ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᒪᐃ 4, 2016 (ᐃᖃᓗᐃᑦ, ᓄᓇᕗᑦ) ᑐᐊᕕᕐᓇᖅᑐᓕᕆᔾᔪᑎᓂᑦ ᐅᐸᓗᖓᐃᔭᐃᓂᕐᒥᑦ ᐱᓇᓱᐊᕈᓯᖅ
ᐊᕐᕌᒍᑦᑎᓐᓂ ᐊᑐᖅᑕᑎᓐᓂ, ᑐᐊᕕᕐᓇᖅᑐᓕᕆᓂᕐᒥᑦ ᐅᐸᓗᖓᐃᔭᐃᓂᕐᒥᑦ ᐱᓇᓱᐊᕈᓯᐅᓂᐊᖅᑐᖅ ᒪᐃ 1-ᒥᑦ 7-ᒧᑦ, 2016.
ᑐᐊᕕᕐᓇᖅᑐᓕᕆᓂᕐᒥᑦ ᐅᐸᓗᖓᐃᔭᐃᓂᕐᒥᑦ ᐱᓇᓱᐊᕈᓯᖅ ᑲᓇᑕᒥ ᐊᑐᖅᑕᐅᕙᑦᑐᖅ ᐅᔾᔨᕈᓱᒋᐊᖅᑎᑦᓯᔾᔪᑎᐅᕙᑦᑐᓂ ᐊᕐᕌᒍᑕᒫᖅ 1996-ᒥᓂᒃ. ᑲᑐᔾᔨᖃᑎᒌᓐᓂᒃᑯᑦ ᐊᑐᖅᑕᐅᕙᑦᑐᖅ ᓄᓇᓕᖃᕐᕕᓐᓂ ᐊᒻᒪ ᑲᓇᑕᒥ ᐊᐅᓚᑦᓯᔨᓄᑦ ᑐᐊᕕᕐᓇᖅᑐᓕᕆᔾᔪᑎᓂᑦ ᐃᑲᔪᓲᓂᑦ ᓄᓇᓕᓐᓂ ᖃᓄᐃᓕᐅᖅᑎᑦᓯᑎᓪᓗᒋᑦ, ᐱᓕᕆᖃᑎᒋᕙᑦᑐᒋᑦ ᑭᒃᑯᑐᐃᓐᓇᕐᓂᒃ ᐊᑦᑕᓇᑦᑕᐃᓕᒪᔪᓕᕆᔨᓂᑦ ᑲᓇᑕᒥ ᐊᒻᒪ ᑲᑐᔾᔨᖃᑎᒌᕙᑦᑕᖏᓐᓂᑦ. ᐱᓇᓱᐊᕈᓯᒃᑯᑦ ᐊᔭᐅᕐᓱᐃᔾᔪᑎᐅᕙᑦᑐᖅ ᑲᓇᑕᒥᐅᑕᓂᑦ ᐊᑐᖁᔨᓪᓗᑎᒃ ᐱᖓᓱᓂ ᐱᔭᕆᐊᑐᖕᖏᑦᑐᓂᑦ ᐅᐸᓗᖓᐃᔭᕐᓯᒪᓂᕐᓴᐅᖁᒐᔭᖅᑐᒋᑦ ᐊᔾᔨᒌᖏᑦᑐᓂᑦ ᑐᐊᕕᕐᓇᖅᑐᓕᕆᔾᔪᑎᓂᑦ ᐊᑐᓕᕐᓂᕈᑎᒃ ᐊᑐᕋᔭᖅᑕᖏᓐᓂᑦ:
- ᐱᓕᕆᔾᔪᑎ 1 ᖃᐅᔨᒪᓗᒋᑦ ᐅᓗᕆᐊᓇᐅᑎᐅᑐᐃᓐᓇᕆᐊᓖᑦ
- ᐱᓕᕆᔾᔪᑎ 2 ᐸᕐᓇᐅᑎᓕᐅᕐᓗᑎᒃ
- ᐱᓕᕆᔾᔪᑎ 3 ᑐᐊᕕᕐᓇᖅᑐᓕᕆᔾᔪᑎᑖᕐᓗᑎᒃ ᓱᓇᒃᑯᑖᓂᑦ
ᐱᓕᕆᔾᔪᑎ 1 ᖃᐅᔨᒪᓗᒋᑦ ᐅᓗᕆᐊᓇᐅᑎᐅᑐᐃᓐᓇᕆᐊᓖᑦ, ᖃᓄᐃᒍᑎᐅᔪᑦ ᐱᕐᕈᓗᐊᕿᔪᖃᖅᑎᓪᓗᒍ ᐊᔾᔨᒌᐸᓗᒍᓐᓇᕋᓗᐊᖅᑎᓪᓗᒋᑦ, ᖃᐅᔨᒪᓪᓗᒋᑦ ᐅᓗᕆᐊᓇᐅᑎᐅᑐᐃᓐᓇᕆᐊᓖᑦ ᐱᓗᐊᖅᑐᒥ ᑐᕌᖓᔪᑦ ᓄᓇᓕᑦᑎᓐᓄᑦ ᐊᒻᒪ ᓄᓇᓕᑦᑕ ᐊᕙᑎᐊᓃᑦᑐᓂᑦ ᐃᑲᔫᑎᒋᔪᓐᓇᖅᑕᑎᑦ ᐅᐸᓗᖓᐃᔭᐃᕙᓪᓕᐊᑎᓪᓗᑎᑦ.
ᐱᓕᕆᔾᔪᑎ 2 ᐸᕐᓇᐅᑎᓕᐅᕐᓗᑎᒃ, ᐃᑲᔫᑎᒋᔪᓐᓇᕋᔭᖅᑕᑎᑦ ᐃᓚᓯᓗ ᖃᓄᐃᓕᐅᕆᐊᖃᓗᐊᕐᓂᕐᒥᑦ. ᑐᐊᕕᕐᓇᖅᑐᓕᕆᔾᔪᑎᓂᑦ ᓱᓇᒃᑯᑖᓂᑦ ᐱᓗᓯ - ᑐᐊᕕᕐᓇᖅᑐᑕᖃᖅᑎᓪᓗᒍ, ᐊᑐᑦᑕᐅᑎᒋᔭᕆᐊᓕᓐᓂᑦ ᐱᔭᕆᐊᖃᖅᑐᐃᓐᓇᐅᒐᑦᑕ. ᖃᐅᒪᐃᑦ ᑲᑉᐳᔭᖅᑐᐃᓪᓗ ᐃᒥᕐᓘᓐᓃᑦ ᑭᖕᖒᒪᓇᕐᓯᑐᐃᓐᓇᕆᐊᖃᕐᒪᑕ.
ᐱᓕᕆᔾᔪᑎ 3 ᐅᐸᓗᖓᐃᔭᕐᓯᒪᓗᓯ, ᐃᒻᒥᓂᒃ ᒪᑭᒪᔪᓐᓇᐅᑎᑦᓴᓂᑦ ᐃᒻᒪᖄ ᐃᑲᕐᕋᓄᑦ 72-ᓄᑦ ᓈᒻᒪᒐᔭᖕᖑᐊᖅᑐᓂᑦ ᑐᐊᕕᕐᓇᖅᑐᑕᖃᓕᖅᐸᑦ.
ᐊᔭᐅᕐᓱᐃᕗᒍᑦ ᐃᓕᑦᓯᓐᓂᑦ ᐊᑐᓪᓚᕆᑦᑐᓂᑦ ᐅᐸᓗᖓᐃᔭᐃᖁᔨᓪᓗᑕ ᐊᑲᐅᓈᕐᓂᕐᓴᐅᒐᔭᕐᒪᑦ. ᐊᑏ ᐱᓕᕆᔭᕆᐊᓖᑦ ᐊᑐᓚᐅᕈᑦ! ᐊᑐᓚᐅᕐᓯᒪᓂᖅ ᓱᓇᑐᐃᓐᓇᕐᓂᒃ ᓇᓗᓇᐃᕐᓯᔾᔪᑎᐅᓯᒪᒻᒪᑕ ᑭᓇᑐᐃᓐᓇᖅ ᐅᐸᓗᖓᐃᔭᕐᓯᒪᑦᓯᐊᕈᓂ ᐊᑲᐅᓂᕐᓴᒻᒪᕆᐅᒻᒪᑦ - ᐱᕐᕈᓗᐊᕿᔪᖃᖅᑎᓪᓗᒍ ᐊᒻᒪ ᑭᖑᓂᐊᒍᑦ. ᐊᑏ ᑐᐊᕕᕐᓇᖅᑐᓕᕆᔾᔪᑎᓂᑦ ᓱᓇᒃᑯᑖᖅᑖᓚᐅᕆᑦᓯ - ᐱᕙᓪᓕᐅᑎᓪᓚᕆᒃᑲᔭᖅᑐᑦ.
ᐱᓕᕆᒍᕕᑦ ᐱᔭᕆᐊᑭᑦᑐᖁᓗᓐᓂᑦ, ᐅᐸᓗᖓᐃᔭᕐᓯᒪᑦᓯᐊᓕᕋᔭᖅᑐᑎᑦ ᓵᖕᖓᓕᕐᓂᕈᕕᑦ ᐊᔾᔨᒌᖏᑦᑐᓂᑦ ᑐᐊᕕᕐᓇᖅᑐᓂᑦ - ᖃᖓᑐᐃᓐᓇᖅ, ᓇᒥᑐᐃᓐᓇᖅ. ᐅᓇ ᐅᐸᒋᐊᖃᓪᓚᕆᑦᑕᐃᑦ ᑐᑭᓯᒋᐊᕐᕕᒃ ᐃᑭᐊᖅᑭᕕᒃᑯᑦ:
