ᑲᔪᓯᑦᓯᐊᕐᑐᖅ ᓯᓈᓂ ᐅᖅᓱᐊᓗᖃᐅᑎᒥᓃᑦ ᓴᓗᒻᒪᓴᕐᑕᐅᓂᖏᑦ ᐅᑦᑑᐱᕆ 2015

14/10/2015

ᑐᓴᕋᑦᓴᑦ

ᑲᑐᔾᔨᖃᑎᒌᓐᓂᒃᑯᑦ ᑲᔪᓯᑦᓯᐊᓚᐅᖅᑐᑦ ᐅᕐᓱᐊᓗᖃᐅᑎᒥᓂᕐᓂᒃ ᓄᐊᑦᓯᓪᓗᑎᒃ ᐃᒋᐅᖅᑲᐃᓪᓗᑎᒃ ᐃᖃᓗᐃᑦ ᓯᔾᔭᖏᓐᓂᒃ

ᐋᑦᑑᐸ 14, 2015 (ᐃᖃᓗᐃᑦ, ᓄᓇᕗᑦ)  ᓰᑏᐱᕆᒥ ᐊᒻᒪ ᐋᑦᑑᐸᒥ 2015, ᓄᓇᓕᐸᐅᔭᐃᑦ ᐃᖃᓗᐃᑦ ᐱᓕᕆᖃᑎᖃᓚᐅᖅᑐᑦ ᓄᓇᓕᓐᓂ ᑲᑐᔾᔨᖃᑎᖃᖅᑐᑎᒃ ᐊᑦᑕᓇᖏᑐᒃᑯᑦ ᓄᐊᑦᓯᓪᓗᑎᒃ ᐃᒋᐅᖅᑲᐃᓪᓗᑎᓪᓗ ᐅᕐᓱᐊᓗᖃᐅᑎᒥᓂᕐᓂᒃ ᓴᓂᕐᓂᒃ ᐊᒻᒪ ᑕᑯᒥᓇᓕᖅᑎᑦᓯᒍᒪᓪᓗᑎᒃ ᐊᖏᔪᖅᑳᖃᕐᕕᑎᓐᓂᑦ ᓄᓇᓕᐸᐅᔭᓂᑦ.

ᓄᓇᓕᐸᐅᔭᐃᑦ ᐃᖃᓗᐃᑦ ᑲᑐᔾᔨᖃᑎᖃᓚᐅᖅᑐᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ ᐊᒻᒪ ᓄᓇᕗᑦ ᒐᕙᒪᒃᑯᑦ ᓄᓇᒥᑦ ᐊᕙᑎᓕᕆᔨᖏᓐᓂᑦ ᐲᔭᐃᓪᓗᑎᒃ 56-ᖑᔪᓂᑦ ᐅᕐᓱᐊᓗᖃᐅᑎᒥᓂᕐᓂᒃ ᐊᑯᓐᓂᖏᓐᓃᑦᑐᓂᑦ ᑲᓇᑕᐅᑉ ᐃᒪᖏᓐᓂᒃ ᖃᐅᔨᓴᖅᑏᑦ ᐊᒻᒪ ᐃᓗᕕᖃᕐᕕᒥᓂᐅᑉ.

ᓄᓇᓕᐸᐅᔭᐃᑦ ᐃᖃᓗᐃᑦ ᑲᑐᔾᔨᖃᑎᖃᓚᐅᕐᒥᔪᑦ ᕿᑭᖅᑖᓗᒻᒥ ᐃᑲᔪᖅᑕᐅᕕᒻᒥᐅᑕᓂᑦ / ᒪᑭᒋᐊᕐᕕᒃᑯᑦ “ᐃᖃᓗᓐᓂᑦ ᐱᓕᕆᔩᑦ” ᓄᐊᑦᓯᓪᓗᑎᒃ 20-ᓂᑦ ᐅᕐᓱᐊᓗᖃᐅᑎᒥᓂᕐᓂᒃ ᑭᓪᓕᖏᓐᓂᒃ ᑰᖓᑕ ᓂᐊᖁᓐᖒᑎᐅᑉ ᓯᔾᔭᖓᓂᑦ.  ᑕᒪᓐᓇᓕ ᐱᒋᐊᕈᑎᐅᓚᐅᖅᑐᖅ ᐱᓕᕆᖃᑎᒌᒍᑎᑦᓴᓂᑦ ᐱᕈᐃᕙᓪᓕᐊᑐᐃᓐᓇᓂᐊᖅᑐᓂᑦ ᑎᒍᔭᐅᖅᑲᕙᑦᑐᑦ ᐃᓱᒪᒃᑯᑦ ᖃᓄᐃᖏᒍᑎᑦᓴᖏᓐᓂᑦ ᐊᒻᒪ ᐅᐱᒍᓱᓐᓂᕐᒥᑦ, ᑕᑯᒥᓇᓕᖅᑎᑦᓯᕙᓪᓕᐊᒍᑎᓂᑦ ᓄᓇᒥ, ᐊᒻᒪ ᐱᐅᓯᑎᕚᓪᓕᕐᓗᒍ ᓄᓇᓕᒃᑯᑦ ᐱᕙᓪᓕᐊᒍᓐᓇᕐᓂᖅ.

ᓄᓇᓕᐸᐅᔭᐃᑦ ᐃᖃᓗᐃᑦ ᖁᕕᐊᒋᔭᓕᒻᒪᕆᐅᔪᑦ ᑲᑐᔾᔨᖃᑎᒋᕙᑦᑕᑎᓐᓂᑦ ᐊᒻᒪ ᓯᕗᓂᑦᑎᓐᓂ ᐱᓕᕆᖃᑎᖃᕈᒪᕙᓐᓂᐊᖅᑐᑦ ᑲᑐᔾᔨᖃᑎᒌᓐᓂᒃᑯᑦ.  ᑲᑐᔾᔨᖃᑎᒌᓐᓂᒃᑯᑦ ᐱᓕᕆᖃᑎᒌᓐᓂᖅ ᐊᕗᖔᓘᕈᓐᓇᖅᑐᖅ ᐱᐅᓯᑎᑦᓯᒋᐊᕐᓂᒃᑯᑦ ᐊᖏᔪᖅᑳᖃᕐᕕᑎᓐᓂᑦ ᓄᓇᓕᐸᐅᔭᓂᑦ.

ᑐᑭᓯᒋᐊᒃᑲᓐᓂᕐᕕᑦᓴᐃ ᐅᑯᐊ ᖃᐅᔨᒋᐊᕐᓗᒋᑦ:

ᕌᐱᓐ ᑳᒻᐱᐅᓪ
ᒪᑭᒪᔾᔪᑎᓕᕆᓂᕐᒥᑦ ᑐᑭᒧᐊᑦᑎᑦᓯᔨ
(867) 979-6363 x232

ᒫᑎᐅ ᕼᐋᒻᑉ
ᐊᖏᔪᖅᑳᖓᑦ ᖃᐅᔨᒪᔨᑕᐃᑦ ᓴᓇᓂᒃᑯᑦ ᐊᒻᒪ ᓴᓇᔪᓕᕆᓂᕐᒧᑦ
(867) 979-5630

Notice: