᑦ 2200-ᓂᑦ, 2600-ᓂᑦ ᐊᒻᒪ 2700-ᓂᑦ
ᑕᓪᓕᕐᒥᖅ, ᔪᓚᐃ 15 - ᑕᓯᓗᓕᐊᕆᐊᕐᒥᐅᑦ ᐊᒻᒪ ᐃᒥᖅᑕᕐᕕᒥᓂᐅᑉ ᐊᕙᓗᐊᓂ; ᐃᓪᓗᓖᑦ ᓈᓴᐅᑎᓕᓐᓂᑦ 4000-ᓂᑦ
ᑕᓪᓕᕐᒥᖅ, ᔪᓚᐃ 22 - ᓂᐊᖁᖕᖒᑎ; 3000-ᓂᑦ ᐃᓪᓗᓖᑦ ᓈᓴᑎᓕᓐᓂᑦ
ᑕᓪᓕᕐᒥᖅ, ᔪᓚᐃ 29 - ᓯᓚᑦᑐᓴᕐᕕᐅᑉ ᐅᖓᑖᓂ; ᐃᓪᓗᓃᑦ ᓈᓴᑎᓕᓐᓂᑦ 5000-ᓂᑦ
ᑮᓇᐅᔭᓕᐅᕐᕖᑦ ᐃᓚᒋᔭᐅᔾᔮᖏᑦᑐᑦ ᐊᖏᔫᑎᓂᑦ ᓴᓂᑦᑕᓕᖅᐸᑕ (ᓲᕐᓗ ᐃᓄᒋᐊᕝᕕᒻᒥᐅᑕᐃᑦ, ᑰᓕᐊᕆᐊᒥ ᐊᒻᒪ ᖃᖅᑲᓕᐊᕆᐊᒥ).
ᑐᑭᓯᒋᐊᒃᑲᓐᓂᕕᑦᓴᖅ:
ᓄᓇᓕᐸᐅᔭᒃᑯᑦ ᐃᑭᐊᕐᕆᕕᖓᑦ (www.city.iqaluit.nu.ca/news/changes-large-item-pick-up2016) ᑕᑯᓂᐊᕐᓗᒍ ᐅᓪᓗᕐᓯᐅᑎ ᐊᖏᔫᑎᓂᒃ ᓴᓂᐅᕐᓂᒃ ᓄᐊᑦᓯᓂᖅ ᐅᓪᓗᖓᓂ ᐃᕝᕕᑦ ᖃᓂᒋᔭᖓᓂ ᐃᖃᓗᓐᓂ.
