ᑲᓇᑕᒥ ᑭᒡᓕᓯᓐᓂᐊᓂᖅ – ᓄᓇᓕᖅᐸᐅᔭᒃᑯᑦ ᑎᑎᕋᕐᕕᖓ ᒪᑐᓯᒪᓂᐊᖅᑐᖅ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑲᓇᑕᒥ ᑭᒡᓕᓯᓐᓂᐊᓂᖅ – ᓄᓇᓕᖅᐸᐅᔭᒃᑯᑦ ᑎᑎᕋᕐᕕᖓ ᒪᑐᓯᒪᓂᐊᖅᑐᖅ
ᓯᑎᐱᕆ 26, 2025 – ᐃᖃᓗᐃᑦ, ᓄᓇᕗᑦ

ᓯᑎᐱᕆ 30 ᑲᓇᑕᒥ ᑭᒡᓕᓯᓐᓂᐊᕐᓂᖅ, ᐅᓇ ᐅᓪᓗᖅ ᐃᒃᐱᒍᓱᒃᑐᖅ ᓴᖕᖏᓂᖏᓐᓂᕐ ᐊᒻᒪᓗ ᓴᐱᓕᔮᓐᖏᑦᑐᑦ ᐃᓄᐃᑦ ᐊᒻᒪᓗ ᑕᒪᕐᒥᒃ ᓄᓇᖅᑲᖅᑳᖅᓯᒪᔪᑦ ᐃᓕᓐᓂᐊᕆᐊᖅᑎᑕᐅᓯᒪᓂᑯᓄ, ᐃᓚᖏᓐᓄᑦ, ᐊᒻᒪᓗ ᓄᓇᖏᓐᓄᑦ.

ᐅᓇ ᓄᓇᓕᖅᐸᐅᔭᐃᑦ ᐃᖃᓗᐃᑦ ᒪᑐᓯᓂᐊᖅᑐᖅ ᑕᒪᐃᓐᓂᒃ ᕼᐋᒻᓚᒃᑯᑦ ᑎᑎᕋᕐᕕᖏᓐᓂᒃ ᐊᐃᑉᐹᑦ, ᓯᑎᐱᕆ 30, 2025, ᐃᓕᓴᖅᓯᓯᒪᓗᑕ ᑕᒪᑐᒥᖓ ᐱᒻᒪᕆᐅᔪᒥᒃ ᐅᓪᓗᖅ.

ᐅᓇ ᐃᓂᖃᖅᑎᑦᑎᕗᖅ ᐅᖃᐅᓯᕆᓗᒋᑦ, ᐃᓕᓪᓗᒋᑦ, ᐊᒻᒪᓗ ᓄᓇᓕᒃ. ᐅᓇ ᓄᓇᓕᖅᐸᐅᔭᐃᑦ ᐃᖃᓗᐃᑦ ᐃᓕᓴᖅᓯᔪᖅ ᓴᐃᒪᖃᑎᒌᖕᓂᖅ ᑲᔪᓰᓐᓇᕐᓂᐊᖅᑐᖅ ᐊᑕᖕᒪᑦ ᐃᓚᒌᒍᓯᑦ, ᐃᒃᐱᒍᓱᑦᑎᐊᕐᓂᖅ, ᐊᒻᒪᓗ ᐱᓕᕆᓂᖅ. ᑕᐃᒪᓗ ᓄᓇᓕᖕᓂ ᑐᑭᒧᐊᒃᑎᐅᓪᓗᑕ ᐱᔨᑦᑎᕋᖅᑐᒍᑦ ᐃᖃᓗᖕᒥᐅᓂᒃ, ᐊᖏᖅᓯᒪᑦᑎᐊᖅᑐᒍᑦ ᓴᓇᖃᑎᒋᓗᒋᑦ ᓄᓇᓖᑦ ᐱᓕᕆᖃᑎᒋᓗᒋᑦ ᐃᑲᔪᕐᓗᒋᑦ ᐃᖏᕐᕋᓯᑎᑕᐅᓯᒪᔪᓂᒃ ᐅᑯᐊᓗ ᐊᑐᖅᓯᔪᑦ ᒪᒥᓴᐃᓂᖅ, ᐃᓕᑦᑎᓂᖅ, ᐊᒻᒪᓗ ᐃᓚᓕᐅᔾᔭᐅᓯᒪᓂᖅ.

ᓄᓇᓖᑦ ᐃᒥᖅᑕᐅᑎᖏᑦ ᐊᒻᒪᓗ ᐊᓇᖅᑕᐅᑎᖏᑦ ᐊᒻᒪᓗ ᐊᒃᑕᖅᑐᑦ ᐃᖏᕐᕋᓯᒃᑲᓐᓂᕐᓂᐊᖅᑐᖅ ᖃᐅᑕᒫᑦ ᐃᑲᕐᕋᒥᒃᑎᒍᑦ. ᐃᖃᓗᐃᑦ ᐳᐃᔾᔪᕌᕐᕕᒃ ᒪᑐᐃᖓᓂᐊᖅᑐᖅ 12:00−ᒥᑦ 4:00−ᒧᑦ ᐅᓐᓄᓴᒃᑯᑦ.

ᓄᓇᓕᖕᓂ ᖃᓄᐃᓕᐅᕈᑕᐅᔪᑦ

ᓄᓇᖃᖅᑐᑦ ᑲᔪᖏᖅᓴᔭᐅᕗᑦ ᐃᓚᐅᓗᑎᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏ ᓄᓇᓕᖕᓂᒃ ᖃᓄᐃᓕᐅᖅᑎᑦᑎᓂᐊᖅᑐᑦ ᐱᒋᐊᕐᓂᐊᖅᑐᑦ 1:30 ᐅᓐᓄᓴᒃᑯᑦ ᑎᓴᒪᓂ ᑎᕆᖁᓂ. ᖃᓄᐃᓕᐅᕈᑕᐅᔪᑦ ᐃᓚᖃᖅᑐᑦ ᐊᐅᐸᔪᒃᑐᓂᒃ ᐅᕕᓂᕈᕐᓂᒃ ᑐᓂᐅᖃᐃᓗᑎᒃ, ᓂᐱᖃᖅᑎᑦᑎᓐᖏᓪᓗᑎᒃ ᐊᒻᒪᓗ ᑐᒃᓯᐊᕐᓗᑎᒃ, ᓄᓇᓕᖕᓂ ᐱᓱᖕᓂᐊᖅᑐᑦ ᐃᖃᓗᐃᑦ ᐃᑦᑐᐊᖅᑐᖅ, ᐊᒻᒪᓗ ᑲᑎᓪᓗᑎᒃ ᑕᐃᑲᓂ.

ᐅᑯᐊ ᖃᓄᐃᓕᐅᕈᑕᐅᔪᑦ ᐱᕕᖃᖅᑎᑦᑎᔪᑦ ᑲᑎᖓᓗᑎᒃ ᑕᑯᑦᑎᐊᒃᑲᓐᓂᕐᓗᒋᑦ ᐊᒻᒪᓗ ᓄᓇᓕᖕᓂᒃ. ᑕᒪᕐᒥᒃ ᓄᓇᖃᖅᑐᑦ ᑲᔪᖏᖅᓴᔭᐅᕗᑦ ᐃᓚᐅᓗᑎᒃ ᑖᒃᑯᓇᓂ ᖃᓄᐃᓕᐅᕈᑕᐅᔪᓂ ᐱᕕᖃᖅᑎᑦᑎᓗᑎᒃ ᑕᑯᑦᑎᐊᒃᑲᓐᓂᕐᓗᒋᑦ, ᐃᓕᑦᑎᓗᑎᒃ, ᐊᒻᒪᓗ ᓇᖏᖃᑎᒌᒡᓗᑎᒃ ᓄᓇᖃᑎᒌᒡᓗᑎᒃ.

ᑲᑐᔾᔨᓗᑎᒃ, ᐃᒃᐱᒍᓱᒃᐳᒍᑦ ᑭᖑᓂᑦᑎᓐᓂ ᐊᑐᖅᑕᐅᓂᑯᓂᒃ ᐊᒻᒪᓗ ᑕᑯᔪᒪᕗᒍᑦ ᓯᕗᓂᒃᓴᑦᑎᓐᓂ ᐋᕿᒃᓱᖅᓯᒪᔪᑦ ᐃᒃᐱᒍᓱᖕᓂᕐᒥᒃ ᐊᒻᒪᓗ ᑐᑭᓯᖃᑎᒌᖕᓂᕐᒥᒃ. ᑕᒪᑐᒪᓂ ᐅᓪᓗᒥ ᐊᒻᒪᓗ ᖃᐅᑕᒫᑦ, ᑲᔪᓯᑕ ᐃᓕᑦᑎᕙᓪᓕᐊᓗᑕ ᐊᑐᓂ ᐅᕙᑦᑎᓐᓂᑦ, ᐃᒃᐱᒋᑦᑎᐊᕐᓗᒋᑦ ᓱᓕᓂᖅ, ᐊᒻᒪᓗ ᓴᓇᖃᑎᒌᖕᓂᖅ ᐋᕿᒃᓱᐃᓂᐊᕋᑦᑕ ᓴᖕᖏᓂᖅᓴᒥᒃ, ᑲᑎᖓᑦᑎᐊᕐᓂᖅᓴᐅᔪᒥᒃ ᓄᓇᓕᖕᒥᒃ.

##

ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:

ᔩᐅᑉ ᕙᕐᓂ
ᑐᓴᐅᒪᖃᑎᒋᓐᓂᕐᒧᑦ ᐊᒻᒪᓗ ᐱᔨᔅᓯᖅᑕᐅᕙᒃᑐᓄᑦ ᐱᔨᔅᓯᕈᑎᒥ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca