ᓄᓇᓕᐸᐅᔭᒃᑯᑦ ᖁᔭᓕᔪᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ ᑐᓂᓯᓂᖏᓐᓄᑦ ᖁᕕᐊᓱᒍᑕᐅᓗᓂ ᑲᓇᑕ 150 ᓇᓪᓕᐅᑎᓂᖓᓄᑦ

ᓄᓇᓕᐸᐅᔭᒃᑯᑦ ᖁᔭᓕᔪᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ ᑐᓂᓯᓂᖏᓐᓄᑦ ᖁᕕᐊᓱᒍᑕᐅᓗᓂ ᑲᓇᑕ 150 ᓇᓪᓕᐅᑎᓂᖓᓄᑦ
ᔫᓂ 19, 2017 (ᐃᖃᓗᕐ, ᓄᓇᕗᑦ) - ᓄᓇᓕᐸᐅᔭᒃᑯᑦ ᖁᕕᐊᓱᑦᑐᑦ ᑐᓴᖅᑎᑦᑎᒋᐊᔅᓴᖅ ᑮᓇᐅᔭᖃᖅᑎᑕᐅᓂᕐᒧᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ ᐃᖃᓗᐃᑦ ᖁᕕᐊᓱᖃᑕᐅᓗᓂ ᑲᓇᑕ 150−ᓂ ᐊᕐᕌᒍᖃᓕᕐᓂᖓᓄᑦ.
$150,000 ᑐᓂᔭᐅᔪᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ, ᑕᒪᑐᒪᓂ ᐊᕐᕌᒍᒥ ᖁᕕᐊᓱᒍᑎᖃᕐᓂᐅᔪᖅ ᓄᓇᕗᒻᒥ ᐊᖏᔪᖅᑳᖃᕐᕕᖓᓂᑦ ᐃᑲᔪᕐᓂᐊᖅᑐᑦ ᑕᑯᔅᓴᐅᑎᑦᑎᓗᑎ ᐃᖃᓗᓂ ᐱᖅᑯᓯᕐᓂᑦ ᐊᒻᒪ ᐊᔪᖏᓐᓂᓕᓐᓄᑦ ᑕᑯᕋᓐᓈᑎᑦᑎᔨᓂᑦ ᓄᓇᕗᒻᒥᐅᑕᓄᑦ ᐊᒻᒪ ᑲᓇᑕᓕᒫᒧᑦ. ᖁᕕᐊᓱᒍᑎᖃᕐᓂᐊᔪᖅ ᐱᒋᐊᓂᐊᖅᑐᖅ ᔫᓂ 21, ᓄᓇᖃᖅᑳᖅᓯᒪ ᔪᓄᑦ ᐅᓪᓗᖓᓂ, ᐱᖃᓯᐅᑎᓪᓗᑎ ᐊᐅᓚᓂᖏᑦ Saint-Jean-Baptiste ᐅᓪᓗᖓ ᔫᓂ 24, ᐊᒻᒪ ᐱᔭᕇᕐᓂᖃᕐᓗᓂ ᔪᓚᐃ 1 ᐊᒥᓱᒐᓚᐃᑦ ᖃᓄᐃᓘᖅᑕᐅᓂᐊᖅᑐᑦ ᐃᑲᒧᕐᓗᑎ ᐃᖃᓗᐃᑦ ᖁᕕᐊᓱᒍᑎᖃᕐᓂᖓᓄᑦ ᑲᓇᑕᐅᑉ ᓇᓪᓕᐅᑎᕕᖓᓂ.
“ᐱᒻᒪᕆᐅᔪᒥ ᐊᕐᕌᒍᒥ ᑲᓇᑕ 150-ᓂᑦ ᐊᕐᕌᒍᖃᓕᖅᑎᓪᓗᒍ, ᓇᓪᓕᐅᓂᕐᓯᐅᓗᐊᕐᓂᐊᖅᑐᑦ ᑖᓂᖅᑐᑎᑕᐅᒋᐊᕐᓗᑎᒃ ᓱᓇᐅᒻᒪᖔᑕ ᓄᓇᑦᑎᓐᓂᑦ ᐊᔾᔨᐅᖏᑎᑦᓯᔪᒻᒪᕆᐅᔪᑦ, ᐃᓄᖏᒍᑦ ᐃᓕᖅᑯᓯᖏᑎᒍᓪᓗ ᐊᔾᔨᒌᖏᑦᑐᑦ ᐊᒻᒪ ᐆᒻᒪᑦᓯᐊᕆᑦᑑᑎᒻᒪᕆᐅᓗᑎᒃ. ᐃᖃᓗᒻᒥᐅᑕᓕᒫᑦᓯᐊᑦ ᖃᐃᓛᖁᔭᕋᓗᐊᒃᑲ ᐃᓚᒋᔭᐅᖃᑦᑕᓛᕐᒪᑕ ᖃᓄᐃᓕᐅᕈᑎᐅᖃᑦᑕᓛᖅᑐᓄᑦ ᐅᓪᓗᕐᓂ ᔪᓂ 21, 24 ᐊᒻᒪ ᔪᓚᐃ 1,” ᐅᖃᖅᑐᖅ ᒪᓕᒐᓕᐅᖅᑎᒻᒪᕆᐅᔪᖅ ᒥᓚᓂ ᔫᓕ, ᒥᓂᔅᑕᐅᔪᖅ ᑲᓇᑕᒥ ᐃᑦᑕᕐᓂᓴᓕᕆᓂᕐᒥᑦ ᑲᒪᔨᐅᓗᓂ.” ᐊᑏ ᐊᔾᔨᐅᖏᑦᑐᓂᑦ ᖃᓄᐃᓕᐅᖃᑎᒋᓚᐅᒃᑭᑦ ᓇᓪᓕᐅᓂᕐᓯᐅᖃᑎᒋᓗᒋᑦ ᐳᐃᒍᕋᑦᓴᐅᔾᔮᖏᑦᑐᒥᑦ ᐃᓚᓐᓈᑎᑦ, ᐱᖃᑎᑎᑦ ᐊᒻᒪ ᓴᓂᓕᑎᑦ.”
ᐃᓚᒋᐊᕐᓗᒍ ᑕᑯᕋᓐᓈᑎᑦᑎᓂᕐᒧᑦ ᐃᖃᓗᒻᒥᐅᓄᑦ, ᑕᒪᑐᒪᓂ ᐊᕐᕌᒍᒥ ᑲᓇᑕᐅᑉ ᐅᓪᓗᖓ ᖁᕕᐊᓱᒍᑕᐅᓂᖓ ᑕᓚᕖᓴᒃᑯᑦ ᑕᑯᔅᓴᐅᑎᑕᐅᓂᐊᖅᑐᑦ ᑲᓇᑕᓕᒫᒧᑦ, ᐃᓚᒋᓪᓗᓂᐅᒃ CBC−ᑯᑦᑕᑯᔅᓴᐅᑎᑦᑎᓂᖓᓄᑦ ᑖᔅᓱᒥᖓ ᓇᓪᓕᐅᓂᖅᓯᐅᕐᓂᐅᔪᒥᑦ. ᐃᖃᓗᐃᑦ ᐃᓚᒋᔭᐅᔪᖅ 14−ᓂᑦ ᓄᓇᓕᐸᐅᔭᓂᑦ ᐱᖃᓯᐅᔾᔭᐅᓂᐊᖅᑐᖅ ᑲᓇᑕᓕᒫᒧᑦ ᑕᑯᔅᓴᐅᔪᒧᑦ ᔪᓚᐃ 1−ᒧᑦ ᑕᑯᔅᓴᐅᑎᑦᑎᓂᐊᖅᑐᑦ ᑲᓇᑕᒥ ᐊᔪᖏᓐᓂᖃᖅᑐᓂᑦ, ᐱᖅᑯᓯᓂᑦ ᐊᒻᒪ ᓄᓇᖓᓂᑦ ᐱᐅᔪᒻᒪᕆᐅᔪᒥᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ ᖃᓄᐃᓘᖅᑕᐅᓂᐊᖅᑐᓂᑦ ᐃᖃᓗᓐᓂ, ᑎᑭᑉᐸᓪᓕᐊᔪᓄᑦ ᐊᒻᒪ ᑲᓇᑕᐅᑉ ᐅᓪᓗᖓᓄ, ᑐᓴᖅᑎᑕᐅᓂᐊᖅᑐᑦ, ᐊᑐᖅᑕᐅᓂᐊᖅᑐᑦ ᓇᓗᓇᐃᖅᑕᐅᓯᒪᓕᕈᑎ.
-30-
ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᒍᒃ:
ᐋᓐᑐᕆᐊ ᓯᐱᑦᓱ
ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐊᐅᓚᑦᑎᔨ
ᓄᓇᓕᐸᐅᔭᖓᑦ ᐃᖃᓗᐃᑦ
ᖃᕋᓴᐅᔭᒃᑯᑦ: A.SPITZER@CITY.IQALUIT.NU.CA