ᑭᒃᑯᑐᐃᓐᓇᕐᓄᑦ ᕿᑲᕐᓇᐅᑎᓪᓗᒍ ᐱᓇᓱᐊᕈᓯᐅᑉ ᓄᖕᖑᐊᓂ ᐊᑐᕆᐊᓃᑉᐸᑦᑐᓄᑦ ᐊᑦᑕᓇᔾᔭᐃᕐᓯᒪᓂᕐᒥᑦ ᐱᓕᕆᐊᑦᓴᖅ

08/08/2023

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑭᒃᑯᑐᐃᓐᓇᕐᓄᑦ ᕿᑲᕐᓇᐅᑎᓪᓗᒍ ᐱᓇᓱᐊᕈᓯᐅᑉ ᓄᖕᖑᐊᓂ ᐊᑐᕆᐊᓃᑉᐸᑦᑐᓄᑦ ᐊᑦᑕᓇᔾᔭᐃᕐᓯᒪᓂᕐᒥᑦ ᐱᓕᕆᐊᑦᓴᖅ
ᐋᒐᓯ 8, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᓄᓇᓕᓐᓂᑦ ᐊᐅᓚᑦᓯᔨᓄᑦ ᒪᓕᒐᕋᓛᓂᑦ ᐊᑐᓕᖅᑎᑦᓯᓇᓱᐊᖅᑎᖏᑦ ᒪᓕᒐᕋᓛᓕᕆᔨᒃᑯᑦ ᑲᑐᔾᔨᖃᑎᖃᖅᑐᑎᒃ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᓐᓂᑦ ᐊᐅᓚᑦᓯᓚᐅᖅᑐᑦ ᑭᒃᑯᑐᐃᓐᓇᕐᓂᑦ ᖃᐅᔨᓴᖅᐸᑦᑐᑎᒃ ᓱᕐᕋᓯᒪᖏᒃᑲᓗᐊᕐᒪᖔᑕ ᐊᒻᒪ ᐊᑐᕆᐊᓂ ᐊᑦᑕᓇᔾᔭᐃᕐᓯᒪᒐᓗᐊᕐᒪᖔᑕ ᐃᖏᕐᕋᓪᓗᑎᒃ ᖃᐅᔨᓴᕐᓂᖃᓚᐅᖅᑐᑦ ᓄᓇᓕᐸᐅᔭᐃᑦ ᐃᖃᓗᓐᓂ ᓇᒥᑐᐃᓐᓇᖅ ᓄᖅᑲᑎᑦᓯᕙᑦᑐᑎᒃ ᐋᒐᓯᐅᑉ ᑭᒃᑯᑐᐃᓐᓇᕐᓄᑦ ᕿᑲᕐᓇᐅᑎᓪᓗᒍ ᐱᓇᓱᐊᕈᓯᐅᑉ ᓄᖕᖑᐊᓂ.

125-ᓂᑦ ᓄᓇᒃᑰᔫᓂᑦ ᖃᐅᔨᓴᓚᐅᖅᑐᑦ ᐱᓕᕆᐊᑦᓴᖃᕐᓂᖏᓐᓂ. 17 ᓄᓇᒃᑰᔫᑦ ᖃᐅᔨᔭᐅᓚᐅᖅᑐᑦ ᐊᐅᓚᑕᐅᓂᖏᓐᓂᑦ ᐸᐃᑉᐹᖁᑎᖃᕋᑎᒃ ᐱᓯᒪᔭᕐᒥᓂᒃ ᓇᓗᓇᐃᒃᑯᑎᓂᑦ, 5 ᓄᓇᒃᑰᔫᑦ ᖃᐅᔨᔭᐅᓚᐅᖅᑐᑦ ᒪᓕᒐᕐᓂᑦ ᓱᕋᐃᔾᔪᑎᐅᔪᓂᑦ ᐃᒐᓛᖏᑦ ᐊᒥᐊᖅᑕᐅᓯᒪᔪᓂᑦ ᐅᕝᕙᓘᓐᓃᑦ ᑖᓪᓕᑎᖅᑕᐅᓯᒪᔪᓂᑦ, 3 ᐊᖁᑦᑐᑦ ᐊᐅᓚᑦᓯᓐᓂᓚᐅᖅᑐᑦ ᐱᓯᒪᑦᓯᒐᑎᒃ ᐊᖁᑦᑐᖅᓯᐅᑎᖏᓐᓂᑦ ᐱᓯᒪᒋᐊᓕᒻᒥᓂᒃ, ᐊᒻᒪ ᐊᓯᕈᓘᔭᖏᓐᓂᑦ ᐊᑐᕆᐊᒃᑯᑦ ᐃᖏᕐᕋᕙᑦᑐᓄᑦ ᒪᓕᒐᕐᓂᑦ ᓱᕋᐃᓯᒪᕙᓚᐅᖅᑐᑦ.

ᐃᓚᖏᑦ ᓄᓇᒃᑰᔫᑦ ᐅᐸᑉᐸᓚᐅᖅᑐᑦ ᖃᐅᔨᓴᖅᑐᓂᑦ ᑕᑯᔭᐅᕙᓚᐅᖅᑐᑦ ᐊᑐᖅᑎᓐᓇᒋᑦ ᓄᓇᒃᑰᔫᓄᑦ ᕿᓗᐊᕐᓂᒃ, ᐊᑐᐃᓐᓇᕆᐊᖃᖅᑎᓪᓗᒋᑦ ᒪᓕᑦᑐᒋᑦ ᓄᓇᕘᒥ ᐊᒻᒪ ᓄᓇᓕᓐᓂ ᒪᓕᒐᑎᒍᑦ ᐊᒻᒪ $125-ᓂᑦ ᐊᑭᓖᔪᓐᓇᕈᑎᐅᔪᓂᑦ.
ᐊᒻᒪᑦᑕᐅᖅ 3 ᐊᖁᑦᑐᑦ ᐊᐅᓚᑦᓯᓐᓂᓚᐅᖅᑐᑦ ᓄᓇᒃᑰᔫᕐᒥᓂᒃ ᐋᖓᔮᖅᑐᑎᒃ, ᓄᓇᒃᑰᔫᕈᓐᓃᖅᑎᑕᐅᓚᐅᖅᑐᑦ ᐊᒻᒪ ᐱᕋᔭᑦᓯᒪᓂᖏᓐᓂᑦ ᓄᓇᒃᑰᔫᕐᓂᖏᓐᓂᑦ ᐃᖅᑲᖅᑐᕋᑦᓴᕈᖅᑎᑕᐅᓚᐅᖅᑐᑦ.

ᓄᓇᓕᐸᐅᔭᐃᑦ ᐃᖃᓗᐃᑦ ᓄᓇᓕᓐᓂ ᒪᓕᒐᕋᓛᓕᕆᔨᖏᑦ ᖁᔭᓐᓇᒦᕈᒪᔪᑦ ᑭᒃᑯᑐᐃᓐᓇᑦᓯᐊᓂᑦ ᒪᓕᒐᕐᓂᒃ ᒪᓕᑉᐸᓐᓂᖏᓐᓂᑦ ᓄᓇᒃᑰᔫᓕᕋᐃᒐᒥᒃ, ᐊᒻᒪ ᐃᖅᑲᐃᑎᑕᐅᒍᒪᓪᓗᑎᒃ ᑭᒃᑯᑐᐃᓐᓇᐃᑦ ᐸᓯᐅᕆᒍᕕᑦ ᑭᓇᑐᐃᓐᓇᕐᒥᑦ ᓄᓇᒃᑰᔫᖅᑐᒥᑦ ᓱᕐᕋᓯᒪᓪᓗᑎᒃ ᐃᒥᐊᓗᒻᒧᑦ ᐋᖓᔮᕐᓇᖅᑐᓄᓪᓘᓐᓃᑦ ᖃᐅᔨᒃᑲᕆᐊᓕᑦᑎᑦ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᐅᖄᓚᐅᑎᒃᑯᑦ ᐅᕗᖓ 867-979-1111 ᑕᕝᕙᓴᐃᓐᓇᖅ.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᔭᕗᕆ ᐴᕐᓐ

ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᓂᕐᒥᑦ ᐊᐅᓚᑦᑎᔨᐅᑲᐃᓐᓇᖅᑐᖅ
867-979-5619 | g.byrne@iqaluit.ca

Notice: