ᑲᓇᑕᐅᑉ ᐅᓪᓗᖓᓂ ᖃᐅᔨᓴᖅᐸᓂᕐᒥᑦ ᐱᓕᕆᐊᑦᓴᖅ

06/07/2023

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑲᓇᑕᐅᑉ ᐅᓪᓗᖓᓂ ᖃᐅᔨᓴᖅᐸᓂᕐᒥᑦ ᐱᓕᕆᐊᑦᓴᖅ
ᔪᓚᐃ 6, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᒪᓕᒐᕋᓛᓂᑦ ᐊᑐᖅᑎᑦᓯᓇᓱᐊᖅᑎᖏᑦ ᖃᐅᔨᓴᖅᐸᓚᐅᖅᑐᑦ ᑭᒃᑯᑐᐃᓐᓇᕐᓂᒃ ᐋᖓᔮᖏᒃᑲᓗᐊᕐᒪᖔᑕ ᐊᒻᒪ ᐊᑐᕆᐊᓂ ᐊᑦᑕᓇᔾᔭᐃᕐᓯᒪᓂᕐᒥᑦ ᖃᐅᔨᓴᖅᐸᑦᑐᒃ ᐃᓗᐊᓂ ᓄᓇᓕᐸᐅᔭᐃᑦ ᐃᖃᓗᐃᑦ ᓄᓇᓕᖓᑕ ᑲᓇᑕᐅᑉ ᐅᓪᓗᖓᓂ ᔪᓚᐃ 1, 2023.

150-ᓂᒃ ᓄᓇᒃᑰᔫᑦ ᖃᐅᔨᓴᖅᑕᐅᓚᐅᖅᑐᑦ ᐱᓕᕆᐊᑦᓴᖃᕐᓂᖏᓐᓂ. ᓄᓇᓕᓐᓂ ᒪᓕᒐᕋᓛᓂᑦ ᐊᑐᖅᑎᑦᓯᓇᓱᐊᖅᑏᑦ ᖁᕕᐊᒋᓪᓗᒍ ᐅᖃᕈᒪᕗᑦ ᓇᓪᓕᐊᓂᑐᐃᓐᓇᖅ ᓄᓇᒃᑰᔫᖅᑐᓂᑦ ᐸᓯᔭᑦᓴᖃᓚᐅᖏᒻᒪᑕ ᐊᐅᓚᑦᓯᓂᕐᒥᑦ ᐊᐅᓚᐅᑎᓕᒻᒥᑦ ᓄᓇᒃᑰᔫᒥᑦ ᐋᖓᔮᕐᓇᖅᑐᓯᒪᓂᖏᓐᓂᑦ ᐄᔭᒐᕐᓂᒃ ᐅᕝᕙᓘᓐᓃᑦ ᐃᒥᐊᓗᒻᒧᑦ.

38 ᓄᓇᒃᑰᔫᑦ ᖃᐅᔨᔭᐅᓚᐅᖅᑐᑦ ᐊᐅᓚᑕᐅᓂᖏᓐᓂᑦ ᐱᓯᒪᒋᐊᓕᓐᓂᑦ ᐸᐃᑉᐹᖁᑎᖃᕋᑎᒃ ᑎᑎᖅᑲᓂᑦ ᓄᓇᒃᑰᔫᒥ, 10 ᓄᓇᒃᑰᔫᑦ ᖃᐅᔨᔭᐅᓚᐅᖅᑐᑦ ᒪᓕᒐᑎᒍᑦ ᓱᕋᐃᔾᔪᑎᒥᑦ ᐊᒥᐊᕐᓯᒪᓐᓂᕐᒪᑕ ᓯᕿᓐᓂᖅᑕᐅᓗᐊᔾᔭᐃᒃᑯᑎᒧᑦ ᐅᕝᕙᓘᓐᓃᑦ ᐊᒥᐊᕐᓯᒪᓪᓗᑎᒃ ᑖᖅᑐᒧᑦ ᐃᒐᓛᖏᑦ, 7 ᐊᖁᑏᑦ ᖃᐅᔨᔭᐅᓚᐅᖅᑐᑦ ᓄᓇᒃᑰᔫᕐᓂᖏᓐᓂᑦ ᐱᓯᒪᑦᓯᒐᑎᒃ ᐊᖁᑦᑐᖅᓯᐅᑎᒥᓂᒃ ᓚᐃᓴᒥᑦ ᒪᓕᓪᓗᑎᒃ ᒪᓕᒐᕐᓂᒃ, ᐊᒻᒪ ᐊᔾᔨᒌᖏᑦᑐᓂᑦ ᐊᓯᖏᓐᓂᑦ ᐊᑐᕆᐊᓂ ᓄᓇᒃᑰᔫᖅᑐᓄᑦ ᓱᕋᐃᔪᓂᑦ ᒪᓕᒐᕐᓂᑦ.

ᐃᓚᖏᑦ ᓄᓇᒃᑰᔫᖑᓚᐅᖅᑐᑦ ᐅᐸᑦᑐᑦ ᖃᐅᔨᓴᖅᑎᓄᑦ ᑕᑯᔭᐅᕙᓚᐅᖅᑐᑦ ᐊᑐᖅᑎᓐᓇᒋᑦ ᐃᑦᓯᕙᐅᑕᖏᑕ ᕿᓗᐊᖏᓐᓂᑦ, ᐊᑐᐃᓐᓇᕆᐊᖃᖅᑎᑕᐅᑎᓪᓗᒋᑦ ᓄᓇᕘᒥ ᐊᒻᒪ ᓄᓇᓕᓐᓂ ᐊᐅᓚᑦᓯᔨᓄᑦ ᒪᓕᒐᖏᑎᒍᑦ ᐊᒻᒪ ᐊᑭᓖᑎᑕᐅᔪᓐᓇᖅᑐᑎᒃ $125.00-ᓂᑦ ᓱᕋᐃᓂᕐᒥᑦ ᒪᓕᒐᕐᒥᑦ.

ᓄᓇᓕᐸᐅᔭᐃᑦ ᐃᖃᓗᐃᑦ ᒪᓕᒐᕋᓛᓂᑦ ᐊᑐᖅᑎᑦᓯᓇᓱᐊᖅᑎᖏᑦ ᓇᑯᕐᒦᕈᒪᔪᑦ ᑭᒃᑯᑐᐃᓐᓇᑦᓯᐊᓂᑦ ᒪᓕᑉᐸᓐᓂᖏᓐᓂᑦ ᒪᓕᒋᐊᓕᓐᓂᑦ ᓄᓇᒃᑰᔫᕆᐊᖃᕐᓂᕐᒥᑦ ᐊᑦᑕᓇᔾᔭᐃᕐᓯᒪᓗᓂ, ᐊᒻᒪ ᐃᖅᑲᐃᑎᑦᓯᒍᒪᓪᓗᑎᒃ ᑲᖐᒋᔭᖃᕈᕕᑦ ᓱᕐᕋᓯᒪᔪᓂᑦ ᓄᓇᒃᑰᔫᖅᑐᒥᑦ ᐊᑐᕆᐊᕐᒥ ᖃᐅᔨᒃᑲᐃᖁᔭᐅᕙᒃᑲᑦᑕ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᓐᓂᑦ ᐅᖄᓚᐅᑎᒃᑯᑦ ᑕᕝᕙᓴᐃᓐᓇᖅ ᐅᕗᖓ 867-979-1111.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᑭᐊᓐᑦ ᑐᕆᔅᑯᓪ
ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᑎᔨ
867-979-5607 k.driscoll@iqaluit.ca

Notice: