ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑲᓇᑕᒥ ᓄᓇᖃᖅᑳᕐᓯᒪᔪᑦ ᑭᒃᑯᑐᐃᓐᓇᐃᑦ ᐅᓪᓗᖓᓂ ᖃᓄᐃᓕᐅᕈᑎᑦᓴᑦ ᔪᓂ 21, 2020
ᔪᓂ 18, 2020 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᐱᖕᖑᐊᖅᑐᓕᕆᔨᒃᑯᖏᑦ ᖃᐃᓛᖁᔨᔫᒐᓗᐊᑦ ᓄᓇᓕᕐᒥᐅᑕᓂᑦ ᓇᓪᓕᐅᓂᕐᓯᐅᕆᐊᖅᑐᕐᓗᑎᒃ ᑲᓇᑕᒥ ᓄᓇᖃᖅᑳᕐᓯᒪᔪᑦ ᑭᒃᑯᑐᐃᓐᓇᐃᑦ ᐅᓪᓗᖓᓂᑦ ᐅᐸᓗᖓᐃᔭᕐᓯᒪᔪᓂᑦ ᖃᓄᐃᓕᐅᖃᑎᖃᕆᐊᖅᑐᕐᓗᑎᒃ ᓈᑦᓯᐅᖑᔭᐅᓕᖅᐸᑦ, ᒧᓂ 21, 2020.
ᖁᕕᐊᒋᑦᑎᐊᖅᑐᒍ ᐅᖃᐅᓯᖃᕈᒪᕗᒍᑦ ᐱᓚᓕᐅᑎᓛᖅᑐᓂᑦ. ᓄᓇᓕᕐᒥᐅᑕᐃᑦ ᑐᓂᓯᖁᔭᐅᔫᒐᓗᐊᑦ ᐊᔾᔨᓕᐅᕐᓯᒪᔭᕐᒥᓂᒃ ᐊᐅᓚᔪᓂᑦ ᓄᓇᓕᐸᐅᔭᐃᑦ ᐃᖃᓗᐃᑦ ᐱᖕᖑᐊᖅᑐᓕᕆᔨᒃᑯᑦ ᕙᐃᔅᐳᒃ ᒪᑉᐱᒐᖓᓐᓄᑦ ᑕᑯᑦᓴᐅᑎᑕᐅᓗᓂ ᐃᓘᓐᓇᑦᑎᐊᓂ ᐱᓚᑦᑎᖃᖅᑎᓪᓗᒍ ᐊᒻᒪ ᓱᕋᐃᔭᐃᔪᖃᖅᑎᓪᓗᒍ ᓇᑦᑎᒥᓂᕐᒥᒃ, ᐊᒻᒪᑦᑕᐅᖅ ᑕᑯᑦᓴᐅᑎᓗᒍ ᖃᓄᑎᒋ ᐱᐅᓴᖅᑕᐅᓯᒪᓂᖓ ᕿᓯᖓᑕ. ᐊᔾᔨᓕᐅᕐᓯᒪᔪᑦ ᖃᐃᑕᐅᔪᓐᓇᓛᖅᑐᑦ ᐅᓪᓗᒃᑯᑦ ᓯᕿᖕᖑᔭᑎᒍᑦ ᐅᑯᐊ ᐊᑯᓐᓂᖏᓐᓂᑦ 10−ᒥ ᐅᓪᓛᒃᑯᑦ ᐊᒻᒪ 4−ᒧᑦ ᐅᓐᓄᓴᒃᑯᑦ, ᐊᒻᒪ ᓵᓚᑦᓴᖅᑐᒥᓂᖅ ᓇᓗᓇᐃᖅᑕᐅᒐᔭᕐᓗᓂ ᓇᒡᒋᔾᔭᐅᒥ, ᔪᓂ 22. ᐳᐃᒍᖅᑕᐃᓕᒋᑦᓯ ᓇᓗᓇᐃᕐᓯᒪᒋᐊᖃᕐᒪᑕ ᐊᑯᐊ ᐊᑐᕐᓗᒋᑦ #NIPD #Pilak.
ᐊᔭᐅᖅᑐᐃᒋᕗᒍᑦ ᐃᓕᑦᓯᓐᓂᒃ ᐃᓚᒋᔭᐅᓛᖁᓪᓗᓯ ᓱᓇᑐᐃᓐᓇᕐᓂᒃ ᕿᓂᕐᓂᕐᒥᒃ. ᐊᔾᔨᓕᐅᕐᓯᒪᔭᑦᓯᓐᓂᑦ ᓴᖅᑭᑎᑦᑎᖃᑦᑕᓛᖅᑐᓯ ᐅᓪᓗᖓᓂ ᐅᕗᖓ recreation@iqaluit.ca 4−ᒧᓄᑦ ᐅᓐᓄᓴᒃᑯᑦ ᐊᑎᓕᐅᕈᒪᒍᕕᑦ. ᓵᓚᑦᓴᖅᑐᖅ ᐅᖃᐅᓯᐅᓛᕐᒥᔪᖅ ᓇᒡᒋᔾᔭᐅᒥ, ᔪᓂ 22. ᖃᓄᐃᓕᐅᕈᑎᒋᓚᐅᖅᑕᓯ ᖃᐃᓛᕈᓐᓇᓛᕐᒥᔭᓯ ᑭᒃᑯᑐᐃᓐᓇᑦᑎᐊᓄᑦ ᑕᑯᔭᐅᔪᓐᓇᓛᕐᒪᑕ ᓄᓇᓕᐸᐅᔭᐃᑦ ᐃᖃᓗᐃᑦ ᐱᖕᖑᐊᖅᑐᓕᕆᔨᒃᑯᑦ ᕙᐱᔅᐳᒃ ᒪᑉᐱᒐᖓᓐᓄᑦ.
ᐊᑏ ᒪᓕᓚᐅᕐᓯᐅᒃ ᓄᓇᓕᐸᐅᔭᐃᑦ ᐃᖃᓗᐃᑦ ᐱᖕᖑᐊᖅᑐᓕᕆᔨᒃᑯᑦ ᕙᐱᔅᐳᒃ ᒪᑉᐱᒐᖓᑦ ᖃᐅᔨᒋᐊᖅᐸᓪᓗᓯ ᖃᓄᐃᓕᐅᕈᑎᐅᒃᑲᓐᓂᓛᖅᑐᓂᑦ ᐃᓕᑦᓯᓐᓂ ᐊᑐᕈᓐᓇᑕᕐᓯᓐᓂᑦ ᐊᒻᒪ ᒪᓕᒐᔭᕐᓗᒋᑦ ᓄᓇᓕᕐᒥᐅᖃᑎᑎᑦ ᖁᕕᐊᓱᖃᑦᑕᐅᑎᑎᓪᓗᑕ ᐅᓪᓗᕐᒥᑦ
ᐱᖕᖑᐊᖅᑐᓕᕆᔨᒃᑯᑦ ᖁᔭᓐᓇᒦᕈᒪᔪᑦ ᑲᓇᑕᒥ ᐃᑦᑕᕐᓂᓴᓕᕆᔨᒃᑯᓐᓂᑦ ᐊᒻᒪ ᓄᓇᓕᐸᐅᔭᐃᑦ ᐃᖃᓗᐃᑦ ᐃᖃᔪᕐᓱᐃᔾᔪᑎᖏᓐᓄᑦ ᖃᓄᐃᓕᐅᖁᑎᐅᔪᒥᑦ.
ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:
ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
L.Milosavljevic@iqaluit.ca
867-979-3216
