ᐱᕙᓪᓕᐊᔪᓂᑦ ᐅᖃᐅᓯᖃᕐᓂᖅ − ᖃᐅᔨᔭᐅᔾᔪᑎᐅᔪᑦ ᓄᓇᓕᐸᐅᔭᐃᑦ ᐃᖃᓗᓐᓂ ᐃᒥᖓᓂᑦ ᖃᐅᔨᓴᒃᑲᓂᕐᓂᕐᒥᑦ

21/10/2021

ᐱᕙᓪᓕᐊᔪᓂᑦ ᑐᓴᕋᑦᓴᖅ

ᐱᕙᓪᓕᐊᔪᓂᑦ ᐅᖃᐅᓯᖃᕐᓂᖅ − ᖃᐅᔨᔭᐅᔾᔪᑎᐅᔪᑦ ᓄᓇᓕᐸᐅᔭᐃᑦ ᐃᖃᓗᓐᓂ ᐃᒥᖓᓂᑦ ᖃᐅᔨᓴᒃᑲᓂᕐᓂᕐᒥᑦ
ᐋᑦᑑᐸ 22, 2021 − ᐃᖃᓗᐃᑦ, ᓄᓇᕗᑦ

 

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕆᕗᑦ ᐱᕙᓪᓕᐊᔪᓂᑦ ᐅᖃᐅᓯᖃᕐᓂᐊᕐᒪᑕ ᐱᕙᓪᓕᐊᔪᓕᕆᔨᓄᑦ ᑕᓪᓕᒥᕐᒥ, ᐋᑦᑑᐸ 22, 2021 ᐱᔾᔪᑎᖃᕐᓗᑎᒃ ᖃᐅᔨᔭᐅᔪᓂᑦ ᒫᓐᓇᐅᓚᐅᖅᑐᖅ ᐃᒥᕐᒥᒃ ᖃᐅᔨᓴᖅᑎᓪᓗᒋᑦ.

 

ᐱᕙᓪᓕᐊᔪᓕᕆᔨᓂᑦ ᑐᓴᖅᑎᑦᑎᓛᖅᑐᑦ 5-ᒥ ᐅᓐᓄᓴᒃᑯᑦ ᑲᓇᖕᓇᐅᑉ ᓯᕿᖕᖑᔭᖓᒍᑦ

 

ᐱᕙᓪᓕᐊᔪᓕᕆᔨᓂᑦ ᑐᓴᖅᑎᑦᑎᓛᖅᑐᑦ ᓄᓇᓕᐸᐅᔭᐃᑦ ᑲᑎᒪᔨᖏᑕ ᑲᑎᒪᕕᖏᓐᓂ.

 

ᓄᓇᓕᓐᓂ ᐱᕙᓪᓕᐊᔪᓂᑦ ᑐᓴᐅᒪᑎᑦᑎᔨᐅᔪᑦ ᐅᐸᓗᖓᐃᔭᐃᒋᐊᓖᑦ ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᓐᓄᑦ ᐅᐸᒍᒪᓐᓂᕈᑎᒃ ᐱᕙᓪᓕᐊᔪᓕᕆᔩᑦ ᑐᓴᖅᑎᑕᐅᓕᖅᐸᑕ ᐃᓂᖃᑦᑎᐊᖏᓐᓂᖓ ᐱᓪᓗᒍ.  ᖃᐃᖅᑳᑐᐃᓐᓇᖅᑐᑦ ᐃᓂᖃᕐᓂᐊᖅᑐᑦ.  ᑲᑎᒪᔩᑦ ᑲᑎᒪᕕᖏᓐᓅᖅᑐᓕᒫᑦᑎᐊᑦ ᓇᓗᓇᐃᕐᓯᔪᓐᓇᕆᐊᓖᑦ ᒪᕐᕈᐊᑎᖅᑐᑎᒃ ᐋᓐᓂᐊᔭᐃᒃᑯᑎᒧᑦ ᑲᐱᔭᐅᓯᒪᓂᕐᒥᓂᒃ, ᐊᒻᒪ ᑮᓇᕐᒧᑦ ᒪᑐᐊᕐᓂᒃ ᐊᑐᐃᓐᓇᕆᐊᖃᖅᑐᑎᒃ.

 

ᑲᓇᑕᒥ ᐱᕙᓪᓕᐊᔪᓕᕆᔨᓄᑦ ᐱᓕᕆᕝᕕᐅᔪᑦ ᐊᒻᒪ ᓄᓇᓕᕐᒥᐅᑕᐃᑦ ᓈᓚᓐᓂᐊᖁᔭᐅᒐᓗᐊᑦ ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᑕ ᑐᓴᕐᓴᐅᑦᓴᐅᑎᒋᓗᑎᒃ ᖃᕋᑕᐅᔭᒃᑯᑦ ᑕᑯᓐᓇᐅᑎᒃᑯᑦ.  ᐅᐃᒍᖓ ᑕᕝᕗᖓ ᑎᑎᕋᕐᓯᒪᔪᑦ ᓄᓇᐸᐅᔭᒃᑯᑦ ᐃᑭᐊᖅᑭᕕᖏᓐᓂ ᐊᒻᒪ ᑕᐃᑲᓃᑎᑕᐅᓕᕐᓂᐊᖅᑐᓂ ᐃᑭᐊᖅᑭᕕᒻᒥ 15 ᒪᓇᑦᓯᓂᑦ ᑲᑎᒪᒋᐊᓚᐅᖏᓐᓂᖏᓐᓂ.

 

 

##

ᐱᕙᓪᓕᐊᔪᓂᑦ ᑐᑭᓯᒋᐊᕐᕕᑦᓴᖅ ᐅᓇ:

ᔭᕗᕆ ᐴᕐᓐ

ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᑎᔨᐅᑲᐃᓐᓇᖅᑐᖅ
867-979-5619 | g.byrne@iqaluit.ca

Notice: