ᑕᑯᒍᕕᒋᑦ ᖃᐅᒪᔪᐃᑦ, ᑕᓕᖅᐱᓐᓄᑦ ᓴᖑᒋᐊᖃᖅᑐᑎᑦ ᓄᖅᑲᕐᓗᑎᑦ

ᐃᓄᖕᓄᑦ ᑐᓴᕋᑦᓴᖅ
ᑕᑯᒍᕕᒋᑦ ᖃᐅᒪᔪᐃᑦ, ᑕᓕᖅᐱᓐᓄᑦ ᓴᖑᒋᐊᖃᖅᑐᑎᑦ ᓄᖅᑲᕐᓗᑎᑦ
ᐋᒐᓯ 1, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᓯᒍᒪᓕᕐᒥᔪᑦ ᓄᓇᓕᕐᒥᐅᑕᓂᑦ ᑐᐊᕕᕐᓇᖅᑐᓕᕆᔨᒃᑯᑦ ᓄᓇᒃᑰᔫᖁᑎᖏᑦ ᐃᑭᓪᓛᑎᓪᓗᒋᑦ ᖃᐅᒪᖏᑦ ᐊᒻᒪ ᖁᖁᐊᖅᑎᓪᓗᒋᑦ ᐊᕝᕙᐃᕆᐊᖅᑕᐅᖏᓐᓇᕆᐊᖃᖅᐸᑦᑐᑦ ᐃᖏᕐᕋᑎᓪᓗᒋᑦ ᐃᖃᓗᐃᑦ ᐊᑐᕆᐊᖏᓐᓂ ᑕᐃᒪᐃᓕᐅᖅᑎᓪᓗᒋᑦ ᓄᓇᒃᑰᔫᖏᑦ.

ᐅᖃᕐᓗᓂ ᑐᑭᓯᓇᖅᑐᒥᑦ, ᑕᑯᓐᓂᕈᕕᑦ ᐃᑭᓪᓛᔪᓂᒃ ᖃᐅᒪᓂᒃ ᐊᒻᒪ ᖁᖁᐊᖅᑎᓪᓗᒋᑦ, ᓄᓇᒃᑰᔫᑦ ᑕᓕᖅᐱᓐᓄᑦ ᓴᖑᑎᒋᐊᓖᑦ ᓄᖅᑲᕐᓗᑎᑦ ᑐᐊᕕᕐᓇᖅᑐᓕᕆᔨᒃᑯᑦᓄᓇᒃᑰᔫᖏᑦ ᖄᖏᕋᓱᓐᓂᖏᓐᓂ.

ᒪᓕᑦᑐᒋᑦ ᓄᓇᓕᐸᐅᔭᐃᑦ ᐃᖃᓗᐃᑦ ᒪᓕᒐᕋᓛᖁᑎᖓᓐᓂᑦ 943 ᑎᑎᕋᕐᓯᒪᕕᒻᒦᑦᑐᑦ 2.25, ᐊᑭᓕᕆᐊᓕᒃ ᑐᐊᕕᕐᓇᖅᑐᓕᕆᔨᒧᑦ ᓄᓇᒃᑰᔫᖁᑎᒥᑦ ᐃᑳᖅᑎᑦᓯᓇᓱᐊᖏᑦᑐᓄᑦ ᐃᒪᓐᓇᐃᑦ $500.

ᓄᓇᓕᐸᐅᔭᒃᑯᑦ ᐃᖅᑲᐃᑎᑦᓯᒍᒪᒻᒥᔪᑦ ᓄᓇᓕᕐᒥᐅᑕᓂᑦ ᐱᓱᑦᑐᓂᑦ ᐅᕝᕙᓘᓐᓃᑦ ᐸᐃᓯᑰᖅᑐᓂᑦ/ᑐᒃᑲᕆᐊᓕᑦᑐᓂᑦ ᐊᑐᕆᐊᒃᑯᑦ ᐊᕝᕙᐃᕆᐊᖃᖅᐸᒻᒥᔪᑦ ᑐᐊᕕᕐᓇᖅᑐᓂᑦ ᓄᓇᒃᑰᔫᓂᑦ. ᐊᑏ ᐃᖅᑲᐃᑎᖃᑦᑕᕐᓚᕗᑦ ᓄᑲᑉᐱᐊᖁᑎᕗᑦ ᐊᒻᒪ ᓂᐅᕐᕈᓯᒪᔪᖁᑎᒋᕙᑦᑕᕗᑦ ᐅᔾᔨᕈᓱᒋᐊᖁᓯᒪᕙᓪᓗᒋᑦ ᐃᑭᓪᓛᔪᖃᖅᑎᓪᓗᒍ ᖃᐅᒪᓂᒃ ᓄᓇᒃᑰᔫᓄᑦ.

ᑲᑐᔾᔨᓗᑕ, ᐃᖃᓗᐃᑦ ᐊᑦᑕᓇᔾᔭᐃᕐᓯᒪᑎᒍᓐᓇᖅᑕᕗᑦ ᐃᓘᓐᓇᑎᓐᓄᑦ.

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᑭᐊᓐᑦ ᑐᕆᔅᑯᓪ ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᑎᔨ

867-979-5607 k.driscoll@iqaluit.ca