ᑭᒃᑯᑐᐃᓐᓇᕐᓂᒃ ᑐᓴᐅᒪᑎᑦᓯᓂᖅ ᐱᔾᔪᑎᐅᓗᑎᒃ ᓄᑖᖅ ᐊᑦᓯᕕᑦᓴᖅ ᐊᒻᒪ ᓴᓂᓕᕆᕝᕕᑦᓴᖅ

ᑭᒃᑯᑐᐃᓐᓇᕐᓂᒃ ᑐᓴᐅᒪᑎᑦᓯᓂᖅ ᐱᔾᔪᑎᐅᓗᑎᒃ ᓄᑖᖅ ᐊᑦᓯᕕᑦᓴᖅ ᐊᒻᒪ ᓴᓂᓕᕆᕝᕕᑦᓴᖅ
ᓅᕖᐱᕆ 5, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᑭᒃᑯᑐᐃᓐᓇᕐᓂᒃ ᑐᓴᐅᒪᑎᑦᓯᓂᖃᓛᓕᕐᒥᔪᑦ ᐱᔾᔪᑎᒋᓪᓗᒍ ᓄᑖᖅ ᑕᖏᓕᓐᓂᑦ ᓴᓂᓕᕆᕝᕕᓕᕆᔪᒥᑦ ᐸᕐᓇᐅᑎᓕᐊᖅ, ᓇᓗᓇᐃᔭᕐᓯᒪᓂᕐᓴᓂᑦ ᑐᑭᓯᒋᐊᖅᑎᑦᓯᑲᓐᓂᕈᒪᓪᓗᑎᒃ ᐊᒻᒪᑦᑕᐅᖅ ᑐᓴᕈᒪᒋᓪᓗᑎᒃ ᐅᖃᐅᑎᑦᓴᓂᑦ ᐊᒻᒪ ᐊᐱᖅᑯᑎᖏᓐᓂᑦ ᓄᓇᓕᕐᓂᒥᐅᑕᐃᑦ ᐱᔾᔪᑎᒋᓪᓗᒍ ᐱᓕᕆᐊᑦᓴᖅ.
ᑭᓱ: ᑭᒃᑯᑐᐃᓐᓇᕐᓂᑦ ᑐᓴᐅᒪᑎᑦᓯᓂᖅ ᓄᑖᖅ ᑕᖏᓕᓐᓂᑦ ᓴᓂᓕᕆᕝᕕᓕᕆᔪᒥᑦ ᐸᕐᓇᐅᑎᓕᐊᒥᑦ
ᓇᒥ: ᖃᔪᖅᑐᕐᕕᒃ ᓂᕿᖃᖅᕕᒃ
ᓇᒥ: ᐃᓪᓗᒥ 655, ᒪᑦᑖᖅ ᐊᑐᕆᐊᖅ
ᖃᖓ: ᓅᕖᐱᕆ 15, 2018
ᓯᕿᖕᖑᔭᖅ: 6:30-ᒥᑦ 8:30-ᒧᑦ ᐅᓐᓄᒃᑯᑦ
ᓄᓇᓕᕐᓂᒥᐅᑕᐃᑦ ᑕᑯᔪᓐᓇᓛᖅᑐᑦ ᑎᑎᖅᑐᒐᖅᑕᐅᓯᒪᔪᓂᑦ ᓄᑖᒥᑦ ᐊᑦᓯᕕᑦᓴᒥᑦ, ᓄᑖᒥᑦ ᓴᓂᓕᕆᕝᕕᑦᓴᒥᑦ, ᐊᒻᒪ ᖃᓄᐃᓕᐅᕈᑎᐅᓛᖅᑐᓂᑦ ᐊᑦᓯᕕᒥᓂᐅᓛᖅᑐᒥᑦ 6:30-ᒥᑦ 7-ᒧᓄᑦ ᐅᓐᓄᒃᑯᑦ. ᕿᒥᕐᕈᐊᓚᐅᕐᓗᑎᒃ ᐅᓂᒃᑳᖅᑐᖃᑲᐃᓐᓇᓛᖅᑐᖅ ᐱᓕᕆᐊᑦᓴᖅ ᐱᓪᓗᒍ, ᐊᒻᒪ ᐊᐱᕐᓱᕐᓗᑎᒃ ᐊᐱᕆᔪᒪᓂᖏᑦ ᐊᒻᒪ ᑭᐅᔭᐅᕙᓪᓗᑎᒃ, ᒪᐃᔭ, ᒪᐃᔭᐅᑉ ᑐᓪᓕᐊ, ᐊᖏᔪᖅᑳᖓᑦ ᓴᓇᔪᓕᕆᔨᒃᑯᑦ ᐊᒻᒪ ᐱᓕᕆᔾᔪᑎᓕᕆᔪᓂᑦ ᖃᐅᔨᒪᔪᒻᒪᕇᑦ ᐊᑐᐃᓐᓇᐅᓛᖅᑐᑦ ᐊᐱᖅᑯᑎᖃᖅᑐᖃᕐᓂᖅᐸᑦ ᐊᒻᒪ ᓈᓚᒋᐊᖅᑐᕐᓗᑎᒃ ᐅᖃᐅᑎᑦᓴᐅᔪᓂᑦ ᓄᓇᓕᕐᓂᒥᐅᑕᓂᑦ ᑐᓴᐅᒪᔪᒪᕙᓐᓂᐊᖅᑐᓂᑦ ᐱᓕᕆᐊᑦᓴᖅ ᐱᓪᓗᒍ.
ᐅᑯᐊ ᐅᖃᐅᓯᐅᓛᖅᑐᑦ:
 ᓇᓗᓇᐃᔭᖅᑕᐅᓗᓂ ᓄᑖᖅ ᓴᓂᓕᕆᕝᕕᑦᓴᐅᒐᔭᖅᑐᖅ, ᐱᖃᓯᐅᔾᔭᐅᓗᓂ ᐊᑐᒃᑲᓐᓂᖅᑐᓕᕆᓂᖅ ᐊᒻᒪ ᓂᕿᒥᓂᕐᓂᒃ ᐃᔾᔪᓕᐅᕐᒥᖅ;
 ᓄᑖᒥᑦ ᐊᑦᓯᕕᑦᓴᒥᑦ ᐊᐅᓚᑦᓯᔾᔪᑎᑦᓴᓂᑦ ᐸᕐᓇᐅᑎ; ᐊᒻᒪ
 ᖃᓄᐃᓕᐅᕈᑎᐅᓛᖅᑐᑦ ᐱᑐᖃᕐᒥᑦ ᐊᑦᓯᕕᒥᓂᐅᓛᖅᑐᒥᑦ, ᐱᖃᓯᐅᔾᔭᐅᓗᓂ ᐅᓕᑦᑕᐅᒐᔭᕐᓂᖓ ᐊᑦᓯᕕᒥᓂᐅᑉ ᓄᓇᑐᐃᓐᓇᕐᒥᑦ ᐊᑐᕐᓗᑎᒃ.
ᑐᑭᓯᑎᑕᐅᓛᑐᐃᓐᓇᖅᑐᑦ ᐅᕙᑦᓯᐊᕈᒃᑲᓐᓂᖅ ᐱᔾᔪᑎᐅᓗᑎᒃ ᓴᓂᕐᓂᒃ ᓄᐊᑦᓯᔾᔪᑏᑦ
ᐊᑐᖅᑕᐅᓗᓂ ᓄᑖᖅ ᐱᓕᕆᔾᔪᑎᑦᓴᑦ, ᐊᒻᒪ ᐱᖃᓯᐅᔾᔭᐅᓯᒪᔾᔮᖏᑦᑐᑦ ᑐᓴᐅᒪᑎᑦᓯᓕᖅᐸᑕ.
ᓄᓇᓕᕐᓂᒥᐅᑕᐃᑦ ᐊᐱᕆᔪᓐᓇᕐᒥᔪᑦ ᐅᕝᕙᓘᓐᓃᑦ ᐅᖃᐅᑎᑦᓴᖃᕈᒪᒍᑎᒃ ᓯᕗᓂᐊᒍᑦ
ᑎᑎᕋᕈᓐᓇᖅᑐᑦ, ᐃᕐᖐᓇᖅᑕᐅᑎᒃᑯᑦ ᐅᕗᖓ solidwaste@city.iqaluit.nu.ca ,
ᐅᕝᕙᓘᓐᓃᑦ ᕿᒪᒋᐊᖅᑐᕐᓗᒍ ᓯᑎᒃᑯᑦ ᐊᓪᓚᕝᕕᖏᓐᓄᑦ, ᑐᕌᖅᑎᓯᒪᓗᒍ ᓴᓇᔪᓕᕆᓂᕐᒧᑦ,
ᓯᕗᓂᐊᒍᑦ 4:00 ᐅᓐᓄᒃᑯᑦ ᓅᕖᐱᕆ 9, 2018.
ᓄᓇᓕᕐᓂᒥᐅᑕᐃᑦ ᑐᑭᓯᒃᑲᓐᓂᕈᒪᔪᑦ ᑕᑯᒋᐊᕈᓐᓇᕐᒥᔪᑦ ᑎᑎᕋᕐᓯᒪᔪᓂᑦ ᐅᕙᓂ ᐊᐱᖅᑯᑏᑦ
ᐊᒻᒪ ᑭᐅᔾᔪᑎᖏᑦ ᑎᑎᕋᕐᓯᒪᔪᑦ ᐊᑐᐃᓐᓇᐅᔪᑦ ᓯᑎᒃᑯᑦ ᐃᑭᐊᖅᑭᕕᖏᓐᓂ ᐅᕙᓂ
www.city.iqaluit.nu.ca.
ᑐᑭᓯᒃᑲᓐᓂᕈᒪᒍᕕᑦ, ᖃᐅᔨᒋᐊᕈᓐᓇᖅᑕᓯ ᓯᑎᒃᑯᑦ ᐅᕗᖓ solidwaste@city.iqaluit.nu.ca
-30-
ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᕈᓐᓇᖅᑐᑦ:
ᐱᕙᓪᓕᐊᔪᓕᕆᓂᖅ
ᓄᓇᓕᐸᐅᔭᐃᑦ ᐃᖃᓗᐃᑦ
ᐃᕐᖐᓇᖅᑕᐅᑎᖓ: A.Spitzer@city.iqaluit.nu.ca