ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑐᓴᕋᑦᓴᑦ ᐃᓪᓗᕋᓛᓕᐅᕐᓂᕐᒥᑦ ᑭᐱᖕᖑᐃᔭᕐᕕᓐᓂᑦ
ᓰᑏᐱᕆ 20, 2022 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᕋᑦᓴᖃᖅᑐᖅ ᐃᓪᓗᕋᓛᓕᐅᕐᓂᕐᒥᑦ ᑭᐱᖕᖑᐃᔭᕐᕕᐅᕙᑦᑐᓂᑦ, ᒪᓕᒐᑦᑐᒍ ᑲᑎᒪᔨᓂᑦ ᐱᖁᔨᕗᖔᓕᐅᕈᑎ #20-339, ᑎᓕᓯᔾᔪᑎᐅᓚᐅᖅᑐᖅ ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᑯᑎᖏᓐᓂᑦ ᖃᐅᔨᒋᐊᖁᔭᐅᓗᑎᒃ ᐊᑐᖅᑕᐅᓯᒪᓕᖅᑐᓂᑦ ᖃᐅᔨᓴᕐᓗᑎᒃ, ᑐᑭᓯᒋᐊᕐᓗᑎᒃ ᐊᒻᒪ ᐱᒋᐊᖅᑎᑦᑎᒐᔭᕐᓗᑎᒃ
ᐃᓪᓗᕋᓛᓕᕆᔪᒥᑦ ᑭᐱᖕᖑᐃᔭᐅᑎᓂᑦ ᐊᑐᐊᒐᕐᒥᑦ.
ᓄᓇᓕᕐᒥᐅᑕᐃᑦ ᐅᖃᐅᔾᔭᐅᕗᑦ ᒫᓐᓇᐅᓂᖓᓂ, ᐃᓘᓐᓇᑎᒃ ᑭᐱᖕᖑᐃᔭᐅᑎᓂᑦ ᐃᓪᓗᕋᓛᓕᐅᕈᒪᓂᐊᖅᑐᑦ ᓄᓇᓕᓐᓂᑦ ᐊᐅᓚᑦᑎᔨᐅᔪᑦ ᓄᓇᖁᑎᖏᓐᓂ ᐃᓪᓗᕋᓛᓕᐅᕈᓐᓇᖏᑎᑕᐅᑲᐃᓐᓇᖅᑐᖅ ᓄᓇᓕᐸᐅᔭᒃᑯᑦ ᐱᔭᕇᕋᓱᓐᓂᖏᓐᓂᑦ ᒪᓕᒐᑦᓴᓂᑦ ᐊᒻᒪ ᐅᐸᓗᖓᐃᔭᐅᑎᓕᐅᕈᑎᒃ ᐃᓪᓗᕋᓛᓕᐅᕈᒪᔪᓂᑦ ᑲᔪᓯᑎᑦᓯᔾᔪᑎᓂᑦ.
ᓄᓇᓕᐸᐅᔭᒃᑯᑦ ᐃᓱᒪᑦᓴᕐᓯᐅᕈᑎᖃᑲᐃᓐᓇᖅᑐᑦ ᓇᓖᕌᕈᑎᑦᓴᓂᑦ ᐃᓪᓗᕋᓛᓕᕆᔪᓂᑦ ᑭᐱᖕᖑᐃᔭᕐᕕᓐᓂᑦ ᓄᓇᓕᓐᓂᑦ ᐊᐅᓚᑦᑎᔨᐅᔪᑦ ᓄᓇᖁᑎᖏᓐᓂ. ᓄᓇᓕᕐᒥᐅᑕᐃᑦ ᐃᓱᒪᒋᔭᖏᓐᓂᑦ ᐅᖃᕈᓐᓇᖅᑎᑕᐅᓛᖅᑐᑦ ᐱᔭᑦᓴᓕᐅᖁᔨᔾᔪᑎᑦᓴᒥᑦ ᓴᖅᑮᓚᐅᖏᓐᓂᖏᓐᓂ ᑲᑎᒪᔨᐅᔪᑦ ᐊᑐᐃᓐᓇᐅᓕᕐᓂᖅᐸᑕ ᐊᑐᖅᑕᐅᖁᔭᐅᔪᑦ.
ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖏᑦ ᓄᓇᕗᑦ ᐱᓕᕆᕝᕕᓐᓂᑦ ᑕᑯᑦᓴᐅᑎᑦᑎᓕᖅᐸᑕ ᐱᖕᖑᐊᕐᕕᐊᓗᒻᒥ ᓰᑏᐱᕆ 22-ᒥ ᐱᓕᕆᐊᖃᕆᐊᖅᑐᕐᓯᒪᓗᑎᒃ ᐃᓪᓗᕋᓛᓕᕆᓂᕐᒥᑦ ᐊᑐᐊᒐᕐᒥᑦ. ᐃᓪᓗᕋᓛᓕᕆᓂᕐᒥᑦ ᐊᑐᐊᒐᖅ ᐱᓪᓗᒍ ᐊᐱᕐᓱᕐᓂᖃᓛᕈᒪᓂᐊᕐᒥᔪᑦ ᐋᑦᑑᐸᐅᓕᖅᐸᑦ. ᐃᕐᖐᓇᖅᑕᐅᑎᒃᑯᑦ ᑎᑎᕋᖁᔪᖅ ᐅᑯᓄᖓ
planning@iqaluit.ca ᐃᓚᔭᐅᖁᒍᕕᐅᒃ ᐊᑏᑦ ᐊᐅᓪᓚᑎᑦᓯᕕᐅᕙᑦᑐᓄᑦ ᓇᓗᓇᐃᕐᓯᕕᐅᔪᒪᓐᓂᕈᕕᑦ ᐊᐱᖅᑯᑎᑕᖃᓕᖅᐸᑦ.
ᓄᓇᓕᕐᒥᐅᑕᐃᑦ ᐴᕐᒥᑦᑖᕈᒪᔪᑦ ᐃᓪᓗᕋᓛᓕᐅᕈᒪᒍᑎᒃ ᑭᐱᖕᖑᐃᔭᕐᕕᑦᓴᒥᑦ, ᖃᐅᔨᒋᐊᕈᓐᓇᖅᑐᑦ ᐱᕕᖃᐅᑎᓂᑦ ᑲᓇᑕᐅᑉ ᒐᕙᒪᒃᑯᖏᑕ ᓄᓇᖁᑎᖏᓐᓂ ᐅᕝᕙᓘᓐᓃᑦ ᐃᓄᐃᑦ ᓄᓇᖁᑎᖏᓐᓂ.
ᑭᐱᖕᖑᐃᔭᕐᕕᒻᒥᑦ ᐃᓪᓗᕋᓛᒥᑦ ᐊᑐᖅᑐᐊᕈᒪᔪᑦ ᐃᓄᓕᕆᔨᑐᖃᒃᑯᓐᓂᑦ ᓲᓈᒃᑯᓐᓂᑦ (CIRNAC), ᖃᐅᔨᒋᐊᖁᔪᖅ ᓄᓇᓕᕆᓂᕐᒥᑦ ᐱᓕᕆᔨᓂᑦ ᐃᕐᖐᓇᖅᑕᐅᑎᒃᑯᑦᑯ ᐅᕗᖓ landsmining@aandcaadnc.gc.ca ᐅᕝᕙᓘᓐᓃᑦ ᐅᖄᓚᐅᑎᒃᑯᑦ ᐅᕗᖓ 867-975-4283.
ᐊᖏᖅᑕᐅᔪᒪᔪᑦ ᐃᓪᓗᕋᓛᓕᐅᕈᒪᔪᑦ ᑭᐱᖕᖑᐃᔭᕐᕕᑦᓴᒥᓂᒃ ᐃᓄᐃᑦ ᓄᓇᖁᑎᖏᓐᓂ, ᖃᐅᔨᒋᐊᖁᔪᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖓᑦ (QIA) ᐃᕐᖐᓇᖅᑕᐅᑎᒃᑯᑦ ᐅᕗᖓ registry@qia.ca ᐅᖄᓚᐅᑎᒃᑯᓪᓘᓐᓃᑦ ᐅᕗᖓ 1-800-667-2742. ᑭᐅᐊᐃᐊᐃᒃᑯᑦ (QIA) ᖃᕋᑕᐅᔭᒃᑯᑦ ᑐᑦᓯᕋᐅᑎᓕᐅᕐᕕᖃᕐᒥᔪᑦ ᐃᓪᓗᕋᓛᓕᕆᔪᓂᑦ ᐅᕙᓂ https://apps.qia.ca/appform/.
ᓄᖅᑲᖓᑎᑕᐅᑲᐃᓐᓇᓕᖅᑐᑦ ᓄᑖᓂᑦ ᐃᓪᓗᕋᓛᓕᐅᕈᒪᓂᐊᖅᑐᑦ ᑭᐱᖕᖑᐃᔭᕐᕕᑦᓴᒥᓂᒃ ᑰᑉ ᐊᕙᑎᐊᓂ ᒥᕐᖑᐃᓯᕐᕕᒻᒥ ᐊᒻᒪ ᖃᐅᒫᕐᕕᒃ ᒥᕐᖑᐃᓯᕐᕕᒻᒥ. ᓄᖅᑲᖓᑎᑦᓯᔾᔪᑎᐅᔪᖅ ᐊᑐᖅᑕᐅᔪᓐᓃᓛᕐᓂᐊᖅᑐᖅ ᐊᐅᓚᑦᑎᔾᔪᑎᑦᓴᒥᑦ ᐸᕐᓇᐅᑎᓕᐅᕐᓯᒪᓕᖅᐸᑕ ᑕᒪᒃᑯᓄᖓ ᒥᕐᖑᐃᓯᕐᕕᓐᓄᑦ ᑲᔪᓯᑎᑕᐅᓯᒪᓕᕐᓗᓂ. ᐊᐱᖅᑯᑎᓖᑦ ᐃᓪᓗᕋᓛᓕᐅᕐᓂᕐᒥᑦ ᑭᐱᖕᖑᐃᔭᐅᑎᑦᓴᓂᑦ ᓄᓇᕗᑦ ᒥᕐᖑᐃᕐᓯᕐᕕᖏᓐᓂ, ᖃᐅᔨᒋᐊᖁᔪᑦ parks@gov.nu.ca ᐅᕝᕙᓘᓐᓃᑦ 867-975-7700.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᔭᕗᕆ ᐴᕐᓐ
ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᓂᕐᒥᑦ ᐊᐅᓚᑦᑎᔨᐅᑲᐃᓐᓇᖅᑐᖅ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | g.byrne@iqaluit.ca
