ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᐃᓄᖕᓄᑦ ᑐᓴᕋᑦᓴᖅ
ᓄᓇᓕᓐᓂᒥᐅᑕᐃᑦ ᑲᑎᒪᑎᑕᐅᓛᖅᑐᑦ ᐅᖃᐅᓯᖃᖁᔭᐅᓗᑎᒃ ᓄᓇᖁᑎᑦᓴᓂᑦ ᓇᔪᒐᑦᓴᓕᐅᕐᕕᑦᓴᐅᒐᔭᖅᑐᓂᑦ
ᐱᒋᐊᕐᕕᖓ: ᒪᐃ 3, 2016
ᐱᔭᕇᕐᕕᖓ: ᒪᐃ 11, 2016
ᓄᓇᓕᐸᐅᔭᐃᑦ ᐃᖃᓗᐃᑦ ᖃᐃᓛᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᑲᑎᒪᓂᕐᒧᑦ ᐅᖃᐅᓯᖃᓛᖁᔭᐅᒐᒥᒃ ᐃᓱᒪᒋᔭᖏᓐᓂᑦ, ᐃᓱᒪᓕᐅᕆᔾᔪᑎᑦᓴᒥᓂᒃ, ᐊᒻᒪ ᐃᓱᒫᓗᑎᖃᕐᒪᖔᑕ ᐱᔾᔪᑎᒋᓪᓗᒋᑦ ᓄᓇᖁᑎᑦᓴᓕᐊᖑᔪᒪᔪᑦ ᓇᔪᒐᑦᓴᓂᑦ ᓴᓇᕕᑦᓴᐅᒐᔭᖅᑐᓂᑦ.
ᓄᓇᓕᐸᐅᔭᒃᑯᑦ ᔫᒥ ᐊᑐᕆᐊᑉ ᓴᓂᐊᓂᑦ ᐊᖏᓪᓕᒋᐊᕆᔭᕆᐊᑦᓴᖅ ᓄᑖᓂᑦ ᓄᓇᖁᑎᑦᓴᓂᑦ ᓴᓇᒍᒪᓪᓗᑎᒃ. ᓄᓇᖁᑎᑦᓴᐃᑦ ᓇᔪᒐᑦᓴᓕᐅᕐᕕᐅᔪᓐᓇᕋᔭᖅᑐᑦ ᓇᔪᒐᑦᓴᓂᑦ ᐃᓄᑭᑦᑐᓄᑦ ᐊᒻᒪ ᐊᑯᓐᓈᕿᔪᓄᑦ ᐃᓄᖏᒍᑦ.
ᓄᓇᓕᐸᐅᔭᒃᑯᑦ ᑭᓪᓕᓕᐅᕈᑎᐅᓯᒪᔪᒥᑦ ᐊᓯᔾᔩᔪᒪᒻᒥᔪᑦ ᐱᖓᓱᓂᑦ ᓄᓇᖁᑎᓂᑦ ᓇᔪᒐᑦᓴᓂᑦ ᓴᓇᕕᐅᔪᓐᓇᖁᓪᓗᒋᑦ. ᒪᕐᕈᒻᒪᑎᒃ ᓄᓇᖁᑏᒃ ᖁᑦᓯᓂᕐᓴᒥ ᓂᐊᖁᖕᖒᓯᐊᕆᐊᒥ (Tundra Ridge) ᐊᒻᒪ ᐊᑕᐅᓯᐅᓗᓂ ᓄᓇᖁᑎ ᐃᒥᖅᑕᕐᕕᒥᓂᐅᑉ ᐊᕙᓗᐊᓂ.
ᓄᓇᓕᓐᓂᑦ ᓄᓇᖕᖑᐊᓂᑦ ᐋᖅᑭᑦᓱᐃᓯᒪᔪᑦ ᐊᑐᐃᓐᓇᐅᓛᖅᑐᓂᑦ ᐅᖃᐅᓯᐅᓕᖅᐸᑕ ᐅᖃᐅᓯᐅᓛᖁᔭᐅᔪᑦ.
ᓄᓇᓕᓐᓂ ᑲᑎᒪᓂᖃᓛᖅᑐᑦ ᔫᒥ ᐃᓕᓐᓂᐊᕐᕕᒻᒥ ᐱᖓᑦᓯᕐᒥ, ᒪᐃ 11 ᐅᓐᓄᒃᑯᑦ 6:30-ᒥᓂᑦ 8:30-ᒧᑦ.
ᑐᑭᓯᒋᐊᒃᑲᓐᓂᕐᕕᑦᓴᖅ ᐱᓕᕆᐊᑦᓴᒥᑦ ᖃᐅᔨᒋᐊᕐᓗᒍ ᒎᒻᑉ ᔭᓛᒡ ᐸᕐᓇᐅᑎᓕᕆᓂᕐᒥᑦ ᐃᖅᑲᓇᐃᔭᖅᑎ ᐅᖄᓚᕕᒋᓗᒍ 979-6363 ᓇᕿᓪᓗᒋᑦ 228.
