ᓄᓇᓕᓐᓂ ᐱᔨᑦᓯᕋᖅᑏᑦ ᓱᓕ ᓄᖅᑲᖓᑎᑕᐅᔪᑦ ᑐᓴᕋᑦᓴᖅ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᑐᓴᖅᑕᐅᑦᓴᐅᑎᒋᒋᐊᓕᒃ

ᓄᓇᓕᓐᓂ ᐱᔨᑦᓯᕋᖅᑏᑦ ᐃᓚᐃᓐᓇᖏᓐᓂᑦ ᓱᓕ ᐱᔨᑦᓯᕋᕈᓐᓇᖅᑐᑦ

(ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᖅᑎᖏᑦ ᖃᐅᔨᒪᖁᔨᔪᑦ ᓄᓇᓕᓐᓂᒥᐅᑕᓂᑦ ᐊᑐᕆᐊᑦ ᐊᐳᑕᐃᔭᖅᑕᐅᓕᕐᒪᑕ ᐊᒻᒪ ᓄᓇᓕᐸᐅᔭᒃᑯᑦ ᐃᓚᐃᓐᓇᖏᓐᓂᑦ ᐱᔨᑦᓯᕋᖅᑕᐅᒋᐊᓕᓐᓂᑦ ᐱᔨᑦᓯᕋᑲᐃᓐᓇᕐᒪᑕ (ᐃᒥᕐᒧᑦ ᐊᒻᒪ ᒥᓪᓗᐊᕈᑎᓄᑦ ᓄᓇᒃᑰᔫᓂᑦ).  ᓯᓚ ᐱᐅᖏᓕᒃᑲᓂᖅᐸᑦ ᐱᔨᑦᓯᕋᖅᑏᑦ ᓄᖅᑲᖅᑎᑕᐅᑐᐃᓐᓇᕆᐊᖃᕐᒥᔪᑦ.

ᓄᓇᓕᓐᓂᒥᐅᑕᐃᑦ ᓄᓇᒃᑰᔫᒃᑯᑦ ᐱᔨᑦᓯᕋᖅᑕᐅᕙᑦᑐᑦ ᐃᒥᕐᒥᒃ ᐱᐅᕐᓱᐊᖁᔭᐅᔪᑦ ᐃᒻᒪᑦᑕᐅᓚᐅᖏᓂᕐᓯᓐᓂ. ᕿᓚᒥᐅᔫᒥᔪᖅ ᐊᔪᕐᓇᖏᑉᐸᑦ ᐃᒪᐃᔪᒪᒐᓗᐊᖅᑐᒍᑦ ᐊᒻᒪ ᕿᓈᓗᕕᓂᖃᕐᕕᓐᓂᑦ ᒥᓪᓗᐊᕐᓯᓗᑕᓗ.

ᖃᑦᑎᕆᔨᒃᑯᑦ, ᓄᓇᒃᑰᔫᒃᑯᑦ ᑐᐊᕕᕐᓇᖅᑐᓕᕆᔨᒃᑯᑦ ᐊᒻᒪ ᐸᓖᓯᒃᑯᑦ ᐅᖄᓚᕕᐅᒍᑎᒃ ᐅᐸᒍᓐᓇᓂᐊᖅᑐᑦ ᑭᓯᐊᓂ ᓯᓚ ᐅᓗᕆᐊᓇᓗᐊᓕᖅᐸᑦ ᓯᓚᕈᔫᓗᐊᕐᓂᖓᓄᑦ ᐊᒻᒪ/ᐅᕝᕙᓘᓐᓃᑦ ᐅᐸᑦᑕᐅᔪᓐᓇᖏᒃᑯᑎᒃ; ᓯᓚ ᐱᓪᓗᒍ ᓇᓗᓇᖏᑦᑐᖅ ᐅᑕᖅᑭᑲᐃᓐᓇᖃᑦᑕᓂᐊᖅᑐᑦ.  ᐅᖄᓚᒍᓐᓇᖅᑐᓯ 979-4422 ᖃᑦᑎᕆᔨᒃᑯᓐᓄᑦ ᐊᒻᒪ ᓄᓇᒃᑰᔫᒃᑯᑦ ᐱᔨᑦᓯᕋᖅᑎᓄᑦ.

ᓄᓇᒃᑰᔫᖁᑎᒥᓂᒃ ᕿᒪᐃᑐᐃᓐᓇᕐᓯᒪᔪᑦ ᐊᑐᕆᐊᓂ ᐊᒻᒪ ᓄᓇᒃᑰᔫᖅᑐᑦ ᐊᑐᕆᐊᓂᑦ ᐊᐳᑕᐃᔭᐃᓂᖏᓐᓂ ᐊᑭᓖᑎᑕᐅᔾᔭᖕᖒᖃᑦᑕᓂᐊᖅᑐᑦ ᐊᒻᒪ ᓄᓇᒃᑰᔫᖁᑎᖏᑦ ᓅᑕᐅᕙᓪᓗᑎᒃ ᑎᒍᔭᐅᓗᑎᒃ ᒪᓕᓪᓗᑎᒃ ᓄᓇᓕᓐᓂ ᐊᒻᒪ ᓄᓇᕘᒥ ᒪᓕᒐᕐᓂᑦ.  ᓄᓇᓕᐸᐅᔭᒃᑯᑦ ᐸᓯᔭᑦᓴᐅᔾᔮᖏᑦᑐᑦ ᐊᐳᑕᐃᔭᐃᑎᓪᓗᒋᑦ ᐅᕝᕙᓘᓐᓃᑦ ᓅᑕᐅᑎᓪᓗᒍ ᓄᓇᒃᑰᔫᖅ ᑎᒍᓯᕕᒻᒧᑦ ᓄᓇᒃᑰᔫᓂᑦ ᓱᕋᑦᑕᐅᓂᖅᐸᑕ ᓄᓇᒃᑰᔫᑦ ᐊᑐᕆᐊᕐᓂ ᕿᒪᑦᑕᐅᑐᐃᓐᓇᕐᓯᒪᓐᓂᖅᐸᑕ.

ᐊᖅᑯᑎᓃᓗᐊᖏᑲᐃᓐᓇᖁᔭᐅᔫᒐᓗᐊᑦ ᓄᓇᒃᑰᔫᖅᑐᑦ ᐊᒻᒪ ᐱᓱᑉᐸᑦᑐᑦ ᒫᓐᓇᒃᑯᑦ.

ᐊᖅᑯᑎᐅᓗᐊᖅᐸᑦᑐᑦ ᐊᐳᑕᐃᔭᖅᑕᐅᓯᒪᓕᖅᐸᑕ ᐊᒻᒪ ᐱᔨᑦᓯᕋᖅᑏᑦ ᐅᑎᕐᓯᒪᓕᕐᒪᑕ ᐃᖅᑲᓇᐃᔮᖏᓐᓄᑦ, ᓄᓇᓕᐸᐅᔭᒃᑯᑦ ᐃᓄᓐᓂᒃ ᑐᓴᖅᑎᑦᓯᓂᐊᕐᒥᔪᑦ.  ᑐᓴᕆᐊᒃᑲᓐᓂᕐᕕᑦᓴᖅ ᓄᓇᓕᓐᓂ ᐱᔨᑦᓯᕋᖅᑏᑦ ᐱᔾᔪᑎᒋᓪᓗᒋᑦ ᐅᖄᓚᓗᓂ ᐱᕐᓯᑎᓪᓗᒍ ᐅᖄᓚᕕᐅᒋᐊᓕᓐᓄᑦ 979-5300.

###

ᑐᑭᓯᒋᐊᒃᑲᓐᓂᕐᕕᑦᓴᖅ:

ᐄᕙ ᒪᐃᑯᓪ
ᑐᓴᐅᒪᔭᐅᒋᐊᓕᓐᓂᑦ ᑲᒪᔨ
867-975-8525
e.michael@city.iqaluit.nu.ca