ᐱᔪᒪᓂᖅ ᐃᓕᑕᕆᔭᐅᔾᔪᑎᑕᓕᓐᓂᑦ ᑐᓵᔨᓂᑦ ᐊᒻᒪ ᑐᑭᓕᐅᕆᔨᓂᒃ ᓂᒡᒋᐊᑕ ᕿᑭᖅᑖᓗᒻᒥ ᐃᓄᒃᑎᑐᑦ

07/03/2024

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐱᔪᒪᓂᖅ ᐃᓕᑕᕆᔭᐅᔾᔪᑎᑕᓕᓐᓂᑦ ᑐᓵᔨᓂᑦ ᐊᒻᒪ ᑐᑭᓕᐅᕆᔨᓂᒃ ᓂᒡᒋᐊᑕ ᕿᑭᖅᑖᓗᒻᒥ ᐃᓄᒃᑎᑐᑦ
ᒫᑦᓯ 07, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᖕᓂ ᕿᓂᕐᒪᑕ ᐃᓕᑕᕆᔭᐅᓯᒪᔪᓂᒃ ᑐᓵᔨᓂᒃ ᐊᒻᒪ ᑐᑭᓕᐅᕆᔨᓂᒃ ᐃᓚᓕᐅᔾᔭᐅᔪᒪᓇᔭᖅᑐᓂᒃ ᓄᓇᓕᐸᐅᔭᕐᒥ ᑎᑎᕋᖅᑎᑦ ᖃᐅᔨᒋᐊᕐᕕᒃᓴᖏᓐᓂᒃ ᑐᓵᔨᑦ ᐱᔨᑦᑎᕋᐅᑎᖏᓐᓂᒃ ᓄᓇᓕᐸᐅᔭᐃᑦ ᑲᑎᒪᔨᖏᑦ ᑲᑎᒪᑎᓪᓗᒋᑦ, ᐊᒻᒪᓗ/ᐅᕝᕙᓘᓐᓃᑦ ᑐᑭᓕᐅᖅᑕᐅᓗᑎᒃ ᓄᓇᓕᐸᐅᔭᒥ ᑎᑎᖅᑲᖁᑎᒋᔭᐅᔪᑦ, ᐱᔭᕆᐊᖃᕌᖓᑕ.

ᑲᑎᒪᖃᑦᑕᖅᑐᑦ ᓂᕈᐊᖅᑕᐅᓯᒪᔪᓂᑦ ᐅᓐᓄᒃᑯᑦ, ᐱᒋᐊᖃᑦᑕᖅᑐᑦ 6:00-ᒥ ᐅᓐᓄᒃᑯᑦ ᐊᒻᒪᓗ ᐊᑯᓂᐅᓂᖃᖅᑐᑎᑦ ᐃᑲᕐᕋᓄᑦ ᐱᖓᓱᓄᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᑲᑎᒪᓂᖏᓐᓄᑦ ᐊᒻᒪᓗ ᐃᑲᕐᕌᓐᓄᑦ ᒪᕐᕉᓐᓄᑦ ᑲᑎᒪᔨᕋᓛᑦ ᑲᑎᒪᓂᖏᓐᓄᑦ. ᑐᓵᔨᓕᒫᑦ ᐊᒻᒪ ᑐᑭᓕᐅᕆᔭᐅᔪᓕᒫᑦ ᐱᔾᔪᑎᖃᕆᐊᖃᖅᑐᑦ ᓂᒡᒋᐊᑕ ᕿᑭᖅᑖᓘᑉ ᐃᓄᒃᑎᑐᑦ. ᐱᔨᑦᑎᕋᐅᑏᑦ ᐊᑭᓕᖅᑕᐅᔪᓐᓇᖅᑐᑦ ᐲᔭᐃᕝᕕᐅᓚᐅᖅᑎᓪᓗᒋᑦ 30 ᐅᓪᓗᐃᑦ ᐊᑭᓕᒐᒃᓴᖅᑖᓚᐅᖅᑎᓪᓗᒋᑦ.

ᐅᓪᓗᖅᓯᐅᑎᑖᕈᒪᒍᕕᑦ ᐋᖅᑭᒃᑕᐅᓯᒪᕙᒌᖅᑐᓂᒃ ᑲᑎᒪᓂᕐᓂᒃ 2024−ᒧᑦ, ᐅᕝᕙᓘᓐᓃᑦ ᓇᓗᓇᐃᖅᓯᖁᓪᓗᑎᑦ ᐃᓱᒪᒋᔭᖃᕐᓂᕐᓂᒃ ᐃᓚᓕᐅᔾᔭᐅᓂᕐᒥᒃ ᓄᓇᓕᐸᐅᔭᐅᑉ ᑎᑎᕋᖅᑎᖓᑕ ᖃᐅᔨᒋᐊᕐᕕᒃᓴᖏᓐᓄᑦ ᑎᑎᕋᖅᓯᒪᔪᓄᑦ, ᓇᓗᓇᐃᒃᑯᑕᖃᕐᓗᓂ ᑐᓵᔨᐅᓂᖕᒥᑦ ᐊᒻᒪᓗ/ᐅᕝᕙᓘᓐᓃᑦ ᑐᑭᓕᐅᕆᔨᐅᓗᓂ, ᖃᐅᔨᒋᐊᕐᕕᒋᓗᒍ ᓄᓇᓕᐸᐅᔭᐅᑉ ᑎᑎᕋᖅᑎᖓᑕ ᑎᑎᕋᕐᕕᐊᓄᑦ ᐅᕗᖓ 867-979-5667 ᐃᕐᖐᓐᓇᒃᑰᕈᑎᒃᑯᓪᓘᓐᓃᑦ ᐅᕗᖓ k.sarmiento@iqaluit.ca.

##

ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:

ᑲᑐᕇᓇ ᓵᕐᒥᐊᓐᑑ
ᓯᕗᓕᖅᑎᓄᑦ ᐃᑲᔪᖅᑎ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5667 | k.sarmiento@iqaluit.ca

Notice: