ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᓄᓇᓕᐸᐅᔭᒃᑯᓐᓄᑦ ᐃᖅᑲᓇᐃᔭᖅᑏᑦ ᑎᑭᐅᑎᓯᒪᓕᖅᑐᑦ ᓄᑖᒧᑦ ᐃᖅᑲᓇᐃᔭᑎᓄᑦ ᐊᖕᒋᖃᑎᒌᒍᑎᒧᑦ ᑲᑐᔾᔨᖃᑎᒌᓄᑦ ᔫᓂᐊᓐᑯᓐᓄᑦ
ᐃᖃᓗᖕᓂ ᓄᓇᓕᐸᐅᔭᒃᑯᑦ ᐊᒻᒪᓗ ᑲᑐᔾᔨᖃᑎᒌᑦ ᔫᓂᐊᓐᑯᑦ ᑭᒡᒐᖅᑐᐃᔪᑦ ᓄᓇᓕᐸᐅᔭᕐᒥ ᐃᖅᑲᓇᐃᔭᑎᓂᒃ, ᒐᕙᒪᒃᑯᑦ ᐃᖅᑲᓇᐃᔭᕐᕕᖕᒋᑦ ᑲᓇᑕᒥ, ᑎᑭᐅᑎᔪᑦ ᓄᑖᒧᑦ ᑕᓪᓕᒪᓄᑦ ᐊᕐᕌᒍᓄᑦ ᐋᔩᖃᑎᒌᖕᓂᕐᒧᑦ ᐊᖕᒋᖃᑎᒌᒍᑎᒧᑦ.
ᐊᖕᒋᖃᑎᒌᒍᑎ ᐊᖕᒋᖅᑕᐅᔪᕕᓂᖅ ᔫᓂ 29, 2021-ᖕᒍᑎᓪᓗᒍ 80%-ᖕᒍᓪᓗᑎᒃ ᐊᖕᒋᖅᑐᑦ ᐃᖅᑲᓇᐃᔭᖅᑏᑦ.
ᐃᓚᖕᒋᑦ ᐊᓯᔾᔨᖅᑐᑦ ᐊᖕᒋᖃᑎᒌᒍᑎᑦ ᐱᖃᓯᐅᑎᔪᑦ ᐋᓐᓂᖅᑕᐅᓂᕐᒧᑦ ᓄᖅᑲᖕᒐᔾᔪᑎ, ᐊᒥᓱᕈᕆᐊᖅᑕᐅᓪᓗᓂ ᐊᑭᓕᖅᑕᐅᔾᔪᑎ ᐅᖃᐅᓯᖃᒃᑲᓐᓂᕐᓂᕐᒧᑦ ᐃᓄᒃᑎᑐᑦ ᐅᕝᕙᓘᓐᓃᑦ ᐅᐃᕖᑎᑐᑦ, ᐊᒥᓱᕈᕆᐊᖅᑕᐅᓪᓗᑎᒃ ᓄᖅᑲᖕᒐᔾᔪᑎᑦ ᐱᖅᑯᓯᑐᖃᓕᕆᓂᕐᒧᑦ ᐊᒻᒪᓗ ᐊᑎᓕᐅᕆᓂᖅ ᖄᒃᑲᓐᓂᐊᒍᑦ ᑮᓇᐅᔭᖅᑖᒃᑲᓐᓂᕈᑎᒥᒃ.
“ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖕᒋᑦ ᐱᔨᑦᑎᕋᖃᑦᑕᖅᑐᑦ ᑭᓇᒃᑯᑐᐃᓐᓇᕐᓄᑦ ᐃᖃᓗᖕᓂ, ᐃᖅᑲᓇᐃᔭᐃᓐᓇᖅᑐᑎᑦ ᐊᒃᓱᕈᕐᓇᖅᑐᒃᑰᕋᓗᐊᖅᑐᑎᑦ ᖃᓂᒪᓐᓇᐅᒥ.” ᐅᖃᖅᑐᖅ ᓗᕋᐃᓐ ᕉᔅᓴᐅ, PSAC ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᓂ ᓯᕗᓕᖅᑎᓄᑦ ᐊᖕᒐᔪᖅᑳᑉ ᑐᒡᓕᐊ. “ᐱᓕᕆᖃᑎᒌᖕᓂᖅ ᓇᓗᖖᒋᑦᑎᐊᕈᑕᐅᕙᖅ ᓇᓕᒧᒌᒃᑎᑦᑎᓂᖅ ᐊᔾᔨᒌᒃᑎᑦᑎᓂᕐᓗ ᑲᔪᓯᑎᑕᐅᕙᓐᓂᖕᒋᓐᓂᒃ. ᐊᓕᐊᓇᐃᒍᓱᒃᐳᒍᑦ ᓄᑖᒥᑦ ᐊᖕᒋᕈᑎᑖᕈᓐᓇᕋᑦᑕ.”
“ᐊᓕᐊᓇᐃᒍᓱᒃᐳᖕᒐ ᑎᑭᐅᑎᒻᒪᑕ ᐊᕐᕌᒍᓄᑦ ᑕᓪᓕᒪᓄᑦ ᐊᖕᒋᖃᑎᒌᒍᑎᒥᒃ ᐃᑲᔫᑎᖃᕐᓂᐊᖅᑐᒥᒃ ᐃᖅᑲᓇᐃᔭᖅᑎᓄᑦ ᑕᐅᑐᒐᖃᐃᓐᓇᕐᓗᑎᒃ ᐱᐅᓂᖅᐹᓂᒃ ᐱᔨᑦᑎᕋᐅᑎᓂᒃ ᓄᓇᓕᖕᒥᐅᓄᑦ ᐊᒻᒪᓗ ᓇᖕᒥᓂᖃᕐᕕᐅᔪᓄᑦ,” ᐅᖃᖅᑐᖅ ᒪᐃᔭ ᑭᐊᓂ ᐱᐅᓪ. “ᖁᔭᓕᔪᒪᕙᒃᑲ ᓄᓇᓕᐸᐅᔭᒃᑯᓐᓄᑦ ᐃᖅᑲᓇᐃᔭᖅᑎᑦ ᐱᓕᕆᑦᑎᐊᖕᒋᓐᓇᕐᓂᖕᒋᓐᓄᑦ ᐱᓕᕆᔪᒪᑦᑎᐊᕐᓂᖕᒋᓐᓄᓪᓗ.”
“ᓄᑖᖅ ᐊᖕᒋᖃᑎᒌᒍᑎ ᐱᓇᓱᒃᐳᖅ ᐊᔾᔨᒌᒃᑎᑦᑎᓂᕐᒥᑦ ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᓄᑦ. ᐃᖅᑲᓇᐃᔭᕐᕕᒃᑎᐊᕙᒃ ᐊᒻᒪᓗ ᐱᓕᕆᔪᒪᑦᑎᐊᖅᑐᑦ ᐃᖅᑲᓂᐊᔭᖅᑎᑦ ᐱᔭᕆᐊᖃᓪᓚᕆᒃᑐᑦ ᐊᓂᒍᖅᑎᓐᓇᓱᒡᓗᒋᑦ ᑐᕌᒐᕆᔭᐅᔪᑦ ᐊᒻᒪᓗ ᑎᑭᑕᐅᓇᓱᒃᑐᑦ ᓄᓇᓕᐸᐅᔭᕐᒥ,” ᐅᖃᖅᑐᖅ ᑎᒥᐅᔪᒥ ᐊᐅᓚᑦᑎᔨᒻᒪᕆᒃ, ᐊᐃᒥ ᐃᐅᓪᒎᕐᔅᒪ. “ᐊᓕᐊᓇᐃᒍᓱᒃᐳᒍᑦ ᐃᖅᑲᓇᐃᔭᖅᑎᖃᑦᑎᐊᕋᑦᑕ ᐃᖃᓗᖕᓂᑦ ᓄᓇᖃᑦᑎᐊᕋᓱᒃᑐᓂᑦ ᖃᐅᑕᒫᑦ.”
ᓄᓇᓕᐸᐅᔭᒃᑯᑦ ᖁᔭᓕᕗᑦ ᐃᖅᑲᓇᐃᔭᖅᑎᓄᑦ ᐃᖅᑲᓇᐃᔭᕐᓂᖕᒋᓐᓄᑦ, ᐱᔨᑦᑎᕋᕐᓂᖕᒋᓐᓄᑦ ᐊᒻᒪᓗ ᐱᓕᕆᔪᒪᑦᑎᐊᕐᓂᖕᒋᓐᓄᑦ ᐃᖃᓗᖕᒥᐅᓄᑦ ᓄᓇᓕᐸᐅᔭᒃᑯᓐᓄᓪᓗ ᐃᖃᓗᖕᒥᐅᓄᑦ.
ᑐᑭᓯᐊᒃᑲᓐᓂᕈᒪᒍᕕᑦ:
ᓖᓴ ᒥᓗᓴᕝᔨᕕᒃ
ᑐᓴᐅᒪᖃᑎᒋᓐᓂᕐᒧᑦ ᐊᒻᒪᓗ ᐱᔨᔅᓯᖅᑕᐅᕙᒃᑐᓄᑦ ᐱᔨᔅᓯᕈᑎᒥ ᐊᐅᓚᑦᑎᔨ
L.Milosavljevic@iqaluit.ca | 867-979-5607
