ᓄᓇᓕᐸᐅᔭᒃᑯᑦ ᖃᐅᔨᓴᕐᓂᐊᖅᑐᑦ ᐱᒋᐊᖅᑎᑦᓯᔾᔪᑎᐅᔪᓐᓇᖅᑐᒥᑦ ᑎᓯᔪᓂᑦ ᓴᓂᓕᕆᐅᑎᑦᓴᒥᑦ ᐸᕐᓇᐅᑎᒥᑦ

03/04/2017

 

 ᓄᓇᓕᐸᐅᔭᒃᑯᑦ ᖃᐅᔨᓴᕐᓂᐊᖅᑐᑦ ᐱᒋᐊᖅᑎᑦᓯᔾᔪᑎᐅᔪᓐᓇᖅᑐᒥᑦ ᑎᓯᔪᓂᑦ ᓴᓂᓕᕆᐅᑎᑦᓴᒥᑦ ᐸᕐᓇᐅᑎᒥᑦ

 

ᐃᐳᕈ 3, 2017 (ᐃᖃᓗᐃᑦ, ᓄᓇᕗᑦ) - ᒫᑕᓕᓐ ᕆᐊᑦᕘᕐᓐ, ᒪᐃᔭᐅᔪᖅ ᐃᖃᓗᓐᓂ, ᐊᒻᒪ ᕼᐋᓕ ᕕᓕᐅᕆᑎ, ᐊᖏᔪᖅᑳᖓᑦ ᕿᑭᖅᑖᓘᑉ ᑎᒥᖁᑎᖏᑕ, ᖁᕕᐊᒋᔭᖃᖅᑐᑎᒃ ᑐᓴᖅᑎᑦᓯᕘᒃ ᑐᑭᓯᐅᒪᖃᑦᑕᐅᑎᔾᔪᑎᒥᑦ ᑎᑎᖅᑲᒥᑦ ᐊᑎᓕᐅᓚᐅᕐᒪᑎᒃ ᖃᐅᔨᓴᐅᑎᑦᓴᒥᑦ ᐱᒋᐊᖅᑎᑦᓯᔾᔪᑎᐅᔪᓐᓇᖅᑐᒥᑦ ᑎᓯᔪᓂᑦ ᓴᓂᓕᕆᐅᑎᑦᓴᒥᑦ ᐸᕐᓇᐅᑎᒥᑦ ᑲᔪᓯᑎᑕᐅᓚᕐᓯᒪᔪᒥᑦ ᑲᑎᒪᔨᓄᑦ 2013-ᖑᑎᓪᓗᒍ.

ᑎᑎᖅᑲᑎᒍᑦ ᖃᐅᔨᓴᕈᓐᓇᓂᐊᖅᑐᑦ ᑲᑐᔾᔨᖃᑎᒌᓪᓗᑎᒃ ᐱᒋᐊᖅᑎᑦᓯᔾᔪᑎᑦᓴᒥᑦ ᓲᕐᓗ ᓄᑖᓂᑦ ᐊᑦᓯᕕᑦᓴᓕᐅᕐᓂᕐᒥᑦ; ᒪᑐᓯᔾᔪᑎᑦᓴᓂᑦ ᐊᒻᒪ ᓴᓇᒋᐊᕈᑎᑦᓴᓂᑦ ᐊᑐᖅᑕᐅᕙᑦᑐᒥᑦ ᐊᑦᓯᕕᒻᒥᑦ; ᐊᒻᒪ ᓴᓇᔾᔪᑎᑦᓴᐅᑐᐃᓐᓇᕆᐊᓕᓐᓂᑦ ᓄᑖᒥᑦ ᑎᓯᔪᓂᑦ ᓴᓂᓕᕆᕝᕕᑦᓴᒥᑦ.

“ᑲᑐᔾᔨᖃᑎᖃᕐᓂᖅ ᕿᑭᖅᑖᓗᒃ ᑎᒥᖁᑎᖏᓐᓂᑦ ᐊᒻᒪ ᑲᒻᐸᓂᑯᑎᖓᓐᓂᑦ ᕿᑭᖅᑖᓗᒃ ᓄᓇᒥᑦ ᐊᕙᑎᓕᕆᔨᒃᑯᓐᓂᑦ ᓄᓇᓕᐸᐅᔭᒃᑯᓐᓂᑦ ᐱᔨᑦᓯᕋᕈᑎᖃᓕᖅᑎᑦᓯᔪᓐᓇᕋᔭᖅᑐᖅ ᐱᐅᔪᐊᓗᓐᓂᑦ ᓴᓂᓕᕆᓂᒃᑯᑦ ᐱᔨᑦᓯᕋᕈᑎᑦᓴᒥᑦ ᓄᓇᓕᕐᓂᒥᐅᑕᓂᑦ,” ᐅᖃᖅᑐᖅ ᒪᐃᔭ ᕆᐊᑦᕘᕐᓐ.

“ᕿᑭᖅᑖᓗᒃ ᑎᒥᖁᑎᖏᑦ ᖁᕕᐊᒋᔭᖃᖅᑐᑎᒃ ᐱᓕᕆᖃᑎᖃᕈᒪᑦᓯᐊᖅᑐᑦ ᓄᓇᓕᐸᐅᔭᒃᑯᓐᓂᑦ ᐃᖃᓗᓐᓂ ᐱᕙᓪᓕᐊᑎᑦᓯᔪᓐᓇᓂᕐᒥᑦ ᓄᑖᒥᑦ ᑎᓯᔪᓂᑦ  ᓴᓂᓕᕆᐅᑎᑦᓴᐅᒐᔭᖅᑐᓂᑦ, ᐅᖃᖅᑐᖅ ᕼᐋᓕ ᕕᔨᐅᕆᑎ, ᐊᖏᔪᖅᑳᖓᑦ ᕿᑭᖅᑖᓘᑉ ᑎᒥᖁᑎᖏᑕ.  “ᑲᒻᒥᐸᓂᖁᑎᑎᒍᑦ ᖃᐅᔨᓴᕐᓂᐊᖅᑐᑦ ᖃᓄᖅ ᐃᖃᓗᐃᑦ ᓯᕗᓕᖅᑎᐅᔪᓐᓇᕐᒪᖔᑕ ᐅᑭᐅᖅᑕᖅᑐᒥ ᓴᓂᓕᕆᐅᑎᓕᕆᓂᒃᑰᖓᔪᓂᑦ ᐱᓕᕆᔾᔪᑎᒍᑦ. ᐊᒻᒪ ᐱᓗᐊᖅᑐᒥ, ᕿᑭᖅᑖᓘᑉ ᑎᒥᖁᑎᖏᑦ ᐱᓕᕆᑎᑦᓯᕙᓐᓂᐊᖅᑐᑎᒃ ᓄᓇᓕᓐᓂ ᐱᓕᒻᒪᓴᕐᓯᒪᑦᓯᐊᖅᑐᓂᑦ ᐃᖅᑲᓇᐃᔭᖅᑎᓂᑦ ᐃᖅᑲᓇᐃᔮᖃᖃᑦᑕᕋᔭᖅᑐᓂᑦ ᐃᓘᓐᓇᐸᓗᖏᓐᓂᑦ ᐱᓕᕆᐊᑦᓴᓂᑦ.”

ᓄᓇᓕᐸᐅᔭᒃᑯᑦ ᐊᑐᖅᐸᑦᑕᖓᑦ ᐊᑦᓯᕕᐅᔪᖅ ᐊᑐᖅᑕᐅᔪᓐᓇᕐᓂᖓᓄᑦ ᖃᓄᑎᒋ ᐃᓱᓕᑉᐸᓪᓕᐊᓕᕐᒪᑦ ᐊᒻᒪ ᒪᑐᔭᐅᒋᐊᖃᓛᓕᖅᑐᓂ.  ᓄᓇᓕᐸᐅᔭᒃᑯᑦ ᐊᕐᕌᒍᒐᓚᐅᑎᖅᑐᓂᑦ ᕿᒥᕐᕈᐊᖃᑦᑕᕐᓯᒪᓕᕐᒪᑕ ᖃᓄᖅ ᑭᖑᕝᕕᖅᑕᐅᔪᓐᓇᕋᔭᕐᒪᖔᖅ ᐊᑦᓯᕕᓕᕆᓂᐅᔪᖅ ᐊᑐᖅᑕᐅᔪᓐᓇᕋᔭᖅᑐᒥᑦ ᒫᓐᓇᒃᑯᑦ ᐊᒻᒪ ᓯᕗᓂᑦᑎᓐᓂ ᓄᓇᓕᕐᓂᒥᐅᑕᓄᑦ.  ᐊᑎᓕᐅᖅᑕᐅᓂᖓ ᑎᑎᖅᑲᐅᑉ ᑐᑭᓯᐅᒪᖃᑦᑕᐅᑎᔾᔪᑎᐅᑉ ᐊᑐᖅᑕᐅᔪᓐᓇᕐᓂᐊᕐᒪᑦ ᓄᓇᓕᐸᐅᔭᒃᑯᓐᓂᑦ ᐊᒻᒪ ᕿᑭᖅᑖᓗᒃ ᑎᒥᖁᑎᖏᓐᓂᑦ ᖃᐅᔨᓴᕈᓐᓇᓂᕐᒥᑦ ᐊᑐᖅᑕᐅᔪᓐᓇᑐᐃᓐᓇᕆᐊᓕᓐᓂᑦ ᐱᐅᔪᐊᓗᓐᓂᑦ ᑎᓯᔪᓂᑦ ᓴᓂᓕᕆᐅᑎᑦᓴᐅᒐᔭᖅᑐᓂᑦ.

ᕿᒥᕐᕈᐊᕋᔭᖅᑐᑦ ᐊᒡᒋᖅᑐᓂ ᐱᓇᓱᐊᕈᓯᐅᓂᐊᖅᑐᓂ.  ᑕᒪᒃᑮᒃ ᑲᑐᔾᔨᖃᑎᒌᖃᕐᕕᐅᔫᒃ ᐊᖏᖃᑎᒋᒍᓐᓇᕐᓂᐊᕈᑎᒃ ᐱᓕᕆᔾᔪᑎᑦᓴᐅᒐᔭᖅᑐᓂᑦ ᐊᒻᒪ ᒪᓕᒋᐊᖃᕋᔭᖅᑐᓂᑦ ᐱᒋᐊᖅᑎᑦᓯᔾᔪᑎᑦᓴᓂᑦ ᑎᓯᔪᓂᑦ ᓴᓂᓕᕆᐅᑎᑦᓴᒥᑦ ᐸᕐᓇᐅᑎᒥᑦ, ᐊᖏᕈᑎᓕᐅᕋᔭᖅᑐᑦ ᐱᓕᕆᔾᔪᑎᑦᓴᒥᑦ ᕿᒥᕐᕈᐊᓚᐅᖅᑎᓪᓗᒋᑦ ᖃᓄᖅ ᐱᓕᕆᐊᑦᓴᐅᒐᔭᕐᒪᖔᖅ.

ᐊᐱᖅᑯᑏᑦ ᐊᒻᒪ ᑭᐅᔾᔪᑎᖏᑦhttp://www.city.iqaluit.nu.ca/sites/default/files/final_-_solid_waste_ma...

 

 

-30-

 

 

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

 

ᐋᓐᑐᕆᐊ ᓯᐱᑦᔪᕐ                                                ᓯᐅᓪᑕᓐ ᓂᒻᓴᒃ

ᑐᓴᐅᒪᑎᓕᕆᓂᖅ                                                ᑐᓴᐅᒪᑎᓕᕆᓂᖅ

ᓄᓇᓕᐸᐅᔭᐃᑦ ᐃᖃᓗᐃᑦ                                     ᕿᑭᖅᑖᓗᒃ ᓄᓇᒥᑦ ᐊᕙᑎᓕᕆᓂᖅ

ᐃᕐᖐᓇᖅᑕᐅᑎᖓ:  A.Spitzer@city.iqaluit.nu.ca ᐃᕐᖐᓇᖅᑕᐅᑎᖓ:  SNimchuk@qcorp.ca

 

 

 

 

 

Notice: