ᓄᓇᓕᐸᐅᔭᖅ ᑲᑎᒪᔨᖏᑦ ᐊᖏᖅᓯᒪᔪᑦ 2020 ᑮᓇᐅᔭᑦ

18/12/2019

ᑐᓴᒐᔅᓴᐃᑦ ᓴᖅᑭᑎᑕᐅᔪᑦ

 

ᓄᓇᓕᐸᐅᔭᖅ ᑲᑎᒪᔨᖏᑦ ᐊᖏᖅᓯᒪᔪᑦ 2020 ᑮᓇᐅᔭᑦ

 

ᑎᓯᐱᕆ 18, 2019 (ᐃᖃᓗᐃᑦ, ᓄᓇᕗᑦ) − ᐃᖃᓗᐃᑦ ᓄᓇᓕᐸᐅᔭᖅ ᑲᑎᒪᔨᖏᑦ ᐊᖏᖅᓯᒪᔪᑦ 2020 ᑮᓇᐅᔭᑦ ᐊᒻᒪᓗ ᐃᑲᔫᓯᐊᕆᓪᓗᒋᑦ ᑕᓪᓕᒪᓄᑦ ᐸᕐᓇᐅᑎᓄᑦ ᓄᓇᓕᐸᐅᔭᒧᑦ ᐸᕐᓇᐅᑎᑦ ᐱᒻᒪᕆᐅᔪᒃᑯᑦ ᑲᑎᒪᑎᓪᓗᒋᑦ ᑲᑎᒪᔨᑦ ᑎᓯᐱᕆ 13, 2019.

 

2020 ᑮᓇᐅᔭᑦ ᑐᕌᖅᓯᒪᔪᑦ ᐱᔨᑦᑎᕋᐅᑎᓄᑦ ᓄᓇᓕᒥᐅᑕᓄᑦ ᐊᒻᒪᓗ ᐸᕐᓇᐅᑎᑦ ᓯᕗᓂᔅᓴᒧᑦ. ᑮᓇᐅᔭᖅ ᐃᓚᖃᖅᑐᑦ ᓄᑖᓂᒃ ᐊᖏᔪᓂᒃ ᓄᓇᓯᐅᑎᓂᒃ ᐱᖁᑎᖏᓐᓄᑦ ᓇᓗᓇᐃᔭᑦᑎᐊᕐᓂᐊᕐᓗᑎᒃ ᐊᑲᐅᓈᖅᑐᒃᑯᑦ ᐱᔨᑦᑎᕋᐅᑎᓄᑦ. ᑐᕌᒋᓗᐊᖅᑕᖓ 2020 ᑮᓇᐅᔭᑦ ᓄᓇᓕᐸᐅᔭᑉ ᐃᒥᖓᓄᑦ ᓴᓇᕝᕕᒧᑦ; ᐱᓗᐊᖅᑐᒍᑦ ᐸᕐᓇᐅᑎ ᐊᒻᒪᓗ ᐃᓱᒪᒃᓴᖅᓯᐅᕐᓂᕐᒧᑦ ᐊᑯᓂᐅᔪᒃᑯᑦ ᐃᒥᒧᑦ ᐊᒻᒪᓗ ᑐᖅᑰᓯᕝᕕᒧᑦ, ᐊᒃᓱᕈᕐᓇᖅᑐᖅ ᓄᓇᓕᐸᐅᔭᒧᑦ ᐱᔪᓐᓇᐅᑎᓂᒃ ᐱᕚᓪᓕᕆᐊᕈᑕᐅᓗᑎᒃ.

 

ᓄᓇᓕᐸᐅᔭᖅ ᑲᑎᒪᔨᖏᑦ ᓂᕈᐊᓚᐅᖅᑐᑦ ᐱᕚᓪᓕᕆᐊᕐᓗᒋᑦ ᓇᒻᒥᓂᕆᔭᐅᔪᓄᑦ ᑖᒃᓰᔭᕐᓂᕐᒧᑦ 3 ᐳᓴᓂᒃ. “ᐱᕚᓪᓕᕈᑕᐅᔪᑦ ᐱᖁᔭᐅᓯᒪᔪᑦ ᐱᔪᓐᓇᕐᓗᑎᒃ ᓄᓇᓕᐸᐅᔭᖅ ᐃᖅᑲᓇᐃᔭᕐᓂᐊᕐᓗᑎᒃ ᐱᔭᐅᔪᒪᔪᓄᑦ ᐱᕈᖅᐸᓪᓕᐊᔪᒧᑦ ᓄᓇᓕᕗᑦ,” ᐅᖃᖅᑐᖅ ᒥᔪ ᐱᐅᓪ. “ᓄᓇᓕᐸᐅᔭᖅ ᓂᐅᕕᕐᓂᕐᒧᑦ ᐸᕐᓇᐅᑎᑦ ᐅᖃᐅᓯᖃᖅᑐᑦ ᐊᒥᓱᓄᑦ ᑐᐊᕕᕐᓇᖅᑐᓄᑦ ᐱᔭᐅᔭᕆᐊᖃᖅᑐᓄᑦ, ᑕᐃᒪᐅᓪᓚᕆᒃᑐᖅ ᓄᓇᓕᐸᐅᔭᖅ ᓴᓇᕝᕕᖃᓗᐊᙱᑦᑐᖅ ᐊᒻᒪᓗ ᐊᑯᓂᐅᔪᒃᑯᑦ ᐱᔭᐅᔪᒪᔪᑦ ᐅᖃᐅᓯᕆᔭᐅᔭᕆᐊᖃᒃᑲᓐᓂᖅᑐᑦ ᓯᓚᑖᒍᑦ ᑮᓇᐅᔭᑦ ᐃᑲᔫᓯᐊᓄᑦ ᐊᒻᒪᓗ ᐃᑲᔪᖅᑎᒌᓐᓂᒃᑯᑦ.”

 

“ᓄᓇᓕᐸᐅᔭᑉ ᑮᓇᐅᔭᑦ ᐃᑲᔫᓯᐊᑦ ᐊᑲᐅᓈᖅᑐᒃᑰᖓᓯᒪᔪᑦ ᐅᖃᐅᓯᖃᖅᑎᑦᑎᔪᖅ ᐅᕙᑦᑎᓐᓄᑦ ᓄᓇᓕᐸᐅᔭᖅ ᓯᕗᓪᓕᐅᑎᑕᐅᔭᕆᐊᖃᖅᑐᓄᑦ”, ᐅᖃᖅᑐᖅ ᑲᑎᒪᔨ ᓯᐳᑦ, ᑮᓇᐅᔭᓕᕆᔨ ᑲᑎᒪᔨᑦ ᐃᒃᓯᕙᐅᑕᖓ. “2020 ᑮᓇᐅᔭᑦ ᑐᓂᓯᓯᒪᔪᑦ ᐊᑲᐅᓈᖅᑐᒃᑯᑦ ᓯᕗᓂᔅᓴᒧᑦ ᐱᐊᓂᓐᓂᐊᕐᓗᒋᑦ ᑲᑎᒪᔨᑦ ᐸᕐᓇᐅᑎᖏᓐᓄᑦ ᑐᕌᒋᔭᖏᓐᓄᑦ ᐅᑭᐅᒧᑦ ᐊᑲᐅᓈᕐᓂᕐᒧᑦ.”

 

ᑮᓇᐅᔭᑦ ᓇᓗᓇᐃᔭᐃᓂᖏᑦ ᐅᑯᐊᖑᔪᑦ:

  • ᐊᒥᓲᕙᓪᓕᐊᔪᑦ ᐃᓄᐃᑦ ᓴᓗᒪᓂᕐᒧᑦ ᓈᓴᐅᑎᒃᑯᑦ, 1 ᐳᓴ ᓂᐅᕕᖃᑦᑕᖅᑐᓄᑦ. ᐊᒥᓲᕙᓪᓕᐊᓂᖏᑦ ᐃᑲᔫᑎᖃᕐᓂᐊᖅᑐᑦ ᓄᓇᓕᐸᐅᔭᑉ ᐊᐅᓚᓂᖏᓐᓄᑦ ᓄᑖᖓ ᐊᑦᑕᑯᐃᑦ ᓅᑕᐅᓂᖏᓐᓄᑦ ᓴᓇᕝᕕᒃ ᐊᒻᒪᓗ ᓄᓇᒥ ᐊᑦᑕᑯᔅᓴᕝᕕᒃ.
  • $31.3 ᒥᓕᐊᓐ ᓄᓇᓕᐸᐅᔭᖅ ᓂᐅᕕᕐᓂᕐᒧᑦ ᐸᕐᓇᐅᑎ, ᐃᑲᔪᖅᑕᐅᓯᒪᔪᑦ ᒐᕙᒪᕐᔪᐊᒃᑯᓐᓂᑦ ᓴᓇᕝᕕᓄᑦ ᑮᓇᐅᔭᑦ ᐃᑲᔫᓯᐊᑦ, ᐅᖅᓱᒧᑦ ᑖᒃᓰᔭᕐᓂᖅ, ᒐᕙᒪᑦ ᓄᓇᕗᑦ ᐃᓕᖅᑯᓯᕆᔭᐅᔪᓄᑦ ᑮᓇᐅᔭᑦ ᐃᑲᔫᓯᐊᑦ, ᓄᓇᓕᐸᐅᔭᖅ ᓄᓇᖓᓄᑦ ᐊᒻᒪᓗ ᓄᓇᓕᐸᐅᔭᖅ ᑮᓇᐅᔭᑦ ᐃᑲᔫᓯᐊᑦ.
  • ᓄᓇᓕᐸᐅᔭᖅ ᓂᐅᕕᕐᓂᕐᒧᑦ ᐸᕐᓇᐅᑎᑦ ᐃᓚᖃᖅᑐᑦ ᑮᓇᐅᔭᑦ ᐃᑲᔫᓯᐊᑦ ᐱᕙᓪᓕᐊᓗᑎᒃ ᓄᑖᒧᑦ ᐊᑦᑕᑯᒧᑦ ᓅᑕᐅᓂᖅ ᓴᓇᕝᕕᒃ ᐊᒻᒪᓗ ᓄᓇᒥ ᐊᑦᑕᑯᔅᓴᕝᕕᒃ, ᐱᓕᕆᐊᔅᓴᖅ ᓱᓪᓗᓕᓕᐅᕐᓗᑎᒃ ᐃᒥᒧᑦ ᓂᐊᖁᙴᑉ ᑰᖓᓂᑦ ᓄᓇᓕᐸᐅᔭᒧᑦ ᐃᒥᖅᑕᕐᕕᐊᓄᑦ, ᐸᕐᓇᐅᑎᑦ ᐊᑯᓂᐅᔪᒃᑯᑦ ᐃᒥᒧᑦ, ᖃᐅᔨᓴᕐᓂᖅ ᓄᓇᐅᑉ ᐊᑖᓂ ᕿᕿᓯᒪᓂᖓᓄᑦ ᐊᓯᙳᖅᐸᓪᓕᐊᓂᖓᓄᑦ ᓄᓇᓕᐸᐅᔭᑉ ᓴᓇᕝᕕᐊᓂ ᐊᒻᒪᓗ ᐊᑯᓂᐅᔪᒃᑯᑦ ᐊᑐᖅᑕᐅᔪᓐᓇᖅᑐᑦ ᓱᓪᓗᓕᓄᑦ ᐃᒥᒧᑦ ᐊᒻᒪᓗ ᐊᓇᖅᑕᕐᕕᒧᑦ ᐱᓕᕆᐊᔅᓴᐃᑦ.
  • ᓇᔪᕐᕕᒥ ᐱᕚᓪᓕᕆᐊᕐᓂᖅ ᓄᓇᓕᐸᐅᔭᐅᑉ ᐃᓗᕕᖏᓐᓄᑦ.
  • ᑐᐊᕕᕐᓇᖅᑐᒃᑯᑦ ᐱᔨᑦᑎᕋᐅᑎᑦ ᐸᕐᓇᐅᑎᓪᓚᕆᐊᓄᑦ ᐊᒻᒪᓗ ᐃᑭᑦᑐᓕᕆᔨᒃᑯᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᖃᐅᔨᓴᕐᓂᖅ.

 

ᓄᑖᖅ ᑮᓇᐅᔭᖅ ᐊᑐᖅᑕᐅᕙᓪᓕᐊᓂᐊᖅᑐᖅ ᔭᓄᐊᕆ 1, 2020.

 

ᑭᓯᐊᒃᑲᓐᓂᕈᒪᒍᕕᑦ, ᐊᑏᑐᖅ ᖃᐅᔨᒋᐊᕆᑦ ᐅᕗᖓ:

 

ᓄᓇᓕᐸᐅᔭᖓᑦ ᐃᖃᓗᐃᑦ

ᖃᕋᑕᐅᔭᒃᑯᑦ: info@iqaluit.ca