ᓄᓇᓕᓐᓂᑦ ᓴᓗᒻᒪᕐᓴᐃᓂᖅ: ᑕᓪᓕᕐᒥᖅ ᔪᓂ 10, 2022

16/05/2022

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᓐᓂᑦ ᓴᓗᒻᒪᕐᓴᐃᓂᖅ: ᑕᓪᓕᕐᒥᖅ ᔪᓂ 10, 2022
ᒪᐃ 16, 2022 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᖁᕕᐊᒋᓪᓗᒍ ᑐᓴᖅᑎᑦᑎᒍᒪᓕᕆᕗᑦ ᐊᕐᕌᒍᑕᒫᕐᓯᐅᑎ ᓄᓇᓕᓐᓂᑦ ᓴᓗᒻᒪᕐᓴᐃᓂᖅ ᐊᑐᖅᑕᐅᓛᓕᕐᒥᒻᒪᑦ ᑕᓪᓕᒥᕐᒥ, ᔪᓂ 10, 2022 ᐅᓪᓗᓕᒫᖅ ᐱᒋᐊᕐᓗᑎᒃ 9-ᒥ ᐅᓪᓛᒃᑯᑦ 4-ᒧᓄᑦ ᐅᓐᓄᓴᒧᑦ. ᐊᔭᐅᖅᑐᖅᐸᕗᑦ ᓄᓇᓕᕐᒥᐅᑕᐃᑦ, ᓇᖕᒥᓂᖃᖅᑎᐅᔪᑦ ᐊᒻᒪ ᓂᐅᕐᕈᓯᒪᔪᑦ ᓯᓚᒦᓛᖁᓪᓗᒋᑦ ᐃᑲᔪᕐᓗᑎᒃ ᓴᓗᒻᒪᓴᖅᑕᐅᑎᓪᓗᒍ ᓄᓇᓕᑦᑎᐊᕚᓗᑉᐳᑦ.

ᐴᑦᓴᓂᑦ, ᐊᒡᒑᓂᑦ ᐊᒻᒪ ᐊᓯᖏᓐᓂᑦ ᐊᑐᕆᐊᓕᓐᓂᑦ ᐊᑐᐃᓐᓇᖅᑕᖃᓛᖅᑐᖅ ᐊᐃᔭᐅᔪᓐᓇᓛᖅᑐᓂᑦ ᐱᒋᐊᕐᓗᑎᒃ ᐅᓪᓛᒃᑯᑦ 8:30-ᐸᑦ ᓯᓚᑖᓂᑦ ᐃᖃᓗᐃᑦ ᐅᖃᓕᒫᒐᖃᕐᕕᖓᑕ/ᐅᓂᒃᑳᕐᕕᐅᑉ.

ᕿᓚᑉᐸᓪᓗᒋᑦ ᓴᓂᒃᑯᕖᑦ ᐊᒻᒪ ᕿᒪᑉᐸᓪᓗᒋᑦ ᐊᑐᕆᐊᑦ ᑭᓪᓕᖏᓐᓄᑦ. ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᓄᐊᑕᐅᖃᑦᑕᓛᖅᑐᑦ ᐅᓪᓘᑉ ᐃᓗᐊᓂ.

ᒐᕙᒪᓕᕆᔨᐅᔪᑦ ᐊᒻᒪ ᐊᓯᖏᑦ ᑲᑐᔾᔨᖃᑎᒌᖑᔪᑦ ᐃᖅᑲᓇᐃᔭᖅᑎᖁᑎᒥᓂᒃ ᐃᖅᑲᓇᐃᔭᖏᑎᑦᑎᑲᐃᓐᓇᖁᔭᕋᓗᐊᕗᑦ ᐅᓪᓘᑉ ᐊᕝᕙᓪᓗᐊᖓᓂᐅᓐᓃᑦ ᐱᖃᑕᐅᒍᓐᓇᖁᓪᓗᒋᑦ ᓄᓇᓕᓐᓂᑦ ᓴᓗᒻᒪᕐᓴᐃᓂᕐᒥᑦ.

ᐃᑲᔪᖅᑐᑦ ᐊᑭᓕᕐᓱᖅᑕᐅᒐᑎᒃ ᖁᔭᒋᔭᐅᓛᕐᒥᔪᑦ ᓂᕆᑎᑕᐅᓗᑎᒃ ᓴᓂᐊᓂ ᐃᖃᓗᐃᑦ ᐅᖃᓕᒫᒐᖃᕐᕕᖓᑕ ᐊᒻᒪ ᐅᓂᒃᑳᕐᕕᖓᑕ ᐅᓪᓗᒃᑯᑦ 11:30-ᒥᓂᒃ 1:30-ᒧᓄᑦ ᐊᒻᒪ ᓄᓇᓕᕐᒥᐅᑕᐃᑦ ᓂᕆᑎᑕᐅᓛᖅᑐᑦ ᕼᐋᑦᑖᓂᑦ ᐅᓲᔭᕐᓂᑦ ᐊᒻᒪ ᐃᒥᒐᑦᓴᓂᑦ. ᐱᑖᑦᓴᖃᖅᑎᑕᐅᓛᕐᒥᔪᑦ ᓂᕆᑎᓪᓗᒋᑦ.

ᓄᓇᓕᓐᓂᑦ ᓴᓗᒻᒪᕐᓴᐃᔪᓕᕆᔩᑦ ᖁᔭᓐᓇᒦᕈᒪᔪᑦ ᓄᓇᓕᕐᒥᐅᑕᓂᑦ, ᑲᑐᔾᔨᖃᑎᒌᓂᑦ ᐊᒻᒪ ᐊᑭᓕᕐᓱᐃᔨᐅᓚᐅᖅᑐᓂᑦ ᓯᕗᓂᐊᒍᑦ ᐃᑲᔪᓚᐅᕋᑦᓯ ᐊᒻᒪ ᐃᑲᔪᕐᓱᐃᓚᐅᕋᑦᓯ ᓴᓗᒻᒪᕐᓴᐃᓂᕐᒥᑦ.

ᓯᓚᕈᔫᓕᕐᓂᖅᐸᑦ, ᐅᓪᓗᕐᓯᐅᑎᒍᑦ ᐊᓯᔾᔨᐅᑎᐅᔪᖅ ᑕᓪᓕᕐᒥᖅ, ᔪᓂ 17, 2022. ᑭᑭᑕᐅᔪᓂᑦ ᓴᓂᕐᓂᒃ ᓄᐊᑕᐅᓯᒪᔪᓂᑦ ᐴᑦᓴᒦᑦᑐᓂᑦ ᔪᓂ 10 ᑭᖑᓂᐊᓂ, ᖃᐅᔨᒋᐊᖁᔭᐅᔪᖅ ᓲ ᐊᐃᕗᕆ ᐅᕗᖓ s.avery@iqaluit.ca ᐅᕝᕙᓘᓐᓃᑦ ᐅᖄᓚᓗᓯ ᐅᕗᖓ 867-979-5630.

###

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᐊᓕᒃᓯ ᑳᒧᕋᓐ
ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5607 |a.cameron@iqaluit.ca

Notice: