ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᓄᓇᓕᓐᓂ ᓴᓗᒻᒪᕐᓴᓛᕐᓂᐊᖅᑐᑦ ᔪᓂ 22 ᐃᖅᑲᐃᑎᑦᓯᔾᔪᑎ ᐊᑐᖅᑕᐅᒋᐊᖃᕐᓂᖏᓐᓂᒃ ᐊᖏᔫᑏᑦ ᕿᓪᓚᔪᑭᐊᑦ ᓴᓂᒃᑯᕖᑦ - ᒥᑭᔫᑏᑦ ᐴᑦᓴᐃᑦ ᓴᓂᕐᓄᑦ ᑎᒍᔭᐅᖃᑦᑕᔾᔮᖏᒻᒪᑕ ᓴᓂᒃᑯᕕᓐᓂᒃ ᓯᓚᒦᑦᑐᓂᒃ
ᔪᓂ 11, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖁᕕᐊᒋᑦᓯᐊᖅᑐᒍ ᐅᖃᐅᓯᖃᕈᒪᕗᑦ ᐊᕐᕌᒍᑦᑎᓐᓂ ᓄᓇᓕᐅᑉ ᐃᓗᐊᓂᒃ ᓴᓗᒻᒪᕐᓴᐃᓛᕐᒪᑕ ᑕᓪᓕᒥᕐᒥ, ᔪᓂ 22, 2018, ᐱᒋᐊᕐᓗᑎᒃ ᐅᓪᓛᒃᑯᑦ 9-ᒥ ᖁᓛᓅᕋᓱᓐᓂᖓᓄᑦ 12-ᒧᑦ ᐅᓪᓗᒃᑯᑦ.
ᓄᓇᓕᕐᓂᒥᐅᑕᐃᑦ ᐱᖃᑕᐅᔪᒪᓛᖅᑐᓄᑦ, ᐴᑦᓴᓂᒃ, ᐊᒡᒑᓂᓪᓗ ᐊᒻᒪᑦᑕᐅᖅ ᐊᓯᖏᓐᓂᒃ ᓱᓇᒃᑯᑖᑦᓴᓂᒃ ᐊᑐᐃᓐᓇᐅᑎᑕᐅᓛᖅᑐᑦ ᐅᓪᓛᖓᓂ ᓴᓗᒻᒪᕐᓴᐃᕕᐅᑉ 8:30-ᒥᓂᒃ 12-ᒨᕋᓱᓐᓂᖓᓄᑦ ᐅᓪᓗᒃᑯᑦ ᓄᓇᓯᐅᑎᓄᑦ ᓄᖅᑲᖓᕕᒻᒦᓛᖅᑐᑎᒃ ᐅᓂᒃᑳᕐᕕᐅᑉ ᐅᖃᓕᒫᒐᖃᕐᕕᐅᑉ ᓴᓂᐊᓂ. ᓱᓇᒃᑯᑖᑦᓴᐃᑦ ᐊᐃᔭᐅᔪᓐᓇᓛᕐᒥᔪᑦ ᐳᓚᕋᑦᑎᓄᑦ ᑐᖕᖓᕕᒻᒥ ᐱᖓᑦᓯᐅᓕᖅᐸᑦ ᑎᓴᒻᒥᕐᒥᓘᓐᓃᑦ ᓴᓗᒻᒪᕐᓴᓚᐅᖏᓐᓂᖏᓐᓂ.
ᐃᑲᔪᖅᑐᑦ ᐊᑭᓕᕐᓱᖅᑕᐅᒐᑎᒃ ᖃᐃᓛᖁᔭᐅᓯᒪᒻᒥᔪᑦ ᖁᔭᓐᓇᒦᖅᑕᐅᓛᕐᒪᑕ ᓂᕿᓂᒃ ᓯᕋᓯᒪᔪᓂᒃ ᓂᕆᒋᐊᖅᑐᖁᔭᐅᓗᑎᒃ ᐳᓚᕋᑦᑎᓄᑦ ᑐᖕᖓᕕᐅᑉ ᓴᓂᐊᓄᑦ ᓄᓇᓯᐅᑎᓄᑦ ᓄᖅᑲᖓᕕᒻᒧᑦ ᓴᓗᒻᒪᕐᓴᐃᓚᐅᖅᑎᓪᓗᒋᑦ. ᐱᖃᑕᐅᔪᑦ ᐊᑎᖏᑦ ᐊᒧᔭᑦᓴᐅᓛᕐᒥᔪᑦ ᒪᕐᕉᓐᓂᒃ ᖃᖓᑦᑕᐅᑎᑦᓵᓐᓄᑦ ᑲᓇᐃᑎᐊᓐ ᓄᐊᕐᑯᑦ/ᑖᓪᒻ ᐃᐅᕐ ᖃᖓᑕᓲᖁᑎᖏᓐᓂᒃ. ᐊᓯᖏᓐᓂᒃ ᐱᔾᔪᓯᐊᖃᑦᑕᓛᕐᒥᔪᑦ ᓯᕋᓯᒪᔪᓂᒃ ᓂᕆᑎᑕᐅᓕᖅᐸᑕ.
ᓯᑎᒃᑯᑦ ᖁᕕᐊᒋᑦᓯᐊᖅᑐᒋᑦ ᐱᓕᕆᖃᑎᖃᓛᖅᑐᑦ ᑲᑐᔾᔨᖃᑎᑎᒥᓂᒃ, ᒐᕙᒪᒃᑯᖏᓐᓂᒃ ᓄᓇᕘᑉ ᐊᒻᒪ ᑲᓇᑕᐅᑉ ᒐᕙᒪᒃᑯᖏᓐᓂᒃ, ᑐᑭᒧᐊᑦᑎᑦᓯᓂᒃᑯᑦ ᓴᓗᒻᒪᕐᓴᕐᓂᐅᓛᖅᑐᒥᒃ, ᐊᒻᒪ ᖁᔭᓐᓇᒦᕈᒪᓪᓗᑎᒃ ᓇᒻᒥᓂᖃᖅᑎᓕᒫᓂᒃ ᐃᑲᔪᓚᐅᖅᑐᓂᒃ ᐊᑭᓕᕐᓱᕆᐊᓕᓐᓂᑦ ᓴᓗᒻᒪᕐᓴᐃᓂᕐᒧᑦ ᐅᕝᕙᓘᓐᓃᑦ ᑐᓂᓯᕙᓚᐅᖅᑐᑦ ᐱᔾᔪᓯᐊᑦᓴᓂᒃ.
ᓇᓗᓇᐃᕐᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ ᔭᐃᒥᓯ ᒨᓪᑕᓐ 975-7745, ᐅᕝᕙᓘᓐᓃᑦ ᐃᕐᖐᓇᖅᑕᐅᑎᒃᑯᑦ ᐅᕗᖓ JMolton@gov.nu.ca. ᐊᒥᓲᓂᐊᕈᑦᓯ ᐊᑕᐅᑦᓯᒃᑯᑦ ᓴᓗᒻᒪᕐᓴᐃᓛᕐᓗᓯ ᐅᖄᓚᖁᔭᐅᔫᒐᓗᐊᑦ, ᑎᓕᔭᐅᓛᕐᒪᑕ ᓇᒥ ᐃᖃᓗᐃᑦ ᐃᓗᐊᓂ ᓴᓗᒻᒪᕐᓴᐃᓛᕈᓐᓇᕐᒪᖔᑕ.
-30-
ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᕈᓐᓇᖅᑐᑦ:
ᐋᓐᑐᕆᐊ ᓯᐱᑦᔪᕐ
ᑐᓴᐅᒪᑎᑦᓯᓕᕆᓂᕐᒥᑦ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
ᐃᕐᖐᓇᖅᑕᐅᑎᖓ: A.Spitzer@city.iqaluit.nu.ca
