ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ − ᖃᑦᑕᓂᑦ ᓴᓗᒻᒪᕐᓴᐃᓂᖅ ᐊᒻᒪ ᐃᒥᕐᒥᒃ ᑯᕕᑎᑦᑎᖃᑦᑕᓂᕐᒥᑦ ᐅᓪᓗᕐᓯᐅᑏᑦ ᐊᒻᒪ ᒪᓕᒐᐃᑦ
ᐋᑦᑑᐸ 22, 2021 – ᐃᖃᓗᐃᑦ, ᓄᓇᕗᑦ
ᒐᕙᒪᒃᑯᑦ ᓄᓇᕗᒻᒥ ᖃᐅᔨᒪᖁᔨᔪᑦ ᓄᓇᓕᕐᒥᐅᑕᓂᑦ ᓄᓇᒃᑰᔫᒃᑯᑦ ᐱᔨᑦᓯᕋᖅᑕᐅᕙᑦᑐᓂᑦ ᑕᐃᒪᐃᓕᐅᕐᓯᒪᖕᖏᒃᑯᑎᒃ ᓱᓕ, ᓴᓗᒻᒪᕐᓴᐃᖁᔭᐅᔪᑦ ᐊᒻᒪ ᐃᒪᐃᔭᕐᓗᒋᑦ ᖃᑦᑕᖏᑦ ᒪᓕᑦᑕᐅᓗᑎᒃ ᐅᓪᓗᕐᓯᐅᑏᑦ ᑎᑎᕋᖅᑕᐅᓯᒪᔪᑦ. ᐊᑦᓱᕉᓴᓗᐊᖁᓇᒋᑦ ᓄᓇᒃᑰᔫᒃᑯᑦ ᐱᔨᑦᓯᕋᖅᑎᐅᔪᑦ ᐃᒻᒪᐃᕙᓪᓕᐊᑎᓪᓗᒋᑦ, ᓄᓇᓕᐸᐅᔭᒃᑯᑦ ᐅᓪᓗᕐᓯᐅᑎᓕᐅᖅᑐᑦ ᖃᖓᒃᑯᑦ ᐃᓪᓗᐃᑦ ᖃᓂᒌᑦᑐᑦ ᐃᒪᐃᔭᐃᔪᓐᓇᕐᒪᖔᑕ ᖃᑦᑕᒥᓂᒃ ᓴᓗᒻᒪᓴᐃᓗᑎᒃ. ᓄᓇᓕᕐᒥᐅᑕᐃᑦ ᓱᓪᓗᓕᒃᑯᑦ ᐃᒻᒪᖃᖅᑎᑕᐅᕙᑦᑐᑦ ᐃᒪᐃᔭᐃᖁᔭᐅᓛᕐᒥᔪᑦ ᓱᓪᓗᓕᓐᓂᑦ ᐃᒥᕐᒧᑦ ᐊᒻᒪ ᖃᑦᑕᖏᓐᓂᑦ ᐅᕙᑦᓯᐊᕈᒃᑲᓐᓂᖅ.
ᓄᓇᓕᕐᒥᐅᑕᐃᑦ ᒐᕙᒪᒃᑯᑦ ᓄᓇᕗᒻᒥ ᐃᓪᓗᖃᖅᑎᑕᖏᑦ ᐊᑦᑐᖅᑕᐅᓯᒪᔾᔮᖏᑦᑐᑦ ᐅᓗᕐᓯᐅᑎᒧᑦ, ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᐱᓕᕆᖃᑎᖃᕐᒪᑕ ᒐᕙᒪᒃᑯᓐᓂᑦ ᓄᓇᕗᒻᒥ ᐱᔾᔪᑎᒋᓪᓗᒋᑦ ᐃᓪᓗᖁᑎᖏᑦ.
ᐱᓕᕆᔾᔪᑎᑦᓴᑦ ᓴᓗᒻᒪᕐᓴᐃᓂᒃᑯᑦ ᐊᒻᒪ ᐃᒪᐃᔭᐃᓂᒃᑯᑦ ᖃᑦᑕᓂᑦ:
ᐱᓕᕆᐊᑦᓴᖅ 1: ᓇᓗᓇᐃᕐᓗᒍ ᓇᒦᒻᒪᖔᖅ ᐃᓪᓗᐃᑦ ᐅᓪᓗᕐᓯᐅᑎᒍᑦ ᑎᑎᕋᕐᓯᒪᔪᓂᑦ
ᐱᓕᕆᐊᑦᓴᖅ 2: ᖃᑦᑕᐃᑦ ᐃᒪᐃᔭᕐᓯᒪᒋᐊᓕᒃ ᓯᕿᖕᖑᔭᑎᒍᑦ 10-ᒥ ᐅᓪᓛᒃᑯᑦ ᐅᓪᓗᖓᓂ ᓇᓗᓇᐃᕐᓯᒪᔪᒥ. ᑕᑯᒃᑭᑦ ᐃᒪᐃᔭᐃᓕᕈᕕᑦ ᐊᑐᖅᑕᐅᒋᐊᓖᑦ ᑎᑎᕋᕐᓯᒪᔪᑦ.
ᐱᓕᕆᐊᑦᓴᖅ 3: ᒪᑑᑉ ᑎᒍᓪᓕᕕᖓᓄᑦ ᓂᕕᖕᖓᕆᐊᓕᒃ ᓯᓚᑖᑦᑐᒧᑦ − ᐆᔭᐅᔭᕐᒥᑦ ᐊᒥᐊᓕᒃ ᑕᑯᑦᓴᐅᓗᓂ.
ᐅᑯᐊ ᐊᑐᖅᑕᐅᒋᐊᓖᑦ ᑭᓯᐊᓂ ᓄᓇᓕᕐᒥᐅᑕᓄᑦ ᓄᓇᒃᑰᔫᒃᑯᑦ ᐱᔨᑦᓯᕋᖅᑕᐅᔪᓄᑦ.
ᐃᒪᐃᔭᐃᓂᕐᒥᑦ ᐅᓪᓗᕐᓯᐅᑎ (ᒪᕐᕉᒃ ᐅᓪᓘᒃ ᐃᒪᐃᔭᐃᕕᐅᒍᓐᓇᓛᖅᑑᒃ)
- ᓈᑦᓯᐅᖑᔭᓛᕐᓂᐊᖅ, ᐋᑦᑑᐸ 23, 2021 − ᓂᐊᖁᖕᖒᑎᓂ ᐊᒻᒪ ᖃᖅᑲᓕᐊᕆᐊᖅ ᐊᑐᕆᐊᕐᒦᑦᑐᑦ (ᓈᓴᐅᑎᓖᑦ 1300-ᓂᑦ - 1800-ᓄᑦ)
- ᓈᑦᓯᐅᖑᔭᖅ, ᐋᑦᑑᐸ 24, 2021 – 2400-ᓂᑦ, 2500-ᓂᑦ, 2600-ᓂᑦ, ᕼᐋᐱ ᕚᓕ, ᐃᖃᓗᓐᓂ ᐊᑦᓯᓂᕐᓴᐃᑦ ᐊᒻᒪ ᑰᓕᐊᕆᐊᒥᐅᑕᐃᑦ
ᑕᐃᒃᑯᓄᖓ ᐱᔪᓐᓇᕐᓯᓚᐅᖏᑦᑐᓄᑦ ᐋᑦᑑᐸ 23-24 ᐅᓪᓗᕐᓯᐅᑎᒍᑦ. ᐅᑯᐊ ᐅᓪᓗᐃᑦ ᐊᑐᖅᑕᐅᔪᓐᓇᖅᑐᑦ.
- ᓈᑦᓯᐅᖑᔭᓛᕐᓂᐊᖅ, ᐋᑦᑑᐸ 30, 2021 − ᓂᐊᖁᖕᖒᑎᓂ ᐊᒻᒪ ᖃᖅᑲᓕᐊᕆᐊᖅ ᐊᑐᕆᐊᕐᒦᑦᑐᑦ (ᓈᓴᐅᑎᓖᑦ 1300-ᓂᑦ - 1800-ᓄᑦ)
- ᓈᑦᓯᐅᖑᔭᖅ, ᐋᑦᑑᐸ 31, 2021 – 2400-ᓂᑦ, 2500-ᓂᑦ, 2600-ᓂᑦ, ᕼᐋᐱ ᕚᓕ, ᐃᖃᓗᓐᓂ ᐊᑦᓯᓂᕐᓴᐃᑦ ᐊᒻᒪ ᑰᓕᐊᕆᐊᒥᐅᑕᐃᑦ
ᐅᓪᓗᕐᓂ ᐃᓪᓗᐃᑦ ᐱᖃᑕᐅᒋᐊᖃᓕᖅᑎᓪᓗᒍ ᐃᒪᐃᔭᐃᓂᒃᑯᑦ, ᐊᑏ ᖃᑦᑕᕕᑦ ᐃᓗᐊ ᐸᓂᕐᓯᒪᑦᑎᐊᕆᐊᖃᓛᖅᑐᖅ. ᐃᒪᐃᔭᕐᓯᒪᑦᑎᐊᓕᖅᐸᑦ ᖃᑦᑕᐃᑦ, ᖃᒥᒋᐊᖃᓛᕐᒥᔭᐃᑦ ᐃᒥᕐᒧᑦ ᒥᓪᓗᐊᕈᑎᖓ ᐃᓗᐊᓃᑦᑐᖅ ᐃᓪᓗᕕᑦ.
ᐃᒪᐃᔭᐃᕕᒋᔪᓐᓇᖅᑐᓯᓐᓂ ᐅᓪᓗᕐᒥ ᐊᒻᒪ ᓯᕿᖕᖑᔭᒃᑯᑦ, ᐅᑯᐊ ᒪᓕᒋᐊᓖᑦ ᐃᒪᐃᔭᐃᓂᕐᒥᑦ ᖃᑦᑕᓂᑦ ᒪᓕᒐᐃᑦ:
ᐃᒪᐃᔭᐃᓂᖅ ᖃᑦᑕᕐᓂ:
- ᑯᕕᑎᑦᑎᓂᖅ ᓂᓪᓕᓇᖅᑐᒥᑦ ᐃᒥᕐᒥᒃ ᑯᕝᕕᕕᓐᓂᑦ
- ᓱᓇᑐᐃᓐᓇᕐᓄᑦ ᖃᓂᑦᓴᕆᐊᖃᖕᖏᑦᑐᑦ ᓴᓗᒻᒪᕐᓴᐃᑎᓂᑦ ᐴᖅᑲᐃᕕᐅᓂᐊᖅᑐᑦ (ᓲᕐᓗ, ᑲᖕᖔᑎᑦᓯᔾᔪᑎᒥᑦ, ᐃᒥᕐᒥᒃ ᐊᕿᓪᓕᓴᐅᑎᒥᑦ), ᓯᕗᓂᐊᒍᑦ ᐃᒪᐃᔭᖅᑕᐅᓚᐅᖏᓐᓂᖓᓂ.
- ᐊᑐᖅᑕᐅᓂᐊᖅᑐᒥᑦ ᑲᖕᖔᑎᑦᓯᔾᔪᑎᖃᖅᐸᑦ, ᐲᕐᓗᒍ ᑲᖕᖔᑎᑦᓯᔾᔪᑎᐅᑉ ᐴᖓ ᐊᒻᒪ ᑭᖑᕝᕕᕐᓗᒍ ᓄᑖᒧᑦ ᐃᒪᐃᔭᖅᑕᐅᓚᐅᖅᑎᓪᓗᒍ (ᓲᕐᓗ, ᐸᐅᕐᒧᑦ ᑲᖕᖔᑎᑦᓯᔾᔪᑎ ᑕᕆᐅᕐᒥᑦ ᐃᒥᓕᐅᕈᑎᒥᑦ ᐊᑐᖅᑐᓄᑦ).
- ᓂᓪᓕᓇᖅᑐᒥᑦ ᑯᕝᕕᕕᒃ ᐱᒋᐊᕈᑎᒋᓗᒍ ᖃᓂᑦᓴᓂᖅᐹᖑᔪᖅ ᐃᓪᓗᒧᑦ ᐃᓯᕐᕕᒻᒧᑦ. ᑕᐃᒪ ᐊᓯᖏᑦ ᑯᕕᑎᑉᐸᓪᓕᐊᓕᕐᓗᒋᑦ ᓂᓪᓕᓇᖅᑐᒥᑦ ᑯᕕᓯᔾᔪᑎᐅᔪᑦ ᐃᓪᓗᒧᑦ ᐃᓯᕐᕕᒻᒥᑦ ᐅᖓᓯᓪᓕᕙᓪᓕᐊᓗᑎᑦ ᐱᖃᓯᐅᔾᔭᐅᓗᑎᒃ ᐅᕕᓂᓐᓂᐊᕐᕕᒻᒧᑦ ᑯᕕᓯᔾᔪᑏᒃ. ᑯᕕᑎᒋᐊᓕᒃ ᐃᒥᖅ 20 ᒪᓇᑦᓯᓂᑦ.
- ᐲᕐᓗᒋᑦ ᐊᒻᒪ ᓴᓗᒻᒪᓴᕐᓗᒋᑦ ᑯᕝᕕᕕᖏᑕ ᓴᓐᓂᔭᐃᒃᑯᑎᖏᑦ ᐊᔪᕐᓇᖏᑉᐸᑦ.
- ᐅᕕᓂᓐᓂᐊᕐᕕᒃ ᑯᕝᕕᕕᖃᖅᐸᑦ ᐊᒻᒪ ᑎᒻᒥᑳᓲᒥᒃ ᐅᕕᓂᓐᓂᐊᕈᑎᖃᖅᐸᑦ, ᑯᕝᕕᕕᖓᒍᑦ ᑯᕕᑎᒋᐊᓕᒃ.
- ᑯᕕᑎᓪᓗᒋᑦ ᖁᕝᕖᑦ ᐊᑕᐅᓯᐅᖏᑉᐸᑦ ᐊᑕᐅᓯᐊᕐᓗᒋᑦ.
- ᑯᕕᑎᑕᐃᓐᓇᕆᓗᒋᑦ ᓯᓚᒥ ᑯᕝᕕᕕᐅᔪᑦ 10 ᒪᓇᑦᓯᓂᑦ.
- ᑯᕕᑎᑕᐅᔭᕇᖅᐸᑕ ᑯᕝᕕᕖᑦ, ᐅᕕᓂᓐᓂᐊᕐᕕᐅᑉ ᑎᒻᒥᑳᔫᖓ ᐅᕕᓂᓐᓂᐊᕈᑎ ᑯᕕᑎᓕᕐᓗᒍ ᑕᐃᒪᐃᑦᑐᖃᕈᑦᓯ.
- ᐃᒪᐃᔭᐃᓂᖅ ᐊᑐᖅᑐᒋᑦ ᐆᓇᖅᑐᒥᑦ ᐃᒥᕐᒥᒃ ᑯᕝᕕᕖᑦ ᐊᒻᒪ ᐃᒥᕐᒥᒃ ᐆᓇᖅᑐᒃᑯᕕᒃ ᐅᖅᑰᓴᐅᑦ (ᖃᑦᑕᒥᑦ ᐅᕝᕙᓘᓐᓃᑦ ᑯᕕᑦᑕᐅᑎᒋᔪᓂᑦ)
- ᑯᕕᑎᓪᓗᒋᑦ ᐆᓇᖅᑐᒧᑦ ᐃᒥᕐᒧᑦ ᑯᕝᕕᕖᑦ, ᐱᒋᐊᕐᓗᓯ ᖃᓂᑦᓴᓛᒥᑦ ᐃᒥᕐᒥᒃ ᐆᓇᖅᑐᒃᑯᕕᒃ ᐅᖅᑰᓴᐅᒻᒥᑦ ᐊᒻᒪ ᐊᓯᖏᑦ ᑯᕝᕕᕖᑦ ᑯᕕᑎᓕᕐᓗᒋᑦ.
- ᐅᕕᓂᓐᓂᐊᕐᕕᒃ ᓱᓪᓗᑯᑖᖃᖅᐸᑦ ᐊᒻᒪ ᑎᒻᒥᑳᓲᒥᑦ ᐅᕕᓂᓐᓂᐊᕈᑎᒥᑦ, ᑯᕕᑎᖅᑳᕆᐊᓕᒃ ᑎᒻᒥᑳᖅᑐᖅ. ᑯᕕᑎᑕᐃᓐᓇᕆᓚᐅᕐᓗᒋᑦ ᑯᕝᕕᕕᓕᒫᑦ, ᐅᕕᓂᓐᓂᐊᕐᕕᐅᑉ ᑯᕝᕕᕕᖓᒍᑦ ᑯᕕᑎᓕᕐᓗᒍ 2 ᒪᓇᑦᓯᓂᑦ.
- ᑯᕕᑎᑕᐅᒋᐊᓕᒃ ᖃᑦᑕᖅ 75 ᒪᓇᑦᓯᓄᑦ ᐃᒪᐃᕋᓱᐊᕐᓂᖓᓂ.
- ᓱᑲᑎᓕᕐᓗᒋᑦ ᑯᕝᕕᕕᓕᒫᑦᑎᐊᑦ.
- ᓴᓗᒻᒪᕐᓴᐃᓂᖅ ᓱᓇᒃᑯᑖᓂᑦ (ᐱᔭᕇᖅᑕᐅᒋᐊᓖᑦ ᓱᓪᓗᓕᖏᑦ ᑯᕕᑎᑕᐅᓚᐅᖅᑎᓪᓗᒋᑦ)
- ᐊᐅᓚᑎᒋᐊᓖᒃ ᓂᕐᕆᑎᓂᑦ ᐅᐊᓴᕐᕕᒃ ᐊᒻᒪ ᐊᓐᓄᓈᓂᑦ ᐅᐊᓴᕐᕕᒃ ᐊᑕᐅᓯᐊᕐᓗᓂ.
- ᑭᖑᕝᕕᑕᐃᓐᓇᕆᓗᒋᑦ ᐃᓘᓐᓇᑎᒃ ᐃᒥᕐᒧᑦ ᑲᖕᖔᑎᑦᓯᔾᔪᑎᐅᔪᑦ ᐊᒻᒪ ᓴᓗᒻᒪᓴᕐᓗᒍ ᐅᕝᕙᓘᓐᓃᑦ ᑭᖑᕝᕕᕐᓗᒋᑦ ᓴᓗᒻᒪᕐᓴᐃᑎᐅᔪᑦ (ᓲᕐᓗ, ᐃᓪᓘᑉ ᐃᓗᐊᓃᑦᑐᓕᒫᑦ ᑲᖕᖔᑎᑦᓯᔾᔪᑎᖏᑦ, ᖁᐊᒃᑯᕕᒻᒦᑦᑐᖅ, ᐆᒻᒪᖅᑯᑎᓕᕆᓂᕐᒧᑦ ᐊᑐᖅᐸᑦᑐᑦ, ᐃᒥᕐᒥᑦ ᖃᑦᑕᒧᑦ ᑲᖕᖔᑎᑦᓯᔾᔪᑏᑦ, ᐊᓯᖏᓪᓗ) ᐃᒪᐃᔭᖅᑐᐃᓐᓇᐅᔭᕇᖅᐸᑕ. ᑕᕆᐅᕐᒥᑦ ᐃᒥᓕᐅᕈᑏᑦ ᐱᑕᖃᕋᔪᑉᐸᑦᑐᑦ ᐸᐅᕐᒧᑦ ᑲᖕᖔᑎᑦᓯᔾᔪᑎᓂᑦ ᑭᖑᕝᕕᖅᑕᐅᔪᓐᓇᖅᑐᒥᑦ.
- ᖁᐊᒃᑯᕕᐅᑉ ᐃᒥᖃᕐᕕᖓ ᑯᕕᑎᒋᐊᓕᒃ 5 ᒪᓇᑦᓯᓂᑦ.
- ᓂᓚᓕᐅᕈᑎ ᐃᓗᓖᔭᕐᓗᒍ; ᐊᐅᓚᑎᑲᐃᓐᓇᕐᓗᒍ ᓂᓚᓕᐅᕈᑎᖓ ᐊᒻᒪ ᒪᕐᕈᐊᑎᕐᓗᒋᑦ ᓂᓚᓕᐊᖏᑦ ᐃᒋᖃᑦᑕᕐᓗᒋᑦ.
- ᑏᓕᐅᕈᑏᑦ, ᑳᐱᓕᐅᕈᑏᑦ ᐊᒻᒪ ᐊᓯᖏᑦ ᒥᑭᔫᑏᑦ ᓱᓇᑐᐃᓐᓇᐃᑦ ᐃᒥᕐᒧᑦ ᐊᑐᖅᑕᐅᕙᑦᑐᑦ ᓴᓗᒻᒪᓴᖅᑕᐅᒋᐊᓖᓐᓇᐃᑦ.
- ᐅᐊᓴᕋᑦᓴᐅᓂᖏᑦ ᓱᓇᑐᐃᓐᓇᕐᓄᑦ ᐃᓚᒋᔭᐅᕙᑦᑐᑦ ᓲᕐᓗ ᐃᒥᒃᑯᕕᐅᔪᑦ ᐊᑐᕐᓗᑎᑦ ᐅᐊᓴᐅᒻᒥᑦ ᐊᒻᒪ ᐃᒥᕐᒥᒃ ᐊᒻᒪ ᐃᕐᕈᑐᑦᓯᐊᐸᓪᓗᒋᑦ.
- ᐱᔭᑦᓴᐅᖏᓐᓂᖏᓐᓂ ᑯᕕᑎᑦᓯᒋᕙᓪᓗᒋᑦ ᐃᒥᕐᒥᒃ ᒪᕐᕈᐊᑎᕐᓗᒋᑦ ᐆᕝᕙᓘᓐᓃᑦ ᐊᒥᓱᐊᖅᑎᓂᕐᓴᐅᓗᑎᑦ ᐃᓗᓕᒫᖏᑦ.
- ᐃᒥᕐᒧᑦ ᖃᑦᑕᕋᓛᑦ ᑲᖕᖔᑎᑦᓯᔾᔪᑎᖏᑦ ᓴᓗᒻᒪᕐᓴᕋᑦᓴᐃᑦ.
- ᐊᒡᒐᒻᒧᑦ ᐅᐊᓴᕐᓗᒋᑦ ᐃᒥᒃᑯᕕᐅᔪᑦ ᐊᒻᒪ ᑲᖕᖔᑎᑦᓯᔾᔪᑎᖏᑕ ᐴᖏᑦ ᐊᒻᒪ ᐃᕐᕈᑐᑦᓯᐊᐸᓪᓗᒋᑦ.
- ᑲᖕᖔᑎᑦᓯᔾᔪᑎ ᑭᖑᕝᕕᕐᓗᒍ.
- ᐃᒥᕐᒥᒃ ᐳᔫᓲᑦ ᓴᓗᒻᒪᕐᓴᕋᑦᓴᐃᑦ.
- ᐅᐊᓴᕐᓗᒍ ᖃᑦᑕᖓ ᓂᕐᕆᑎᓄᑦ ᐅᐊᓴᐅᒻᒥᑦ ᐊᑐᕐᓗᓯ ᐊᒻᒪ ᓴᓗᒪᔪᒥᑦ ᐃᒥᕐᒥᒃ ᐊᒻᒪ ᐃᕐᕈᑐᑦᓯᐊᐸᓪᓗᒋᑦ.
- ᐊᓯᔾᔨᕐᓗᒍ ᑲᖕᖔᑎᑦᓯᔾᔪᑎᖓ ᐅᕝᕙᓘᓐᓃᑦ ᒪᓂᖓ ᒪᓕᓪᓗᒋᑦ ᓴᓇᔪᕕᓂᐅᑉ ᒪᓕᒐᖏᑦ.
ᓴᓗᒻᒪᕐᓴᐃᓂᖅ ᐊᖏᕐᕋᒥ ᖃᑦᑕᓂᒃ ᐃᒥᕐᒧᑦ
ᐱᓕᕆᔾᔪᑎᑦᓴᐃᑦ ᓴᓗᒻᒪᕐᓴᐃᓂᐊᖅᑐᓄᑦ ᐃᒥᕐᒧᑦ ᖃᑦᑕᓂᑦ/ᐃᒥᖃᐅᑎᓂᑦ ᐅᑯᐊ:
- ᑯᕕᑎᓪᓗᒍ/ᐃᒪᐃᔭᕐᓗᒍ ᖃᑦᑕᖅ:
- ᓯᓚᑖᓃᑦᑐᖅ ᑯᕕᑎᑦᓯᔾᔪᑎ ᐊᒻᒪ ᑯᕕᑎᑦᑎᐊᕐᓗᒍ ᐃᓗᐊ ᐃᒪᖃᖕᖏᑦᓯᐊᓕᕐᓗᓂ. ᖃᑦᑕᐃᑦ ᐃᓗᐊᒍᑦ ᑯᕕᓯᔾᔪᑎᖃᖅᐸᑦ ᐃᕐᕈᐃᑎᒥᑦ, ᐊᑐᖁᔪᖅ ᐃᒪᐃᔭᐃᒍᑎᒋᓗᒍ.
- ᓴᓗᒻᒪᕐᓴᐃᓂᖅ/ᓴᓗᒻᒪᓴᐃᑦᓯᐊᕐᓂᖅ ᐃᓘᓐᓇᖏᓐᓂᑦ ᓱᓇᑐᐃᓐᓇᐃᑦ ᐃᓗᐊᓃᑦᑐᓂᑦ:
- ᓂᕐᕆᑎᓄᑦ ᐅᐊᓴᐅᑎᒥᑦ ᐊᑐᖅᐸᓪᓗᓯ ᐊᒻᒪ ᐃᒥᕐᒥᒃ ᓴᓗᒻᒪᕐᓴᐃᑎᒋᓂᐊᕐᓗᒍ ᐃᓗᓕᒫᑦᑎᐊᖓᓂᑦ ᖃᑦᑕᐅᑉ. ᓴᓗᒻᒪᓴᕐᓯᐊᕋᑦᓴᖅ ᐊᑐᕐᓗᓂ ᐲᔭᐃᑎᓕᒻᒥᑦ ᐃᓪᓚᐃᒍᑎᐅᔭᕐᒥᑦ ᐅᕝᕙᓘᓐᓃᑦ ᓴᖕᖏᔪᒥᑦ ᑯᕕᓯᔾᔪᑎᓕᒻᒥᑦ ᓱᓪᓗᓕᒻᒥᑦ.
- ᐊᑐᕐᓗᓂ ᓄᑖᒥᑦ ᐅᕝᕙᓘᓐᓃᑦ ᓴᓗᒪᔪᒥᑦ (ᓇᑎᓕᐅᕆᐅᑏᓐᓂᒃ ᐅᕝᕙᓘᓐᓃᑦ ᑕᑭᔪᑯᑖᒥᑦ ᐃᓪᓚᐃᒍᑎᐅᔭᕐᒥᑦ ᐊᑐᖁᔪᖅ), ᐃᓗᓕᒫᑦᑎᐊᖓ ᓴᓗᒻᒪᓴᑦᓯᐊᕐᓗᒍ.
- ᐃᓪᓚᐃᒍᑎᐅᔭᓕᒻᒥᑦ ᓇᐸᕈᑎᑯᑖᒧᑦ ᐊᑲᐅᓂᕐᓴᐅᑐᐃᓐᓇᕆᐊᓕᒃ ᐃᓗᐊ ᖃᑦᑕᐅᑉ ᓴᓗᒻᒪᕐᓴᕐᓂᐊᕐᓗᒍ. ᓯᓚᑖᓃᑦᑐᖅ ᑯᕝᕕᕕᒃ ᒪᑐᐃᖓᑎᓪᓗᒍ ᓴᓗᒻᒪᕐᓴᐃᑎᓪᓗᑎᑦ.
- ᐃᕐᕈᖅᑐᐃᓂᖅ ᐃᓗᐊᓃᑦᑐᓂᑦ ᓱᓇᑐᐃᓐᓇᐃᑦ
- ᐃᕐᕈᑐᕐᓗᒋᑦ ᐃᓘᓐᓇᑎᒃ ᐃᓗᐊᓃᑦᑐᑦ ᓱᓇᑐᐃᓐᓇᐃᑦ ᐅᐊᓴᐅᑎᖏᑦ ᓄᖑᓴᑦᑎᐊᖁᓪᓗᒋᑦ. ᐊᑐᖅᑐᓂ ᓴᖕᖏᔪᒥᑦ ᑯᕕᓯᔾᔪᑎᒥᑦ ᓱᓪᓗᓕᒻᒥᑦ ᐅᕝᕙᓘᓐᓃᑦ ᐃᒥᕐᒧᑦ ᑯᕕᓯᔾᔪᑎᒥᑦ ᓴᖕᖏᔪᒥᑦ ᐱᔭᕆᐊᑭᓐᓂᕐᓴᐅᔪᓐᓇᖅᑐᖅ ᑕᒪᓐᓇ.
- ᐃᒪᐃᔭᑦᑎᐊᕐᓗᒍ ᖃᑦᑕᐅᑉ ᐃᓗᐊ ᐊᒻᒪ ᑯᕕᑎᑦᓯᕕᒋᓕᕐᓗᒍ ᐃᓗᐊ ᐃᒥᑦᑎᐊᕙᒻᒧᑦ (ᓴᓗᒻᒪᓴᕐᓯᒪᔪᒧᑦ) ᐃᒥᕐᒧᑦ. ᐃᒪᐃᔭᑐᐃᓐᓇᕐᓗᒍ ᖃᑦᑕᖅ ᐅᐊᓴᐅᑎᖃᖅᑑᔮᕈᓐᓃᖅᐸᑦ ᐃᓗᐊ ᑭᓯᐊᓂ ᓄᖅᑲᐅᑎᓗᒍ.
- ᖃᐅᔨᓴᑦᑎᐊᕐᓗᒍ ᐃᓗᐊ ᓴᓗᒻᒪᑦᓯᐊᕋᓗᐊᕐᒪᖔᖅ ᓴᓂᐅᖏᓪᓗᓂ ᓱᓇᑐᐃᓐᓇᕐᒧᑦ.
- ᐃᒻᒪᑦᑕᐅᑎᓕᕐᓗᒍ ᖃᑦᑕᖅ ᓴᓗᒻᒪᓴᕐᓯᒪᔪᒧᑦ ᐃᒥᕐᒧᑦ ᐊᑐᖅᑕᐅᓛᑐᐃᓐᓇᖅᑐᖅ.
ᐃᒪᐃᔭᕐᓯᒪᓕᕈᕕᐅᒃ ᐊᒻᒪ ᓴᓗᒻᒪᓴᕐᓯᒪᓕᖅᑐᒍ ᖃᑦᑕᐃᑦ ᐊᒻᒪ ᒥᓪᓗᐊᕈᑎᖓ ᖃᒥᓯᒪᓕᖅᑐᒍᑦ, ᐊᑏ ᐊᓯᔾᔨᕐᓂᐊᖅᑲᐃᑦ ᒪᑐᕕᑦ ᑎᒍᓪᓕᕕᖓᓃᑦᑐᖅ ᐊᒥᐊᓕᒃ ᐆᔭᐅᒥᑦ ᑕᑯᑦᓴᐅᓗᒍ ᓯᓚᒻᒧᑦ. ᓇᓗᓇᐃᒃᑯᑎᐅᓂᐊᖅᑐᖅ ᓄᓇᓕᐸᐅᔭᒃᑯᓐᓄᑦ ᖃᑦᑕᐃᑦ ᐃᒪᐃᔭᕐᓯᒪᓕᕐᒪᑦ ᐊᒻᒪ ᐃᒻᒪᑦᑕᐅᔪᓐᓇᕐᓯᓪᓗᓂ.
ᖃᐅᔨᒪᒋᐊᓕᒃ ᑖᒃᑯᓇᓂ ᐱᓇᓱᐊᕈᓰᑦ ᓄᖕᖑᖏᓐᓂ ᐅᖄᓚᕕᑦᓴᐅᓛᖏᒻᒪᑦ ᐃᒻᒪᑦᑕᐅᒍᒪᔪᓄᑦ.
ᑐᑭᓯᒋᐊᒃᑲᓐᓂᕐᕕᑦᓴᖅ ᐃᖅᑲᓇᐃᔭᕐᓇᐅᑎᓪᓗᒍ ᐅᓇ:
ᔭᕗᕆ ᐴᕐᓐ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᑎᔨᐅᑲᐃᓐᓇᖅᑐᖅ
867-979-5619 | g.byrne@iqaluit.ca
