ᑐᓴᕋᑦᓴᐅᓚᐅᖅᑑᑉ ᐃᓚᖓ: ᖃᑦᓰᓐᓇᕈᕆᐊᖅᑕᑦ ᐃᑲᕐᕋᖏᑦ ᔫᒥ ᐃᓕᓐᓂᐊᕐᕕᐅᑉ ᓴᓂᐊᓂ ᐃᓪᓗᖃᕐᕕᑦᓴᐅᑉ ᐃᒥᖃᐅᑎᓄᑦ ᓱᓪᓗᓕᓐᓄᑦ ᐅᐃᒍᔭᐅᕕᐅᓂᐊᖅᑐᑦ

ᑐᓴᕋᑦᓴᐅᓚᐅᖅᑑᑉ ᐃᓚᖓ: ᖃᑦᓰᓐᓇᕈᕆᐊᖅᑕᑦ ᐃᑲᕐᕋᖏᑦ ᔫᒥ ᐃᓕᓐᓂᐊᕐᕕᐅᑉ ᓴᓂᐊᓂ ᐃᓪᓗᖃᕐᕕᑦᓴᐅᑉ ᐃᒥᖃᐅᑎᓄᑦ ᓱᓪᓗᓕᓐᓄᑦ ᐅᐃᒍᔭᐅᕕᐅᓂᐊᖅᑐᑦ
ᐋᒐᓯ 28, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᑐᕌᕈᑎᓕᓐᓂᑦ ᐅᑯᓂᖓ ᑎᑎᕋᖅᑕᐅᔪᓂ ᖃᓄᑎᒋ ᐃᒥᖃᖕᖏᑲᐃᓐᓇᕐᓂᐊᓚᐅᖅᑕᖏᑦ ᖃᑦᓰᓐᓇᕈᕆᐊᖅᑕᐅᓯᒪᒻᒪᑕ ᐃᑲᕐᕋᓄᑦ 12-ᓄᑦ, ᐊᒻᒪ ᐊᑐᖅᑕᐅᓂᐊᓕᕐᒪᑦ ᐅᓐᓄᒃ, ᐱᒋᐊᕐᓗᑎᒃ 7-ᒨᖅᐸᑦ ᓇᒡᒋᔾᔭᐅᓕᖅᑭᕐᒥ, ᐋᒐᓯ 28, ᑎᑭᓪᓗᒍ 7-ᒧᑦ ᐅᓪᓛᒃᑯᑦ, ᐱᖓᑦᓯᕐᒧᑦ, ᐋᒐᓯ 29, 2018.
ᐃᓪᓗᐃᑦ ᐊᑦᑐᖅᑕᐅᓯᒪᓂᐊᖅᑐᑦ ᐅᑯᐊ ᓈᓴᐅᑎᓖᑦ 2200-ᓂᑦ, 2400-ᓂᑦ (ᓄᓇᒃᑰᔫᒃᑯᑦ ᐃᒥᖃᖅᑎᑕᐅᕙᑦᑐᑦ ᐊᑦᑐᖅᑕᐅᔾᔮᖏᑦᑐᑦ), 2600-ᓂᑦ, 2700-ᓂᑦ, 4000-ᓂᑦ, 4100-ᓂᑦ, 400-ᓂᑦ, 500-ᓂᑦ, ᐊᒻᒪ 1600-ᓂᑦ.
ᐃᑲᕐᕋᓄᑦ 12-ᓄᑦ ᐃᒥᖃᖕᖏᑲᐃᓐᓇᖅᑎᑕᐅᓚᐅᖅᑎᓪᓗᒋᑦ ᐃᑲᕐᕋᓄᑦ 48-ᓄᑦ ᑭᖑᓂᑦᓯᐊᖓᒍᑦ ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᓛᕐᒥᔪᑦ, ᒪᓕᑦᑐᒋᑦ ᐋᓐᓂᐊᓇᖕᖏᑦᑐᓕᕆᔩᑦ ᐊᑐᖅᑕᐅᖁᔭᖏᑦ, 7-ᒥᑦ ᐅᓪᓛᒃᑯᑦ, ᐱᖓᑦᓯᕐᒥ, 7-ᒧᑦ ᐅᓪᓛᒃᑯᑦ, ᑕᓪᓕᒥᕐᒧᑦ.
ᓯᑎᒃᑯᑦ ᐱᓕᕆᖃᑎᖃᕈᓐᓇᑦᓯᐊᓚᐅᕐᒪᑕ ᐊᖏᕈᑎᒍᑦ ᓴᓇᔨᓂᑦ ᖃᑦᓰᓐᓇᕈᕆᐊᓚᕿᓪᓗᑎᒃ ᐃᑲᕐᕋᐃᑦ ᐅᐃᒍᔭᐅᔾᔪᑎᖏᑦ ᓱᓪᓗᓕᐅᑉ ᔫᒥ ᐃᓕᓐᓂᐊᕐᕕᐅᑉ ᓴᓂᐊᓂ ᐃᓪᓗᖃᕐᕕᒻᒧᑦ ᐃᒥᖃᐅᑎᒧᑦ ᓱᓪᓗᓕᒻᒪᕆᒻᒧᑦ.
ᐊᐱᖅᑯᑏᑦ ᐊᒻᒪ ᑭᐅᔾᔪᑎᖏᑦ ᐱᔾᔪᑎᓖᑦ ᐱᓕᕆᐊᑦᓴᒥᑦ, ᐊᒻᒪ ᐃᑲᔫᑎᑦᓴᖕᖑᐊᑦ ᐅᖃᐅᓰᑦ ᖃᓄᖅ ᐃᒥᖃᕈᓐᓃᖅᑎᑕᐅᓂᐊᖅᑎᓪᓗᒋᑦ ᐅᐸᓗᖓᐃᔭᐃᓯᒪᒍᓐᓇᕐᒪᖔᖅ ᑭᓇᑐᐃᓐᓇᖅ, ᑕᑯᔭᐅᔪᓐᓇᖅᑐᑦ ᓯᑎᒃᑯᑦ ᐃᑭᐊᖅᑭᕕᖏᓐᓂ, ᐅᕙᓂ www.city.Iqaluit.nu.ca
ᓯᑎᒃᑯᑦ ᖁᔭᓐᓇᒦᕐᑐᑦ ᐃᓕᑦᓯᓐᓂᑦ ᐅᑕᖅᑭᒍᓐᓇᑦᓯᐊᓂᕐᓯᓐᓂᒃ ᐊᒻᒪ ᑐᑭᓯᑦᓯᐊᓂᕐᓯᓐᓂᑦ ᑕᒪᓐᓇ ᐱᓪᓗᒍ.