ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᑐᑭᓯᓇᖅᓯᑎᑕᐅᓂᖕᒋᑦ ᑖᒃᓯᕈᓐᓇᐅᑎᑦ ᐊᑐᖅᑕᐅᕙᖕᓂᖕᒋᑦ
ᓰᑎᐱᕆ 19, 2025 – ᐃᖃᓗᐃᑦ, ᓄᓇᕗᑦ
ᐃᖃᓗᖕᓂ ᓄᓇᓕᐸᐅᔭᒃᑯᑦ ᐊᒻᒪᓗ ᑐᒃᑐ ᑖᒃᓯᓕᕆᔨᒃᑯᑦ ᑐᑭᓯᓇᖅᓯᑎᑦᑎᔪᒪᕗᑦ ᓄᓇᖅᑲᑎᒌᓂᑦ ᐊᑐᖅᑕᐅᕙᒃᑐᓂᒃ ᐊᐅᐸᔮᖕᒐᔪᑦ ᑖᒃᓯᕈᓐᓇᐅᑎᑦ ᓂᐅᕕᖅᑕᐅᓂᑯᑦ ᒪᐃ 2025-ᒥ ᐋᖅᑭᒋᐊᖅᑕᐅᓚᐅᕐᓂᖕᒋᓐᓂ. ᑖᒃᑯᐊ ᓇᓕᖅᑲᐃ ᐱᔭᐅᓚᐅᖅᑐᑦ ᑕᖅᑭᓄᑦ ᑎᓴᒪᓄᑦ ᐊᑭᑦᑐᕆᐊᖅᑕᐅᓚᐅᖅᑎᓪᓗᒍ ᐊᒻᒪᓗ ᐊᖕᒋᖅᑕᐅᓯᒪᔭᕆᐊᖃᖅᑐᑎᑦ.
ᑕᐃᒫᓪᓗᐊᐸᓗᒃ, ᐃᒻᒪᖄ 10,000-ᒥᑦ 15,000-ᒧᑦ ᑖᒃᓯᕈᓐᓇᐅᑎᓂᒃ ᐱᔪᖃᖅᐸᒃᑐᖅ ᑕᖅᑭᑕᒫᑦ ᐃᖃᓗᖕᓂ. ᐊᕐᕌᒍᒐᓴᐅᓕᖅᑐᓂᒃ, ᑐᒃᑐ ᑖᒃᓯᕈᓐᓇᐅᑎᒃᑯᑦ ᐱᓕᕆᐊᖃᖅᓯᒪᓕᖅᑐᑦ ᐃᑲᔪᖅᑐᐃᔪᒪᓪᓗᑎᒃ ᐊᑐᖅᑎᓂᒃ ᐊᓯᔾᔨᖅᐸᓪᓕᐊᓂᖕᒋᑎᒍᑦ ᐊᑭᓕᖅᑕᐅᓯᒪᓂᕋᐃᓂᕐᒧᑦ ᐊᑐᖅᑕᐅᕙᒃᑐᒥᒃ. ᑕᒪᓐᓇ ᐃᓚᖃᖅᑐᖅ ᖃᐅᔨᒋᐊᕐᕕᖃᖅᐸᖕᓂᕐᒥᒃ ᓂᐅᕕᖅᑎᑦᑎᔨᓂᒃ ᓯᕗᓂᐊᒍᑦ ᑕᐅᖅᓰᖃᑎᖃᕈᒪᓪᓗᑎᒃ ᓂᐅᕕᕈᓐᓇᐅᑎᓂᒃ ᓈᒻᒪᒃᑐᒥᒃ ᓂᐅᕐᕈᑎᖃᕐᓂᕐᒧᑦ ᐊᑭᒋᒐᔭᖅᑕᖕᒐᓄᑦ, ᐊᒻᒪᓗ ᐊᖁᑎᐅᔪᑦ ᐃᖅᑲᐃᑎᑦᑎᕙᒡᓗᑎᒃ ᑖᒃᓯᕈᓐᓇᐅᑎᓂᒃ ᐊᑐᖃᑦᑕᖁᔨᓪᓗᑎᒃ ᑕᐅᖅᓰᖁᔨᓪᓗᑎᒃ ᓈᒻᒪᒃᑐᓄᑦ. ᑐᑭᓯᐅᒪᒐᓗᐊᖅᑎᓪᓗᑕ ᑖᒃᑯᐊ ᐊᑐᖅᑕᐅᔪᑦ ᐋᖅᑭᒍᑕᐅᔪᐃᓐᓇᐅᔾᔮᖖᒋᓐᓂᖕᒋᓐᓂᒃ ᐃᓱᒫᓘᑕᐅᔪᓕᒫᓂᒃ, ᑖᒃᑯᐊ ᑭᒡᒐᖅᑐᐃᔪᑦ ᐋᖅᑭᒋᐊᕈᑎᑦᑎᐊᕙᐅᓪᓗᑎᒃ ᐱᐅᓯᕚᓪᓕᖅᑎᑦᑎᓂᕐᒧᑦ ᑐᓴᐅᒪᖃᑎᒌᖕᓂᕐᒥᒃ ᐊᒻᒪᓗ ᐊᔾᔨᒌᒃᑎᑦᑎᓂᕐᒥᒃ ᓄᓇᖅᑲᑎᒌᓄᑦ.
ᓄᓇᖅᑲᑎᒌᑦ ᑎᓕᐅᖅᑕᐅᔪᑦ ᑕᐅᖅᓰᖁᔭᐅᓪᓗᑎᒃ ᐊᒥᐊᒃᑯᒋᔭᐅᔪᓂᒃ ᐊᐅᐸᔮᖅᑐᓂᒃ ᑖᒃᓯᐅᑎᓂᒃ ᒫᓐᓇᓕᓴᕐᓄᑦ ᓈᒻᒪᒃᑐᒃᑯᑦ ᓂᐅᕐᕈᑕᐅᔪᓐᓇᖅᑐᓄᑦ ᐊᑭᖕᒋᓐᓄᑦ. ᑕᐅᖅᓰᔾᔪᑎᓕᒫᑦ ᐱᔭᕇᖅᑕᐅᔭᕆᐊᓖᑦ ᑐᒃᑐ ᑖᒃᓯᓕᕆᔨᒃᑯᑦ ᑎᑎᕋᕐᕕᖕᒐᓂ, ᐃᓂᖃᖅᑐᖅ 1087 ᒥᕝᕕᒃ ᐊᑐᕆᐊᖕᒐᓂ. ᑎᑎᕋᕐᕕᒃ ᐅᖄᓚᕕᒋᔭᒃᓴᐅᒻᒥᔪᖅ ᐅᕗᖕᒐ 867-979-6528. ᐊᐅᐸᔮᖅᑐᑦ ᑖᒃᓯᕈᓐᓇᐅᑎᑦ ᑕᑯᒃᓴᐅᑎᑦᑎᖖᒋᒃᑲᓗᐊᖅᑎᓪᓗᒋᑦ ᐃᓱᓕᕝᕕᒃᓴᖕᒋᑕ ᐅᓪᓗᖕᒐᓂᒃ, ᐱᔭᕇᖅᓯᓂᖅ ᑕᐅᖅᓰᖃᑎᖃᕐᓂᕐᒥᒃ ᐃᑲᔪᖅᐸᒃᐳᖅ ᓇᓗᖖᒋᑦᑎᐊᕈᒪᓂᕐᒧᑦ ᓇᓕᒧᒌᒃᑲᓗᐊᕐᒪᖕᒑᑕ ᒫᓐᓇ ᐊᑭᖕᒋᓐᓂᑦ ᐊᑐᖅᑕᐅᔪᓄᑦ. ᖃᐅᔨᒪᓂᐊᖅᐳᓯ ᑕᐅᖅᓰᔪᓐᓇᖅᑐᓯ ᑖᒃᓯᕈᓐᓇᐅᑎᓄᑦ, ᑮᓇᐅᔭᓂᒃ ᐅᑎᖅᑎᑦᑎᕕᒃᓴᐅᖖᒋᑦᑐᖅ.
ᓄᓇᓕᐸᐅᔭᒃᑯᑦ ᑐᒃᑐ ᑖᒃᓯᓕᕆᔨᒃᑯᓪᓗ ᖃᐅᔨᒋᐊᒃᑲᓐᓃᓐᓇᕐᓂᐊᖅᑐᑦ ᐃᓄᖕᓂᒃ ᐊᑐᖅᑐᓂᑦ ᑖᓐᓇ ᐊᑐᐊᒐᖅ ᒪᓕᒃᑕᐅᒐᓗᐊᕐᒪᖕᒑᑦ.
ᖁᔭᓕᔭᕗᑦ ᓄᓇᖅᑲᑎᒌᑦ ᑐᑭᓯᐅᒪᓂᖕᒋᓐᓄᑦ ᐱᓕᕆᖃᑎᒌᒍᓐᓇᕐᓂᖕᒋᓐᓄᓪᓗ, ᐃᑲᔪᖅᑐᐃᖕᒋᓐᓇᕐᓂᐊᖅᑐᒍᑦ ᑕᑎᒋᔭᒃᓴᐅᔪᓐᓇᖅᑐᒥᒃ ᓄᓇᓕᖕᒧᓪᓗ-ᑐᕌᖕᒐᔪᒥᑦ ᑖᒃᓯᓕᕆᓂᕐᒥᑦ.
##
ᑐᑭᓯᒋᐊᒃᑲᓐᓂᕈᒪᒍᕕᑦ ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ:
ᔨᐊᕝ ᐹᕐᓂ
ᑐᓴᐅᒪᔪᓕᕆᓂᕐᒧᑦ ᐊᑭᓕᖅᓱᐃᔨᓄᓪᓗ ᐱᔨᑦᑎᕋᖅᑎᓄᑦ ᐊᐅᓚᑦᑎᔨ
ᐃᖃᓗᖕᓂ ᓄᓇᓕᐸᐅᔭᖅ 867-979-5619 | G.Byrne@iqaluit.ca
ᕌᓂ ᒪᒃᒍᕆᒍ
ᐊᐅᓚᑦᑎᔨᒻᒪᕆᒃ
ᑐᒃᑐ ᑖᒃᓯᓕᕆᔨᒃᑯᓐᓄ
867-979-6528 | Cariboucabs@gmail.com
