ᒪᐃᔭ ᐊᕙ ᑐᖕᖓᓱᑦᑎᑦᓯᔪᖅ ᒥᐊᓕᒐᒃᑯᑦ ᑭᒡᒐᖅᑐᐃᔨᒻᒪᕆᖓᓂᑦ ᐋᒻᐹᓴᑐᕐ ᑰᕼᐊᓐᒥᑦ

ᒪᐃᔭ ᐊᕙ ᑐᖕᖓᓱᑦᑎᑦᓯᔪᖅ ᒥᐊᓕᒐᒃᑯᑦ ᑭᒡᒐᖅᑐᐃᔨᒻᒪᕆᖓᓂᑦ ᐋᒻᐹᓴᑐᕐ ᑰᕼᐊᓐᒥᑦ

ᑭᒡᒐᑐᖅᑐᒋᑦ ᓄᓇᓕᐸᐅᔭᐃᑦ ᐃᖃᓗᐃᑦ, ᒪᐃᔭ ᓵᓚᒪᓐ ᐊᕙ ᖁᕕᐊᒋᑦᓯᐊᖅᑐᒍ ᖃᐃᖁᔨᓚᐅᖅᑐᖅ ᒥᐊᓕᒐᐃᑦ ᑭᒡᒐᖅᑐᐃᔨᒻᒪᕆᐊᓂᑦ ᐋᒻᐹᓴᑐᒥᑦ ᑲᓇᑕᒧᑦ ᑕᐃᕕᑦ ᐃᐅᓪ. ᑰᕼᐊᓐᒥᑦ ᐊᒻᒪ ᓄᓕᐊᖓᓂᑦ ᒥᓯᔅ ᕌᓐᑕ ᑰᕼᐊᓐᒥᑦ ᐃᖃᓗᐃᑦ ᐊᓪᓚᕝᕕᖁᑎᖃᕐᕕᖓᓐᓄᑦ.

ᑖᒃᑯᐊ ᒪᕐᕉᔫᒃ ᐃᑲᕐᕋᒥᑦ ᐅᖃᖃᑎᒌᓚᐅᖅᑑᒃ, ᐅᖃᐅᓯᖃᖅᑐᑎᒃ ᓱᓇᑐᐃᓐᓇᑦᓯᐊᓂᑦ ᐱᓯᒪᔪᓂᑦ ᒥᐊᓕᒐᐃᑦ ᐊᑐᖅᐸᓚᐅᖅᑕᖏᓐᓂᑦ ᐃᖃᓗᓐᓂ ᐊᒻᒪ ᖃᓄᖅ ᓄᓇᓕᐸᐅᔭᒃᑯᑦ ᐊᒻᒪ ᒥᐊᓕᒐᕐᒥᐅᑦ ᐱᓕᕆᖃᑎᒌᒍᓐᓇᕋᔭᕐᒪᖔᑕ  ᓯᕗᓂᑦᑎᓐᓂ.

ᐋᒻᐹᓴᑐᕐ ᐊᒻᒪ ᒥᓯᔅ ᑰᕼᐊᓐ ᓯᕗᓪᓕᐹᑦᓯᐊᕐᒥ ᓂᐅᕐᕈᒋᐅᕈᑎᒋᓚᐅᖅᑕᖏᒃ ᓄᓇᕘᒧᑦ, ᐊᒻᒪ ᓄᓇᓕᐸᐅᔭᐃᑦ ᐃᖃᓗᐃᑦ ᖁᕕᐊᓱᓪᓚᕆᒃᑲᔭᖅᑐᑦ ᐅᑎᖅᑲᑎᒃ ᑐᖕᖓᓱᑦᑎᑦᓯᒋᐊᑦᓴᖅ ᑖᒃᑯᓂᖓ.

ᐊᔾᔨᓕᐅᕐᓯᒪᔪᒥᑦ ᑐᑭᓯᒋᐊᕈᑏᑦ: ᐃᖃᓗᐃᑦ ᒪᐃᔭᖓᑦ ᓵᓚᒪᓐ ᐊᕙ (ᓴᐅᒥᐊᓂ) ᐊᒻᒪ ᒥᐊᓕᒐᐃᑦ ᑭᒡᒐᖅᑐᐃᔨᒻᒪᕆᖓᑦ ᐋᒻᐹᓴᑐ ᑲᓇᑕᒧᑦ ᑕᐃᕕᑦ ᐃᐅᓪ. ᑰᕼᐊᓐ ᑐᖕᖓᓱᖃᑦᑕᐅᑎᔫᒃ ᑲᑎᒪᖃᑎᒌᓚᐅᖅᑐᑎᒃ ᐃᖃᓗᐃᑦ ᓄᓇᓕᐸᐅᔭᒃᑯᑦ ᐊᓪᓚᕕᖃᕐᕕᖓᓐᓂ. ᐋᒻᐸᓵᑐ ᑰᕼᐊᓐ ᓯᕗᓪᓕᖅᐹᒥ ᓂᐅᕐᕈᒍᑖᓂ ᓄᓇᕘᒧᑦ.  (ᑭᐊᓐᑦ ᑐᕆᔅᑭᐅᓪ/ᓄᓇᓕᐸᐅᔭᐃᑦ ᐃᖃᓗᐃᑦ ᐊᔾᔨᖕᖑᐊᖁᑎᖓ)

##

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ: ᑭᐊᓐᑦ ᑐᕆᔅᑯᓪ ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᑎᔨ 867-979-5607 k.driscoll@iqaluit.ca