
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓯᐅᑏᑦ ᖃᐅᒪᖏᑦ ᓯᕗᐊᓂ ᐃᖅᑯᐊᓂᓗ ᐊᑐᖅᑕᐅᔭᕆᐊᓖᑦ ᐃᑯᒪᓗᑎᑦ ᐃᖅᑲᐃᑎᑦᑎᔾᔪᑎ
ᑎᓯᐱᕆ 09, 2024 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᒪᓕᒐᕋᓛᓕᕆᔨᒃᑯᑦ ᐱᓕᕆᕝᕕᐊ ᐃᖅᑲᐃᑎᑦᑎᔪᒪᕗᑦ ᐊᖁᑎᓂᑦ ᖃᐅᒪᖏᑦ ᓯᕗᐊᓃᑦᑐᑦ ᐊᒻᒪᓗ ᐃᖅᑯᐊᓂ ᐊᖁᑦᑕᖏᑦ ᓄᓇᓯᐅᑏᑦ ᖃᐅᒪᑎᒋᐊᖃᕐᒪᑕ ᑖᖅᑎᓪᓗᒍ ᐅᕝᕙᓘᓐᓃᑦ ᓯᓚᑲᒪᐅᑎᓪᓗᒍ.
ᒫᓐᓇᒫᖑᔪᖅ, ᐊᒥᓱᕈᖅᐸᓪᓕᐊᑐᐃᓐᓇᕐᒪᑕ ᐊᖁᑏᑦ ᐅᓐᓄᒃᑯᑦ ᐊᖁᑦᑎᓪᓗᒋᑦ ᐅᓪᓗᒃᑯᑦ ᖃᐅᒪᖏᑦ ᖃᐅᒪᑎᑐᐃᓐᓇᖅᑐᓂᒋᑦ, ᐃᖅᑯᐊᓃᑦᑐᑦ ᖃᐅᒪᖏᑦ ᖃᒥᙵᖅᑐᓂᒋᑦ. ᑕᒪᓐᓇ ᐊᑦᑕᕐᓇᓕᖅᑎᑦᑎᔪᓐᓇᖅᑐᖅ ᑕᒪᐃᓐᓂ ᐊᖅᑯᑎᓂᑦ ᐊᑐᖅᐸᑦᑐᓄᑦ.
ᐊᒥᓱᑦ ᐅᓪᓗᒥᓕᓴᑦ ᓄᓇᓯᐅᑏᑦ ᖃᐅᒪᖏᑦ ᐃᑭᑦᑕᐅᑎᒋᔭᓕᖅᑐᑦ, ᐃᑭᑲᐅᑎᒋᓪᓗᑎᑦ ᖃᐅᒪᖏᑦ ᑖᖅᓯᑎᓪᓗᒍ. ᑭᓯᐊᓂᓕ, ᑕᒪᓐᓇ ᐃᑭᑕᐅᔭᕆᐊᓕᒃ ᖃᐅᒪᑉ ᐃᑭᒍᑎᖏᑦ ᐃᑭᙵᓕᖁᓪᓗᒋᑦ.
ᓄᓇᕗᒻᒥ ᐊᒻᒪᓗ ᓄᓇᓕᖕᓂ ᒐᕙᒪᖏᑕ ᐱᖁᔭᖏᑦ ᖃᐅᒻᒪᖅᑯᑎᓂᑦ ᖃᐅᒪᑎᑦᑎᔭᕆᐊᖃᖅᑎᑦᑎᔪᑦ ᓄᓇᓯᐅᑎᓂᑦ ᓯᕗᐊᓃᑦᑐᓂᑦ ᐃᖅᑯᐊᓂᓗ ᖃᐅᔨᒪᖏᓐᓂᒃ ᑕᑯᓐᓇᕕᒃᓴᐅᙱᓗᐊᕈᓂ ᐊᖁᓪᓗᓂ. ᓯᖁᒥᑦᑎᔪᑦ ᐱᖁᔭᕐᒥ ᐊᑭᓖᒋᐊᖃᓕᖅᑎᑕᐅᔪᓐᓇᕐᒪᑕ $100,00−ᓂᒃ. ᖄᖓᒍᒃᑲᓐᓂᖅ, ᖃᐅᒪᒃᑲᓐᓂᖏᑦ ᓄᓇᓯᐅᑎᓂᑦ ᐊᑐᖅᑕᐅᔪᓐᓇᖅᑐᑦ ᑭᓯᐊᓂ ᓄᓇᓕᑉ ᐊᖅᑯᑎᖏᓐᓂ ᐋᖅᑭᒃᑕᐅᓯᒪᒍᑎᑦ ᓯᕗᓂᐊᓂ ᖃᐅᒻᒪᖅᑯᑎᖏᑕ ᐊᑖᓃᓪᓗᑎᑦ.
ᖃᐅᔨᒪᑦᑎᐊᕆᑦ ᐊᑦᑕᕐᓇᙱᑦᑐᒦᒃᑲᓗᐊᕐᒪᖔᖅᐱᑦ ᐊᒻᒪᓗ ᐊᓯᑎᑦ, ᖃᐅᔨᓴᕐᓗᒋᑦ ᓄᓇᓯᐅᑎᕕᑦ ᖃᐅᒪᖏᑦ ᐊᖁᒋᐊᓯᓚᐅᙱᓐᓂᕐᓂ.
ᐊᑦᑕᕐᓇᖅᑐᒦᑦᑕᐃᓕᒋᑦ, ᐊᒻᒪᓗ ᓇᑯᕐᒦᒃ ᐃᑲᔪᕋᕕᑦ ᐊᖅᑯᑎᕗᑦ ᐊᑦᑕᕐᓇᕐᔭᐃᖅᑎᓪᓗᒋᑦ ᑭᒃᑯᓕᒫᓄᑦ.
##
ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:
ᔩᐅᑉ ᕙᕐᓂ
ᑐᓴᐅᒪᖃᑎᒋᓐᓂᕐᒧᑦ ᐊᒻᒪᓗ ᐱᔨᔅᓯᖅᑕᐅᕙᒃᑐᓄᑦ ᐱᔨᔅᓯᕈᑎᒥ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca