ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐱᒋᐊᕐᕕᖓ: ᐋᒃᑑᐸ 22, 2015
ᐱᔭᕇᕐᕕᖓ: ᓇᓗᓇᐃᖅᑕᐅᓚᐅᖏᓐᓂᖓᓂ.
(ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᐸᕐᓇᐅᑎᓕᕆᓂᕐᒥᑦ ᐊᒻᒪ ᐱᕙᓪᓕᐊᑎᑦᓯᓂᕐᒥᑦ ᓴᓇᓂᒃᑯᑦ ᐃᖅᑲᓇᐃᔭᖅᑎᖏᑦ ᐃᖅᑲᐃᑎᑦᓯᒍᒪᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᒪᓕᒐᖅᑕᖃᕐᒪᑦ ᐃᖃᓗᓐᓂ ᐃᓪᓗᖃᕐᕕᐅᔪᓂᑦ ᓴᓗᒪᑎᑦᓯᔾᔪᑎᑦᓴᒥᑦ ᐊᒻᒪ ᑕᑯᒥᓇᕐᓗᑎᒃ. ᓄᓇᓕᐸᐅᔭᐃᑦ ᓄᓇᖁᑎᓄᑦ ᑭᓪᓕᓕᐅᕈᑎᖓᑦ ᒪᓕᒐᕋᓛᖅ ᒪᓕᒐᖃᖅᑐᖅ ᑐᕌᖓᔪᓂᑦ ᐅᒥᐊᕐᔪᐊᒃᑯᑦ ᑎᑭᑎᑕᐅᕙᑦᑐᓂᑦ ᓱᓇᒃᑯᑖᒃᑯᕕᑯᑦᓱᓐᓂᒃ.
ᓄᓇᓕᕐᓂᒥᐅᑕᐃᑦ ᓴᓇᔪᓐᓇᐅᑎᒥᑦ ᐱᔭᕆᐊᓖᑦ ᐅᒥᐊᕐᔪᐊᒃᑯᑦ ᑎᑭᑎᑕᐅᕙᑦᑐᓂᑦ ᓱᓇᒃᑯᑖᒃᑯᕕᑯᑦᓱᒻᒥᒃ ᐱᖁᑎᖃᕐᕕᖓᓃᖁᓂᐊᕈᓂᐅᒃ.
ᑕᐃᒪᐃᑦᑐᒥᑦ ᐱᖁᑎᒃᑯᕕᓐᓃᑦᑐᖃᕇᖅᐸᑦ ᐅᕝᕙᓘᓐᓃᑦ ᐃᓱᒪᓐᓂᕈᕕᑦ ᐱᔭᕆᐊᑦᓴᖅ, ᐅᑯᐊ ᖃᐅᔨᒪᔭᕆᐊᓕᑦᑎᑦ:
-
ᓄᓇᓕᕐᓂᒥᐅᑕᐃᑦ ᐊᑕᐅᓯᕐᒥᑦ ᑭᓯᐊᓂ ᓇᔪᒐᖃᕐᕕᒃ ᐊᑕᐅᓯᕐᒧᑦ ᐊᑐᖅᑕᐅᓂᐊᖅᑐᒥᑦ ᓱᓇᒃᑯᑖᒃᑯᕕᒃᑯᑦᓱᒻᒥᑦ ᐱᖁᑎᖃᕐᕕᖓᓃᑎᑦᓯᒍᓐᓇᖅᑐᑦ.
-
ᐅᒥᐊᕐᔪᐊᒃᑯᑦ ᓱᓇᒃᑯᑖᒃᑯᕕᑯᑦᓱᐃᑦ ᐃᖃᓗᐃᑦ ᐃᓗᐊᓂ ᓄᓇᓂ ᐃᓚᐃᓐᓇᖏᓐᓃᒍᓐᓇᖅᑐᑦ.
-
ᒪᓕᒐᖅᑕᖃᐅᖅᑐᖅ ᓱᓇᒃᑯᑖᒃᑯᕕᑯᑦᓱᐃᑦ ᓱᑯᑦᓯᐊᓃᒍᓐᓇᕐᒪᖔᑕ ᐱᖁᑎᖃᕐᕕᓐᓂ.
-
ᓴᓇᔪᓐᓇᐅᑎᑖᕆᐊᖃᖅᑐᓯ ᐅᒥᐊᕐᔪᐊᒃᑯᑦ ᓱᓇᒃᑯᑖᒃᑯᕕᑯᑦᓱᒻᒥᑦ ᐱᖁᑎᖃᕐᕕᓐᓃᖁᔨᓂᐊᕈᑦᓯ.
ᓴᓇᔪᓐᓇᐅᑎᑖᕐᕕᑦᓴᖅ ᐊᑭᓖᓗᓂ $100-ᓂᑦ.
ᐊᑏ ᐊᖏᔪᖅᑳᖃᕐᕕᐅᓪᓗᑕ ᑕᑯᒥᓇᕆᐊᕐᔫᒥᓚᐅᖅᑕ !
ᑐᑭᓯᐊᒃᑲᓐᓂᕐᕕᑦᓴᖅ ᐅᕝᕙᓘᓐᓃᑦ ᓴᓇᔪᓐᓇᐅᑎᑖᕈᑎᑦᓴᒥᑦ ᑐᑦᓯᕋᐅᑎᑖᕈᒪᔪᑦ, ᖃᐅᔨᒋᐊᕈᓐᓇᖅᑐᑦ ᐸᕐᓇᐅᑎᓕᕆᓂᕐᒥᑦ ᐊᒻᒪ ᐱᕙᓪᓕᐊᑎᑦᓯᓂᕐᒥᑦ ᓴᓇᓂᒃᑯᑦ ᐃᖅᑲᓇᐃᔭᖅᑎᖏᓐᓂᒃ ᐅᖄᓚᐅᑎᒃᑯᑦ 979-6363 ᓇᕿᓪᓗᒋᑦ 228, ᐅᕝᕙᓘᓐᓃᑦ ᐅᐸᑦᓯᐊᒻᒪᕆᓪᓗᒋᑦ ᐃᓪᓗᒧᑦ 2425 ᓂᐊᖁᖕᖒᓯᐊᕆᐊᒦᑦᑐᖅ ᖁᑦᓯᓂᕐᓴᒥ.
