ᓄᓇᓕᐸᐅᔭᐃᑦ ᐊᑦᓯᕕᖓᑦ ᐃᒋᑦᓯᕕᑦᓴᐅᓕᕐᒥᔪᖅ ᕿᔪᓐᓂᑦ ᐊᒻᒪ ᑎᒋᖓᔪᓂᑦ ᐸᐃᑉᐹᓂᑦ ᐴᒥᓂᕐᓂᒃ ᓴᓂᕐᓂᒃ

 

 

 

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

 

ᓄᓇᓕᐸᐅᔭᐃᑦ ᐊᑦᓯᕕᖓᑦ ᐃᒋᑦᓯᕕᑦᓴᐅᓕᕐᒥᔪᖅ ᕿᔪᓐᓂᑦ ᐊᒻᒪ ᑎᒋᖓᔪᓂᑦ ᐸᐃᑉᐹᓂᑦ ᐴᒥᓂᕐᓂᒃ ᓴᓂᕐᓂᒃ

 

ᐋᑦᑑᐸ 14, 2016 (ᐃᖃᓗᐃᑦ, ᓄᓇᕗᑦ)  - ᓄᓇᓕᐸᐅᔭᒃᑯᑦ ᐃᖅᑲᐃᑎᑦᓯᔪᒪᔪᑦ ᓄᓇᓕᓐᓂᒥᐅᑕᓂᑦ ᐊᑦᓯᕕᒻᒧᑦ ᐃᒋᑦᓯᔪᓐᓇᕋᑦᓯ ᓴᓂᕐᓂᒃ ᕿᔪᓐᓂᒃ ᐊᒻᒪ ᑎᒋᖓᔪᓂᑦ ᐸᐃᑉᐹᓂᑦ ᐴᒥᓂᕐᓂᒃ.  ᐊᑦᓯᕕᒃ ᒪᑐᐃᖓᕙᑦᑐᖅ ᓇᒡᒋᔾᔭᐅᒥᑦ ᑕᓪᓕᒥᕐᒧᑦ, ᒪᑐᐃᖅᑐᓂ 8-ᒥ ᐅᓪᓛᒃᑯᑦ 2-ᒧᕋᓱᓐᓂᖓᓂ ᐅᓐᓄᓴᒃᑯᑦ (ᖁᓛᓂ ᒪᑐᐃᖓᕙᒻᒥᔪᖅ), ᐊᒻᒪ ᓈᑦᓯᐅᖑᔭᓛᕐᓂᐊᒥ, ᒪᑐᐃᖅᑐᓂ 8-ᒥ ᐅᓪᓛᒃᑯᑦ ᖁᓛᓄᓄᑦ 12-ᒧᑦ, ᒪᑐᑲᐃᓐᓇᖅᑐᓂ 1-ᒨᕋᓱᓐᓂᖓᓂ ᐅᓐᓄᓴᒃᑯᑦ 1-ᒥ ᒪᑐᐃᕐᓗᓂ 5-ᒥ ᒪᑐᓗᓂ ᐅᓐᓄᓴᒃᑯᑦ.

 

ᓄᓇᓕᓐᓂᒥᐅᑕᐃᑦ ᐃᖅᑲᐃᑎᑕᐅᒋᕗᑦ ᓴᓃᑦ ᕿᔪᐃᑦ, ᑎᒋᖓᔪᐃᑦ ᐸᐃᑉᐹᑦ, ᐊᓯᖏᓪᓗ ᓴᓃᑦ ᐃᒋᑕᐅᒋᐊᖃᖅᐸᒻᒪᑕ ᐃᒋᑦᓯᕕᓐᓄᑦ ᓇᓗᓇᐃᔭᕐᓯᒪᔪᓄᑦ.

 

ᕿᔪᐃᑦ ᐅᒥᐊᕐᔪᐊᒃᑯᑦ ᓱᓇᒃᑯᑖᒃᑯᕕᒥᓃᑦ ᓱᕋᐃᔭᕐᓯᒪᒋᐊᓖᑦ, ᐊᒻᒪ ᐊᐅᑦᑕᔫᖑᓂᖏᑦ ᐊᒻᒪ ᓴᕕᕋᔭᐅᓂᖏᑦ ᐃᓚᓕᐅᑎᓯᒪᖕᖏᓪᓗᑎᒃ ᕿᔪᓐᓄᑦ ᓴᓂᕐᓄᑦ.  ᕿᔫᓂᖏᑦ ᐊᑦᓯᕕᒻᒨᖅᑕᐅᒋᐊᓖᑦ ᐃᒋᑦᓯᕕᐅᓂᖓᓄᑦ ᕿᔪᓐᓂᑦ, ᓴᕕᕋᔭᐅᓂᖏᑦ ᓴᕕᕋᔭᒃᑯᕕᒻᒨᕐᓗᒋᑦ ᐊᑦᓯᕕᒻᒦᑦᑐᒧᑦ.  ᐊᑦᓯᕕᒻᒥ ᐃᖅᑲᓇᐃᔭᖅᑎᓂᑦ ᐊᐅᓚᑦᓯᔨ ᐃᑲᔪᖅᑎᖓᓘᓐᓃᑦ ᐃᒋᑦᓯᒋᐊᖅᑐᖅᑐᓂᑦ ᐃᑲᔪᕋᔭᖅᑐᖅ ᓴᓂᕐᓂᒃ ᓇᓪᓕᖏᓐᓂᑦ ᓇᒧᖕᖔᖅᑲᐃᒋᐊᖃᕐᒪᖔᑕ.

 

ᐊᓯᖏᑦ ᓴᓃᑦ, ᐊᓯᖏᑦ ᑎᒋᖓᔪᐃᑦ ᐸᐃᑉᐹᑦ, ᕿᓪᓚᔪᑭᐊᓄᑦ ᓴᓂᒃᑯᕕᓐᓄᑦ ᐴᖅᑲᕐᓯᒪᒋᐊᓖᑦ ᐊᒻᒪ ᐃᒋᑕᐅᕙᓪᓗᑎᒃ ᐃᓪᓗᓂᑦ ᓴᓂᒃᑯᕕᓐᓄᑦ.  ᑎᒋᖓᔪᓄᑦ ᐸᐃᑉᐹᓄᑦ, ᓇᕿᑎᕐᓯᒪᑦᓯᐊᕆᐊᓖᑦ, ᐃᒋᓕᕋᔭᕐᓗᒋᑦ ᐊᑦᓯᕕᒻᒧᑦ ᑕᐃᒪᐃᑦᑐᓂᑦ ᓴᓂᒃᑯᕕᐅᑎᑕᐅᔪᒧᑦ.

 

ᐊᑭᖃᖕᖏᑦᑐᖅ ᓄᓇᓕᕐᓂᒥᐅᑕᐃᑦ ᐃᒋᑦᓯᒍᒪᓐᓂᖅᐸᑕ ᐊᑦᓯᕕᒻᒧᑦ, ᑭᓯᐊᓂ ᑕᐃᒃᑯᐊ ᐊᖏᕈᑎᒍᑦ ᓱᓇᑐᐃᓐᓇᕐᓂᑦ ᓴᓇᔨᐅᕙᑦᑐᑦ ᐃᖅᑲᐃᑎᑕᐅᕗᑦ ᐊᑭᓕᕆᐊᓕᒻᒥᓂᑦ ᓱᓕ ᐊᑭᓖᒋᐊᖃᖅᐸᓂᐊᕐᒪᑕ ᓴᓇᔾᔪᑎᒥᓂᕐᓂᑦ ᐃᒋᑦᓯᓂᐊᖅᑎᓪᓗᒋᑦ.

 

-30-

 

 

ᐱᕙᓪᓕᐊᔪᓂᑦ ᖃᐅᔨᒋᐊᕐᕕᑦᓴᖅ:

 

ᐋᓐᑐᕆᐊ ᓯᐱᑦᔪᕐ

ᑐᓴᐅᒪᑎᑦᓯᓕᕆᓂᕐᒥᑦ ᑲᒪᔨ

ᓄᓇᓕᐸᐅᔭᐃᑦ ᐃᖃᓗᐃᑦ

ᐅᖄᓚᐅᑎᖓ:  867.979.5607