ᓄᓇᓕᐸᐅᔭᐃᑦ ᐃᖃᓗᐃᑦ

ᓄᓇᓕᐸᐅᔭᐃᑦ ᐃᖃᓗᐃᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᕿᓂᓕᕐᒥᔪᖅ ᓄᓇᓕᕐᓂᒥᐅᑕᓂᑦ ᐃᓚᒋᔭᐅᔪᒪᒐᔭᖅᑐᓂᒃ ᐅᑯᓇᓂ ᑲᑎᒪᔨᕋᓚᓂ:
ᑲᑎᒪᔨᕋᓛᑦ (ᑲᑎᒪᕙᑦᑐᑦ ᑕᖅᑭᑕᒫᑦ)
 ᓂᒃᓰᑦ (ᐊᑕᐅᓯᖅ)
 ᐱᖕᖑᐊᖅᑐᓕᕆᓂᖅ (ᐱᖓᓱᑦ)
 ᑭᒃᑯᑐᐃᓐᓇᕐᓂᑦ ᐊᑦᑕᓇᑦᑕᐃᓕᒪᔪᓕᕆᓂᖅ (ᐊᑕᐅᓯᖅ)
ᑲᑎᒪᔨᕋᓛᖑᑲᐃᓐᓇᐸᑦᑐᑦ (ᑲᑎᒪᕙᑦᑐᑦ ᑲᑎᒪᐅᑎᖃᕆᐊᖃᓕᕋᐃᒐᒥᒃ ᐅᕝᕙᓘᓐᓃᑦ ᒪᓕᑦᑐᑎᒃ ᒪᓕᒐᕐᓂᒃ ᐅᕝᕙᓘᓐᓃᑦ ᒪᓕᒐᕋᓛᓂᒃ)
 ᑲᑎᒪᔩᑦ ᓄᓇᓕᕆᔾᔪᑎᓕᕆᓂᕐᒥᑦ (ᐊᑕᐅᓯᖅ)
ᐊᑕᐅᓯᐅᓗᐊᓄᑦ ᑲᑎᒪᔨᕋᓛᓄᑦ ᐃᓚᒋᔭᐅᓇᓱᐊᕈᓐᓇᖅᑐᓯ. ᐃᓚᒋᔭᐅᔪᒪᓂᐊᖅᑐᑦ ᓯᑎᒃᑯᓐᓄᑦ ᐊᑭᓕᑦᓴᖃᓗᐊᕆᐊᖃᖕᖏᑦᑐᑦ ᐅᕝᕙᓘᓐᓃᑦ ᐊᑯᓂᐅᓗᐊᖅᑐᖅ ᐊᑭᓕᑦᓴᖃᕆᐊᖃᖕᖏᑦᑐᑦ (ᐅᖓᑖᓃᒋᐊᖃᖕᖏᑦᑐᑦ ᐊᑭᓕᑦᓴᐃᑦ $500). ᑲᑎᒪᓂᖅᑕᒫᑦ ᐊᑭᓕᖅᑕᐅᕙᑦᑐᑦ $100-ᓂᑦ ᑮᓇᐅᔭᒃᑯᕕᒻᒨᑦᑕᐅᑎᒋᔭᖅᑐᓂᒃ. ᓰᑏᐱᕆ 14-ᒥ ᒪᑐᓛᖅᑐᖅ ᐱᓇᓱᐊᕐᓂᖅ; ᐃᓚᒋᔭᐅᓇᓱᐊᕈᑏᑦ ᐊᐃᔭᐅᔪᓐᓇᖅᑐᑦ ᓯᑎᒃᑯᓐᓂᒃ ᐅᕝᕙᓘᓐᓃᑦ ᐅᕗᖓ ᑎᑎᕋᕐᓗᓯ ᐃᕐᖐᓇᖅᑕᐅᑎᒧᑦ admin@city.iqaluit.nu.ca. ᐃᓚᒋᔭᐅᓇᓱᐊᕈᑎᑦᓴᓄᑦ ᐱᖃᓯᐅᔾᔨᒋᐊᓖᑦ ᐅᓂᒃᑳᑦ ᐃᓕᓐᓂᐊᕈᑎᐅᓯᒪᔪᓂᒃ ᐱᓕᕆᐊᖑᓯᒪᔪᓂᓪᓗ.
ᑐᑭᓯᒋᐊᕐᕕᑦᓴᖅ ᖃᐅᔨᒋᐊᕐᓗᒍ ᓯᑎᒃᑯᑦ ᐊᓪᓚᑦᑎᖓ ᐅᕗᖓ ᐅᖄᓚᐅᑎᒃᑯᑦ 979-5667 ᐅᕝᕙᓘᓐᓃᑦ ᑎᑎᖅᑲᒃᑯᑦ admin@city.iqaluit.nu.ca