ᐊᖏᔫᑎᓂᑦ ᓴᓂᕐᓂᒃ ᓄᐊᑦᓯᓛᕐᓂᐊᖅᑐᑦ ᔪᓂ 19-ᒥᑦ 23-ᒧᑦ

ᐊᖏᔫᑎᓂᑦ ᓴᓂᕐᓂᒃ ᓄᐊᑦᓯᓛᕐᓂᐊᖅᑐᑦ ᔪᓂ 19-ᒥᑦ 23-ᒧᑦ
ᔪᓂ 9, 2017 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᒃᑯᑦ ᖁᕕᐊᒋᓪᓗᒍ ᐅᖃᐅᓯᖃᕈᒪᓕᕐᒥᔪᑦ ᐊᕐᕌᒍᑦᑎᓐᓂ ᐊᖏᔫᑎᓂᑦ ᓴᓂᕐᓂᒃ ᓄᐊᑦᓯᓛᓕᕐᒥᒻᒪᑕ ᐱᓇᓱᐊᕈᓯᕐᒥᑦ ᐊᑕᐅᓯᕐᒥᑦ, ᓇᒡᒋᔾᔭᐅᒥᑦ ᔪᓂ 19 ᑕᓪᓕᒥᕐᒧᑦ ᔪᓂ 23, 2017. ᐱᓇᓱᐊᕈᓯᕐᒥ ᓄᐊᑦᓯᓐᓇᐅᓕᖅᐸᑦ ᓄᓇᓕᕐᓂᒥᐅᑕᐃᑦ ᒪᕐᕉᓐᓂᒃ ᓱᓇᒃᑯᑖᒥᓃᓐᓂᒃ ᐃᒋᑦᑎᒍᓐᓇᓛᓕᕐᒥᔪᑦ ᐊᒻᒪᑦᑕᐅᖅ ᐱᖓᓱᓂᑦ ᐊᖏᔫᑎᓂᑦ ᐃᓪᓗᒥ ᓱᓇᒃᑯᑖᒥᓂᕐᓂᒃ ᐅᖁᒪᐃᓐᓂᖃᑐᐊᖅᐸᑕ 50 ᐸᐅᓐᓯᓂᑦ ᐅᖁᒪᐃᓐᓂᕐᓴᓂᓘᓐᓃᑦ, ᐊᒻᒪ ᐴᕈᓐᓇᖏᑉᐸᑕ ᕿᓂᖅᑕᓄᑦ ᕿᓪᓚᔪᑭᐊᓄᑦ ᐃᒋᑦᓯᕕᓐᓄᑦ.
ᐃᖅᑲᓇᐃᔭᖅᑏᑦ ᐃᖃᓗᓐᓂ ᐱᓇᓱᐊᕈᓯᓕᒫᑦᓯᐊᒥ ᓄᐊᑦᓯᓛᖅᑐᑦ ᓴᓂᕐᓂᒃ, ᓄᐊᑦᓯᓗᑎᒃ ᓴᓂᕐᓂᒃ ᑲᑎᕐᓱᖅᑕᐅᓯᒪᔪᓂᑦ ᖃᖓᑐᐃᓐᓇᓯᐊᒃᑯᑦ ᐅᓪᓗᓂ. ᓲᕐᓗ, ᐅᓪᓗᕐᒥ ᐊᑕᐅᓯᕐᒥ ᓱᓇᒃᑯᑖᒥᓃᓐᓇᕐᓂᒃ ᓄᐊᑦᓯᓗᑎᒃ ᐊᒻᒪ ᐊᓯᐊᒍᑦ ᐅᓪᓗᕐᒥ ᓄᐊᑦᓯᓕᕐᒥᓗᑎᒃ ᐊᓯᖏᓐᓂᑦ ᓴᓂᕐᓂᒃ. ᓄᐊᑕᑦᓴᖃᓗᐊᕈᓐᓃᕋᐃᑉᐸᑕ ᓴᓂᕐᓂᒃ ᓄᐊᑕᐅᓯᒪᔪᓂᑦ, ᐊᓯᖏᓐᓂᑦ ᓄᐊᓯᒪᕈᓘᔭᖅᑐᓂᑦ ᓴᓂᐸᐅᔭᐅᑎᓂᑦ ᓄᐊᑦᓯᔪᓐᓇᖃᑦᑕᓛᖅᑐᑦ.
ᓄᓇᓕᕐᓂᒥᐅᑕᐃᑦ ᐃᓚᒋᔭᐅᒍᒪᓛᖅᑐᑦ ᓄᐊᑦᓯᓂᐅᓛᖅᑐᒧᑦ ᓴᓂᐸᐅᔭᐅᑎᓂᑦ ᓯᓚᒥ ᐃᒋᑦᓯᕕᖏᑕ ᓴᓂᖏᓐᓅᕆᔪᓐᓇᓛᖅᑐᑦ ᐅᓐᓄᖓᓂ ᓈᑦᓯᐅᖑᔭᐅᑉ, ᔪᓂ 18. ᓴᓃᑦ ᑲᑎᕐᓱᕐᓯᒪᑎᑕᐅᒋᐊᖃᓛᖅᑐᑦ ᐃᓛᒃᑰᖓᓗᑎᒃ ᓴᓃᑦ ᓲᕐᓗ ᐃᓪᓗᒥᐅᑕᒥᓃᑦ ᐃᑦᓯᕙᐅᑕᒥᓃᑦ ᓵᒥᓃᓪ ᐊᑕᐅᑦᓯᒦᓪᓗᑎᒃ ᐊᒻᒪ ᓱᓇᒃᑯᑖᒥᓃᑦ ᐊᑕᐅᑦᓯᒦᓪᓘᑎᒃ. ᓴᓃᑦ ᖁᓕᕇᒋᐊᖃᖕᖏᑦᑐᑦ, ᐊᒻᒪ ᑲᑎᑕᐅᓯᒪᖕᖏᓪᓗᑎᒃ ᓴᓂᑐᐃᓐᓇᕐᓄᑦ. ᓄᐊᑕᐅᔪᓕᒫᑦ ᓴᓃᑦ ᐊᑦᓯᕕᒻᒨᖃᖅᑕᐅᓛᖅᑐᑦ.
ᓱᓇᑐᐃᓐᓇᐃᑦ ᓄᐊᑕᐅᒋᐊᖃᖕᖏᑦᑐᑦ ᓴᓂᑦᑕᖅᑐᓄᑦ ᓅᑕᐅᒋᐊᖃᓛᖅᑐᑦ ᐃᒋᑦᓯᕖᑦ ᓴᓂᖏᓐᓂᑦ (ᓲᕐᓗ ᐸᐃᓯᑯᐃᑦ, ᐱᖕᖑᐊᑦ) ᐃᒋᑕᐅᑲᓪᓚᓛᖏᒻᒪᑕ ᐱᔮᖅᑯᑕᐅᖏᑦᑐᒥᑦ.
ᖃᐅᔨᒪᓛᖅᑯᓯ ᑮᓇᐅᔭᓕᐅᖅᑏᑦ ᓴᓂᐸᐅᔭᐅᑎᖏᑦ ᓄᐊᑕᐅᓛᖏᒻᒪᑕ (ᓲᕐᓗ ᓄᓇᓕᐅᑉ ᕿᑎᐊᓃᑦᑐᑦ, ᑰᓕᐊᕆᐊᒦᑦᑐᑦ, ᐊᒻᒪ ᖃᖅᑲᓕᐊᕆᐊᒦᑦᑐᑦ).
ᐅᐸᓗᖓᐃᔭᖅᐸᓪᓕᐊᓕᖅᑎᓪᓗᓯ ᓄᐊᑦᓯᓂᐅᓛᖅᑐᒧᑦ ᐊᖏᔫᑎᓂᑦ ᓴᓂᕐᓂᒃ, ᐅᑯᐊ ᖃᐅᔨᒪᔭᐅᒋᐊᓖᑦ ᐊᑐᐊᒐᐃᑦ:
ᐅᑯᐊ ᓴᓃᑦ ᓄᐊᑕᐅᔪᓐᓇᓛᖅᑐᑦ:
 3 ᐊᖏᔫᑏᑦ ᓴᓃᑦ ᐊᑐᓂ ᐊᖏᕐᕋᓂᑦ, ᐊᒻᒪ ᒪᕐᕉᒃ ᐃᓪᓗᒥ ᓱᓇᒃᑯᑖᒥᓃᓐᓂᒃ - (ᐅᐊᓴᕐᕕᒥᓃᑦ, ᐸᓂᕐᓰᕕᒥᓃᑦ, ᖁᐊᒃᑯᕕᒥᓃᑦ, ᖁᐊᑕᐅᒥᓃᑦ, ᐃᒐᒥᓃᓪᓘᓐᓃᑦ)
 ᓴᓃᑦ 50 ᐸᐅᓐᓯᓂᑦ ᐅᖁᒪᐃᓐᓂᓖᑦ ᐅᖁᒪᐃᓐᓂᓴᐃᓪᓘᓐᓃᑦ, ᐅᕝᕙᓘᓐᓃᑦ ᐴᕈᓐᓇᖏᑦᑐᑦ ᕿᓂᖅᑕᓄᑦ ᓴᓂᒃᑯᕕᓐᓄᑦ ᕿᓚᖑᓐᓇᐃᓕᑎᑦᓯᓗᑎᒃ, ᐊᒻᒪ:
• ᐃᑦᓯᕙᐅᑕᑯᑖᒥᓃᑦ, ᐃᑦᓯᕙᐅᑕᒥᓃᑦ, ᓵᒥᓃᑦ, ᐊᓪᓕᓂᒥᓃᑦ, ᐊᓯᖏᓪᓗ)
• ᓇᑎᒥᓃᑦ ᒥᕐᕈᓖᑦ, ᓇᑎᑦᓴᐃᑦ ᓂᕈᒻᒫᖅᑯᑎᒥᓂᖏᑦ, ᐊᒻᒪ ᑎᒋᖓᔪᑦ ᓇᑎᒥᓃᑦ, ᐃᒧᓯᒪᓗᑎᒃ ᐊᖏᓂᖃᕈᓐᓇᖅᑐᑦ 1.7 ᒦᑕᒥᑦ ᐊᒻᒪ 1 ᒦᑕᒥᑦ (5 ᕖᑦ ᑐᑭᒧᑦ ᐊᒻᒪ 3 ᕖᑦ ᓴᓂᒧᑦ, ᐊᑕᐅᓯᐅᓂᖓᓂᑦ ᐃᓱᒪᒋᔭᐅᓂᐊᖅᑐᖅ ᐊᖏᔫᖅ ᓴᓂᖅ
• ᑯᕝᕕᕕᒥᓃᑦ, ᖁᕝᕕᒥᓃᓪᓗ
• ᐃᒐᓛᒥᓃᑦ ᐊᒻᒪ ᑕᕐᕋᖅᑑᑎᒥᓃᑦ
ᐅᑯᐊ ᓄᐊᑕᐅᓛᖏᑦᑐᑦ, ᐊᒻᒪ ᑰᓕᐊᕆᐊᒦᑦᑐᒧᑦ ᐊᑦᓯᕕᓕᐊᕈᔾᔭᐅᔪᓐᓇᓛᖅᑐᑦ ᓇᒻᒥᓂᖅ:
• ᐊᔾᔨᒌᖏᑦᑐᑦ ᓴᓂᕈᓘᔭᐃᑦ ᑲᑎᓯᒪᕈᓘᔭᖅᑐᑦ
• ᐃᓪᓗᓕᐅᕈᑎᒥᓃᑦ ᐊᒻᒪ ᐃᓪᓗᒥᓃᑦ ᓴᓃᑦ
• ᕿᔪᐃᑦ (ᐃᓪᓗᓕᐅᕈᑎᒥᓃᑦ/ᐃᓪᓗᒥᓃᑦ ᓴᓃᑦ, ᐃᓕᔾᔨᕕᒥᓃᑦ, ᕿᔪᐃᑦ
ᓱᓇᒃᑯᑖᒃᑯᕕᒥᓃᑦ, ᐅᒥᐊᕐᔪᐊᒃᑰᖅᑐᒥᓃᑦ ᓱᓇᒃᑯᑖᒃᑯᕕᒥᓃᑦ, ᒪᑐᒥᓃᑦ,
ᐊᓯᖏᓪᓗ ᐃᓪᓗᓕᕆᔪᑦ)
• ᐅᐊᔭᒨᖅᑐᒥᓃᑦ (ᑏᕖᒥᓃᑦ, ᖃᕋᑕᐅᔭᒥᓃᑦ, ᐊᓯᖏᓪᓗ)
• ᐃᓪᓗᒥ ᐊᑐᖅᑕᒥᓃᑦ ᐅᓗᕆᐊᓇᖅᑐᑦ ᓴᓃᑦ
• ᓄᓇᒃᑰᔫᓄᑦ ᐃᓚᑦᓴᒥᓃᑦ, ᐃᑦᓯᕙᐅᑕᒥᓂᖏᓪᓗ
• ᐊᑦᓴᓗᐊᒥᓃᑦ
• ᓴᕕᕋᔭᐃᑦ
• ᐳᓪᓚᖃᕐᕕᒥᓃᑦ
• ᐃᔾᔪᐃᑦ ᓄᓇᐃᑦ ᐊᒻᒪ ᐅᔭᖅᑲᐃᑦ
• ᐆᒪᔪᖁᑎᓄᑦ ᖁᑦᑖᒐᒥᓃᑦ
• ᑎᒋᖓᔪᑦ ᐸᐃᑉᐹᑦ ᐃᑦᑎᕐᕕᐅᔭᒥᓃᑦ - ᑕᒪᒃᑯᐊᓕ ᓄᐊᑕᐅᕙᒌᖅᑐᑦ ᓴᓃᑦ,
ᐅᕝᕙᓘᓐᓃᑦ ᓇᒻᒥᓂᖅ ᐊᑦᓯᕕᓕᐊᕈᔾᔭᐅᔪᓐᓇᖅᑐᑦ.
ᐊᐱᖅᑯᑏᑦ ᐊᒻᒪ ᑭᐅᔾᔪᑏᑦ ᖃᓄᐃᑦᑐᓂᑦ ᓴᓂᐸᐅᔭᐅᑎᓂᑦ ᓄᐊᑦᓯᓯᒪᒍᓐᓇᖅᐱᑕ? ᐊᖏᔫᑎᐅᓂᕋᖅᑕᐅᓂᐊᖅᑐᑦ ᐅᖁᒪᐃᓐᓂᓖᑦ 50 ᐸᐅᓐᔅᓂᑦ ᐅᖁᒪᐃᓐᓂᓴᐃᓪᓘᓐᓃᑦ ᐴᕈᓐᓇᖏᓪᓗᑎᒃ ᕿᓂᖅᑕᓄᑦ ᕿᓚᔪᑭᐊᐸᐅᔭᓄᑦ ᓴᓂᒃᑯᕕᓐᓄᑦ, ᐊᒻᒪᑦᑕᐅᖅ ᒪᕐᕉᒍᓐᓇᖅᑑᒃ ᐃᓪᓗᒥ ᓱᓇᒃᑯᑖᒥᓃᑦ ᓴᓃᑦ. ᓱᓇᑦ ᓄᐊᑕᐅᓛᖏᓚᑦ ᐊᖏᔪᑎᓂᑦ ᓴᓂᕐᓂᒃ ᓄᐊᑦᓯᑎᓪᓗᒋᑦ? ᓴᕕᕋᔭᐃᑦ, ᐅᐊᔭᒨᖅᑐᒥᓃᑦ, ᕿᔪᐃᑦ ᐊᒻᒪ ᐊᑦᓴᓗᐊᒥᓃᑦ ᓄᐊᑕᐅᓛᖏᑦᑐᑦ. ᑮᓇᐅᔭᓕᐅᑎᓄᑦ ᓴᓂᐸᐅᔭᐃᑦ ᓄᐊᑕᐅᓛᖏᒻᒥᔪᑦ ᓇᔪᒐᖃᖅᑎᓂᑦ ᐱᔨᑦᓯᕋᕈᑎᐅᓛᕐᒪᑦ. ᖃᑦᓯᐅᒍᓐᓇᖅᐸᑦ ᓴᓂᐸᐅᔭᐃᑦ?
ᐄᖕ. ᐊᑐᓂ ᐊᖏᕐᕋᓂᒃ ᐱᖓᓱᓂᑦ ᓴᓂᐸᐅᔭᓂᑦ ᓄᐊᑦᓯᔪᓐᓇᓛᖅᑐᑦ, ᐊᒻᒪ ᒪᕐᕉᓗᑎᒃ ᐃᓪᓗᒥ ᓱᓇᒃᑯᑖᒥᓃᒃ. ᐱᖓᓲᓗᐊᖑᑉᐸᑕᓕ ᓴᓂᐸᐅᔭᒃᑲ? ᓄᓇᓕᕐᓂᒥᐅᑕᐃᑦ ᓇᒻᒥᓂᖅ ᓴᓂᐸᐅᔭᒥᓂᒃ ᓄᐊᑕᐅᖏᑦᑐᓂᒃ ᐊᑦᓯᕕᒻᒨᕈᔾᔨᒋᐊᓖᑦ. ᖃᖓ ᓴᓂᐸᐅᔭᒃᑲ ᐊᑐᐃᓐᓇᐅᒋᐊᖃᓛᖅᐸᑦ ᓄᐊᑦᓯᓕᖅᐸᑕ? ᓈᑦᓯᐅᖑᔭᒥ ᔪᓂ 18, ᓯᓚᒥ ᐃᒋᑦᓯᕕᑦᓯ ᓴᓂᐊᓃᒋᐊᖃᓛᖅᑐᑦ. ᐳᐃᒍᑦᑕᐃᓕᒋᑦᓯ ᐱᖁᑎᑦᓯᓐᓂᑦ ᓴᓂᐊᓃᑦᑐᖃᕆᐊᖃᓛᖏᒻᒪᑦ ᓴᓂᒃᑯᕕᐅᑉ, ᓲᕐᓗ ᐸᐃᓯᑯᐃᑦ ᐱᖕᖑᐊᓪᓘᓐᓃᑦ, ᑎᒍᔭᐅᑲᓪᓚᓛᖏᒻᒪᑕ ᓄᐊᑦᓯᔪᓄᑦ ᓴᓂᕐᓂᒃ. ᖃᓄᖅ ᓴᓃᑦ ᐋᖅᑭᑦᓱᕐᓯᒪᒋᐊᖃᕐᓂᐊᕐᒪᑕ? ᓴᓃᑦ ᐊᕕᑦᑐᕐᓯᒪᒋᐊᓖᑦ ᐊᒻᒪ ᐃᓛᒃᑰᑎᖅᑕᐅᓗᑎᒃ ᖃᓄᐃᑦᑑᓂᖏᑦ ᓴᓃᑦ ᒪᓕᓪᓗᒋᑦ, ᓲᕐᓗ ᓴᕕᕋᔭᐃᓐᓇᐃᑦ ᑲᑎᓪᓗᒋᑦ, ᕿᔪᐃᓐᓇᐃᑦ, ᐃᒫᒃ ᐊᒻᒪ ᖁᓕᕇᖏᓪᓗᑎᒃ. ᓴᓂᑐᐃᓐᓇᐃᑦᑕᐅᖅ ᐃᓛᒃᑰᖓᑎᑕᐅᒋᐊᓖᑦ, ᐊᒻᒪ ᐊᖏᔫᑎᓃᑎᑕᐅᖏᓪᓗᑎᒃ ᓴᓂᕐᓂ. ᐊᒻᒪᑦᑕᐅᖅ ᐃᑉᐱᒍᓱᒋᐊᕐᓗᓯ ᐱᖓᓱᐃᓐᓇᐅᒋᐊᖃᕐᒪᑕ ᓴᓂᐸᐅᔭᐅᑏᑦ ᓄᐊᑕᐅᓂᐊᖅᑐᑦ. ᓇᒨᖕᖔᔭᐅᓂᐊᕐᒪᑕ ᓄᐊᑕᐅᓛᖅᑐᑦ ᓴᓃᑦ? ᓴᓃᑦ ᓄᐊᑕᐅᓛᖅᑐᖅ ᓴᓂᐸᐅᔭᐅᑎᓂᑦ ᓄᐊᑦᓯᓂᖏᓐᓂ ᐊᑦᓯᕕᒻᒨᖅᑕᐅᖅᑲᓛᖅᑐᑦ. ᓄᓇᓕᕐᒥᐅᑕᐃᑦ ᐃᑲᔪᕈᓐᓇᓛᕐᒥᔪᑦ ᓴᓂᖃᓗᐊᑦᑕᐃᓕᒪᓂᒃᑯᑦ ᐊᑦᓯᕕᒻᒨᕋᔭᖅᑐᓂᑦ, ᐃᒋᑐᐃᓐᓇᖏᓪᓗᒋᑦ ᐃᓚᖏᑦ ᓂᐅᕕᐊᑦᓴᐅᔪᓐᓇᖅᑐᑦ, ᑕᐅᕐᓰᖃᑎᖃᕈᓐᓇᖅᑐᑦ ᐊᓯᒥᓂᒃ, ᐅᕝᕙᓘᓐᓃᑦ ᓱᕋᑦᓯᒪᖕᖏᑐᐊᖅᐸᑕ ᐱᓕᐅᑎᒋᓗᒋᑦ ᑭᒃᑯᑐᐃᓐᓇᕐᓄᑦ. -30-
ᑐᑭᓯᒋᐊᒃᑲᓐᓂᕈᒪᒍᕕᑦ ᖃᐅᔨᒋᐊᕈᓐᓇᖅᑕᐃᑦ:
ᐋᓐᑐᕆᐊ ᓯᐱᑦᔪᕐ
ᑐᓴᐅᒪᑎᑦᓯᓕᕆᓂᕐᒥᑦ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
ᐃᕐᖐᓇᖅᑕᐅᑎᖓ: A.SPITZER@CITY.IQALUIT.NU.CA